Exodo 23
23
Slekil b'a spetsanil
1—Mok lom a le'ex ab'al, mok jas a wal'ex yab' b'a mi sb'ejuk ja ma mi sk'u'an ja Dyosi, b'a mi oj sta' jastal oj slo'la ja jwes jumasa.
2—Mok a k'u'lukex b'a mi sb'ejuk jastal wa sk'u'lane ja tuk jumasa.
—Tax jekji a payjelex b'a sti' sat ja ma ay ya'teli, alawik ja smeranili, mok a le'ex ab'al jastal ja tuk jumasa. 3A'nima jun ma jel ajula sb'aj, mok a le'ex ab'al yuj ja waxa k'ana oj ja koltayexi.
4—Taxa wilawex jun wakax ma jun burro ch'ayel, alawik yab' ja ma sb'aji, a'nima mi lek xa wila a b'ajex sok.
5—Taxa wilawex jun burro mokta yuj ja yalal ja yijkatsi, tukuwik yi a'wik elyi, a'nima mi lekxa wila a b'ajex sok ja ma sb'aji.
6—Ta oj k'a a tojb'esex jun ab'al, mok a wil'ex ch'in ja ma jel ajula sb'aji.
7—Mok ma a le'ex yi smul lom, mok a wal'ex a miljuk ja ma mey smuli, ja ke'n mi oj kil lek ja ma ayni smuli.
8—Mok ma a yam'ex yi tak'in, ta ay k'a ma wa sk'ana oj sk'u'l ja b'a mi sb'ejuki. Ja tak'in jawi was ch'aya ja jastal toj wala ajyitiki, ja'xa k'ela ja wokol jumasa yuj ja wa xya'we stup ja ma mey smuli.
9—Mok a wil'ex ch'in ja ma' pilan b'a jakeli, jachuk ja we'nlex ja yajni ti ajyiyex b'a Egipto mini ti a b'ajukex tiwa, jachuk mixa xa na'awex jastal ja yajni mi sb'ajukotik b'a jun chonab'i.
Ja ab'al sb'a jijleli
10—Wake jab'il oj b'ob' a wa'telta ja lu'umi, sok oj b'ob' a tul ja sb'a'ali, 11ja b'a sjukil jab'ili, oj wa jijluk, ay to k'a jas eljan lom b'a lu'umi, a'xakan b'a ye'n oj stul ja ma jel ajula sb'aji, jaxa janek' oj kanuki a slo' ja yal chante jumasa b'a k'uli, jach' oj cha'a k'u'lyi ja yaljil ts'usub'i.
12—Snajtil ja wake k'ak'u oj b'ob' a'tijananik, k'u'lanik ja jas waxa k'ana oj ja k'u'lukexi, jaxa b'a sjukili, sk'ak'u'il jijlel, oj wa jijluk wa wakaxi, wa burro, sok ja ma pilan jakel wa'n a'tel a mokexi.
13—K'u'anik spetsanil ja ab'al jumasa iti, mok a k'an'ex tuk dyos ma oj skoltayex, mok a ta'ex ti' ja sb'i'ili.
Ja ab'al sb'a k'in jumasa
14—B'a jujune' jab'il oj ja k'u'lukex oxe k'in b'a oj ja toy'onexi.
15—Ja sk'inil ja pan it mey yi'oj levadura, oj ja k'u'lukex b'a yixawil Abib,#23:15 yixawil Abib: Ja ixaw jawi, ja sb'ajtanil ixaw b'a jab'il yuj ja judio jumasa, jaxa b'a jtiempo ke'ntiki, b'a snalan ja yixawil marso sok snalan ja yixawil abrili. jayuj ja' ixaw jaw ja elye b'a Egipto. Jaxa k'ini oj alb'uk juke k'ak'u, snajtil ja k'ak'u jumasa jawi, ja wa'el oj ja wabyexi, mi oj ja wa'wex ochyi levadura, jaxa ma oj jak stoy'oni, t'ilan oj yi'janki jun jmajtan.
