San Mateo 19

Jesús rse'adiene ki tan rhela'a to bene le'an nigolha kie'

(Mc 10.1-12; Lc 16.18)

1De gne' ten, Jesús beze'e Galilea te bechhinhe yechhi ga' nababa Judea tan dia tzala'a Jordán. 2Tixe bene gdoke le', te na beyonhe bene rhaka xhwe'ake.

3Balaka bene fariseos guiajke ga' ze'a Jesús, te kinda gzoake le' rhoaguia'a, gnabekene le':

—¿A dia lataj chen to bene yele'e le'an nigolha kie' nia' ki bitite'azi ta rhaka?

4Jesús bochhie':

—¿Abine rlabale lo guichi ga' chhia Xhtidza Diozo ga' gzolhote'a gota' lichhileyo' Diozo be'anhe, bene bguio' kan nigolha? 5Te gne': Tanka, bene bguio' gsanhe xoze kan xhne'e kinda gtzagane' le'an to nigolha, te rhopakate gakake tozi bene. 6Te kan labirhe nakake chopake, tozi bene beyakake. Chen Diozo bkoe' to bene bguio' le'an nigolha bigslano rhala yela'a le'ake.

7Le'ake gnabekene le':

—¿Nobixhkia', chen, Moisés gne' to bene gde ki nigolha kie' to guichi ga' zoa bela'ake, na kan gaka gsanhe nigolha kie'?

8Jesús gochhie le'ake:

—Yela zidi nakalhe, Moisés be'ane lataj yela'alhe le'an nigolha kie'alhe; na ga' gzolhote'a labi goka kan. 9Ne'adia rhapa lén no' rhela'a le'an nigolha kie', chen labibi dola' dia ki nigolha na, na yezie'e nigolha yobilha, rgoe'e dolaxhkia' tan birhonhe balan nigolha kie'.

10Bene lachhile'anke le' rhe'ake Jesús:

Chen ten rhaka ki bene le'an nigolha kie' labi rhon wen gtzaganarha.

11Jesús bochhie':

—Laga yogoke rheajniekene ten, ze'alhote'a bene chi gne'a Diozo tzeajniekene. 12Dia bikaka ta rzaga kika bene kinda labi rtzaganake: balaka bene rhalhajke chidia' ta rzaga le'ake kinda labi gtzaganake, yebala ka bene rye'adiekene kika bene yobilha, te yebalaka bene labi rtzaganake tan rhe'ankene koenoke gonke xhchin Diozo chhie'e yeba'. No rheajnie ten na rhala gonhe kan.

Jesús rhon la'aye ka bindo

(Mc 10.13-16; Lc 18.15-17)

13Balaka bene yajoake bindo kie'ake ga' ze'a Jesús, kinda kanhe le'akabi kan gledze Diozo nia' kie'akabi; te ka bene lachhile'anke le' gzolhoke rdilake bene rhajoake le'akabi. 14Na'arhe Jesús gne':

—Legde lataj kida ka bindo ga' zea', bigzagalhe, le'a yelarne'abe'a ki Diozo naka ki no' naka ka' le'akabi.

15Gdanhe yikiaj ka bindo, te beze'e

To bin xhkuidi rze'akie rtzalajle'anbi Jesús

(Mc 10.17-31; Lc 18.18-30)

16To bin xhkuidi guiajbi yajyobi Jesús, na gnabebi le':

—Muestro, ¿nobi rhala gonha kinda gapa yelanaban tzalasa?

17Jesús bochhie':

—¿Nobixhkia' rnabelho ne'adia ki tan naka wen? Tozi bene wen zoe. Na chen rhe'anlo gapalho yelanaban, be'an tan rhe'anhe Diozo gonrha.

18—¿Nobikaka?—Gnaba bin xhkuidi ni.

Te Jesús gne':

—Bigotilho bene, bitzagalho tixe nigolha, bikoanlo, bigpaguelho bene xhkiachola, 19be'an balan xozilho kan xhnalho, kan gokie bichileza'alho kateka rhe'akielho kuinlo.

20—Yogote'a tan chibe'anha kumplirhe —gne'a bin xhkuidi ni. ¿Nobirhe rhe'anhe gonha nan?

21Jesús bochhie':

—Chen rhe'anhelho gakalho bene wen, beyiaj, yajye'ati yogote'a tan dia kio' te bde' kika bene ye'achi. Te kan gapalho babanheza lo yeba'. Dena'a da te gdo ne'adia.

22Kati benhe bin xhkuidi na ten, beza'abi rhaka ye'achibi, le'a tan nakabi bin rze'akiegueze.

23Jesús gochhie ka bene lachhile'anke le':

—Talite'a rhapa lén ze'adigazi rhon tzo'o to bene rze'akie lo yelarne'abe'a ki Diozo. 24Yeto' rhapa lén rhonrhe yolaj ki to camello teba' lo naga yechi', ka' to bene rze'akie tzo'oe lo yelarne'abe'a ki Diozo.

25Nan benkene ten, bene lachhile'anke le' gokiekene banachhi, te rne'ake:

—¿Te nono waka sla chen?

26Jesús byoe' le'ake na gochhie le'ake:

—Kika bene ten rhon ze'adi, zan ki Diozo wake gonhe yogote'a.

27Na'arhe Pedro gochhie le':

—Ne'ato chibsan na'ato yogote'a tan dia kne'ato te chigdoto loe'. ¿Nobi sdoleto?

28Jesús gochhie le'ake:

Talite'a rhapa lén kati xhchhin dza kati yekobi yogote'a tan dia lo lichhileyo' ni, kati Xhi'in bene bguio' koe ga' sne'abe, lén ga' chigdolhe ne'adia le'aksikan koelhe kuita non tzachhino koelhe kinda yezilhe koenda tzachhino koe ka bene yechhi Israel. 29Te yogoka bene tan gdoke ne'adia bsan na'ake yo'o kie'ake, bichike, zanke, xozike, xhnake, xhi'inke, yo' kie'ake, wazi'ike togayoa mazirhe, le'aksikan wazi'ike yelanaban tzalasa. 30Te tixeka bene ze'ake nan nerho, yeyonke yelhalhe; kan tixeka bene ze'ake nan yelhalhe, yeyonke nerho.

Currently Selected:

San Mateo 19: XDZPY

Highlight

Copy