Romanos 12
12
Ja yajk'achil sak'anili
1Ja'yuj jmoj aljel jumasa, yuj ja jel lek xyilawex ja Dyosi, ja'yuj wax kana a wi'ex ts'akatal a' a b'ajik b'a oj a toy'ex, sok b'a oj ja k'u'lukex spetsanil ja jas wa sk'ana ja Dyosi. Jach'ni sb'ej jastal jaw ja oj toyxuk ja Dyosi. 2Ja we'nlexi, Mokxa jach' ajyanik jastal aye ja ma' tey b'a lu'um iti. Mas lek, tukb'es ja wa modo'exi, sok ja jastal waxa neb'awex ajyi. B'a jach' oj a na'ex jasunk'a lek wa sk'ana ja Dyosi. Ja jas wa sk'ana ja ye'n, ja spetsanil ja b'a leki, b'a tsamal sok b'a toji.
3Yuj ja slekil sk'ujol ja Dyosi, stsa'awon b'a sjekab'anumil, ja'yuj wax k'ana a wi'ex mok jelxanik b'a oj a je'a b'ajex jelxa na'awex. Mas lek kechan we'n na'awik jas wax ya' a na'ex ja Dyos yuj ja waxa k'u'anex ja Jesusi. 4K'elawilex ja kwerpotiki, kechan june jel jitsan ja jas yi'oji, mi junuk xta ja scholi. 5Jach' jastal jaw ja ke'ntik ja ma'tik wax k'u'antik ja Dyosi: A'nima jel jitsanukotik lajan sok jun kwerpo aytik sok ja Jesusi.
6Ja Dyosi tuktukil ja jcholtik ya'unej ki'tik b'a jujune', ja'ni ja jastal wa sk'ana ja ye'n. Ja'yuj ta ay k'a ma oj i'juk majan ja sti yuj ja Dyosi, a sk'u'luk sok spetsanil sk'ujol, b'a oj b'ob' ya ek' ki'tik ja ab'al jawi. 7Ta yuj k'a wax ya'ki'tik b'a oj koltatik ja tuk jumasa, la jkoltatik sok spetsanil k'ujoltik. Ta yuj k'a wax ya'ki'tik b'a oj je'tik ja yab'ali, la ka' jb'ajtik b'a oj je'tik. 8Ta yuj k'a wax yala kab'tik oj tsatsal k'ujoluktik ja tuk jumasa, la jtsatsal k'ujoluktik. Ta yuj k'a wax yala oj k'ep jb'ajtik ja jas jb'ajtiki, mi lom kechan ke'n wax k'ana b'ut'el oj ajyukotik. Ta yuj k'a sb'a oj je'tik yi ja tuk jumasa, la ka' jb'ajtik soke b'a oj je'tik yi'e. Ma yuj ko' jb'ajtik b'a koltatik ja ma jel ajula sb'aji, la jk'u'luktik lek.
Ja jastal wa xk'u'antik ja Dyosi
9Yajta a b'ajik sok ja tuk jumasa meran. Awikan kan pilan spetsanil ja jas mi lekuki, ja'xa nochowik ja b'a leki. 10Yajta a b'ajik sok ja tuk jumasa jastal a wermano ab'ajexi, kisa a b'ajik spetsanil k'ak'u.
11Tsatsal k'ujolan a b'ajex sok ja Kajwaltiki, mok a yo'pes a b'ajex. A'teltayik ja Kajwaltik sok spetsanil wa k'ujolexi.
12Je'a ab'ajik jastal jel lek ayex yuj ja wa'nex smajlajel ja Kajwaltiki; yajni waxa wi'ajex wokol yuj ja Kajwaltiki jun xta ajyanik; mok lom a wa'wex kan sk'umajel ja ye'ni.
13K'epawik yi ja jas a wi'ojex ja jmoj aljel jumasa ma jel ajula sb'aji. I'ajik b'a wa najex ja ma wax jak yulatayex b'a tuktukil chonab'i, a'nima mixa na'awex sb'aj.
14Mok a ta'ex ti b'a mi lekuk, ja ma wa sk'u'lan a wi'ex b'a mi leki; Ja lek k'anawik yi ja Dyos a ek' yujile lek.
