Isaías 21
21
Kan gak kweyi Babilonian
1Kan gak ke latj dach yu billen:
Ka to be bdonen zajze du llelre,
zak ake' latj dach yu billen, to latj da nak llichnieraz.
2Llichnieraz nak dan bredawra, dan broe Diozen nada':
be'nnen llayechjen, wayechje
be'nnen lleyin, wlleyie'e.
Byias, Elam.
Be'nn Medos, le gakdilren.
Bill llenla yenla gawre xhia.
3To bitkran llunlen nada',
to llwaoja yel lleyllra ke to nor le sute xhi'nn,
dan llzoayiachen bi llune'n latj yenla,
dan llcheben bi llune'n latj wia.
4To llakchixhze lo yichja,
to xhiza kanaken llcheben nadan.
Da zayen ze tllelen, dan llebraz llaweran,
ba guken kia nada' to da llcheb nada'.
5Baze mesen xnid, ba nllirj rall ka',
ba bzuraw waon.
Le sella, xan waka ya, le wayun llaktit dan llkoaj ren.
6Le Xanllon ba gulle'e nada':
Biaj, na bze to be'nn gap yellen
nench chixjoere yoyte bi da re're.
7Chetka re're zak karret da nsa chkoe kabay ake'
o cha be'nn llia burr ake' o cha ban nzi kamellos,
na seyane'e wie'e kwasru.
8Na be'nnen ze llwian besie:
Zia gan llayal sian Xana,
gana' zia du lla,
na yew lle zia llapa.
9Na llrera za to karret da nsa chkoe kabay ake'.
Na to be'nn bnee:
Ba bial, ba bial Babilonian.
Yoyte loe lsak dios ke'e ka'
ba sjanitinj aken raw yu ba nuxhjtin aken.
10Yell kia, ba brajchekw ake' rwe' ka trigo,
nada' yepa rwe' dan ba benla
ke Xanllon nap doxhente yelwaken, Dios ke Israelen.
Kan Gak ke Edomen
11Kan Gak ke Edomen:
To be'nn llusie'e llalwille'e nada' gan nzi Seír:
Be'nn llap ¿bi hor llunen na' lle' cha?
Be'nn llap ¿ye arke ne' yallj nench cheni cha?
12Na be'nnen ze llap yellen, ballie'e di'llen:
Ba za lleni,
axha leskakse ba za llal.
Chetka llenere wnabre, le wnab
na yedre dayubre.
Da ze gak raw latj dach yu billen
13Da ze gak gan nak latj dach yu billen:
Txhonj be'nn Dedán ka' zaren ba ka nzi kamellos llay ake' tllele
raw yixh yech ke latj dach yu billen,
14le llach na le llajtil be'nn ka' llbilen,
na le wchab nis yej ake'.
Be'nn lla' yell xhen ke Temán,
le llach, na le lljatil be'nn ka' llxhonjen
na le wchab da gaw ake'.
15Le llxhonj akre spaden,
spad da latiten,
xhis waxit dan ba ze xniden
raw da nxhull ke wdilen.
16Xanllon gulle'e nada':
Ye twiz,
keto llrab to be'nn wen llin zu bexhe'e dan llixhj ake' le'en,
wayull yel llze ke yell xhen'na nzi Quedar.
17Na yeratze xhis waxit ka'
wagan ke be'nn Quedar ka' llaj raw wdilen.
Kan ba bnee Xanllon, Dios ke Israelen.
Currently Selected:
Isaías 21: ZPUPAT
Highlight
Share
Copy
Want to have your highlights saved across all your devices? Sign up or sign in
