Exodo 15
15
Ja sts'eb'oj ja Moisesi
1Ja'yuj ja Moises sok ja israelenio jumasa sts'eb'ojtaye ja ts'eb'oj it b'a wa stoyowe ja sb'i'il ja Dyosi:
—Oj ts'eb'anukon, b'a oj toy ja Dyos kuji, yuj ja
jel niwan ja jastal b'ob' kuji:
—ch'ak ya ib'el ja'axuk ja kawu jumasa sok ja ma' k'e'ele'i.
2—Ye'n wax ka'yi ja ts'eb'oj iti, yuj ja
ye'n wax ya'ki ja kipi, sok wa skoltayon.
Ye'n ja Dyos kuji;
ja'yuj wax toyo.
Cho ja'ni Dyos yuj ja jtati;
ja'yuj wax toyo.
3—Ja Dyos kuji, cho ja'ni Dyos yuj ja israelenio
—Ja Dyosi, jun niwan tiro'anum
4Ch'ak ya ib'el ja'axuk ja skarro jumasa ja egipsiano,
—sok spetsanil ja soldado jumasa ja mandaranumi—
—Ja Dyosi, ti ch'ak ya sjik' ja' b'a yoj niwan paman ja' it jel ja yakili
ja niwak a'tijum b'a Egipto—
5—Spetsanile ja ye'nle'i jach' ch'ak mukxuke jastal ja ton
b'a scha'anil ja niwan paman ja'i.
6—Dyos kuj,
sok spetsanil a wip a ch'aya sna'jel ja matik mi xki'aj b'aj soki,
7sok spetsanil ja wa wipi ch'ak a jip e ele,
yuj ja wa tajkelal ch'ak a tsik e jastal ts'i'lel.
8A ju'u tsats, jaxa ja'i spila sb'aj;
man b'a scha'anil
ja ja'i mixa snika sb'aj
sk'u'lan sb'aj chab' niwak ts'akab'.
9—Ja matik mi xki'a jb'ajtikon soki sneb'awe:
—La ki'tik spatike—
—Oj ni jlajtike'a—
—Oj ch'aytik sna'jele—
—Oj ch'ak japtik yi'e ja jas yi'oje'i,
oj jk'ep jb'ajtikik.
10We'nani a ju'u tsatsa
sok ch'ak wa ib'el ja'axuke.
—B'a stsatsal ja ja'i
ti ch'ak a muk e jastal jun alal tak'in.
11—Dyos kuj,
—Me'y pilan Dyos ja jastal ja we'n—
—Kechan we'n jel niwana—
—Kechan we'n jel ja wa wipi—
Ja we'n waxa k'u'lan niwak milagro;
ja we'n jel tsamal ja jas waxa k'u'lan ki'tikoni.
12A je'a jastal jel niwan ja wa wipi
jaxa egipsiano ch'ak b'uk'juke yuj ja lu'um k'inali.
13—Jel waxa yajta ja wa wuntikili
sok spetsanil a wip a kolta
jaxa juts'in wa'na sje'jel yi' ti oj wajuke
ja b'a lugar it a wala ti oj ajyuke'i.
14-15Yajnix waj yab' ja filisteo jumasa,
jel oj cham sk'ujole;
jaxa ma'tik jel niwak ja ya'tele b'a Edom sok ja Canaani
oj och k'itk'unuke yuj jas xiweli.
16—Spetsanile ja ye'nle'i, jel oj
cham sk'ujole, sok jel oj xiwuke.
—Dyos kuj,
yuj ja wa wipi, xiwel lek oj ch'ak kanuke,
—Mixa oj snik sb'aje jastal ja toni,
man oj ch'ak ek' ja wa wuntikili.
17Dyos kuj,
we'n ti oj ja wi'otikon b'a yaxk'ul
ja b'a tsa'ub'al a wuji,
sok ti'ni oj ajyukotikon spetsanil k'ak'u tiwa.
—We'n ni a k'u'lunej—
—We'nani ti a k'u'lunej tiw wa naji.
18—Dyos kuj,
ja we'n ti aya ja ya'n, ja jecheli,
sok man b'a stik'anal—
Ja sts'eb'oj ja Maria
19Yajni ch'ak ochuke b'a yoj ja' ja swinik jumasa ja mandaranum b'a Egipto, yuj ja wa'ne yi'jel spatik ja israelenio, jaxa Dyosi, ya sta' sb'aj ja ja'i, ti ch'ak mukjuke kana. Jaxa israelenio jumasa, takin lek ja b'ej b'a ek' ye'i. 20Jaxa aluman Dyos Maria smoj alijel ja Aaroni, syama jun pandero och ts'eb'anuk. Jach'ni spetsanil ja tuk ixuke jumasa och ts'eb'anuke sok lajan, lajan ch'a och chanuke. 21Ja Maria sloko ja smoj jumasa b'a oj ts'eb'anuke jastal iti:
—Ts'eb'ananik toyowik ja Dyos kujtiki,
yujni b'ob'ta yuja:
—Ya ib'el ja'axuk, ja kawu jumasa sok ja swinkili.