15Ja ma' lek ayi, cho ajyanik lek sok ja we'nlexi; ay k'a ma cham k'ujol ay mojtayik sok ja scham k'ujoli.
16Yajta a b'ajik spetsanil k'ak'u sok ja wa mojexi. Mok jel niwan oj a wa'a b'ajex le'awik jastal oj a laj a b'ajex sok ja kristyano jumasa ma' ch'in wax ya'a sb'aji. Mok a wa'a b'ajex yuj mas waxa na'awex ja we'nlex ke yuj ja tuk jumasa.
17Ta yuj k'a ma wa sk'u'lan a wi'ex b'a mi lekuk, mok a k'u'lex yi b'a mi lekuk ja we'nlexi. Le'awik jastal oj ja k'u'lukex yi b'a lek spetsanil ja kristyano'i. 18K'u'lanik ja b'a laman oj ajyanik sok spetsanil ja kristyano jumasa. 19Jmoj aljel jumasa, mok ma' tajkanik sok a'awik b'a sk'ab' ja Dyos ye'n a ya stup ja smul ja ma' mi lekuk ja smodo'e'i. Ja b'a ts'ijb'anub'al ja yab'al ja Dyosi, jach' wax yala jastal iti: —Ke'n oj ka stup ja smule'i, ke'nani wax na'a jastal oj ka stup'e'a, xchi ja Dyosi. 20Sok wanix cho yala'a: —Ta yuj k'a meyuk ja swa'el ja ma' mix yilawa leki a'yi ja swa'eli; Ta yuj k'a takin sti', a yu' ja'. Ta yuj k'a oj ja k'u'lukex ja jastal jawi, ti oja wila jelni oj k'ixwuka, xchi ja yab'al Dyosi.
21Mok a wa'a b'ajex b'a oj lo'layex ja jas mi lekuki. Mas lek k'ulanik b'a oj b'ob' ka wujilex sok ja jas mi lekuki yuj ja oj ja k'u'lukex ja b'a leki.
Currently Selected:
Romanos 12: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Romanos 12
12
Ja yajk'achil sak'anili
1Ja'yuj jmoj aljel jumasa, yuj ja jel lek xyilawex ja Dyosi, ja'yuj wax kana a wi'ex ts'akatal a' a b'ajik b'a oj a toy'ex, sok b'a oj ja k'u'lukex spetsanil ja jas wa sk'ana ja Dyosi. Jach'ni sb'ej jastal jaw ja oj toyxuk ja Dyosi. 2Ja we'nlexi, Mokxa jach' ajyanik jastal aye ja ma' tey b'a lu'um iti. Mas lek, tukb'es ja wa modo'exi, sok ja jastal waxa neb'awex ajyi. B'a jach' oj a na'ex jasunk'a lek wa sk'ana ja Dyosi. Ja jas wa sk'ana ja ye'n, ja spetsanil ja b'a leki, b'a tsamal sok b'a toji.
3Yuj ja slekil sk'ujol ja Dyosi, stsa'awon b'a sjekab'anumil, ja'yuj wax k'ana a wi'ex mok jelxanik b'a oj a je'a b'ajex jelxa na'awex. Mas lek kechan we'n na'awik jas wax ya' a na'ex ja Dyos yuj ja waxa k'u'anex ja Jesusi. 4K'elawilex ja kwerpotiki, kechan june jel jitsan ja jas yi'oji, mi junuk xta ja scholi. 5Jach' jastal jaw ja ke'ntik ja ma'tik wax k'u'antik ja Dyosi: A'nima jel jitsanukotik lajan sok jun kwerpo aytik sok ja Jesusi.
