Exodo 9
9
Sjo'il wokol: Cham ja wakax jumasa
1Jaxa Dyosi, ti yala yab' ja Moisesi:
—Ka'ax kax ala yab' ja mandaranum ke'n wax kala a ya' elanik b'a oj waj a toy'onex. 2Ta mi k'ax ya' elanik oj wajanik, 3oj ka ko' chamel spetsanil jas schanste jumasa, oj ko' chamel ja skawu'e'i, sburro'e, scameyo, ja swakaxe'i scheje'i mi oj b'ob' sta' yajnale. 4Ja schanste ja israelenio mi jas oj k'u'l yi, mini jun oj chamuk ja sb'aj ye'nle'i. 5—Ja jas wax kala jechel oj ka ko' chamel ja swakax jumasa ja egipsiano.
6Jaxa pilan k'ak'u, spetsanil ja swakax ja egipsiano ch'ak och ko'uke chamel sok ch'ak ni chamuke'a; jaxa sb'a israelenio jumasa mini jun chama. 7Ja mandaranumi, sjeka k'eluman ta meran ja mini jun cham ja swakaxe ja israelenio, merani'a mini jun chama, jayuj mini sok ja jachuki, mi ya eluk ja israelenio jumasa b'a oj was toy'e' ja Dyosi.
Swakil wokol: K'a' jas b'ak'tel ja chante sok ja kristyano'i
8Ja'yuj ja Dyosi, ti yala yab' ja Moises sok ja Aaroni:
—I'ajik jun lub'uk sta'anil sti k'ak', kax k'umanik ja mandaranumi, yajni ti'xa ayex b'a sti sati, jaxa we'n Moises tixa lumts'in k'e b'a nalan cha'an ja ta'an jawi. 9Ja ta'an jawi, chok' lek oj wajuk, yajni oj ko' sb'aj ja b'a sb'ak'tel ja kristyano jumasa sok ja chante jumasa, oj ch'ak k'a'uk jas b'ak'tele'i.
10-11Ja Moises sok ja Aaroni, yi'aje ja ta'an it alji yabye'i, ti waj sk'umuke ja mandaranumi, yajni ti'xa aye lajani, ti slumts'in k'e b'a nalan cha'an ja Moisesi. Yuj ja ta'an jawi, ja'yuj ch'ak och k'a'uk jas b'ak'tel ja kristyano jumasa, sok ja chante jumasa b'a Egipto. Ja mago jumasa mi b'ob' waj sje' sb'aje yi' ja Moisesi, b'a oj cho sk'u'luk ja ye'nle ja jastal sk'u'lane ja Moisesi, yuj ja lom k'a'elxa jas b'ak'tele'i. 12Ja Dyosi, jel ya ch'u'uyb'uk yi jas k'ujol ja mandaranumi, sok mini t'un sk'ana oj yab' yab'alil ja Moises sok ja Aaroni, yujni jach' alub'al yab' ja Moises yuj ja Dyosi.
Sjukil wokol: Ja Dyosi, ya ko' b'at ja b'a Egipto
13Ja'yuj ja Dyosi, ti yala yab' ja Moisesi:
—Ja jecheli k'e'an saj, kax k'uman ja mandaranumi, ala yab' ke ke'n wax kala, b'a sb'i'il ja Dyos yuj ja israelenio jumasa, wax kala a wab' ke a el k'ab'al ja kuntikil jumasa b'a oj waj stoy'one'. 14Kechan ta mik'a oj ja wa k'ab'al, ja ek'ele' iti, oj ch'ak jek a wi ja wokol jumasa b'a chonab' Egipto. B'a spetsanil ja lu'umi, mey pilan Dyos ja jastal ja ke'n, b'a oj ja na'i oj je'a wi jastalon. 15Ja lek wanuktox k'ana, malan sok jun niwan chamel, oj ka'yi'e ja egipsiano jumasa, ch'akta chamuke ya'na. 16Yuj ja me'x k'u'lani, ja'yuj ja wax k'ana oj je' a wi'ex ja kipi, sok wax k'ana ke spetsanil jas swinkil ja chonab' iti, oj sna'e jb'aj.
