Romanos 14
14
Mixa k'e'nayex ja wa mojex jumasa
1Ilawik lek ja jmoj aljeltik jumasa ma' jelto ko'el wajumi, ja it jumasa ja'ni ja ma mitox yabye lek sb'ej ja jas wax yala ja Dyosi. Ta yuj k'a ay ma' mis sk'ana ja jas wax yala ja ye'nle'i, mi lom la ochyex sok ab'al k'umal 2K'elawilex ay ma mas tsats ay sok ja Dyosi, wa sna'a lek yab'jel spetsanil ja wa'el jumasa, jaxa ma jelto ko'el wajumi, kechan wax yabye yal k'ul jumasa b'a lek yab'jel. 3Jaxa ma wax b'ob' yab' spetsanil ja wa'el jumasa, mok yil ch'in ja ma kechan yal k'ul wax yabye'i. Cho jach'ni ja ma kechan yal k'ul wax yab'i, mok sta' ti' ja ma wax yab' spetsanil ja wa'el jumasa, jasyuj ja Dyosi junxta yab'al wax iljiye.
4Ja we'nlexi mey sb'ej ja oj a wa'a wochelex ja ya'tijum ja wa mojexi. Ye'n oj yal ja yajwal ja a'tijum jaw ta wax a'tiji lek ma miyuk. Cho jach'ni, ja Dyosi, kechan ye'n ay yip b'a oj skoltan kada jujune b'a oj sk'u'l lek ja ya'teli.
5K'elawilex oj kal a wabyex jun lo'il. Ay chab' oxe ma wax yala ay k'ak'u jel niwak, jaxa tuk jumasa wax yala spetsanil ja k'ak'u jumasa junxta yab'al. Ja'yuj kada jujune t'ilan oj sna'e lek ta toj ja jas wa sna'awe'i. 6Ja ma' wax yala ay jun k'ak'u jel niwani, ja k'ak'u jawi, ja b'a wax ya'yi ts'akatal ja Dyosi. Jaxa ma wax yab' spetsanil ja wa'el jumasa, wax yab'i ja'ni yuj ja wa stoyo ja Dyosi, sok wanix cho ya'yi ts'akatala. Cho jach'ni wa sk'u'lan ja ma kechan yal k'ul wax yab'i, jach' wa sk'u'lane b'a wa stoyowe ja Dyosi, cho wanix cho ya'we yi ts'akatala.
7Ja jsak'aniltik cho ja jchamel ch'akeltiki, mixa b'ajuk ke'ntik, sb'ajxani ye'n ja Dyosi. 8Ja'yuj ta yuj k'a sak'anotikto, ma yuj chamelotikxa, yujni sb'ajotikxa ye'n ja Kajwaltik Jesusi. 9Ja smeranili, ja'yuj cham ja Jesusi, cho sak'wi, ja'yuj ja ye'n oj sje'yi ja ma'tik sak'anto sok ja ma' chamelxa.
10Ja'yuj ja we'nlexi, mi sb'ejuk oj ja ta'ex ti' ja tuk moj aljeltik jumasa, cho mini oj a wil'ex chin, yuj jpetsaniltik yujni ye'n sb'ej oj sk'el ja jmultik ja Dyosi. 11Ja b'a ts'ijb'anub'al ja yab'al ja Dyosi, jach' wax yala jastal iti:
—Oj kal a wabyex, ja Ke'n sak'anon lek,
a petsanilex oj ko'anik mek'an ja b'a stij sati
oj cho a toy'onex, xchi ja Kajwaltiki.
12Ja'yuj, jpetsaniltik ojni ek' kotik ja b'a sti' sat ja Dyos b'a oj choltik yab' ja jas jk'ulantiki.
Mok a k'ulyi b'a mi lekuk, ja wa moj aljeli
13Ja'yuj mixa sb'ejuk oj ta'tik ti' ja jmojtik jumasa. Mi sb'ejuk yuj jmul ke'ntik oj sta smul junuk ja ma' ti nochan sok ja Kajwaltik Jesusi, ma' ti' ya'kan sk'u'ajel ja Dyosi. 14Ja k'en, sje'ataki ja Kajwaltik Jesús mini jun wa'el b'a mi lekuk yab'jela. Ta ay k'a ma wa sna'a yab'jel jun wa'el b'a mi lek yab'jel, mok yab'i. 15Ta ay k'a jmoj aljeltik, mi lek xyila ja jas waxa wabyexi, yujni mi wa'nukex sje'jel ja syajal wa k'ujolexa. Mok a wi'ex lek yuj ja jas waxa wabyexi, ja'yuj ti oj a wa'wex waj b'a yoj wokol june ja ma cham yuj ja Jesusi. 16Mok a wa'wex yi jastal b'a oj k'umanuke sb'aj mi lekuk ja jastal ya elkotik libre ja Jesusi. 17Yuj ja b'a waj kulan ja Dyosi, mi jas yi'oj ja jas wax kab'tiki, cho mini ja jas wax ku'ajtiki. Ja sb'eji, ja oj k'u'luktik ja b'a leki, sok laman oj ajyukotik cho lek oj ajyukotik spetsanil ja jastal iti, ojni b'ob'uka ja'ni sok ja yip ja Espiritu Santo. 18Ta yuj k'a jach' wax k'u'lantik yi jastal jaw ja Kajwaltik Jesusi, b'a oj k'u'ltik yi lek ja Dyosi, jaxa kristyano jumasa ojni skis'otika.