6Ja Dyosi tuktukil ja jcholtik ya'unej ki'tik b'a jujune', ja'ni ja jastal wa sk'ana ja ye'n. Ja'yuj ta ay k'a ma oj i'juk majan ja sti yuj ja Dyosi, a sk'u'luk sok spetsanil sk'ujol, b'a oj b'ob' ya ek' ki'tik ja ab'al jawi. 7Ta yuj k'a wax ya'ki'tik b'a oj koltatik ja tuk jumasa, la jkoltatik sok spetsanil k'ujoltik. Ta yuj k'a wax ya'ki'tik b'a oj je'tik ja yab'ali, la ka' jb'ajtik b'a oj je'tik. 8Ta yuj k'a wax yala kab'tik oj tsatsal k'ujoluktik ja tuk jumasa, la jtsatsal k'ujoluktik. Ta yuj k'a wax yala oj k'ep jb'ajtik ja jas jb'ajtiki, mi lom kechan ke'n wax k'ana b'ut'el oj ajyukotik. Ta yuj k'a sb'a oj je'tik yi ja tuk jumasa, la ka' jb'ajtik soke b'a oj je'tik yi'e. Ma yuj ko' jb'ajtik b'a koltatik ja ma jel ajula sb'aji, la jk'u'luktik lek.
Ja jastal wa xk'u'antik ja Dyosi
9Yajta a b'ajik sok ja tuk jumasa meran. Awikan kan pilan spetsanil ja jas mi lekuki, ja'xa nochowik ja b'a leki. 10Yajta a b'ajik sok ja tuk jumasa jastal a wermano ab'ajexi, kisa a b'ajik spetsanil k'ak'u.
11Tsatsal k'ujolan a b'ajex sok ja Kajwaltiki, mok a yo'pes a b'ajex. A'teltayik ja Kajwaltik sok spetsanil wa k'ujolexi.
12Je'a ab'ajik jastal jel lek ayex yuj ja wa'nex smajlajel ja Kajwaltiki; yajni waxa wi'ajex wokol yuj ja Kajwaltiki jun xta ajyanik; mok lom a wa'wex kan sk'umajel ja ye'ni.
13K'epawik yi ja jas a wi'ojex ja jmoj aljel jumasa ma jel ajula sb'aji. I'ajik b'a wa najex ja ma wax jak yulatayex b'a tuktukil chonab'i, a'nima mixa na'awex sb'aj.
14Mok a ta'ex ti b'a mi lekuk, ja ma wa sk'u'lan a wi'ex b'a mi leki; Ja lek k'anawik yi ja Dyos a ek' yujile lek.
15Ja ma' lek ayi, cho ajyanik lek sok ja we'nlexi; ay k'a ma cham k'ujol ay mojtayik sok ja scham k'ujoli.
16Yajta a b'ajik spetsanil k'ak'u sok ja wa mojexi. Mok jel niwan oj a wa'a b'ajex le'awik jastal oj a laj a b'ajex sok ja kristyano jumasa ma' ch'in wax ya'a sb'aji. Mok a wa'a b'ajex yuj mas waxa na'awex ja we'nlex ke yuj ja tuk jumasa.
17Ta yuj k'a ma wa sk'u'lan a wi'ex b'a mi lekuk, mok a k'u'lex yi b'a mi lekuk ja we'nlexi. Le'awik jastal oj ja k'u'lukex yi b'a lek spetsanil ja kristyano'i. 18K'u'lanik ja b'a laman oj ajyanik sok spetsanil ja kristyano jumasa. 19Jmoj aljel jumasa, mok ma' tajkanik sok a'awik b'a sk'ab' ja Dyos ye'n a ya stup ja smul ja ma' mi lekuk ja smodo'e'i. Ja b'a ts'ijb'anub'al ja yab'al ja Dyosi, jach' wax yala jastal iti: —Ke'n oj ka stup ja smule'i, ke'nani wax na'a jastal oj ka stup'e'a, xchi ja Dyosi. 20Sok wanix cho yala'a: —Ta yuj k'a meyuk ja swa'el ja ma' mix yilawa leki a'yi ja swa'eli; Ta yuj k'a takin sti', a yu' ja'. Ta yuj k'a oj ja k'u'lukex ja jastal jawi, ti oja wila jelni oj k'ixwuka, xchi ja yab'al Dyosi.
21Mok a wa'a b'ajex b'a oj lo'layex ja jas mi lekuki. Mas lek k'ulanik b'a oj b'ob' ka wujilex sok ja jas mi lekuki yuj ja oj ja k'u'lukex ja b'a leki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021