17—Al yab'i ta yuj k'a cho wa'nto sneb'jel mi oj ya eluk ja kuntikili, 18B'aj jechel jastal ja ya'n, oj ka jak niwak b'at sok jel alik, mini jun ek'ele b'a wax yila jas swinkil ja Egipto ja jastal ja wa. 19Al yab'i, a sle' b'a oj snol spetsanil ja schanste jumasa, sok ja sb'a'al ja yalaji, yuj k'a miyuk, ja b'at oj jakuki, oj smil spetsanil sok oj smil ja chante jumasa.
20Yajni yabye ja jas yala ja Dyosi, jel och sxiwel ja ya'tijum ja mandaranumi, yala yab' jas ya'tijum jumasa a waj sle' b'a oj snol sb'aje'a, jachuk ja chante jumasa ch'ak slut e' b'a skoral. 21Jaxa tuki mini sk'u'ane'a, ti ya'we kan b'a alaj ja ya'tijume sok jas wakaxe'i. 22Jaxa Dyosi, ti yala yab' ja Moisesi: —Lika nalan cha'an wa k'ab'i, b'a oj jak b'at b'a oj ko' sb'aj spetsanil kristyano, sok ja schante'i, sok ja tek'ul jumasa.
23Ja Moisesi, slika nalan cha'an jas k'ab' sok ja snajb'ate'i, juts'in och b'otoljuk ja chawuki sjakel ja b'ati. 24—Ja jastal iti. Spetsanil ja k'ak'u janek' ek'ta mini b'a wax yila ja kristyano ja jastal jel tsats ko' ja b'ati, sok ja jastal jex awani ja chawuki, 25ja b'ati smila kristyano, chante, tek'ul, jaxa te' jumasa, xe'ntiyaman xta ch'ak ya kanuk, 26-32ja lino sok ja sebada mi jas kani, ja lino ja k'ak'u jumasa jawi, nich lek, jaxa sebada wa'n elel sni', ja b'a mi jas ek' sb'aji ja trigo sok ja avena yuj ja tsa'anxa wax satini ja jaw jumasa. Jaxa b'a Gosen b'a kulane ja israelenio jumasa, mini jun b'at ko' ja tiwa. Ja'yuj ti jekji spayjele ja Moises sok ja Aaron yuj ja mandaranumi, ti alji yabye'a:
—Ja ya'n wanix na'a jta'a ta jmul yuj ja Dyosi, ja jas wa'n ek'eli, ke'n jmultikon mi smuluk ja Dyosi, ja'yuj alawik yab'i, mixa oj tim mok wajuke ja israelenio. —Yuj ja mixax kuch kujtikon ja b'at sok ja jastal wax b'ojti ja chawuki.
Ti sjak'a ja Moisesi:
—Oj je'awi niwan mandaranum, ja Dyos kujtikoni, ye'nani swinikil spetsanil ja jas ay b'a lu'um k'inali. Yajni la elyon ja ili, oj k'umuk oj kal yab' mokxa jel ya jakuk ja b'ati, sok mokxa jel ya b'ojtuk ja chawuki, Jach' oj k'uluk yuj ja wax kila mito wala xiwyex yuj ja Dyosi, mini ja we'n sok mini ja wa wa'tijum jumasa.
33Yajni el ja Moisesi ja b'a snaj ja mandaranumi, ti'xa slika ja sk'ab'i sk'uman ja Dyosi. Juts'in k'ot tek'an ja b'ati, sok ch'ak ja jastal wax b'ojti ja chawuki. 34B'aya yajni lamxi ja wokol jumasa, ja mandaranumi cho ch'u'uy b'i jas k'ujoli, jachuk ja ye'n sok jachuk ja smoj a'tel jumasa, mini ya'we eluk ja israelenio'a. 35Ja Dyosi, yaloj yujni jach' oj ek'uka, jaxa Moisesi, yal yab' ja kristyano jumasa.