16—Yajni wa'n ajyel wa jastik ab'ajexi, oj ja k'u'lukex chab' k'in, ja b'ajtan k'ini, ja sk'inil ja sb'ajtanil sat wa jas a b'ajexi, ja schab'il k'ini, ja sk'inil ja yajni xch'ak a tsom'ex spetsanil wa jas a b'ajexi.
17—Spetsanil ja winik jumasa b'a ay sk'ujoli, ojni stsom sb'aje yoxil mak'e ja k'in jumasa ita.
18—Yajni oj ja mil'ex ki chante b'a stij sati, mok a wa'wex ki lajan sok ja waj ay yi'oj levadura sok mini ja schik'eli, mini ja skojlelali, mok cho a nol'ex kan sb'a pilan k'ak'u.
19—Ja jmajtan oj ja wi'ex jan ki b'a jnaj b'a wax ajyi ja tsomjeli, ja'ni b'a lek a wa'wex el b'a wa walajexi.
—Mok a ts'an'ex yal chivo b'a wantox chu'ni.
Ja jas k'apji yi'e'i
20Ti cho yala ja Dyosi:
—Ke'n oj jek a wi'ex ja kanjel b'a oj stalnayex, sok b'a oj sje' a wi'ex ja b'ej b'a oj k'otanik ja b'a lu'um jchapunej a wi'exi. 21K'u'anik ja jas oj yali, ke'n ka' oj yi ja yip b'a oj sk'u'luk ja jastal wa xk'u'lan ja ke'n; ja ye'n oj ya'a tup'ex ta yuj k'a mixa k'u'anexi. 22Ta ch'ak a k'u'ukex spetsanil ja jas oj yali, ke'n oj kil jas oj kut ja ma mi lek xyilawexi. 23Ja kanjeli, tojxta oj yi'ex och b'a Canaan ja ya'n toj tuk kristyano ja ma' tey tiwi, spetsanil ja ye'nle'i oj ch'ak sna'jele.
24—Ja we'nlexi, mi oj b'ob' a toy'ex yi ja dyos yujile ja kristyano jumasa jawi, ch'akan jipawik el sok ja yaltare'i.
25—Ke'n oj ja toy'onex yuj ja ke'non ja wa Dyosonexi, mi oj k'ot tik'an ja wa wa'elexi. Sok mi oj ko'anik chamel, 26mi ma oj cham jelto untik. Spetsanil ja ixuke'i oj ajyuk yuntikile, lek oj manxuk ja yal alats jumasa.
27-28—Yajni la k'otyex b'a chonab' Canaani, jel oj ka xiwuk ja kristyano jumasa oj ka spak e' ajnel. Yajni mojan ojxa k'otaniki, oj jek jitsan chajnul chab' b'a oj nutsjuke ele. 29-30Ja sb'ajtanil jab'ili, mi oj ch'ak ka eluke, takal takal oj ka eluke. Jun ita k'a jalon oj ka eluke jel lom oj jijluk ja lu'umi, sok jel oj pojxuk ja chante b'a k'uli. Ja lek oj majlatik oj pojxanik lek, b'a we'n oj chak a k'ep a b'ajex spetsanil ja lu'um jawi.
31—Ja sniwanil ja lu'um oj ka'wi'exi, ti wa stuluyi b'a niwan paman ja' it jel yakili, ti wax k'ot tik'an b'a niwan paman ja' Mediterraneo, jaxa b'a pilan sts'e'eli ti wa stuluyi b'a ch'ayan takin lu'um k'inal, man b'a niwan ja' Eufrates. We'n oj ja k'u'lukex mandar ja ma'tik tey tiwi, sok oj ni a wa'wex eluke ja b'a chonab' jumasa ja wa.
32-33—Mok a wila b'ajex lek sok ja ye'nle'i, mok tejk'ajuk a mokex, b'a mi oj ya'a ta'a mulex jmok. Mok a toy'ex ja dyos yujile'i, kechan ta'a k'u'lanex ti'ni oj ch'ayanik tiwa.
