Exodo 21
21
Ja ab'al sb'a a'tijum jumasa
1Ja Dyosi, cho yala yab' ja Moises a ya'yi ja ab'al jumasa it ja israelenio:
2—Oj k'a a man jun a wa'tijum israelenio, kechan oj b'ob' wa a'tijuk wake jab'il. Ti oj wa eluka mini jas oj ja wa' yi'a.
3—Stuch'il k'a jak a mok, stuch'il oj kumxuk; sok k'a sche'um jak a mok, ojni cho kumxuk sok ja sche'uma.
4Ja a'tijum jawi, ti'xa k'a nupani b'a a'tiji, ajyi yuntikil sok ja sche'umi, yajni xwaj eluki stuch'il oj eluk, ja'yuj ja sche'um sok ja yuntikili sb'ajni ye'n ja yajwala.
5Kechan ta wan k'ax yala ja a'tijum jawi: Ja ke'n mi oj elkon, jel yaj xkab' ja che'um sok ja kuntikili, cho jach'ni ja ma wa'non sok a'teli, ta xchi k'a; 6ti'xa wi'ajex och b'a na'its b'a wax ajyi ja tsomjel b'a oj jotjuk yi ja schikini. Sok ja senya jawi, ti oj na'xuk yujni ti'xa oj kan a'tijuk spetsanil k'ak'uja.
7—Ta ay k'a ma oj schon jun yak'ix sb'a a'tel, a sna' mi jach' oj eluk ja ye'n ja jastal wax el ja winiki.
8—Ja ma' smana, mi k'a sk'ana oj nupanuk sok, a ya' eluk chikan ma sk'ana oj stupe, ojni b'ob' ya eluka, kechan mi oj b'ob' schon sok jun b'a pilan chonab'.
9—Ja ma smana, ta wan k'a sk'ana oj ya nupanuk sok ja skeremi, t'ilan oj yil jastal yuntikil.
10—Ja ma smana, ye'n k'a oj nupanuk sok, oj k'a cho nupanuk sok pilan ixuk, mok waj yal mixa sche'umuk, cho mi oj b'ob' yil ch'in, oj smak'la oj cho sk'u'tes. 11Ta waj k'a sjapyi ja oxe jastik iti, k'eb'ub'al oj eluk, mi jas oj stupkani.
Ja ma' wax milwani oj stupe
12—Ta ay k'a ma wax mak'wani, ti k'a smila ja ma' smak'a, jach'ni ja ye'n ojni miljuka.
13—Ta ay k'a ma milwani, mi yuj jach' wa'nuk sneb'jel oj sk'u'l ajyi, yujni ja jach' wa sk'ana ja Dyosi; jaxa ma milwani, oj a'ji spak ajnel, ye'n ja Dyos oj yal b'a oj snak' sb'aj ja.
14—Kechan ta ay k'a ma milwani, yujni jach' wa'n sneb'jel oj sk'u'luki, jach'ni ja ye'n ojni cho miljuka, a'nimax waj sle' skoltajel man b'a kaltar.
15—Ja ma oj syajb'es ja stati, ma ja' snani, ojni chamuk ja ye'na.
16—Ja ma oj yelk'an jun kristyano b'a oj schone, ma ti oj snol b'a snaj, ojni chamuk ja ye'na.
17—Ja ma oj sk'ak'lan ja snan stati, ojni chamuka, spetsanil ja iti, jach' ch'ak yal ja Dyosi.
Ja ab'al sb'a ma wax yajb'esni
18—Ta ay k'a chab' winik wax k'eye tiro, ta yajk'ax ya yajb'uk ja jun sok ton ma sok sk'ab, kank'a jijluk b'a sch'at, 19ja ma yajb'i mini ay smula, ta wan k'a xb'ob' k'e' takal wax b'ob' b'ejyuk T'usan sok snajb'ate, oj ajnajuk sok oj tupjuk yi ja sk'ak'u jumasa oj sch'ayi.