Currently Selected:
Exodo 9: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 9
9
Sjo'il wokol: Cham ja wakax jumasa
1Jaxa Dyosi, ti yala yab' ja Moisesi:
—Ka'ax kax ala yab' ja mandaranum ke'n wax kala a ya' elanik b'a oj waj a toy'onex. 2Ta mi k'ax ya' elanik oj wajanik, 3oj ka ko' chamel spetsanil jas schanste jumasa, oj ko' chamel ja skawu'e'i, sburro'e, scameyo, ja swakaxe'i scheje'i mi oj b'ob' sta' yajnale. 4Ja schanste ja israelenio mi jas oj k'u'l yi, mini jun oj chamuk ja sb'aj ye'nle'i. 5—Ja jas wax kala jechel oj ka ko' chamel ja swakax jumasa ja egipsiano.
6Jaxa pilan k'ak'u, spetsanil ja swakax ja egipsiano ch'ak och ko'uke chamel sok ch'ak ni chamuke'a; jaxa sb'a israelenio jumasa mini jun chama. 7Ja mandaranumi, sjeka k'eluman ta meran ja mini jun cham ja swakaxe ja israelenio, merani'a mini jun chama, jayuj mini sok ja jachuki, mi ya eluk ja israelenio jumasa b'a oj was toy'e' ja Dyosi.
Swakil wokol: K'a' jas b'ak'tel ja chante sok ja kristyano'i
8Ja'yuj ja Dyosi, ti yala yab' ja Moises sok ja Aaroni:
—I'ajik jun lub'uk sta'anil sti k'ak', kax k'umanik ja mandaranumi, yajni ti'xa ayex b'a sti sati, jaxa we'n Moises tixa lumts'in k'e b'a nalan cha'an ja ta'an jawi. 9Ja ta'an jawi, chok' lek oj wajuk, yajni oj ko' sb'aj ja b'a sb'ak'tel ja kristyano jumasa sok ja chante jumasa, oj ch'ak k'a'uk jas b'ak'tele'i.
10-11Ja Moises sok ja Aaroni, yi'aje ja ta'an it alji yabye'i, ti waj sk'umuke ja mandaranumi, yajni ti'xa aye lajani, ti slumts'in k'e b'a nalan cha'an ja Moisesi. Yuj ja ta'an jawi, ja'yuj ch'ak och k'a'uk jas b'ak'tel ja kristyano jumasa, sok ja chante jumasa b'a Egipto. Ja mago jumasa mi b'ob' waj sje' sb'aje yi' ja Moisesi, b'a oj cho sk'u'luk ja ye'nle ja jastal sk'u'lane ja Moisesi, yuj ja lom k'a'elxa jas b'ak'tele'i. 12Ja Dyosi, jel ya ch'u'uyb'uk yi jas k'ujol ja mandaranumi, sok mini t'un sk'ana oj yab' yab'alil ja Moises sok ja Aaroni, yujni jach' alub'al yab' ja Moises yuj ja Dyosi.
Sjukil wokol: Ja Dyosi, ya ko' b'at ja b'a Egipto
13Ja'yuj ja Dyosi, ti yala yab' ja Moisesi:
—Ja jecheli k'e'an saj, kax k'uman ja mandaranumi, ala yab' ke ke'n wax kala, b'a sb'i'il ja Dyos yuj ja israelenio jumasa, wax kala a wab' ke a el k'ab'al ja kuntikil jumasa b'a oj waj stoy'one'. 14Kechan ta mik'a oj ja wa k'ab'al, ja ek'ele' iti, oj ch'ak jek a wi ja wokol jumasa b'a chonab' Egipto. B'a spetsanil ja lu'umi, mey pilan Dyos ja jastal ja ke'n, b'a oj ja na'i oj je'a wi jastalon. 15Ja lek wanuktox k'ana, malan sok jun niwan chamel, oj ka'yi'e ja egipsiano jumasa, ch'akta chamuke ya'na. 16Yuj ja me'x k'u'lani, ja'yuj ja wax k'ana oj je' a wi'ex ja kipi, sok wax k'ana ke spetsanil jas swinkil ja chonab' iti, oj sna'e jb'aj.