Currently Selected:
Exodo 23: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 23
23
Slekil b'a spetsanil
1—Mok lom a le'ex ab'al, mok jas a wal'ex yab' b'a mi sb'ejuk ja ma mi sk'u'an ja Dyosi, b'a mi oj sta' jastal oj slo'la ja jwes jumasa.
2—Mok a k'u'lukex b'a mi sb'ejuk jastal wa sk'u'lane ja tuk jumasa.
—Tax jekji a payjelex b'a sti' sat ja ma ay ya'teli, alawik ja smeranili, mok a le'ex ab'al jastal ja tuk jumasa. 3A'nima jun ma jel ajula sb'aj, mok a le'ex ab'al yuj ja waxa k'ana oj ja koltayexi.
4—Taxa wilawex jun wakax ma jun burro ch'ayel, alawik yab' ja ma sb'aji, a'nima mi lek xa wila a b'ajex sok.
5—Taxa wilawex jun burro mokta yuj ja yalal ja yijkatsi, tukuwik yi a'wik elyi, a'nima mi lekxa wila a b'ajex sok ja ma sb'aji.
6—Ta oj k'a a tojb'esex jun ab'al, mok a wil'ex ch'in ja ma jel ajula sb'aji.
7—Mok ma a le'ex yi smul lom, mok a wal'ex a miljuk ja ma mey smuli, ja ke'n mi oj kil lek ja ma ayni smuli.
8—Mok ma a yam'ex yi tak'in, ta ay k'a ma wa sk'ana oj sk'u'l ja b'a mi sb'ejuki. Ja tak'in jawi was ch'aya ja jastal toj wala ajyitiki, ja'xa k'ela ja wokol jumasa yuj ja wa xya'we stup ja ma mey smuli.
9—Mok a wil'ex ch'in ja ma' pilan b'a jakeli, jachuk ja we'nlex ja yajni ti ajyiyex b'a Egipto mini ti a b'ajukex tiwa, jachuk mixa xa na'awex jastal ja yajni mi sb'ajukotik b'a jun chonab'i.
Ja ab'al sb'a jijleli
10—Wake jab'il oj b'ob' a wa'telta ja lu'umi, sok oj b'ob' a tul ja sb'a'ali, 11ja b'a sjukil jab'ili, oj wa jijluk, ay to k'a jas eljan lom b'a lu'umi, a'xakan b'a ye'n oj stul ja ma jel ajula sb'aji, jaxa janek' oj kanuki a slo' ja yal chante jumasa b'a k'uli, jach' oj cha'a k'u'lyi ja yaljil ts'usub'i.
12—Snajtil ja wake k'ak'u oj b'ob' a'tijananik, k'u'lanik ja jas waxa k'ana oj ja k'u'lukexi, jaxa b'a sjukili, sk'ak'u'il jijlel, oj wa jijluk wa wakaxi, wa burro, sok ja ma pilan jakel wa'n a'tel a mokexi.
13—K'u'anik spetsanil ja ab'al jumasa iti, mok a k'an'ex tuk dyos ma oj skoltayex, mok a ta'ex ti' ja sb'i'ili.
Ja ab'al sb'a k'in jumasa
14—B'a jujune' jab'il oj ja k'u'lukex oxe k'in b'a oj ja toy'onexi.
15—Ja sk'inil ja pan it mey yi'oj levadura, oj ja k'u'lukex b'a yixawil Abib,#23:15 yixawil Abib: Ja ixaw jawi, ja sb'ajtanil ixaw b'a jab'il yuj ja judio jumasa, jaxa b'a jtiempo ke'ntiki, b'a snalan ja yixawil marso sok snalan ja yixawil abrili. jayuj ja' ixaw jaw ja elye b'a Egipto. Jaxa k'ini oj alb'uk juke k'ak'u, snajtil ja k'ak'u jumasa jawi, ja wa'el oj ja wabyexi, mi oj ja wa'wex ochyi levadura, jaxa ma oj jak stoy'oni, t'ilan oj yi'janki jun jmajtan.
