Oseas 2
2
1Ja k'ak'u oj kumxuke,
ja winik jumasa oj sb'i'iluke
yuntikil Dyos—,
jaxa ixuke jumasa oj naj juk sb'aje
Na'ub'al a syajale—.
Ja Gomeri ja wa slaja ja israelenio
2Ti cho yala ja dyosi:
Ja b'aj ke'n ja Israelenio jach kila jastal jche'um,
ja'xa ye'ni mi ajyi mok toj
ja'yuj mi jas ki'oj sok.
—Ja'yuj ja we'nlex israelenio jumasa,
i'ajik b'a sti sat ja jwes jumasa—
—A'yakan ja jastal chikan xta ma' wax ya aj ek sb'asoki—
—A'yakan ja ma'tik lajan was ta'a b'asoki—
3Ta mik'a sk'u'lan, oj sopyi jas ja sb'aji;
—Oj je'yi ja jastal manxi—
—Mixa oj k'ise',
cho mixa oj ajyuk kuntikil sok—
4Mi oj talna slastimail ja yuntikil jumasa,
yuja ja mi kuntikiluk ke'ni.
5Ja israelenio mi sna'a w'eta k'ixwela sb'a ja jas swa sk'ulane'i
jastal jun ma mi sna'a k'ixwel—
Spetsanil ja k'ak'u wan yaljel ek'e:
Oj le' ja ma'tik wa sk'anawoni,
yuj ja ye'n wax ya'we ki
spetsanil ja jas mey ki'oji:
wax ya'weki wa'el, jk'u,
wax ya'we och jb'aj perjume sok wax ya'we paxalanukon.
6-7Oj wa sle ja ma'tik lajan sta'a sb'a soki,
mi oj slaj ek'e
sok mini oj sta'a.
Ke'n oj chol k'i'ix ja b'ayi
b'a jach mi oj eluka.
Ti oj spensaruk tiwi:
Jel lek wan ek'el kuj ajyi sok ja b'ajtan jtatami,
ja'yuj oj kumxukon sok ja ye'n.
8—Ja ye'n mis k'ana oj sna'
ta ke'n ja ma wax a'ji wa' yuji,
wax cho a'jiyi spetsanil ja jas mey yi'oji;
—cho ka'toyi k'anal tak'in sakal tak'in,
sok petsanil ja jawi stojb'es sok sdyos jumasa—
9Ja'yuj oj ch'ak jap'yi
spetsanil ja jas ka oj yi'i,
10b'a sti sat petsanil ja ma'tik lajan wa sta'a sb'aj soki
oj ch'ak sopyi petsanil ja jastik sb'aji oj ka k'ixwuk lek.
—Ja jastal iti mi ni oj skoltan sb'aja—
11Oj chak yi
ja sk'in jumasa wa sk'u'lan b'a kada semana,
b'a kada ixaw sok b'a kada jab'ili;
—B'a jach mixa oj b'ob' ajyuk gusto'a—
12—Ja ye'n ja jel niwan wax ya'a sb'aj sok
ja yaljil igo sok ja yaljil ts'usub'
k'eb'ub'al yi yuj ja ma'tik lajan wa sta'a sb'aj soki;
jayuj ke'n oj ch'akyi sna'jel ja jawi
ke'n oj ka sutxuk jastal jun wayum alaj;
—chante sb'a k'ul oj ch'ak'e—
13—Yaj ni wax waj yulata ja ma'tik lajan wa sta a sb'a soki
ja ye'n wa slapa och slik chikin yuj,
wax cho yi'aj ochyi smajtan,
jaxa ja ke'n sch'ayawonta sk'ujol.
Ja'yujil oj ka stupe,
yuj ja lom wa stoyo k'u'lub'al dyos jumasa.
—Ke'n Dyoson yuj ja israelenio,
meran wax kala yujni jach' oj jk'uluk jastal jawa.
Ja Dyosi sch'aya sna'jel ja smul ja yuntikili
14—Sok spetsanil ja jastal jawi,
oj ki' och ja Israelenio b'a takin lu'um k'inal,
ja tiwi, jel lek oj k'ul yi ja lek wanuktox kumxi,
b'a oj cho sk'an'oni.
15Oj ka kumxukyi ja yaljil ts'usub' jumasa,
jaxa schamel ajyi oj ka sutxukyi
spetsanil b'a lek.
Jach oj cho sk'ulki ja jastal ak'ixto ajyi,
ma ja jastal el b'a Egipto.
16-17Mixa oj sk'uluk ja jas wa sk'ulan jan ki ajyi
wa stoyo pilan dyos jumasa,
oj ni sna' b'a
yuja kechan ke'n Dyoson yuji.
—Ke'n ja Dyoson yuj ja israelenio,
meran wax kala jach'ni oj ek' jastal jawa.
18—Yaj nix k'ot ja k'ak'u jawi,
ke'n wax kala ja israelenio
jel lek oj ajyuke sok jel laman.
Mi oj ajyuk chan ay jas oj k'ulajuk yi'ile
sok mini kristyano b'a oj k'anjuk yi'ile tiro'anel.
19-20—Israelenio, Israelenio,
ke'n oj cho nupanukon amok pilan majke
sok we'nani oj che'umuka b'a spetsanil k'ak'u.
Yaj ni we'nxa jche'uma,
ja smeranili oj ni a na' lek jb'aja;
oj ajyukon a mok jun atatamon jel toj,
wax k'umani ja smeranili,
sok jel jas yajal sk'ujoli.
21—Ke'n ja Dyos yuj ja israelenio,
sok wax kala wab'i jach'ni oj ek' merana.
—Israel, yajnix k'ot ja k'ak'u jawi,
ja ke'n ja b'a satk'inali
oj ka jak ja' b'a oj ya po'xuk ja lu'umi,
22b'a jachuk ja b'a lu'umi oj ya
trigo, ya'al ts'usub', sok jitsan aceite,
jachuk ja loman yaman jumasa b'a Jezreel oj sta' jastal oj ajyuk.
23Oj ka'wi ja lu'umi,
sok kechani ke'n jb'aja.
Oj kala wab'i: Mi kuntikilukex ajyi,
ja ya'ni kuntikilexa;
Ja b'a stojol aya ja we'n oj ja wal kab'i:
—We'nani ja Dyos kuja—.
Currently Selected:
Oseas 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
