Levitico 6
6
Ja mulal jumasa yuj ja jmojtiki
1-3Ja Dyosi, yal yab' jasun oj sk'u'luk ja Moises ja yajni oj sta'e junuk ja mulal jumasa it ja kristyano'i:
—Ay k'a ma wa slo'la ja smoj sok jun a'tel, ma yuj wax yala mi oj ya kumxuk ja jas ak'ub'al snoli, ke'nani wa slo'layona. Ma ay jas oj yelk'an yi, ma oj sjapyi t'ilan ja jas yi'oji, ke'nani wax yelk'ayona. Ay k'a jas ch'ayel kani ja ma' stulu mix yala stojol ta yuj ye'n stulu, wani sta'a smul jmoka. A'nima wax yala mex sta'a junuk ja mulal jumasa iti, wanix kan kuch mulila.
4-6B'a spetsanil ja jastal iti, ja ma' ay jas yelk'uneji, ojni ch'ak ya kumxuk spetsanila. Ja k'ak'u oj jak ya'ki ja jmajtan b'a oj ch'ayi ja smuli, ja' k'ak'u jaw oj ya kumxuk spetsanili, b'a jujune syen oj ya' jun tajb'e. Oj cha yi' och jun chej b'a mi yajb'eluk ja oj ya'yi ja pagre, ma ja'uk ja janek' oj sts'akoluk ja chej jawi. 7Jaxa pagre oj ya'ki b'a jmajtan ja chej jaw yuj ja ma' sta'a smuli, jaxa ke'n ojni jch'ay ja mulal jawa.
Majtanal b'a jujune k'ak'u
8Ja Dyosi, cho yal yab' ja Moises 9-13ab'i yal yab' jach' oj sk'u'l jastal it ja pagre jumasa:
—Ja majtanal jumasa waxa wa'wex ki it waxa tsikawex b'a stij sati, t'ilan ti oj kan yoj k'ak' b'a sat b'a wax a'xi kajan ja majtani snajtil a'kwal man oj ch'ak tsikuk. Jaxa pilan k'ak'u ja pagre oj slap ja sk'u' it wax och sok b'a snaj ja Dyosi, oj ya' eluk ja sta'anil ja b'ak'et jawi, ti oj ya' b'a jun sts'e'el ja b'a wax a'xi kajan jas majtan ja Dyosi. Tsa'an oj cho sjeltes sb'aj ti oj yi' och ja ta'an b'a jun lu'um tsa'ub'al b'a najat yuj ja b'a'y ja kristyano jumasa. Jaxa pagre spetsanil ja sakb'el jumasa oj ya' ochyi jitsan si'il ja k'ak'i, yajni oj stsik ja chante b'a jmajtani, oj ya och b'a k'ak' sok spetsanil ja skojlelali, b'a jach' oj b'ob' sk'an'eki sak'anil sok slekilal ja kristyano jumasa.
—Ja k'ak' wa'n ajlel b'a wax a'xi kajan jas majtan ja Dyosi spetsanil k'ak'u oj ajluk, mini oj b'ob' tupxuk.
14—Yajni oj stsik e ki b'a jmajtan ja sat te' ja pagre jumasa, jach' oj sk'u'luke jastal iti: 15Ja pagre oj yi'e jun b'eche arina, t'un aceite, sok t'un pom, ti oj stsik e' b'a sat ja b'a wax a'xi kajan jas majtan ja Dyosi b'a jach' ti oj jak a k'ujolex yuj ja ke'nani wax ka'wi'ex spetsanil ja jastik jumasa'a. Ja iti jun majtanal b'a jex ajb'ani yik'il wax kab'i.
16-18—Ja janek' oj kanuk ja majtanal jawi, ja oj yabye ja pagre jumasa, jach'ni jastal k'ajyel wax ka'yi'e'i. Yajni oj sts'an'e'i, mi oj ya'we ochyi levadura, sok ti oj wa'uke b'a sti' snajtsil tsomjel yujni ja' pilub'al b'a sb'aj ja jawa. Jun majtanal tsa'ub'al, ja lajan sok ja majtanal it wax ch'aya sok ja mulali. Ay k'a jas wa sta'a ja majtanal jawi, yujni cho tsa'ub'al ja jawa.
Ja tuk majtanal jumasa
19Ja Dyosi, cho yal yab' jastal it ja Moisesi:
20-23—Ja majtanal it oj ya'we ki ja Aaron sok ja yuntikil yuj ja tsa'ub'ale'xa sb'a pagre'ili, oj ya'we ki b'a jmajtan chab' kilo arina. Jun kilo oj ya'weki ja sakb'eli, sok june b'a och k'ak'u.
