Mateo 16
16
Jonás y'ijxpäjjt
(Mr 8.11-13; Lc 12.54-56)
1Nits fariseostëjjk mëët saduceostëjjk t'anëjkx'eetyë Jesús, jäts nikoj jä'yë tyëkkajpxpitsëmwa'antë, jakëjxts tnëëjmjäätyë jäts tyëknikkä'äjxjë'ëkt mëjj'ijxpäjjt mëjjputtëjjk'ëë'ny, pën tëyë'mtam jäts Yës Teety pakkäjjxë'p.
2Nits Jesús y'atsooy: «Ku it tsyuwë jäts x'ijxtë it tsyajpwintoy, nëm miits mwa'antë jäts anwamp it, 3kuts jokyë it tsyajpwintoy, nëmts miits mwa'antë jäts tu'wamp it. Mjajt'të'p xyëkwimpitsë'mtë't ntsoj tsajpwiin y'ijxë tu'kyaajjë jatu'kyaajjë, ¿ntsots y'ijxë xkayëkwimpitsëmtë ijxpäjjt mati' ixyam jää'eepy? 4Ixyam kattëyjyaa'w'eepyë jaa'y mëët ka'oyjyaa'ytyëjjk jä'yë tsoktë t'ijxwa'antë mëjj'ijxpäjjt mëjjputtëjjk'ëë'ny; kä'äts jä' tij y'okyëkto'ijxnëtë't, yë' ijxpäjjt jä'yë y'ijxtëp ntsoj Jonás jyajjty.»
Nits Jesús jääyë jä' jaa'y tnikkeejky jäts tsyoo'në.
Fariseostëjjk kya'amaa'yë'n
(Mr 8.14-21)
5Ku Jesús y'ixpëjkpëttëjjk nyënajxtë në'awinm, jämts tjaa'myäjtstë jäts kä' tsajpkääky tpatsëmtë. 6Nits Jesús nyëë'mxëtë:
—Na'y'ijxy'ittëtë jäts katij fariseostëjjk mëët saduceostëjjk tsyajpkääkytsyooy mtappaatyëtë.
7Nits y'ixpëjkpëttëjjk nyawyaajnëtë:
—¡Jakëjx yë' najj yä'äny ku tëj tsajpkääky nkayëkmii'nyë'n!
8Jätyë Jesús tkumaay ku najj nyawyaajnëtë jakëjxts nyëë'mxëtë:
—¿Tij ku wa'antë jäts kä' tij tsajpkääky? ¡Kä' ëjts miits xtëyjawëtë! 9¿Kä'ämts miits xwinjawëtë ok xjaa'myätstë ku muwoxkë'm tsajpkääky ntokkaay nimuwoxk miijl yaa'ytyëjjk, winaak käptyujjts kaytyuk xpiimujknëtë? 10¿Jäts xkajaa'myätstë mëët ku wixtujjkë'm tsajpkääky nimajktaxk miijl jaa'y ntokkaay, winaak käptyujjts kaytyuk xpiimujknëtë? 11¿Ntsoj y'ijxë xkakkumaytyë jäts kä' ëjts tsajpkääky nkäjpxy? Na'y'ijxy'ittëtë jäts katij fariseostëjjk mëët saduceostëjjk tsyajpkääkytsyooy mtappaatyëtë. 12Nitnë'mts ixpëjkpëttëjjk tkumaytyë jäts kä' jä' tsajpkääkytsyooy tkäjpxy, jäts jä'jä' tyijjpy ntsoj fariseostëjjk mëët saduceostëjjk kya'amaytyë.
Pedro tnikkäjpxy jäts Jesús jä' Yëknitsokpë'eepy
(Mr 8.27-30; Lc 9.18-21)
13Ku Jesús jya'ajty Cesarea y'itjotm Filipo kyajjp, jämts tyëktëëy y'ixpëjkpëttëjjk:
—¿Ntsoj jaa'y wya'antë pën jä' naxwiinë'tjaa'y y'Uu'nk?
14Nits y'ixpëjkpëttëjjk y'atsootë:
—Jäm pën wantë'p jäts Juan Bautista mijts, jämts pën wantë'p Elías, janitu'uk wya'antë jäts Jeremías mijts ok oypyënë jatu'uk yëk'ayuujknajxpë.