20—Ay k'a ma syajb'es jun ya'tijum sok te', yuj k'a cham ja ma' yajb'esji, ojni a'ji stup ja smul ja ma' yajb'esni'a. 21Ek'to k'a jun k'ak'u ma chab' k'ak'u ti'to chama, mey smul ja yajwali, yuj sb'ajni ye'na'a.
22—Ta ay k'a chab' oxe wax och k'e'uke tiro, jaxa b'a stiro'e' jawi, ta syajb'es k'a jun ixuk kuchan yuj niwan chamel, cham k'a ja yal alats kuchan yuji, ja statami, oj b'ob' stajb'a ja ma sta'a smuli, ye'n oj yal janek' ja sts'akol oj sk'ani, ja chikan ta lek xyila ja ma wa'n sk'eljeli. 23Kechan ta ay k'a jas waj ek'uk yuj ja ixuki, ojni cho stup ja ma sta'a smuli, ta smila k'a ja ixuki, jach'ni ja ye'n ojni chamuka; 24Ay k'a max ya' el jun satal, jach'ni ja ye'n oj a'ji elyi ja sati; ay k'a ma xya el jun ejal, jach'ni ja ye'n oj a'ji elyi ja yeji. Ay k'a ma syajb'es jun k'ab'al, jach'ni ja ye'n oj yajb'es jukyi ja sk'ab'i, ta ay k'a ma syajb'es jun okal, jach'ni ja ye'n oj yajb'es jukyi ja yoki, 25ta ay k'a max tsikwani, ojni cho tsikjuk ja ye'na, ta ay k'a ma xyajb'esni, ojni cho yajb'esjuk ja ye'na, ta ay k'a ma oj jutb'inuk, ojni cho jutb'ijuk ja ye'na.
26-27—Ta ay k'a ma syajb'es yi jun sat ja wa a'tijumi ma wa a'tijum ixuki, yuj k'a mixax yila k'inal, ojni el k'ab'al yuj ja jawa. Jach' junxta jastal it ay k'a ma wax ya' el jun ejali.
Ja ab'al sb'a yajb'el ch'ay k'ujoli
28—Jun wakax ta wan k'ax milwani, jach'ni ja ye'n ojni chamuka, mi ma oj b'ob' sk'ux ja sb'ak'teli. Ja swinkil ja wakax jawi mini oj sta smula.
29—Ta wan k'a sna'a ja swinkil yujni wax luchwani'a sok mi slutu, ma' smul ta ay k'a ma smila, ja' smul ja swinkili, ja'yuj ja jastal oj chamuk ja wakax jawi, jach'ni oj cho chamuk ja swinkili. 30Kechan ta oj k'a stup jun multa ja swinkil ja wakaxi, ja jachuki mi oj miljuk ja ye'ni. 31Ja jastal wax yala ja yab'ali, jach' oj k'u'laxuk yi ja wakax b'a wax luchwani, ta waj k'a sluch ja yuntikil ja kristyano jumasa.
32—Jun wakax b'a wax luchwani, waj k'a sluch jun a'tijum winik ma jun a'tijum ixuk, ja ma sb'aj ja wakax jawi, oj stupyi ja yajwal ja a'tijum jumasa jawi, sok jun tajb'e lajune (30) sakal tak'in, mi kechanuka, ja wakaxi ojni chamuka.
33—Ta ay k'a ma sjama sti' jun poso, ma sk'u'lan june mi smaka sti' mok' jun wakax ma jun burro, 34ja ma sjama ye'n oj stup ja chante jumasa jawi, jaxa b'a oj chamuki ye'n oj yi'kani.
35—Ta jun wakax sluchu pilan wakax smilaka, ja wakax kan sak'ani oj chonxuk, jaxa sts'akoli oj spil sb'aje snalantik ja swinkil jumasa, jach'ni oj cho sk'u'le yi ja wakax chami oj spil sb'aje snalantik ja sb'ak'teli. 36Kechan ta wan k'a sna'awe yujni wax luchwani'a, sok mi slutu ja swinkili, ojni ya' slok'ol ja wakax chama, jaxa b'a chami ye'nani oj yi'kan ja ma oj ya' slok'oli.