19Ja'yuj la ajyukotik laman sok ja jmotik jumasa, la jkolta la'an jb'ajtik b'a oj k'i'kotik ja b'a yajk'achil jsak'aniltik ya'taki'tik ja Jesusi. 20Mok a wi'ex lek ja'ita yuj ja jas oj a wabyex ja ti oj a ch'ay'ex sna'jel spetsanil ja jas lek sk'u'lunej yi ja Dyos ja kermanotik ma' jel ko'el wajumi. Ja smeranili, spetsanil ja wa'el jumasa lekni yab'jela; ja b'a mi lekuki, ja' yajni kechan yuj oj wab' jun wa'el ja ti oj ya'kan sk'u'ajel ja Dyos jun jmoj aljeltik. 21Ja'yuj mas lek mok a k'ux ex b'ak'et, mok cho a wu'ex pajal yalel ts'usub', mok jas a k'u'lukex b'a kechan oj ya k'e ab'al k'umal, ja jmoj aljeltik jumasa. 22Ja jas waxa k'u'anexi, kechan we'n oj a na'ex ja b'a sti' sat ja Dyosi. —Jel lek oj yil ja ma libre ay b'a oj sk'uluki cho mi wa sta'a smul sok ja jas wa sk'u'lani. 23Ta ay k'a ma wax ek' sk'ujol mi na'b'en ta lek oj kab' ja iti, sok wax yab'i, ja jastal jawi, wani sta'a smula, yuj ja wax k'umani sk'ujoli. Waxa na'awex ja jastal jawi, mini lekuka, spetsanil ja jas wax k'u'lantiki, ta wan k'a ek'el jk'ujoltik, ja jastal jawi mulalni'a.
Currently Selected:
Romanos 14: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Romanos 14
14
Mixa k'e'nayex ja wa mojex jumasa
1Ilawik lek ja jmoj aljeltik jumasa ma' jelto ko'el wajumi, ja it jumasa ja'ni ja ma mitox yabye lek sb'ej ja jas wax yala ja Dyosi. Ta yuj k'a ay ma' mis sk'ana ja jas wax yala ja ye'nle'i, mi lom la ochyex sok ab'al k'umal 2K'elawilex ay ma mas tsats ay sok ja Dyosi, wa sna'a lek yab'jel spetsanil ja wa'el jumasa, jaxa ma jelto ko'el wajumi, kechan wax yabye yal k'ul jumasa b'a lek yab'jel. 3Jaxa ma wax b'ob' yab' spetsanil ja wa'el jumasa, mok yil ch'in ja ma kechan yal k'ul wax yabye'i. Cho jach'ni ja ma kechan yal k'ul wax yab'i, mok sta' ti' ja ma wax yab' spetsanil ja wa'el jumasa, jasyuj ja Dyosi junxta yab'al wax iljiye.
4Ja we'nlexi mey sb'ej ja oj a wa'a wochelex ja ya'tijum ja wa mojexi. Ye'n oj yal ja yajwal ja a'tijum jaw ta wax a'tiji lek ma miyuk. Cho jach'ni, ja Dyosi, kechan ye'n ay yip b'a oj skoltan kada jujune b'a oj sk'u'l lek ja ya'teli.
5K'elawilex oj kal a wabyex jun lo'il. Ay chab' oxe ma wax yala ay k'ak'u jel niwak, jaxa tuk jumasa wax yala spetsanil ja k'ak'u jumasa junxta yab'al. Ja'yuj kada jujune t'ilan oj sna'e lek ta toj ja jas wa sna'awe'i. 6Ja ma' wax yala ay jun k'ak'u jel niwani, ja k'ak'u jawi, ja b'a wax ya'yi ts'akatal ja Dyosi. Jaxa ma wax yab' spetsanil ja wa'el jumasa, wax yab'i ja'ni yuj ja wa stoyo ja Dyosi, sok wanix cho ya'yi ts'akatala. Cho jach'ni wa sk'u'lan ja ma kechan yal k'ul wax yab'i, jach' wa sk'u'lane b'a wa stoyowe ja Dyosi, cho wanix cho ya'we yi ts'akatala.
