Galatas 1
1
Spatulab'il k'ujolal
1-3Jmoj alijel jumasa b'a slujmal Galacia:
Ja ke'n Pablo sok ja sneb'uman jumasa ja Kajwaltik Jesús ma'tik tey jmoki, wax jekatikon spatulab'il a k'ujolex. Wax k'anayi ja jtatik Dyos sok ja Kajwaltik Jesús a syajtayex lek sok a ya laman wa k'ujolexi.
Ja ke'n jekab'anumon b'a oj kal ek' ja tsamal yab'al ja Dyosi: —Ja Kajwaltik Jesusi, sak'wita— Mi jun swinkiluk b'a lu'um it ja ma sjekawoni, ye'n sjekawon ja Kajwaltik Jesús sok ja Tatal Dyos it ma a'ji sak'wuk yuji.
4Ja Kajwaltik Jesusi, spetsanil k'ak'u sk'u'an ja yab'al ja jtatik Dyosi, cho ya'a sb'aj b'a oj cham yuj ja ke'ntiki, b'a jach' oj b'ob' sch'ay sna'jel ja jmultik jumasa ja jtatik Dyosi, sok jach' oj b'ob' cho ya elkotik ja b'a yojol ja jastik mi lekuk b'a lu'um iti. 5—Ja'yuj spetsanil k'ak'u toyowik ja sb'i'ili, —Jach'ni'a.
Ja yab'al ja Dyosi kechan june ja smeranili
6Ye'n sta'awex ja Dyos ja we'nlexi, yuj ja Kajwaltik Jesusi ti sje'a a wi'ex ja syajal sk'ujoli. Ja'yuj mix jk'u'an lek ja' ti'xta a wa'wex kan sk'u'ajel ja yab'al ja Dyosi, a nochowex pilan ab'al yuj ja jastal ja tsamal ab'al iti. 7Ja smeranili, mey pilan ja yab'al ja Dyosi. Wax kal a wabyex ja iti, yuj ja ayni ma wa sk'ana oj stukb'es ja yab'al ja Kajwaltik Jesusi, b'a jach' oj b'ob' sjom wa olomexi. 8Ta ay k'a ma tuk ja jastal wax jak yala wabyex ja yab'al ja Dyos jastal kalunejtikon a wabyexi, ke'n oj k'anyi ja Dyos a a'ji stup'e' ja ma jach' oj sk'u'luke jastal jawi, chikan machunk'a a'nima jun anjel ma yuj ke'nukotikon june. 9Oj cho kala wabyex otro bwelta ja jas kalata a wabyexi: Ta ay k'a ma tuk oj yala wabyex ja yab'al ja Dyosi, sok ja jastal a k'u'anext'ani, —Ja' oj a'ji stup'e yuj ja Dyosi.
Ja Pablo ja stsa'ji yuj ja Kajwaltik Jesusi
10Ja ke'n mi wa'nukon sle'jel ma' oj stoy'on yuj ja jas wax kala. Cho mi wa'nukon sle'jel ma' lek xta oj yil'on. Ta yuj k'a jach' oj k'u'l jastal jawi, yujni mi ya'tijumukon ja Kajwaltik Jesusi. —Ja b'a jel t'ilan wax kab' ja ke'n ja oj sk'el ja Dyos ta lek ja jas wax k'u'lani.
11Jmoj alijel jumasa yuj ja Kajwaltiki, wax k'ana oj a na'ex lek mi jun lom winikuk b'a lu'um it jul sk'ujol oj yal ja tsamal yab'al ja Dyos it kala wabyexi. 12Mi jun lom winikuk ja ma' yala kab' sok sje'a ki'i, ye'nani ja Kajwaltik Jesús ja ma' sje'a ki'i.
