Rasulan De AʼAmal 26

1Te Agrippá Paulus núṉ ákhiá, Tainúṉ apní bábat bolan dí ijázat hai. Tad Paulus apná hatth wadháke jawáb den laggá. 2Ai Agrippá bádsháh, maiṉ apní nek-baḳhtí samajhná han, paí uhnáṉ sabhnáṉ galláṉ dá, jihṛián Yahúdí mere utte [ilzaam] lánde ne, ajj tere agge jawab deáṉ; 3Ḳháss is lai paí Yahúdiáṉ díáṉ sáriáṉ rasmáṉ, te masleáṉ thoṉ túṉ wáqif haiṉ; is waste merí ʼarz hai, paí Tún sabr nál merí gall sun. 4Sáre Yahúdí jánde ne, paí merí qaum de vichch te Yarushalím vichch jawání thoṉ laike hun tíkar merá chál chalan kiho jihá rahiá hai. 5Shurúʼ thoṉ uhnáṉ núṉ merí bábat maʼlúm hai, (je gawáhí dení cháhan) paí apne parle darje de díndár firqe wángar main Farísí hoke rahṉdá sáṉ. 6Te hun us waʼde dí ummed pichchhe, jihṛá Ḳhudá walloṉ sáḍe piudádeáṉ de nál kita gayá sí, maiṉ ʼadálat vichch khalotá háṉ. 7Use waʼde de púre hon dí ummed utte sáḍe báráṉ gharáne diloṉ wajoṉ rát din bandagí karde ne. Ai Bádsháh, ise ummed de sababb Yahúdí mere utte nálish karde ne. 8Jad Ḳhudá murdeáṉ núṉ jiwáldá hai, te tusíṉ is gall núṉ kyúṉ mananwálí nahíṉ samajhde. 9Main bhí samajhdá sáṉ, paí Yisúʼ Násarí de náṉ de ḳhiláf bahut kujh karná cháhidá hai. 10So iho hi maiṉ Yarúshalím vichch kítá, te sardár káhináṉ thoṉ iḳhtiyár laike bahuteáṉ Masíhiáṉ núṉ qaid vichch páyá: te jad uh mare jánde sán, uhnáṉ de ḳhiláf maiṉ ráe dendá sáṉ. 11Te sáre ʼibádatḳháneáṉ vichch uhnáṉ núṉ kaí wárí sazá deke maiṉ uhnáṉ thoṉ kufr akhwáundá sáṉ: te uhnáṉ dí zidd vichch bará súdáí hoke maiṉ unháṉ núṉ opreáṉ shahráṉ tikar bhí tang kítá. 12Jis vele sardár káhináṉ de iḳhtiyár te parwána laike main ise hál vichch Dimishq wall piá jándá sáṉ, 13Tán, ai Bádsháh, maiṉ ráh vichch do pahar vele ikk chánan vekhia, jihrá súraj de chánan náloṉ bahutá sí, te uh mere te mere nál deáṉ de chuphere chamkíá. 14Te jad asíṉ sáre zamin utte digg pae, maiṉ ikk áwáz suní, jihrí ʼIbrání bolí vichch ákhdí sí, Ai Sháúl, Ai Sháúl, tún mainún kyúṉ satáná haiṉ? Kill utte pair márná tere wáste aukhá hai. 15Te maiṉ ákhiá, Ai Ḳhudáwand, tuṉ kaun haiṉ? Te Ḳhudáwand ákhiá, Maiṉ Yisúʼ háṉ, jih núṉ tuṉ satáná haiṉ. 16Uṭṭh, te apne pairáṉ utte khalo já, kyúṉ jo main is laí tainúṉ vikhálí dittí hai, paí tainúṉ uhnáṉ galláṉ dá, jihnáṉ vichch tún mainúṉ vekhia hai, te jihnáṉ vichch maiṉ tainúṉ vikhálí diángá, main tainúṉ ḳhádim te gawáh banáwáṉ. 