Currently Selected:
Exodo 21: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 21
21
Ja ab'al sb'a a'tijum jumasa
1Ja Dyosi, cho yala yab' ja Moises a ya'yi ja ab'al jumasa it ja israelenio:
2—Oj k'a a man jun a wa'tijum israelenio, kechan oj b'ob' wa a'tijuk wake jab'il. Ti oj wa eluka mini jas oj ja wa' yi'a.
3—Stuch'il k'a jak a mok, stuch'il oj kumxuk; sok k'a sche'um jak a mok, ojni cho kumxuk sok ja sche'uma.
4Ja a'tijum jawi, ti'xa k'a nupani b'a a'tiji, ajyi yuntikil sok ja sche'umi, yajni xwaj eluki stuch'il oj eluk, ja'yuj ja sche'um sok ja yuntikili sb'ajni ye'n ja yajwala.
5Kechan ta wan k'ax yala ja a'tijum jawi: Ja ke'n mi oj elkon, jel yaj xkab' ja che'um sok ja kuntikili, cho jach'ni ja ma wa'non sok a'teli, ta xchi k'a; 6ti'xa wi'ajex och b'a na'its b'a wax ajyi ja tsomjel b'a oj jotjuk yi ja schikini. Sok ja senya jawi, ti oj na'xuk yujni ti'xa oj kan a'tijuk spetsanil k'ak'uja.
7—Ta ay k'a ma oj schon jun yak'ix sb'a a'tel, a sna' mi jach' oj eluk ja ye'n ja jastal wax el ja winiki.
8—Ja ma' smana, mi k'a sk'ana oj nupanuk sok, a ya' eluk chikan ma sk'ana oj stupe, ojni b'ob' ya eluka, kechan mi oj b'ob' schon sok jun b'a pilan chonab'.
9—Ja ma smana, ta wan k'a sk'ana oj ya nupanuk sok ja skeremi, t'ilan oj yil jastal yuntikil.
10—Ja ma smana, ye'n k'a oj nupanuk sok, oj k'a cho nupanuk sok pilan ixuk, mok waj yal mixa sche'umuk, cho mi oj b'ob' yil ch'in, oj smak'la oj cho sk'u'tes. 11Ta waj k'a sjapyi ja oxe jastik iti, k'eb'ub'al oj eluk, mi jas oj stupkani.
Ja ma' wax milwani oj stupe
12—Ta ay k'a ma wax mak'wani, ti k'a smila ja ma' smak'a, jach'ni ja ye'n ojni miljuka.
13—Ta ay k'a ma milwani, mi yuj jach' wa'nuk sneb'jel oj sk'u'l ajyi, yujni ja jach' wa sk'ana ja Dyosi; jaxa ma milwani, oj a'ji spak ajnel, ye'n ja Dyos oj yal b'a oj snak' sb'aj ja.
14—Kechan ta ay k'a ma milwani, yujni jach' wa'n sneb'jel oj sk'u'luki, jach'ni ja ye'n ojni cho miljuka, a'nimax waj sle' skoltajel man b'a kaltar.
15—Ja ma oj syajb'es ja stati, ma ja' snani, ojni chamuk ja ye'na.
16—Ja ma oj yelk'an jun kristyano b'a oj schone, ma ti oj snol b'a snaj, ojni chamuk ja ye'na.
17—Ja ma oj sk'ak'lan ja snan stati, ojni chamuka, spetsanil ja iti, jach' ch'ak yal ja Dyosi.
Ja ab'al sb'a ma wax yajb'esni
18—Ta ay k'a chab' winik wax k'eye tiro, ta yajk'ax ya yajb'uk ja jun sok ton ma sok sk'ab, kank'a jijluk b'a sch'at, 19ja ma yajb'i mini ay smula, ta wan k'a xb'ob' k'e' takal wax b'ob' b'ejyuk T'usan sok snajb'ate, oj ajnajuk sok oj tupjuk yi ja sk'ak'u jumasa oj sch'ayi.