—Ja majtanal arina jawi, oj tojb'uk sok jitsan aceite b'a jun wax tsuyxi wa'elal, naka xe'ntiyaman oj ya'weki tsa'an oj ch'ak tsikxuk spetsanil, jach' jastal jun majtanal b'a jex ajb'ani yik'il. Ja majtanal jawi, mi ma oj b'ob' yab'i.
—Ja ab'al iti, mi oj tukb'uk.
Ja jastal oj a'xuk ja majtanal b'a oj ch'ayjuk mulali
24Ja Dyosi yal yab' ja Moises 25a'b'i yal yab' jach' oj sk'u'l jastal it ja pagre jumasa:
—Ja chante oj ja mil'ex b'a oj ja k'an'ex oj ch'ayxuk wa mulexi, ti oj ja mil'ex b'a waxa tsikawex ja tuk majtanal waxa wa'wex ki'i. 26Ja pagre ma oj ya'ki ja majtanal iti, ojni cho b'ob' yab' ja ye'n ja wa'el jawi, ti oj wa' b'a sti' na'its tsa'ub'al, yujni ja schol pilub'al ja lu'um jawa.
27-30—Chikan jas wa sta'a ja b'ak'et jawi, cho tsa'ub'alxani ja jawa.
—Ja sb'ak'tel ja majtanal jawi, ti k'a ts'anxi b'a jun lu'um oxom, yajnix ch'ak ja k'ini oj pojxuk ele. Yuj k'a ti ts'anxi b'a jun tak'in oxom oj nokxuk lek ja oxom jawi, sok oj sak'xuk lek.
—Ay k'a ts'ijti sb'aj chik' ja sk'u' ja pagre t'ilan tsa'ub'al ja b'a oj wa chuk'xuki.
—Yuj k'a i'xi och ja chik' b'a snajtsil tsomjel b'a oj ja k'an'ex oj ch'ay wa mulexi, jaxa b'ak'et jawi mi oj b'ob' sk'uxjel; oj ch'ak tsikxuk.
—Ja iti jun majtanal tsa'ub'al, sok kechan ye'n oj b'ob' yab' ja pagre jumasa.
Currently Selected:
Levitico 6: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Levitico 6
6
Ja mulal jumasa yuj ja jmojtiki
1-3Ja Dyosi, yal yab' jasun oj sk'u'luk ja Moises ja yajni oj sta'e junuk ja mulal jumasa it ja kristyano'i:
—Ay k'a ma wa slo'la ja smoj sok jun a'tel, ma yuj wax yala mi oj ya kumxuk ja jas ak'ub'al snoli, ke'nani wa slo'layona. Ma ay jas oj yelk'an yi, ma oj sjapyi t'ilan ja jas yi'oji, ke'nani wax yelk'ayona. Ay k'a jas ch'ayel kani ja ma' stulu mix yala stojol ta yuj ye'n stulu, wani sta'a smul jmoka. A'nima wax yala mex sta'a junuk ja mulal jumasa iti, wanix kan kuch mulila.
4-6B'a spetsanil ja jastal iti, ja ma' ay jas yelk'uneji, ojni ch'ak ya kumxuk spetsanila. Ja k'ak'u oj jak ya'ki ja jmajtan b'a oj ch'ayi ja smuli, ja' k'ak'u jaw oj ya kumxuk spetsanili, b'a jujune syen oj ya' jun tajb'e. Oj cha yi' och jun chej b'a mi yajb'eluk ja oj ya'yi ja pagre, ma ja'uk ja janek' oj sts'akoluk ja chej jawi. 7Jaxa pagre oj ya'ki b'a jmajtan ja chej jaw yuj ja ma' sta'a smuli, jaxa ke'n ojni jch'ay ja mulal jawa.
Majtanal b'a jujune k'ak'u
8Ja Dyosi, cho yal yab' ja Moises 9-13ab'i yal yab' jach' oj sk'u'l jastal it ja pagre jumasa:
—Ja majtanal jumasa waxa wa'wex ki it waxa tsikawex b'a stij sati, t'ilan ti oj kan yoj k'ak' b'a sat b'a wax a'xi kajan ja majtani snajtil a'kwal man oj ch'ak tsikuk. Jaxa pilan k'ak'u ja pagre oj slap ja sk'u' it wax och sok b'a snaj ja Dyosi, oj ya' eluk ja sta'anil ja b'ak'et jawi, ti oj ya' b'a jun sts'e'el ja b'a wax a'xi kajan jas majtan ja Dyosi. Tsa'an oj cho sjeltes sb'aj ti oj yi' och ja ta'an b'a jun lu'um tsa'ub'al b'a najat yuj ja b'a'y ja kristyano jumasa. Jaxa pagre spetsanil ja sakb'el jumasa oj ya' ochyi jitsan si'il ja k'ak'i, yajni oj stsik ja chante b'a jmajtani, oj ya och b'a k'ak' sok spetsanil ja skojlelali, b'a jach' oj b'ob' sk'an'eki sak'anil sok slekilal ja kristyano jumasa.