17Tainúṉ is qaum te g̣air-qaumán thoṉ bacháke uhnáṉ de kol main tainúṉ is laí ghallná háṉ, paí 18Túṉ uhnáṉ díáṉ akkhiáṉ kholeṉ: táṉ jo uh hanerioṉ chánan wall, te Shaitán de wass thoṉ Ḳhudá wall muṛan, paí gunáháṉ dí muʼáfí lain, te uhnáṉ lokáṉ vichch, jihṛe mere utte ímán rakkhan nál pák hoe ne, wirsa lain. 19Is karke, ai Agrippá Bádsháh, maiṉ us asmání royá dí befarmání nahíṉ kítí. 20Par pahláṉ Dimishq te Yarushalím de rahanwáleáṉ núṉ, te Yahúdía de sáre des vichch, te gair qaumáṉ núṉ bhí dassdá rahiá, paí Tauba karo, te Ḳhudá wall phirke tauba de láiq kamm karo. 21Is sabab karke Yahúdíán mainúṉ haikal vichch phaṛke mere már suṭṭáṉ dí koshish kítí. 22Par Ḳhudá dí madad nál maiṉ ajj de din tikar khalotá hoiá háṉ: te nikkeáṉ waḍḍeáṉ agge gawáhí dená háṉ; te jihṛíáṉ galláṉ nabiáṉ te Músá ne dassíáṉ sán, paí honwalíáṉ ne, uhnáṉ de siwá hor kujh maiṉ nahíṉ ákhdá. 23Paí Masíh zarúr dukh sahegá, te murdeáṉ vichchoṉ uṭṭhke is qaum núṉ te gair qaumáṉ núṉ bhí pahlá uh hí chánan dí ḳhabar degá. 24Te jad uh aiun aje apná jawáb piá dendá sí, Festus uchchí áwáz nál ákhan laggá, Paulus, túṉ te págal haiṉ Bahuti ʼilm terí ʼaql már chhaḍḍí hai. 25Paulus akhiá, Ai Festus bahádur, Maiṉ táṉ págal nahíṉ háṉ, sagoṉ sachcháí te hosh díáṉ galláṉ sáf sunáná háṉ, 26Kyúṉ jo bádsháh, jih de huzúr maiṉ dilerí nál bolná háṉ, ihnáṉ galláṉ dí bábat jándá hai. Mainúṉ yaqín hai, paí ihnáṉ galláṉ vichchoṉ koí bhí uh de thoṉ lukkí hoí nahíṉ hai, is laí paí ih kamm kise guṭṭhe nahíṉ hoiá. 27Ai Agrippá Bádsháh, túṉ nabiáṉ núṉ manná haiṉ? maiṉ jánná háṉ, paí túṉ manná haiṉ. 28Agrippá Paulus núṉ ákhiá, Túṉ te cháhná haiṉ, paí thoṛí jihí nasíhat nál mainúṉ Masíhí kar lain. 29Paulus ákhiá, Maiṉ te Ḳhudá thoṉ cháhná háṉ, paí bháṉweṉ hoṛí nasíhat nál, bhánweṉ bahuti nasíhat nál na nirá túṉ, sagoṉ jinne ajj merí pae sunde ne, ihnáṉ beṛíáṉ núṉ chhaḍḍke mere jihe ho ján. 30Te bádsháh te hákim te Barníke, te jihṛe uhnáṉ de nál baithe hoe sán, uṭṭh khalote. 31Te ikalwanje jáke ápo vichch galláṉ karan lagge, paí Ih janá qatl yá qaid ke láiq kujh nahíṉ kardá. 32Te Agrippá ne Festus núṉ ákhiá, paí Ih ádmí, je Qaisar agge apíl na kardá, táṉ chhuṭṭ sakdá sí.

Currently Selected:

Rasulan De AʼAmal 26: PNT1927R

Highlight

Copy