17—Al yab'i ta yuj k'a cho wa'nto sneb'jel mi oj ya eluk ja kuntikili, 18B'aj jechel jastal ja ya'n, oj ka jak niwak b'at sok jel alik, mini jun ek'ele b'a wax yila jas swinkil ja Egipto ja jastal ja wa. 19Al yab'i, a sle' b'a oj snol spetsanil ja schanste jumasa, sok ja sb'a'al ja yalaji, yuj k'a miyuk, ja b'at oj jakuki, oj smil spetsanil sok oj smil ja chante jumasa.
20Yajni yabye ja jas yala ja Dyosi, jel och sxiwel ja ya'tijum ja mandaranumi, yala yab' jas ya'tijum jumasa a waj sle' b'a oj snol sb'aje'a, jachuk ja chante jumasa ch'ak slut e' b'a skoral. 21Jaxa tuki mini sk'u'ane'a, ti ya'we kan b'a alaj ja ya'tijume sok jas wakaxe'i. 22Jaxa Dyosi, ti yala yab' ja Moisesi: —Lika nalan cha'an wa k'ab'i, b'a oj jak b'at b'a oj ko' sb'aj spetsanil kristyano, sok ja schante'i, sok ja tek'ul jumasa.
23Ja Moisesi, slika nalan cha'an jas k'ab' sok ja snajb'ate'i, juts'in och b'otoljuk ja chawuki sjakel ja b'ati. 24—Ja jastal iti. Spetsanil ja k'ak'u janek' ek'ta mini b'a wax yila ja kristyano ja jastal jel tsats ko' ja b'ati, sok ja jastal jex awani ja chawuki, 25ja b'ati smila kristyano, chante, tek'ul, jaxa te' jumasa, xe'ntiyaman xta ch'ak ya kanuk, 26-32ja lino sok ja sebada mi jas kani, ja lino ja k'ak'u jumasa jawi, nich lek, jaxa sebada wa'n elel sni', ja b'a mi jas ek' sb'aji ja trigo sok ja avena yuj ja tsa'anxa wax satini ja jaw jumasa. Jaxa b'a Gosen b'a kulane ja israelenio jumasa, mini jun b'at ko' ja tiwa. Ja'yuj ti jekji spayjele ja Moises sok ja Aaron yuj ja mandaranumi, ti alji yabye'a:
—Ja ya'n wanix na'a jta'a ta jmul yuj ja Dyosi, ja jas wa'n ek'eli, ke'n jmultikon mi smuluk ja Dyosi, ja'yuj alawik yab'i, mixa oj tim mok wajuke ja israelenio. —Yuj ja mixax kuch kujtikon ja b'at sok ja jastal wax b'ojti ja chawuki.
Ti sjak'a ja Moisesi:
—Oj je'awi niwan mandaranum, ja Dyos kujtikoni, ye'nani swinikil spetsanil ja jas ay b'a lu'um k'inali. Yajni la elyon ja ili, oj k'umuk oj kal yab' mokxa jel ya jakuk ja b'ati, sok mokxa jel ya b'ojtuk ja chawuki, Jach' oj k'uluk yuj ja wax kila mito wala xiwyex yuj ja Dyosi, mini ja we'n sok mini ja wa wa'tijum jumasa.
33Yajni el ja Moisesi ja b'a snaj ja mandaranumi, ti'xa slika ja sk'ab'i sk'uman ja Dyosi. Juts'in k'ot tek'an ja b'ati, sok ch'ak ja jastal wax b'ojti ja chawuki. 34B'aya yajni lamxi ja wokol jumasa, ja mandaranumi cho ch'u'uy b'i jas k'ujoli, jachuk ja ye'n sok jachuk ja smoj a'tel jumasa, mini ya'we eluk ja israelenio'a. 35Ja Dyosi, yaloj yujni jach' oj ek'uka, jaxa Moisesi, yal yab' ja kristyano jumasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021