KIDUNG 3
3
Pangastawan ritatkala semeng buat nunas pitulungan
1Duh Ratu Sang Hyang Widi Wasa. Titiang akeh pisan maderbe meseh. Kalintang akeh jadmane sane nglawan titiang.
2Ipun pada maosang titiang kadi asapuniki: “Ida Sang Hyang Widi Wasa tusing lakar mapaica pitulungan teken ia.”
3Nanging Palungguh IRatu, duh Ratu Sang Hyang Widi Wasa, setata dados tamiang titiange sajeroning baya. Palungguh IRatu mapaica kamenangan ring titiang, tur Palungguh IRatu ngawinang titiang malih wanen.
4Titiang masesambatan nunas tulung ring Ida Sang Hyang Widi Wasa, tur Ida nagingin pinunas titiange saking bukit Idane sane suci.
5Titiang mabahan raris pules, tur Ida Sang Hyang Widi Wasa nyayubin awengi mepek.
6Titiang nenten ajerih ring meseh sane panyiuan akehipun, sane ngiter titiang saking sabilang samping.
7Duh Ratu Sang Hyang Widi Wasa, Widin titiang, ledang Palungguh IRatu rauh ngrahayuang titiang! Palungguh IRatu nyisipang meseh-meseh titiange makasami, tur manggayang ipun tan padaya buat mlegendahang titiang.
8Kamenangane punika, saking Ida Sang Hyang Widi Wasa rauhnya. Dumadak Ida ngamertanin kaulan Idane.
Currently Selected:
KIDUNG 3: BAN
Highlight
Share
Copy
Want to have your highlights saved across all your devices? Sign up or sign in
Today's Bali Bible “Cakepan Suci” © Indonesian Bible Society, 1990.