13Ja we'nlexi waxa na'awex lek jastalon ja k'ak'u jumasa ti ajyiyon sok ja relijyon yuj ja judio jumasa. Wanix cho a na'awex ja jastal jel ka yi'e wokol ja jmoj alijeltik jumasa ma'tik wanxa sk'u'ane ja Dyosi, sok ja jastal wax k'ana oj ch'ay sna'jele'i. 14Ch'ak jk'u'luk ja jas wa sk'ana ja srelijyon ja judio, ke'nani mas jk'u'lan yuj ja tuk jmoj k'i'el jumasa, ja ke'n ka'a jb'aj b'a oj jneb' lek ja jas sje'awe kanki ja ma' ek' paxta kujtikoni. 15-16Jaxa Dyosi, jel lek wax yilawon mito la manxiyon tsa'awonta b'a oj ka'telta. Mi kechanuka, cho sje'aki machunk'a Yunini, b'a jach' oj b'ob' lo'ilta ek' b'a spetsanil ja chonab' jumasa ja tsamal yab'al ja ye'ni. Yajni jk'u'lan ja jastal jawi, mini ma job'o yi jas oj k'u'luka, 17cho me' la wajyon b'a Jerusalen b'a oj waj job' yi'e ja jekab'anum jumasa jas oj k'u'luki. Ja jas jk'u'lani, ti wajyon b'a chonab' jumasa b'a Arabia, Tsa'an cho kumxiyon jan b'a Damasco. 18Ek' oxe jab'il ti wajyon b'a Jerusalen b'a oj jna' sb'aj ja Pedro, jasa, kechan ita jo' lajune k'ak'u ti ajyi yon soka. 19Ti Cho kila tiw ja Santiago jekab'anum smoj alijel ja Kajwaltik Jesusi. Kechani ye'n kilawe'a, mi b'a kila tuk jekab'anuma. 20Ja jas wa'non yaljeli yujni smeranila. —Ja Dyosi wa sna'a ke mi wa'nukon le'u ab'al.
21Tsa'an yuj ja iti, ti wajyon b'a chonab' jumasa b'a Siria sok b'a Cilicia. 22Ja k'ak'u jaw ja moj alijeltik jumasa ma' sk'u'unexa ja Kajwaltik Jesús it ti' aye b'a Judea, mi sna'awe jb'aj jach' satilajel ab'al. 23Kechan yabye yab'alil ay ma wax yala: —Ja winik jaw ja ma jel ixta yilawotik jani, ja ya'n ja wa'n yaljel ek' ja tsamal yab'al ja Dyos ja it wa sk'ana oj sch'ak ajyi. 24Ja'yuj jel wa stoyowe ja Dyos, yuj ja jastal stukb'es ja jastalon ajyi.
Currently Selected:
Galatas 1: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Galatas 1
1
Spatulab'il k'ujolal
1-3Jmoj alijel jumasa b'a slujmal Galacia:
Ja ke'n Pablo sok ja sneb'uman jumasa ja Kajwaltik Jesús ma'tik tey jmoki, wax jekatikon spatulab'il a k'ujolex. Wax k'anayi ja jtatik Dyos sok ja Kajwaltik Jesús a syajtayex lek sok a ya laman wa k'ujolexi.
Ja ke'n jekab'anumon b'a oj kal ek' ja tsamal yab'al ja Dyosi: —Ja Kajwaltik Jesusi, sak'wita— Mi jun swinkiluk b'a lu'um it ja ma sjekawoni, ye'n sjekawon ja Kajwaltik Jesús sok ja Tatal Dyos it ma a'ji sak'wuk yuji.
4Ja Kajwaltik Jesusi, spetsanil k'ak'u sk'u'an ja yab'al ja jtatik Dyosi, cho ya'a sb'aj b'a oj cham yuj ja ke'ntiki, b'a jach' oj b'ob' sch'ay sna'jel ja jmultik jumasa ja jtatik Dyosi, sok jach' oj b'ob' cho ya elkotik ja b'a yojol ja jastik mi lekuk b'a lu'um iti. 5—Ja'yuj spetsanil k'ak'u toyowik ja sb'i'ili, —Jach'ni'a.
Ja yab'al ja Dyosi kechan june ja smeranili
6Ye'n sta'awex ja Dyos ja we'nlexi, yuj ja Kajwaltik Jesusi ti sje'a a wi'ex ja syajal sk'ujoli. Ja'yuj mix jk'u'an lek ja' ti'xta a wa'wex kan sk'u'ajel ja yab'al ja Dyosi, a nochowex pilan ab'al yuj ja jastal ja tsamal ab'al iti. 7Ja smeranili, mey pilan ja yab'al ja Dyosi. Wax kal a wabyex ja iti, yuj ja ayni ma wa sk'ana oj stukb'es ja yab'al ja Kajwaltik Jesusi, b'a jach' oj b'ob' sjom wa olomexi. 8Ta ay k'a ma tuk ja jastal wax jak yala wabyex ja yab'al ja Dyos jastal kalunejtikon a wabyexi, ke'n oj k'anyi ja Dyos a a'ji stup'e' ja ma jach' oj sk'u'luke jastal jawi, chikan machunk'a a'nima jun anjel ma yuj ke'nukotikon june. 9Oj cho kala wabyex otro bwelta ja jas kalata a wabyexi: Ta ay k'a ma tuk oj yala wabyex ja yab'al ja Dyosi, sok ja jastal a k'u'anext'ani, —Ja' oj a'ji stup'e yuj ja Dyosi.
