Levitico 3
3
Ja majtanal b'a sk'anjel sak'anili
1—Ay k'a ma oj sk'anki slekilal ma sak'anil, t'ilan oj ya'ki b'a jmajtan jun yal wakax swaw ma jun yal snan b'a mi yajb'eluk.
2—Ja ma oj ya' ja majtanal jawi, ti oj ya kajan ja sk'ab' jumasa b'a s'olom ja yal chante jawi, sok ti oj smil mojan b'a wax ajyi ochel b'a snajtsil tsomjeli. Jaxa pagre jumasa ti oj spek' e' ja schik'el b'a sts'e'el jumasa ja b'a wax a'xi kajan ja majtanal jumasa, 3-5b'a sat, ti oj sts'ik e' ja it jumasa: ja schaktopi, schab'il ja srinioni, sb'ak'tel spatik, xet'an ja schok'oli, sok ja skojlelal yi'oj ja jaw jumasa. Ja majtanal jawi, ti oj tsikxuk sok lajan ja majtanal b'a sakb'eli. Jun majtanal b'a jex ajb'ani ja yik'il oj kab'i, jach' wax ya'weki yuj ja jel wa stoyowone'i.
6—Ta ayk'a ma oj ya'ki jun yal chej ma jun yal chivo b'a jmajtan, ja yal chante jawi, ja'ni b'a mey syajb'ela.
7—Ay k'a ma oj ya'ki jun yal chej b'a jmajtan, 8a ya' kajan ja sk'ab b'a s'olom ja yal chante jawi, sok ti smila mojan b'a wax ajyi ochel b'a snajtsil tsomjeli. Jaxa pagre jumasa ti oj spek' e' ja schik'el b'a sts'e'el jumasa ja b'a wax a'xi kajan jas majtanal jumasa, 9-11b'a sat ti oj stsik e' ja it jumasa: Ja schaktopi, schab'il ja srinyoni, sb'ak'tel spatiki, xe'ntiyaman ja schok'oli, sok ja skojlelal yi'oj ja jaw jumasa, spetsanil ja sneji. Lajan sok jastal jun wa'el b'a jex ajb'ani oj kab'i, jach' wax ya'weki yuj ja jel wa stoyowone'i.
12-13—Ay k'a ma oj ya'ki jun yal chivo b'a jmajtan, a ya kajan ja sk'ab' b'a s'olom ja yal chante jawi sok ti smila mojan b'a wax ajyi ochel b'a snajtsil tsomjeli. Jaxa pagre jumasa ti oj spek' e' ja schik'el b'a sts'e'el jumasa ja b'a wax a'xi kajan ja jmajtani, 14-16b'a sat ti oj stsik e' ja it jumasa: Ja schaktopi, schab'il ja srinyoni, sb'ak'tel spatik, xe'ntiyaman ja schok'oli, sok ja skojlelal yi'oj ja jaw jumasa. Lajan sok jastal jun wa'el b'a jex ajb'ani oj kab'i, jach' wax ya'weki yuj ja jel wa stoyowone'i.
17—Jaxa we'nlexi, chikan b'a ayex ek'a mi oj b'ob' a wabyex skojlelal wa'el cho jach'ni ja schik'eli. Ja iti, jun ab'al b'a jel t'ilan oj ja k'u'ukex.
Currently Selected:
Levitico 3: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