—Ja k'ak' wa'n ajlel b'a wax a'xi kajan jas majtan ja Dyosi spetsanil k'ak'u oj ajluk, mini oj b'ob' tupxuk.
14—Yajni oj stsik e ki b'a jmajtan ja sat te' ja pagre jumasa, jach' oj sk'u'luke jastal iti: 15Ja pagre oj yi'e jun b'eche arina, t'un aceite, sok t'un pom, ti oj stsik e' b'a sat ja b'a wax a'xi kajan jas majtan ja Dyosi b'a jach' ti oj jak a k'ujolex yuj ja ke'nani wax ka'wi'ex spetsanil ja jastik jumasa'a. Ja iti jun majtanal b'a jex ajb'ani yik'il wax kab'i.
16-18—Ja janek' oj kanuk ja majtanal jawi, ja oj yabye ja pagre jumasa, jach'ni jastal k'ajyel wax ka'yi'e'i. Yajni oj sts'an'e'i, mi oj ya'we ochyi levadura, sok ti oj wa'uke b'a sti' snajtsil tsomjel yujni ja' pilub'al b'a sb'aj ja jawa. Jun majtanal tsa'ub'al, ja lajan sok ja majtanal it wax ch'aya sok ja mulali. Ay k'a jas wa sta'a ja majtanal jawi, yujni cho tsa'ub'al ja jawa.
Ja tuk majtanal jumasa
19Ja Dyosi, cho yal yab' jastal it ja Moisesi:
20-23—Ja majtanal it oj ya'we ki ja Aaron sok ja yuntikil yuj ja tsa'ub'ale'xa sb'a pagre'ili, oj ya'we ki b'a jmajtan chab' kilo arina. Jun kilo oj ya'weki ja sakb'eli, sok june b'a och k'ak'u.
—Ja majtanal arina jawi, oj tojb'uk sok jitsan aceite b'a jun wax tsuyxi wa'elal, naka xe'ntiyaman oj ya'weki tsa'an oj ch'ak tsikxuk spetsanil, jach' jastal jun majtanal b'a jex ajb'ani yik'il. Ja majtanal jawi, mi ma oj b'ob' yab'i.
—Ja ab'al iti, mi oj tukb'uk.
Ja jastal oj a'xuk ja majtanal b'a oj ch'ayjuk mulali
24Ja Dyosi yal yab' ja Moises 25a'b'i yal yab' jach' oj sk'u'l jastal it ja pagre jumasa:
—Ja chante oj ja mil'ex b'a oj ja k'an'ex oj ch'ayxuk wa mulexi, ti oj ja mil'ex b'a waxa tsikawex ja tuk majtanal waxa wa'wex ki'i. 26Ja pagre ma oj ya'ki ja majtanal iti, ojni cho b'ob' yab' ja ye'n ja wa'el jawi, ti oj wa' b'a sti' na'its tsa'ub'al, yujni ja schol pilub'al ja lu'um jawa.
27-30—Chikan jas wa sta'a ja b'ak'et jawi, cho tsa'ub'alxani ja jawa.
—Ja sb'ak'tel ja majtanal jawi, ti k'a ts'anxi b'a jun lu'um oxom, yajnix ch'ak ja k'ini oj pojxuk ele. Yuj k'a ti ts'anxi b'a jun tak'in oxom oj nokxuk lek ja oxom jawi, sok oj sak'xuk lek.
—Ay k'a ts'ijti sb'aj chik' ja sk'u' ja pagre t'ilan tsa'ub'al ja b'a oj wa chuk'xuki.
—Yuj k'a i'xi och ja chik' b'a snajtsil tsomjel b'a oj ja k'an'ex oj ch'ay wa mulexi, jaxa b'ak'et jawi mi oj b'ob' sk'uxjel; oj ch'ak tsikxuk.
—Ja iti jun majtanal tsa'ub'al, sok kechan ye'n oj b'ob' yab' ja pagre jumasa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021