Rasulan De AʼAmal 11

1Tad uhnáṉ rasúláṉ te bharáwán núṉ, jihṛe Yahúdiá vichch sán, ḳhabar hoí, paí gairqaumáṉ ne bhí Ḳhudá dí kalám núṉ qabúl kítá. 2Te jáṉ Patras Yarúshalim vichch áyá, uh, jihṛe suntí baithe hoe sán, uh de nál jhagṛan lagge, paí 3Túṉ uhnáṉ ádmíáṉ kol gayá, jihṛe suntí nahíṉ baiṭhe hoe, ta uhnáṉ de nál khádá. 4Par Patras muḍḍh thoṉ uhnáṉ de agge tartíb nál bayán kítá, paí 5Maiṉ Yáfa de shahr vichch duʼá piá mangdá sáṉ, te beḳhudí vichch ikk royá vekhí. Te ásmánoṉ palleáṉ thoṉ, lamkáí hoí kise waḍḍí chádar jihí ikk chíz utardí mere tíkar áí. 6Maiṉ uh núṉ dhián karke sochiá, te zamín de chaupáe, te janglí jánwar, te kíṛe káṛe, te hawá de panchhíáṉ núṉ vekhiá. 7Te maiṉ ikk awáz bhí suní, jihṛí mainúṉ ákhdí sí, Ai Patras, uṭṭh, zabh karke khá. 8Maiṉ ákhia. Ai Ḳhudáwand, kadi nahíṉ; kyúṉ jo koí nápák yá palít chíz kadi mere muṉh vichch nahíṉ gayi. 9Te jawab vichch dujji wár ásmánoṉ awáz áí, páí Jih núṉ Ḳhudá pák kítá hai, uh núṉ túṉ nápák na baná. 10Ih tinn werí hoiá. Pher sab kujh ásmán vall khichchia gayá. 11Te vekho, use vele tinn jane, jihṛe Qaisariá thoṉ mere kol ghalle gaye sán, us ghar agge jitthe asíṉ sáṉ, pahuṉch gaye. 12Te Rúh mainúṉ ákhiá, Túṉ farq na kar; uhnáṉ de nál tur já. Te ih chha bhará mere nál tur pae; te asíṉ us jane de ghar vichch gaye. 13Te us sánúṉ dassiá, páí kikar us ikk firishte núṉ apne ghar vichch khalotá vekhiá; jis uh núṉ ákhiá, páí Yáfá vichch ghall, te Shamaʼún núṉ, jihṛá Patras akhwándá hai, sadd. 14Uh tainúṉ gallán sunáwegá, jihnáṉ thoṉ tainúṉ te tere sáre gharáne núṉ bhí naját milegí. 15Te jáṉ maiṉ bayáṉ karan lagá, tad Pák Rúh uhnáṉ de utte utariá, jis tarah pahláṉ sáḍeʼutte bhí utariá sí. 16Tad mainúṉ Ḳhudáwand dí gall, jihṛí us akhi, yád áí, pai Yúhanná te pání nál baptisma dittá, par tuhánúṉ Pák Rúh nál baptisma milegá, 17So jadoṉ Ḳhudá uhnáṉ núṉ uhoí niʼamat dittí, jihí sánúṉ dittí gayi, jis vele asíṉ Ḳhudáwand Yisúʼ Masíh utte ímán liáe, maiṉ kaun sáṉ, jihṛá Ḳhudá núṉ rok sakdá? 18Uh ih sunke chup kar gaye: te Ḳhudá dí waḍiáí karke akhan lagge. Tad te gairqaumán núṉ bhí Ḳhudá zindagí láí taubá baḳhshí hai. 19Te jihṛe bande us dukh musíbat dá sadqa, jihṛí Stafanas de sabab nál paí sí, khillar gaye sán, so Finíke, Kupras, te Antákiá tíkar appare; te Yahúdíáṉ bájhoṉ kise núṉ kalam nahíṉ sán sunánde. 20Te uhnáṉ vichchoṉ kaí Kuprasí te kaí Kíríní sán, jihnán Antákiá vichch ánke Yúnániáṉ nál bhí kalám kitá; te Ḳhudáwand Yisúʼ dí ḳhushḳhabarí sunáí. 21Te Ḳhudáwand dá hatth uhnáṉ de utte sí; te bahut sáre lok, jihṛe ímán liáe, Ḳhudáwand vall phire. 22Te uhnáṉ dí bábat Yarúshalím dí Kalísiá de kann vichch ḳhabar áí. Tad uhnáṉ Barnabás núṉ Antákiá tíkar ghalliá. 23Jad uh appaṛiá, te Ḳhudá dá fazal vekhiá, tad ḳhush hoiá, te us uhnáṉ sabhnáṉ núṉ nasíhat kítí, páí dil láke Ḳhudáwand nál mile rahaṉ. 24Kyúṉ jo uh achchhá ádmí sí, te Pák Rúh te ímán nál bhariá hoiá sí. Te bahut sáre lok Ḳhudáwand dí kalísíá vichch áe. 25Te Sháúl núṉ labbhan laí uh Tarsas núṉ tur gayá, te uh núṉ labbhke Antákiá vichch le áyá. 26Te aiúṉ hoiá, páí ikk sál bhar uh kalísíá de nál ikaṭṭhe rahe; te bahut lokáṉ núṉ taʼlim dende sán. Te shágird pahle Antákiá vichch Masíhí akhwáe. 27Uhníṉ diníṉ kaí nabí Yarúshalím thoṉ Antákiá vichch áe. 28Uhnáṉ vichchoṉ ikk Agabus karke uṭṭhiá, te Rúh dí ráhíṉ ḳhabar dittí, pai sárí dunyá vichch baṛá kal painwálá hai. Te Klaudius de same vichch ih kál pai gayá. 29Tad shágirdáṉ vichchoṉ har ikk apní apní fursat mújib ih ṭhahráyá, paí uhnáṉ bharáwáṉ kol, jihṛe Yahúdiá vichch rahnde ne, kujh madad wásté ghalle; 30Te uhháṉ aiúṉ kítá, te Barnabá te Sháúl dí hatthíṉ buzurgáṉ kol ghall dittá.

Currently Selected:

Rasulan De AʼAmal 11: PNT1927R

Highlight

Copy