15—Nits y'ixpëjkpëttëjjk tnëëjmjaay: —¿Ntsots miits mwa'antë, pën ëjts?
16Nits Pedro y'atsooy:
—Mijts Yëknitsokpë'eepy, jüky Yës Teety y'uu'nk.
17Nits Jesús Pedro tnëëjmjaay:
—Mëjjotkujjk'ajjt mtaxömpy, mijts Simón, Jonás myajjnk, jä'ku kä' mijts yë' tëj mwaa'nxyë yaj naxwiinë'tjaa'y, kë'm ëjts tëj nTeety'ajjt tsajpjotmë't mtawinjaw'ätyë. 18Ixyam ëjts mijts nkuxëëwë't Pedro, jäts ya'at tsakkëjjxy ëjts ntsajptëjjk npë'mt nkojjt; kä' yë' oo'jkë'n kyuttujjk myajaaw tyëkmataajkë't. 19Mijts mjakyäpp kuttujjk mëjk'ajjt mati' jäm tsajpjotm, mati' mijts mtsu'mp mkuwëëmp yaj naxwinkëjjxy, ninyajjts jä' yëkkuwëënt tsajpjotm, mati'its mijts mnajtskäjjë'p yaj naxwinkëjjxy yëknajtskäjjë'pts jä' mëët jäm tsajpjotm.
20Nits Jesús tnëëjmjaay y'ixpëjkpëttëjjk jäts kä' pën ttoknijawëtë't jäts jä' Yëknitsokpë'eepy.
Jesús y'oo'jkë'n tnikkäjpxy
(Mr 8.31—9.1; Lc 9.22-27)
21Nit'ämpy Jesús tmatyak'axajjaay y'ixpëjkpëttëjjk, ntsoj majaa'ytyëjjk, teety niwintsëntëjjk mëët pawaa'n yëk'ixpëjkpëttëjjk ntsokattunk tyunë't ku nyëjkxt Jerusalén. Jäts yyëk'ookë'p jä' jaa'y, kyutuwëëkxëëwts jatu'kyaajjë jyükypyëkt. 22Nits Pedro tjë'waay Jesús jäts tnëm'axajjaay:
—¡Wintsën, Yës Teetyë'm tkayëkjäty jäts najj mjatt mkopätt!
23Nits Jesús tniwa'kwimpijjty Pedro jäts tnëëjmjaay:
—¡Winwa'kwatsk ëjts mëjjku'ujy, kä' ëjts mijts xyëktuu'tukt! Kä' mijts xnijawë tij Yës Teety tsyöjkypy, najj mijts mwinmay naa'xkë'n naxwiinë'tjaa'y wyinmaytyë.
24Nits Jesús tnëëjmjaay y'ixpëjkpëttëjjk:
—Pënpën ëjts xpattuu'yo'oywyamp, kä' jä' kë'm y'oknamyëjj'ijxnëyë't, wä'n jyüky'ajjt tkë'yäky najjts ëjts xpattuu'yo'oyty. 25Jä'ku pënpën jyüky'ajjt kamajtstu'utyë'm tjaa'w'eepy, takkoykyunaxpts jä', pënpënts ëjts këjxm jyüky'ajjt tnajts'ijx'eepy, pyaatpts jä' jüky'ajjt. 26¿Tij jaa'y wyaa'nxë't oyë'm tukkë'yë tjamëëtëkyëxt yaj it naxwiiny, jäts jyüky'ajjt takkoykyunäxy y'itt? ¿Ok në'n jaa'y jyüky'ajjt tsyopaajtxëtë't jäts tkuju'yty? 27Jä'ku Tyeety myëjj'ajjt myumiijnë'p naxwiinë'tjaa'y y'Uu'nk mëët tsajpjaa'ytyëjjk, nits jyuu'ny tmo'ot pëntij tu'uk jatu'uk jaa'y tëj ttuntë. 28Ixyam ëjts nnikkäjpxy, jäj yaj nitu'ukë'n pën ka'ooktë'p, kunë'm t'ijxtë't naxwiinë'tjaa'y y'Uu'nk myi'nt yëkkuttujkpë.
