Exodo 36
36
1—Ja'yuj ja Besalel sok ja Oholiabi, sok spetsanil ja israelenio ma'tik wa skolta sb'aje soki, jach' oj sk'u'luke spetsanil ja jastal yala ja Dyosi. Cho jach'ni spetsanil ja ma'tik ak'ub'al yi niwak sneb'jel yuj ja Dyos b'a oj sna' sk'u'lajel ja jastik t'ilan oj makunuk b'a kulto.
Jel jitsan ja limosna
2-3Ja Moisesi, stsomo sb'aj sok ja smoj a'tel jumasa, ya'yi ja limosna it ya'awe ja kristyano jumasa. Jaxa ye'nle'i, ti'xa och stojb'ese ja jastik oj ch'ak makunuk b'a snaj ja Dyosi.
Ja israelenio jumasa jujune' k'ak'u, wax yi'aje och ja slimosna'e b'a snaj ja Dyosi. 4-5Yajni yilawe ja a'tijum jumasa mix axwi ja kristyano ya'jel ja slimosna'e'i, yalwe yab' ja Moisesi. 6Jaxa Moisesi, sjeka aluman yab' spetsanil ja kristyano mokxa cham sk'ujole yuj ja slimosna'e b'a snaj ja Dyosi. Jachuk mixa yi'aje och ja israelenio jumasa, 7sok mi kechanuk ay jitsan ja jas wa xmakuni, jitsanto lek wax kani.
Ja a'tel b'a snaj ja Dyosi
8-13Ja ma'tik jel wa sna'awe a'tel yuj ja tuk jumasa, stojb'ese ja na'its sb'a Dyosi sok lajune skortina'il, sok sts'isawe chab' yanjel querubin#36:8-13 yanjel querubin: Ja querubini jach splanta jastal chante sok winik, jel tsatse sok wax talnaniye. ja Dyosi.
14-19Jaxa Besaleli, stojb'es juluche kortina sok stso'otsil chivo, b'a oj stojb'es chab' niwak k'u'uts ja b'a oj smus sok ja snaj ja Dyosi, cho stojb'es ts'ujmil chej b'a oj smak sok ja chab' niwak k'u'uts jawi. Mi kechanuka cha ya'to och ts'u'um b'a lek ja b'a sati.
20-38Jaxa Besaleli ye'n yi'aj ya'tel b'a oj schap spetsanil ja jas oj makunuk b'a sk'u'ljel ja snaj ja Dyosi: Jastal ak'inte, yuk'mal, yip jumasa, yargoya'il, ste'il. Sts'isa ja k'u'uts b'a oj spil ja lugar tsa'ub'al sok b'a pilub'ali, ja tiwi sts'isa chab' yanjel querubin ja Dyosi, cho stojb'es pilan k'u'uts b'a wa x'ajyi ochel och b'a yoj snaj ja Dyosi, ti ya' lokan b'a te' jumasa tey tiwi.
Currently Selected:
Exodo 36: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