Ja k'ajal ja'i, ya chi'b'uk ja Dyosi
22Ja Moisesi, yala yab' ja israelenio jumasa a eluke ja b'a sti' ja'i, jaxa ye'nle'i sk'u'ane ni'a. Ti wajye b'a ch'ayan takin lu'um b'a ko'el k'inal, oxe k'ak'u b'ej yiye' mini jun t'uje ja' sta'awe'a. 23Yajni sta'awe k'ot ja ja'i, mi b'ob' yu'e jel k'aj. Ja'yuj ja israelenio jumasa, ya'we sb'i'iluk ja lu'um k'inal jawi Mara, wa sk'ana yal —Jel k'aj; 24jaxa kristyano jumasa stajb'aye ja Moisesi: —¿Jaxa ya'n jasunk'a oj ku'tikon b'a? —xchiye.
25Jaxa Moisesi, sk'ana a koltajuk yuj ja Dyosi. Ti je'jiyi jun ib'e te'a, alji yab' a sk'uts xet'an a sjip b'a yoj k'ajal ja'. Ja Moisesi, jach'ni sk'u'lana, jaxa ja'i, juts'in chib'i.
Ja Dyosi, ti sk'u'lan probar tiw ja israelenio jumasa, ti cho ya'a tiw ja yab'al jastal oj ajyuke'i. 26Ti yala'a: —Ke'n ja wa Dyosonexi. Ke'n wax ka'a wa sak'anilexi. Oj k'a a maklayex lek ja jas oj kala wabyexi, ja we'nlexi yuj k'a oj ja k'u'ukex ja kab'al jumasa oj ka'wi'exi, oj k'a a k'u'lukex ja b'a leki, mini jun wokol oj ka'wi'ex ja jastal ka'yi'e ja egipsiano jumasa.
27Mas tsa'an ja israelenio jumasa, ti wajye kulan b'a Elim, ti ajyiye b'a lu'um k'inal b'a ay lajchawe sat ja' sok ox tajb'e lajune (70) xa'an.
Currently Selected:
Exodo 15: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 15
15
Ja sts'eb'oj ja Moisesi
1Ja'yuj ja Moises sok ja israelenio jumasa sts'eb'ojtaye ja ts'eb'oj it b'a wa stoyowe ja sb'i'il ja Dyosi:
—Oj ts'eb'anukon, b'a oj toy ja Dyos kuji, yuj ja
jel niwan ja jastal b'ob' kuji:
—ch'ak ya ib'el ja'axuk ja kawu jumasa sok ja ma' k'e'ele'i.
2—Ye'n wax ka'yi ja ts'eb'oj iti, yuj ja
ye'n wax ya'ki ja kipi, sok wa skoltayon.
Ye'n ja Dyos kuji;
ja'yuj wax toyo.
Cho ja'ni Dyos yuj ja jtati;
ja'yuj wax toyo.
3—Ja Dyos kuji, cho ja'ni Dyos yuj ja israelenio
—Ja Dyosi, jun niwan tiro'anum
4Ch'ak ya ib'el ja'axuk ja skarro jumasa ja egipsiano,
—sok spetsanil ja soldado jumasa ja mandaranumi—
—Ja Dyosi, ti ch'ak ya sjik' ja' b'a yoj niwan paman ja' it jel ja yakili
ja niwak a'tijum b'a Egipto—
5—Spetsanile ja ye'nle'i jach' ch'ak mukxuke jastal ja ton
b'a scha'anil ja niwan paman ja'i.
6—Dyos kuj,
sok spetsanil a wip a ch'aya sna'jel ja matik mi xki'aj b'aj soki,
7sok spetsanil ja wa wipi ch'ak a jip e ele,
yuj ja wa tajkelal ch'ak a tsik e jastal ts'i'lel.
8A ju'u tsats, jaxa ja'i spila sb'aj;
man b'a scha'anil
ja ja'i mixa snika sb'aj
sk'u'lan sb'aj chab' niwak ts'akab'.
9—Ja matik mi xki'a jb'ajtikon soki sneb'awe:
—La ki'tik spatike—
—Oj ni jlajtike'a—
—Oj ch'aytik sna'jele—
—Oj ch'ak japtik yi'e ja jas yi'oje'i,
oj jk'ep jb'ajtikik.
10We'nani a ju'u tsatsa
sok ch'ak wa ib'el ja'axuke.