Currently Selected:
Mateo 16: YTYA
Highlight
Share
Copy
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Mateo 16
16
Jonás y'ijxpäjjt
(Mr 8.11-13; Lc 12.54-56)
1Nits fariseostëjjk mëët saduceostëjjk t'anëjkx'eetyë Jesús, jäts nikoj jä'yë tyëkkajpxpitsëmwa'antë, jakëjxts tnëëjmjäätyë jäts tyëknikkä'äjxjë'ëkt mëjj'ijxpäjjt mëjjputtëjjk'ëë'ny, pën tëyë'mtam jäts Yës Teety pakkäjjxë'p.
2Nits Jesús y'atsooy: «Ku it tsyuwë jäts x'ijxtë it tsyajpwintoy, nëm miits mwa'antë jäts anwamp it, 3kuts jokyë it tsyajpwintoy, nëmts miits mwa'antë jäts tu'wamp it. Mjajt'të'p xyëkwimpitsë'mtë't ntsoj tsajpwiin y'ijxë tu'kyaajjë jatu'kyaajjë, ¿ntsots y'ijxë xkayëkwimpitsëmtë ijxpäjjt mati' ixyam jää'eepy? 4Ixyam kattëyjyaa'w'eepyë jaa'y mëët ka'oyjyaa'ytyëjjk jä'yë tsoktë t'ijxwa'antë mëjj'ijxpäjjt mëjjputtëjjk'ëë'ny; kä'äts jä' tij y'okyëkto'ijxnëtë't, yë' ijxpäjjt jä'yë y'ijxtëp ntsoj Jonás jyajjty.»
Nits Jesús jääyë jä' jaa'y tnikkeejky jäts tsyoo'në.
Fariseostëjjk kya'amaa'yë'n
(Mr 8.14-21)
5Ku Jesús y'ixpëjkpëttëjjk nyënajxtë në'awinm, jämts tjaa'myäjtstë jäts kä' tsajpkääky tpatsëmtë. 6Nits Jesús nyëë'mxëtë:
—Na'y'ijxy'ittëtë jäts katij fariseostëjjk mëët saduceostëjjk tsyajpkääkytsyooy mtappaatyëtë.
7Nits y'ixpëjkpëttëjjk nyawyaajnëtë:
—¡Jakëjx yë' najj yä'äny ku tëj tsajpkääky nkayëkmii'nyë'n!
8Jätyë Jesús tkumaay ku najj nyawyaajnëtë jakëjxts nyëë'mxëtë:
—¿Tij ku wa'antë jäts kä' tij tsajpkääky? ¡Kä' ëjts miits xtëyjawëtë! 9¿Kä'ämts miits xwinjawëtë ok xjaa'myätstë ku muwoxkë'm tsajpkääky ntokkaay nimuwoxk miijl yaa'ytyëjjk, winaak käptyujjts kaytyuk xpiimujknëtë? 10¿Jäts xkajaa'myätstë mëët ku wixtujjkë'm tsajpkääky nimajktaxk miijl jaa'y ntokkaay, winaak käptyujjts kaytyuk xpiimujknëtë? 11¿Ntsoj y'ijxë xkakkumaytyë jäts kä' ëjts tsajpkääky nkäjpxy? Na'y'ijxy'ittëtë jäts katij fariseostëjjk mëët saduceostëjjk tsyajpkääkytsyooy mtappaatyëtë. 12Nitnë'mts ixpëjkpëttëjjk tkumaytyë jäts kä' jä' tsajpkääkytsyooy tkäjpxy, jäts jä'jä' tyijjpy ntsoj fariseostëjjk mëët saduceostëjjk kya'amaytyë.
Pedro tnikkäjpxy jäts Jesús jä' Yëknitsokpë'eepy
(Mr 8.27-30; Lc 9.18-21)
13Ku Jesús jya'ajty Cesarea y'itjotm Filipo kyajjp, jämts tyëktëëy y'ixpëjkpëttëjjk:
—¿Ntsoj jaa'y wya'antë pën jä' naxwiinë'tjaa'y y'Uu'nk?
14Nits y'ixpëjkpëttëjjk y'atsootë:
—Jäm pën wantë'p jäts Juan Bautista mijts, jämts pën wantë'p Elías, janitu'uk wya'antë jäts Jeremías mijts ok oypyënë jatu'uk yëk'ayuujknajxpë.