7Ja jsak'aniltik cho ja jchamel ch'akeltiki, mixa b'ajuk ke'ntik, sb'ajxani ye'n ja Dyosi. 8Ja'yuj ta yuj k'a sak'anotikto, ma yuj chamelotikxa, yujni sb'ajotikxa ye'n ja Kajwaltik Jesusi. 9Ja smeranili, ja'yuj cham ja Jesusi, cho sak'wi, ja'yuj ja ye'n oj sje'yi ja ma'tik sak'anto sok ja ma' chamelxa.
10Ja'yuj ja we'nlexi, mi sb'ejuk oj ja ta'ex ti' ja tuk moj aljeltik jumasa, cho mini oj a wil'ex chin, yuj jpetsaniltik yujni ye'n sb'ej oj sk'el ja jmultik ja Dyosi. 11Ja b'a ts'ijb'anub'al ja yab'al ja Dyosi, jach' wax yala jastal iti:
—Oj kal a wabyex, ja Ke'n sak'anon lek,
a petsanilex oj ko'anik mek'an ja b'a stij sati
oj cho a toy'onex, xchi ja Kajwaltiki.
12Ja'yuj, jpetsaniltik ojni ek' kotik ja b'a sti' sat ja Dyos b'a oj choltik yab' ja jas jk'ulantiki.
Mok a k'ulyi b'a mi lekuk, ja wa moj aljeli
13Ja'yuj mixa sb'ejuk oj ta'tik ti' ja jmojtik jumasa. Mi sb'ejuk yuj jmul ke'ntik oj sta smul junuk ja ma' ti nochan sok ja Kajwaltik Jesusi, ma' ti' ya'kan sk'u'ajel ja Dyosi. 14Ja k'en, sje'ataki ja Kajwaltik Jesús mini jun wa'el b'a mi lekuk yab'jela. Ta ay k'a ma wa sna'a yab'jel jun wa'el b'a mi lek yab'jel, mok yab'i. 15Ta ay k'a jmoj aljeltik, mi lek xyila ja jas waxa wabyexi, yujni mi wa'nukex sje'jel ja syajal wa k'ujolexa. Mok a wi'ex lek yuj ja jas waxa wabyexi, ja'yuj ti oj a wa'wex waj b'a yoj wokol june ja ma cham yuj ja Jesusi. 16Mok a wa'wex yi jastal b'a oj k'umanuke sb'aj mi lekuk ja jastal ya elkotik libre ja Jesusi. 17Yuj ja b'a waj kulan ja Dyosi, mi jas yi'oj ja jas wax kab'tiki, cho mini ja jas wax ku'ajtiki. Ja sb'eji, ja oj k'u'luktik ja b'a leki, sok laman oj ajyukotik cho lek oj ajyukotik spetsanil ja jastal iti, ojni b'ob'uka ja'ni sok ja yip ja Espiritu Santo. 18Ta yuj k'a jach' wax k'u'lantik yi jastal jaw ja Kajwaltik Jesusi, b'a oj k'u'ltik yi lek ja Dyosi, jaxa kristyano jumasa ojni skis'otika.
19Ja'yuj la ajyukotik laman sok ja jmotik jumasa, la jkolta la'an jb'ajtik b'a oj k'i'kotik ja b'a yajk'achil jsak'aniltik ya'taki'tik ja Jesusi. 20Mok a wi'ex lek ja'ita yuj ja jas oj a wabyex ja ti oj a ch'ay'ex sna'jel spetsanil ja jas lek sk'u'lunej yi ja Dyos ja kermanotik ma' jel ko'el wajumi. Ja smeranili, spetsanil ja wa'el jumasa lekni yab'jela; ja b'a mi lekuki, ja' yajni kechan yuj oj wab' jun wa'el ja ti oj ya'kan sk'u'ajel ja Dyos jun jmoj aljeltik. 21Ja'yuj mas lek mok a k'ux ex b'ak'et, mok cho a wu'ex pajal yalel ts'usub', mok jas a k'u'lukex b'a kechan oj ya k'e ab'al k'umal, ja jmoj aljeltik jumasa. 22Ja jas waxa k'u'anexi, kechan we'n oj a na'ex ja b'a sti' sat ja Dyosi. —Jel lek oj yil ja ma libre ay b'a oj sk'uluki cho mi wa sta'a smul sok ja jas wa sk'u'lani. 23Ta ay k'a ma wax ek' sk'ujol mi na'b'en ta lek oj kab' ja iti, sok wax yab'i, ja jastal jawi, wani sta'a smula, yuj ja wax k'umani sk'ujoli. Waxa na'awex ja jastal jawi, mini lekuka, spetsanil ja jas wax k'u'lantiki, ta wan k'a ek'el jk'ujoltik, ja jastal jawi mulalni'a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021