Exodo 31
31
Ja k'u'la na'its jumasa
1Ja Dyosi, sk'uman ja Moisesi, ti yala yab'a:
2—Ja we'n waxa na'a sb'aj ja Besalel yunin ja Uri, ja yij ja Ur it tey sok ja k'ole sb'a Juda. Ke'n jtsa'ata, 3ke'n ka'ta yi ja kipi. Ja ye'n oj sna sk'u'lajel chikan jastik junuk, oj yab' sb'ej, oj sna' k'inal, chikan jas a'tel oj ni b'ob' yuj ja. 4Ja ye'n wa sna'a sb'is jel wax cho ya'telta k'anal tak'in, sakal tak'in, bronce; 5wa sna'a ya'teltajel tsamal ton jumasa, wa sna'a sk'u'lajel ujal, wa stojb'es ak'inte', chikan jas a'tel wa sna'a.
6—Cho jtsa'unej ja Oholiab yunin ja Ahisamac yintil ja Dan b'a oj skolta ja Besaleli. Spetsanil ja ma'tik oj skolta, ka'oj yi'e' jitsan ja jas was na'awe'i b'a oj b'ob' sk'u'luke chikan jas tik'e a'tel: 7-11Ja na'itsi, ja skajonil ja trato, ja smesa'il ja wa'eli, ja kandelerio toj k'anal tak'in, ja altar sb'a pomi, ja altar b'a wax tsikxi ja jmajtani, ja ye'tal bronce sok ja yok jumasa, ja spal k'u' ja pagre jumasa, ja aceite b'a tsa'ub'ali, ja pom it jex ajb'ani yik'ili, sok spetsanil ja jas wax makuni b'a kulto'i.
—Spetsanil ja it jumasa, oj ni b'ob' sk'u'luke'a ja'ni oj snoch e' ja jastal it kaloj yabye'i.
Ja sk'ak'u'il jijleli
12-17Ja Dyosi, yala yab' ja Moisesi, a yal yab' ja israelenio jumasa:
—Ja we'nlexi, oj ja talnayex ja sk'ak'uil jijlel ja jastal je'unej a wi'exi. Ja sk'ak'u'il jijleli, jun k'ak'u tsa'ub'al a wujilex, jel t'ilan oj ja talnayex. Chikan ma mi oj skise oj ni ch'ay sna'jela. Ja ma oj a'tijuk ja k'ak'u jawi, oj nutsxuk ele. Wake k'ak'u oj b'ob' a'tijananik, jaxa b'a sjukili oj jijlanik sok ke'n oj ja toy'onex. Ta a kisawex k'a ja jas wa xkala, jach'ni oj sna' ja wa wintilex mi tukuk waxa wilawonex ja we'nlexi, oj cho sna'e' ke'n Dyos yujon ja israelenio jumasa, ja'yuj ochyexta kuntikilil. Man ya'n a petsanilex oj jijlanik ja sk'ak'u'il jijleli, ja yajni jk'u'lan ja satk'inal sok ja lu'umi yi'aj kuj wake k'ak'u, jaxa b'a sjukili jijliyon.
18Ja yab'al ja Dyos it jel t'ilan oj sk'u'uk ja kristyano'i, ti a'jiyi ja Moises b'a wits Sinai. Ye'n sts'ijb'a ja Dyos ja chab' laja ton jawi.
Currently Selected:
Exodo 31: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