Ja Pablo ja stsa'ji yuj ja Kajwaltik Jesusi
10Ja ke'n mi wa'nukon sle'jel ma' oj stoy'on yuj ja jas wax kala. Cho mi wa'nukon sle'jel ma' lek xta oj yil'on. Ta yuj k'a jach' oj k'u'l jastal jawi, yujni mi ya'tijumukon ja Kajwaltik Jesusi. —Ja b'a jel t'ilan wax kab' ja ke'n ja oj sk'el ja Dyos ta lek ja jas wax k'u'lani.
11Jmoj alijel jumasa yuj ja Kajwaltiki, wax k'ana oj a na'ex lek mi jun lom winikuk b'a lu'um it jul sk'ujol oj yal ja tsamal yab'al ja Dyos it kala wabyexi. 12Mi jun lom winikuk ja ma' yala kab' sok sje'a ki'i, ye'nani ja Kajwaltik Jesús ja ma' sje'a ki'i.
13Ja we'nlexi waxa na'awex lek jastalon ja k'ak'u jumasa ti ajyiyon sok ja relijyon yuj ja judio jumasa. Wanix cho a na'awex ja jastal jel ka yi'e wokol ja jmoj alijeltik jumasa ma'tik wanxa sk'u'ane ja Dyosi, sok ja jastal wax k'ana oj ch'ay sna'jele'i. 14Ch'ak jk'u'luk ja jas wa sk'ana ja srelijyon ja judio, ke'nani mas jk'u'lan yuj ja tuk jmoj k'i'el jumasa, ja ke'n ka'a jb'aj b'a oj jneb' lek ja jas sje'awe kanki ja ma' ek' paxta kujtikoni. 15-16Jaxa Dyosi, jel lek wax yilawon mito la manxiyon tsa'awonta b'a oj ka'telta. Mi kechanuka, cho sje'aki machunk'a Yunini, b'a jach' oj b'ob' lo'ilta ek' b'a spetsanil ja chonab' jumasa ja tsamal yab'al ja ye'ni. Yajni jk'u'lan ja jastal jawi, mini ma job'o yi jas oj k'u'luka, 17cho me' la wajyon b'a Jerusalen b'a oj waj job' yi'e ja jekab'anum jumasa jas oj k'u'luki. Ja jas jk'u'lani, ti wajyon b'a chonab' jumasa b'a Arabia, Tsa'an cho kumxiyon jan b'a Damasco. 18Ek' oxe jab'il ti wajyon b'a Jerusalen b'a oj jna' sb'aj ja Pedro, jasa, kechan ita jo' lajune k'ak'u ti ajyi yon soka. 19Ti Cho kila tiw ja Santiago jekab'anum smoj alijel ja Kajwaltik Jesusi. Kechani ye'n kilawe'a, mi b'a kila tuk jekab'anuma. 20Ja jas wa'non yaljeli yujni smeranila. —Ja Dyosi wa sna'a ke mi wa'nukon le'u ab'al.
21Tsa'an yuj ja iti, ti wajyon b'a chonab' jumasa b'a Siria sok b'a Cilicia. 22Ja k'ak'u jaw ja moj alijeltik jumasa ma' sk'u'unexa ja Kajwaltik Jesús it ti' aye b'a Judea, mi sna'awe jb'aj jach' satilajel ab'al. 23Kechan yabye yab'alil ay ma wax yala: —Ja winik jaw ja ma jel ixta yilawotik jani, ja ya'n ja wa'n yaljel ek' ja tsamal yab'al ja Dyos ja it wa sk'ana oj sch'ak ajyi. 24Ja'yuj jel wa stoyowe ja Dyos, yuj ja jastal stukb'es ja jastalon ajyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021