20—Ay k'a ma syajb'es jun ya'tijum sok te', yuj k'a cham ja ma' yajb'esji, ojni a'ji stup ja smul ja ma' yajb'esni'a. 21Ek'to k'a jun k'ak'u ma chab' k'ak'u ti'to chama, mey smul ja yajwali, yuj sb'ajni ye'na'a.
22—Ta ay k'a chab' oxe wax och k'e'uke tiro, jaxa b'a stiro'e' jawi, ta syajb'es k'a jun ixuk kuchan yuj niwan chamel, cham k'a ja yal alats kuchan yuji, ja statami, oj b'ob' stajb'a ja ma sta'a smuli, ye'n oj yal janek' ja sts'akol oj sk'ani, ja chikan ta lek xyila ja ma wa'n sk'eljeli. 23Kechan ta ay k'a jas waj ek'uk yuj ja ixuki, ojni cho stup ja ma sta'a smuli, ta smila k'a ja ixuki, jach'ni ja ye'n ojni chamuka; 24Ay k'a max ya' el jun satal, jach'ni ja ye'n oj a'ji elyi ja sati; ay k'a ma xya el jun ejal, jach'ni ja ye'n oj a'ji elyi ja yeji. Ay k'a ma syajb'es jun k'ab'al, jach'ni ja ye'n oj yajb'es jukyi ja sk'ab'i, ta ay k'a ma syajb'es jun okal, jach'ni ja ye'n oj yajb'es jukyi ja yoki, 25ta ay k'a max tsikwani, ojni cho tsikjuk ja ye'na, ta ay k'a ma xyajb'esni, ojni cho yajb'esjuk ja ye'na, ta ay k'a ma oj jutb'inuk, ojni cho jutb'ijuk ja ye'na.
26-27—Ta ay k'a ma syajb'es yi jun sat ja wa a'tijumi ma wa a'tijum ixuki, yuj k'a mixax yila k'inal, ojni el k'ab'al yuj ja jawa. Jach' junxta jastal it ay k'a ma wax ya' el jun ejali.
Ja ab'al sb'a yajb'el ch'ay k'ujoli
28—Jun wakax ta wan k'ax milwani, jach'ni ja ye'n ojni chamuka, mi ma oj b'ob' sk'ux ja sb'ak'teli. Ja swinkil ja wakax jawi mini oj sta smula.
29—Ta wan k'a sna'a ja swinkil yujni wax luchwani'a sok mi slutu, ma' smul ta ay k'a ma smila, ja' smul ja swinkili, ja'yuj ja jastal oj chamuk ja wakax jawi, jach'ni oj cho chamuk ja swinkili. 30Kechan ta oj k'a stup jun multa ja swinkil ja wakaxi, ja jachuki mi oj miljuk ja ye'ni. 31Ja jastal wax yala ja yab'ali, jach' oj k'u'laxuk yi ja wakax b'a wax luchwani, ta waj k'a sluch ja yuntikil ja kristyano jumasa.
32—Jun wakax b'a wax luchwani, waj k'a sluch jun a'tijum winik ma jun a'tijum ixuk, ja ma sb'aj ja wakax jawi, oj stupyi ja yajwal ja a'tijum jumasa jawi, sok jun tajb'e lajune (30) sakal tak'in, mi kechanuka, ja wakaxi ojni chamuka.
33—Ta ay k'a ma sjama sti' jun poso, ma sk'u'lan june mi smaka sti' mok' jun wakax ma jun burro, 34ja ma sjama ye'n oj stup ja chante jumasa jawi, jaxa b'a oj chamuki ye'n oj yi'kani.
35—Ta jun wakax sluchu pilan wakax smilaka, ja wakax kan sak'ani oj chonxuk, jaxa sts'akoli oj spil sb'aje snalantik ja swinkil jumasa, jach'ni oj cho sk'u'le yi ja wakax chami oj spil sb'aje snalantik ja sb'ak'teli. 36Kechan ta wan k'a sna'awe yujni wax luchwani'a, sok mi slutu ja swinkili, ojni ya' slok'ol ja wakax chama, jaxa b'a chami ye'nani oj yi'kan ja ma oj ya' slok'oli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021