Exodo 11
11
Alji ja slajunil wokoli
1Tsa'an ja Dyosi, ti yala yab' ja Moisesi: —Ojto ka'yi jitsan wokol ja mandaranum sok ja kristyano jumasa. Tsa'an sok ja wokol jawi, ti'xa oj ya elanik ye'nxa b'i oj snutsex el ja b'a schonab'ili. 2Jaxa we'n ka'ax kax ala yabye ja israelenio jumasa, winik ixuk a schap sb'aje b'a oj eluke, a sk'an'e yi t'un kanal tak'in ma sakal tak'in ja ma' mojan yi'oje'i.
3Ja Dyosi, ch'ak stojb'es yi' jas k'ujol ja egipsiano yuj ja b'a oj syajtaye lek ja israelenio jumasa, cho jach'ni ja ya'tijum jumasa ja mandaranumi, jel skisawe ja Moisesi.
4Ja Moisesi, yala yab' pilan majke ja mandaranumi:
Niwan mandaranum, ja Dyosi, sjekawon b'a oj kal a wab'i, ja ya'n, mojan nalan a'kwal oj sb'ejtes ja wa chonab'ili, 5spetsanil jas swinkil ja Egipto, oj ch'ak chamuk ja sb'ajtanil yuntikile'i. Cho jach'ni ja wa b'aj we'n niwan mandaranum oj ni chamuka, ja b'a sb'ajtanil yuntikil ja wa wakaxi, wa wa'tijum ixuk jumasa. Ja sb'ajtanil yuntikil ja wa wakax jumasa oj ni ch'ak chamuka. 6Ja wokol jumasa iti, mini b'a waxa wilawexa, sok mini oj ja wil'ex pilan majke'a. 7B'a oj sje'a wi'ex jastal pilan wax yilawotikon ja Dyos ja ke'ntikon sok ja we'nlexi, mini jun oj chamuk ja sb'ajtanil kuntikil ke'ntikoni, sok mini jun oj chamuk ja sb'ajtanil yal jchante'tikoni, mini jun sts'i' oj swol'otikon. 8Spetsanil ja kristyano ma' tey a mok niwan mandaranum, mek'an oj jak sk'an eki ts'akatal la elkon ja b'a Egipto sok ja kristyano jumasa ki'oji. Mi oj b'ob' wajkotikon t'ani, yajnix ch'ak ek' spetsanil ja iti, ti oj wajkotikona, —xchi ja Moisesi.
Ja Moisesi, tajkel lek el ja b'a sti sat ja mandaranumi. 9Ti cho alji yab' yuj ja Dyosi: —Ja mandaranumi, mini oj yi'a niwan. Ja'yuj oj b'ob' ka'yi'e lek wokol ja kristyano jumasa jawi.
10Ja Moises sok ja Aaroni, ti ch'ak sk'u'luke b'a sti' sat ja mandaranum ja jastal alji yabye yuj ja Dyos oj sk'u'luke'i, ja mandaranumi, ch'u'uy b'i lek jas k'ujoli, mi ya' eluk ja israelenio jumasa.
Currently Selected:
Exodo 11: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 11
11
Alji ja slajunil wokoli
1Tsa'an ja Dyosi, ti yala yab' ja Moisesi: —Ojto ka'yi jitsan wokol ja mandaranum sok ja kristyano jumasa. Tsa'an sok ja wokol jawi, ti'xa oj ya elanik ye'nxa b'i oj snutsex el ja b'a schonab'ili. 2Jaxa we'n ka'ax kax ala yabye ja israelenio jumasa, winik ixuk a schap sb'aje b'a oj eluke, a sk'an'e yi t'un kanal tak'in ma sakal tak'in ja ma' mojan yi'oje'i.
3Ja Dyosi, ch'ak stojb'es yi' jas k'ujol ja egipsiano yuj ja b'a oj syajtaye lek ja israelenio jumasa, cho jach'ni ja ya'tijum jumasa ja mandaranumi, jel skisawe ja Moisesi.
4Ja Moisesi, yala yab' pilan majke ja mandaranumi:
Niwan mandaranum, ja Dyosi, sjekawon b'a oj kal a wab'i, ja ya'n, mojan nalan a'kwal oj sb'ejtes ja wa chonab'ili, 5spetsanil jas swinkil ja Egipto, oj ch'ak chamuk ja sb'ajtanil yuntikile'i. Cho jach'ni ja wa b'aj we'n niwan mandaranum oj ni chamuka, ja b'a sb'ajtanil yuntikil ja wa wakaxi, wa wa'tijum ixuk jumasa. Ja sb'ajtanil yuntikil ja wa wakax jumasa oj ni ch'ak chamuka. 6Ja wokol jumasa iti, mini b'a waxa wilawexa, sok mini oj ja wil'ex pilan majke'a. 7B'a oj sje'a wi'ex jastal pilan wax yilawotikon ja Dyos ja ke'ntikon sok ja we'nlexi, mini jun oj chamuk ja sb'ajtanil kuntikil ke'ntikoni, sok mini jun oj chamuk ja sb'ajtanil yal jchante'tikoni, mini jun sts'i' oj swol'otikon. 8Spetsanil ja kristyano ma' tey a mok niwan mandaranum, mek'an oj jak sk'an eki ts'akatal la elkon ja b'a Egipto sok ja kristyano jumasa ki'oji. Mi oj b'ob' wajkotikon t'ani, yajnix ch'ak ek' spetsanil ja iti, ti oj wajkotikona, —xchi ja Moisesi.
Ja Moisesi, tajkel lek el ja b'a sti sat ja mandaranumi. 9Ti cho alji yab' yuj ja Dyosi: —Ja mandaranumi, mini oj yi'a niwan. Ja'yuj oj b'ob' ka'yi'e lek wokol ja kristyano jumasa jawi.
10Ja Moises sok ja Aaroni, ti ch'ak sk'u'luke b'a sti' sat ja mandaranum ja jastal alji yabye yuj ja Dyos oj sk'u'luke'i, ja mandaranumi, ch'u'uy b'i lek jas k'ujoli, mi ya' eluk ja israelenio jumasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021