—B'a stsatsal ja ja'i
ti ch'ak a muk e jastal jun alal tak'in.
11—Dyos kuj,
—Me'y pilan Dyos ja jastal ja we'n—
—Kechan we'n jel niwana—
—Kechan we'n jel ja wa wipi—
Ja we'n waxa k'u'lan niwak milagro;
ja we'n jel tsamal ja jas waxa k'u'lan ki'tikoni.
12A je'a jastal jel niwan ja wa wipi
jaxa egipsiano ch'ak b'uk'juke yuj ja lu'um k'inali.
13—Jel waxa yajta ja wa wuntikili
sok spetsanil a wip a kolta
jaxa juts'in wa'na sje'jel yi' ti oj wajuke
ja b'a lugar it a wala ti oj ajyuke'i.
14-15Yajnix waj yab' ja filisteo jumasa,
jel oj cham sk'ujole;
jaxa ma'tik jel niwak ja ya'tele b'a Edom sok ja Canaani
oj och k'itk'unuke yuj jas xiweli.
16—Spetsanile ja ye'nle'i, jel oj
cham sk'ujole, sok jel oj xiwuke.
—Dyos kuj,
yuj ja wa wipi, xiwel lek oj ch'ak kanuke,
—Mixa oj snik sb'aje jastal ja toni,
man oj ch'ak ek' ja wa wuntikili.
17Dyos kuj,
we'n ti oj ja wi'otikon b'a yaxk'ul
ja b'a tsa'ub'al a wuji,
sok ti'ni oj ajyukotikon spetsanil k'ak'u tiwa.
—We'n ni a k'u'lunej—
—We'nani ti a k'u'lunej tiw wa naji.
18—Dyos kuj,
ja we'n ti aya ja ya'n, ja jecheli,
sok man b'a stik'anal—
Ja sts'eb'oj ja Maria
19Yajni ch'ak ochuke b'a yoj ja' ja swinik jumasa ja mandaranum b'a Egipto, yuj ja wa'ne yi'jel spatik ja israelenio, jaxa Dyosi, ya sta' sb'aj ja ja'i, ti ch'ak mukjuke kana. Jaxa israelenio jumasa, takin lek ja b'ej b'a ek' ye'i. 20Jaxa aluman Dyos Maria smoj alijel ja Aaroni, syama jun pandero och ts'eb'anuk. Jach'ni spetsanil ja tuk ixuke jumasa och ts'eb'anuke sok lajan, lajan ch'a och chanuke. 21Ja Maria sloko ja smoj jumasa b'a oj ts'eb'anuke jastal iti:
—Ts'eb'ananik toyowik ja Dyos kujtiki,
yujni b'ob'ta yuja:
—Ya ib'el ja'axuk, ja kawu jumasa sok ja swinkili.
Ja k'ajal ja'i, ya chi'b'uk ja Dyosi
22Ja Moisesi, yala yab' ja israelenio jumasa a eluke ja b'a sti' ja'i, jaxa ye'nle'i sk'u'ane ni'a. Ti wajye b'a ch'ayan takin lu'um b'a ko'el k'inal, oxe k'ak'u b'ej yiye' mini jun t'uje ja' sta'awe'a. 23Yajni sta'awe k'ot ja ja'i, mi b'ob' yu'e jel k'aj. Ja'yuj ja israelenio jumasa, ya'we sb'i'iluk ja lu'um k'inal jawi Mara, wa sk'ana yal —Jel k'aj; 24jaxa kristyano jumasa stajb'aye ja Moisesi: —¿Jaxa ya'n jasunk'a oj ku'tikon b'a? —xchiye.
25Jaxa Moisesi, sk'ana a koltajuk yuj ja Dyosi. Ti je'jiyi jun ib'e te'a, alji yab' a sk'uts xet'an a sjip b'a yoj k'ajal ja'. Ja Moisesi, jach'ni sk'u'lana, jaxa ja'i, juts'in chib'i.
Ja Dyosi, ti sk'u'lan probar tiw ja israelenio jumasa, ti cho ya'a tiw ja yab'al jastal oj ajyuke'i. 26Ti yala'a: —Ke'n ja wa Dyosonexi. Ke'n wax ka'a wa sak'anilexi. Oj k'a a maklayex lek ja jas oj kala wabyexi, ja we'nlexi yuj k'a oj ja k'u'ukex ja kab'al jumasa oj ka'wi'exi, oj k'a a k'u'lukex ja b'a leki, mini jun wokol oj ka'wi'ex ja jastal ka'yi'e ja egipsiano jumasa.
27Mas tsa'an ja israelenio jumasa, ti wajye kulan b'a Elim, ti ajyiye b'a lu'um k'inal b'a ay lajchawe sat ja' sok ox tajb'e lajune (70) xa'an.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021