16—Yajni wa'n ajyel wa jastik ab'ajexi, oj ja k'u'lukex chab' k'in, ja b'ajtan k'ini, ja sk'inil ja sb'ajtanil sat wa jas a b'ajexi, ja schab'il k'ini, ja sk'inil ja yajni xch'ak a tsom'ex spetsanil wa jas a b'ajexi.
17—Spetsanil ja winik jumasa b'a ay sk'ujoli, ojni stsom sb'aje yoxil mak'e ja k'in jumasa ita.
18—Yajni oj ja mil'ex ki chante b'a stij sati, mok a wa'wex ki lajan sok ja waj ay yi'oj levadura sok mini ja schik'eli, mini ja skojlelali, mok cho a nol'ex kan sb'a pilan k'ak'u.
19—Ja jmajtan oj ja wi'ex jan ki b'a jnaj b'a wax ajyi ja tsomjeli, ja'ni b'a lek a wa'wex el b'a wa walajexi.
—Mok a ts'an'ex yal chivo b'a wantox chu'ni.
Ja jas k'apji yi'e'i
20Ti cho yala ja Dyosi:
—Ke'n oj jek a wi'ex ja kanjel b'a oj stalnayex, sok b'a oj sje' a wi'ex ja b'ej b'a oj k'otanik ja b'a lu'um jchapunej a wi'exi. 21K'u'anik ja jas oj yali, ke'n ka' oj yi ja yip b'a oj sk'u'luk ja jastal wa xk'u'lan ja ke'n; ja ye'n oj ya'a tup'ex ta yuj k'a mixa k'u'anexi. 22Ta ch'ak a k'u'ukex spetsanil ja jas oj yali, ke'n oj kil jas oj kut ja ma mi lek xyilawexi. 23Ja kanjeli, tojxta oj yi'ex och b'a Canaan ja ya'n toj tuk kristyano ja ma' tey tiwi, spetsanil ja ye'nle'i oj ch'ak sna'jele.
24—Ja we'nlexi, mi oj b'ob' a toy'ex yi ja dyos yujile ja kristyano jumasa jawi, ch'akan jipawik el sok ja yaltare'i.
25—Ke'n oj ja toy'onex yuj ja ke'non ja wa Dyosonexi, mi oj k'ot tik'an ja wa wa'elexi. Sok mi oj ko'anik chamel, 26mi ma oj cham jelto untik. Spetsanil ja ixuke'i oj ajyuk yuntikile, lek oj manxuk ja yal alats jumasa.
27-28—Yajni la k'otyex b'a chonab' Canaani, jel oj ka xiwuk ja kristyano jumasa oj ka spak e' ajnel. Yajni mojan ojxa k'otaniki, oj jek jitsan chajnul chab' b'a oj nutsjuke ele. 29-30Ja sb'ajtanil jab'ili, mi oj ch'ak ka eluke, takal takal oj ka eluke. Jun ita k'a jalon oj ka eluke jel lom oj jijluk ja lu'umi, sok jel oj pojxuk ja chante b'a k'uli. Ja lek oj majlatik oj pojxanik lek, b'a we'n oj chak a k'ep a b'ajex spetsanil ja lu'um jawi.
31—Ja sniwanil ja lu'um oj ka'wi'exi, ti wa stuluyi b'a niwan paman ja' it jel yakili, ti wax k'ot tik'an b'a niwan paman ja' Mediterraneo, jaxa b'a pilan sts'e'eli ti wa stuluyi b'a ch'ayan takin lu'um k'inal, man b'a niwan ja' Eufrates. We'n oj ja k'u'lukex mandar ja ma'tik tey tiwi, sok oj ni a wa'wex eluke ja b'a chonab' jumasa ja wa.
32-33—Mok a wila b'ajex lek sok ja ye'nle'i, mok tejk'ajuk a mokex, b'a mi oj ya'a ta'a mulex jmok. Mok a toy'ex ja dyos yujile'i, kechan ta'a k'u'lanex ti'ni oj ch'ayanik tiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021