15—Nits y'ixpëjkpëttëjjk tnëëjmjaay: —¿Ntsots miits mwa'antë, pën ëjts?
16Nits Pedro y'atsooy:
—Mijts Yëknitsokpë'eepy, jüky Yës Teety y'uu'nk.
17Nits Jesús Pedro tnëëjmjaay:
—Mëjjotkujjk'ajjt mtaxömpy, mijts Simón, Jonás myajjnk, jä'ku kä' mijts yë' tëj mwaa'nxyë yaj naxwiinë'tjaa'y, kë'm ëjts tëj nTeety'ajjt tsajpjotmë't mtawinjaw'ätyë. 18Ixyam ëjts mijts nkuxëëwë't Pedro, jäts ya'at tsakkëjjxy ëjts ntsajptëjjk npë'mt nkojjt; kä' yë' oo'jkë'n kyuttujjk myajaaw tyëkmataajkë't. 19Mijts mjakyäpp kuttujjk mëjk'ajjt mati' jäm tsajpjotm, mati' mijts mtsu'mp mkuwëëmp yaj naxwinkëjjxy, ninyajjts jä' yëkkuwëënt tsajpjotm, mati'its mijts mnajtskäjjë'p yaj naxwinkëjjxy yëknajtskäjjë'pts jä' mëët jäm tsajpjotm.
20Nits Jesús tnëëjmjaay y'ixpëjkpëttëjjk jäts kä' pën ttoknijawëtë't jäts jä' Yëknitsokpë'eepy.
Jesús y'oo'jkë'n tnikkäjpxy
(Mr 8.31—9.1; Lc 9.22-27)
21Nit'ämpy Jesús tmatyak'axajjaay y'ixpëjkpëttëjjk, ntsoj majaa'ytyëjjk, teety niwintsëntëjjk mëët pawaa'n yëk'ixpëjkpëttëjjk ntsokattunk tyunë't ku nyëjkxt Jerusalén. Jäts yyëk'ookë'p jä' jaa'y, kyutuwëëkxëëwts jatu'kyaajjë jyükypyëkt. 22Nits Pedro tjë'waay Jesús jäts tnëm'axajjaay:
—¡Wintsën, Yës Teetyë'm tkayëkjäty jäts najj mjatt mkopätt!
23Nits Jesús tniwa'kwimpijjty Pedro jäts tnëëjmjaay:
—¡Winwa'kwatsk ëjts mëjjku'ujy, kä' ëjts mijts xyëktuu'tukt! Kä' mijts xnijawë tij Yës Teety tsyöjkypy, najj mijts mwinmay naa'xkë'n naxwiinë'tjaa'y wyinmaytyë.
24Nits Jesús tnëëjmjaay y'ixpëjkpëttëjjk:
—Pënpën ëjts xpattuu'yo'oywyamp, kä' jä' kë'm y'oknamyëjj'ijxnëyë't, wä'n jyüky'ajjt tkë'yäky najjts ëjts xpattuu'yo'oyty. 25Jä'ku pënpën jyüky'ajjt kamajtstu'utyë'm tjaa'w'eepy, takkoykyunaxpts jä', pënpënts ëjts këjxm jyüky'ajjt tnajts'ijx'eepy, pyaatpts jä' jüky'ajjt. 26¿Tij jaa'y wyaa'nxë't oyë'm tukkë'yë tjamëëtëkyëxt yaj it naxwiiny, jäts jyüky'ajjt takkoykyunäxy y'itt? ¿Ok në'n jaa'y jyüky'ajjt tsyopaajtxëtë't jäts tkuju'yty? 27Jä'ku Tyeety myëjj'ajjt myumiijnë'p naxwiinë'tjaa'y y'Uu'nk mëët tsajpjaa'ytyëjjk, nits jyuu'ny tmo'ot pëntij tu'uk jatu'uk jaa'y tëj ttuntë. 28Ixyam ëjts nnikkäjpxy, jäj yaj nitu'ukë'n pën ka'ooktë'p, kunë'm t'ijxtë't naxwiinë'tjaa'y y'Uu'nk myi'nt yëkkuttujkpë.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.