Zacarias 7
7
Ja jas wa sk'ana ja Dyos sok ja yuntikili
1-4Ja b'a schanil jab'il wan sk'u'lajel mandar ja Dario mandaranum b'a Persia, ja swinkil jumasa b'a Beteli, ti sjob'owe yi ja aluman Dyos jumasa sok ja pagre jumasa, ta oj skom'e och ja swa'ele b'a jujune jo' yajtab' b'a jujune ixawi. Ti alji yabye'a, Ja' yuj ja jaw ja ti' jekjiye b'a snajtsil stsomjel ja Dyos it jel ja yip ja Sarezeri, ja Reguem-melek sok ja swinike jumasa ta. Jani b'a yajtab' chane ja ixaw Quislevi.#7:1-4 Quislevi: Ja sb'alunil ixaw b'a jab'il yuj ja judio jumasa, jaxa b'a jtiempo ke'ntiki, b'a snalan ja ixaw noviembre sok snalan ja yixawil diciembre. Ja'yuj ja Dyosi ti yala kab' jun lo'ila: Ti yala jastal ita:
—Zacarias, 5ala yabye ja pagre jumasa sok spetsanil ja swinkil ja niwan chonab' iti, ke'n jach' wa'non yaljel jastal iti:
Snajtil ja ultimo jab'il b'a ox tajb'e lajune'i
ja we'nlexi, wa'nexni skomjel jan ja wa wa'elexa
snajtil ja ixaw jumasa b'a sjo'il sok b'a sjukili.
Pero mi yuj waxa k'u'lanex por yuj ke'na.
6Jaxa yajni mi wa'nukex skomjel ja wa wa'elexi,
wala wa'yex kechani we'n waxa pensaran a b'ajexa.
7Jaxa jas wa'non yaljel ja juts'in
najate lek ka loj yabyi'e
ja aluman Dyos jumasa,
ja'ni ja yora ayto swinkil ja Jerusalen
sok ja tuk chonab' jumasa b'a mojan yi'oj sb'aji,
cho ja'ni ja yora lamanto aye'
b'a takin lu'um k'inal sok b'a job'iltiki—.
8-9Ja Dyos it jel ja yipi, cho yala kab' ja lo'il iti:
—Ja we'nlexi, jel t'ilan toj oj ajyanik sok ja tuk jumasa
talnayik slastima'ile sok je'awik yi'e ja syajal wa k'ujolexi.
10Mok ma' lom a wixtala'ukex,
mok a k'ul'ex yi kistal ja tuk jumasa;
mok a k'ul'ex pensar oj ja k'u'lkex ja b'a malo,
mas lek ilawik lek ja viwuda jumasa, ja meb'a jumasa,
ja ma'tik jel ajula sb'aj sok ja ma'tik jakel pilan chonab'i.
11-12—Ja tiempo b'a ek'ta, ka'yi'e ja kespiritu ja aluman Dyos jumasa b'a jach' ye'n oj yal'e ek' ja kab'ali. Jaxa we'nlexi, tola bida jelni ch'u'uy ja wa k'ujolexa; ja sb'eji, oj ni a k'u'ukonex, pero b'a' ja wil'a, a jipawonex kan jun lado sok mini t'un a wa'wonex kaso'a. Ja'yuj tajkiyon a wujilex, ti kala wabyexa: 13Mini t'un a wa'wonex kaso ja yora jk'umanexi, cho jach' ja ke'n mi oj ka'ex kaso ja yajni xa k'umanonexi. Ke'non ja Dyos it jel ja kipi, ja jas wax kala yujni jach' oj k'u'l merana.
14—Ja'yuj xa'an tikan ch'ak ka wajanik b'a tuktukil niwak chonab' jumasa b'a mini t'un xa na'awexi. Ja'yuj ja sniwanil wa chonab'ilexi, jach' kan jastal jun takin lu'um k'inal, mini jun ma' sk'ana oj ek'uk ja tiwa. Yuj ja mul we'nlexi, ja'yuj kan ch'ab'an wa tsamal ja chonab'ilexi, sokni kan jipana—.
Currently Selected:
Zacarias 7: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
