Mateo 15
15
Mati' jaa'y yyëkwintakkoojyë'p
(Mr 7.1-23)
1Nits fariseostëjjk mëët pawaa'n yëk'ixpëjkpëttëjjk pënjäty y'ijjty mintë'p Jerusalén twinkunëjkx'eetyë Jesús jäts tnëëjmjäätyë:
2—¿Tikëjx m'ixpëjkpëttëjjk tka'okkuytyunëtë mati' y'ijjty majaa'ytyëjjk tyuntë'p? ¿Tikëjx tkamëjj'ijxtë tkamëjjpëmtë ntsoj nyippawa'anyë kë'pujjk ku kyaywya'antë?
3Nits Jesús yëktëëjëtë:
—¿Tikëjxts miits xkamëjj'ijxtë xkamëjjpëmtë Yës Teety pyawaa'n, jäts jä'yë xtsoktë yëkkuytyu'nt miits mkuttujjk? 4Jä'ku nëm Yës Teety wyaany: “Wintsë'ëkkëtë mteety mtaak”, “Pënpën tyeety tyaak tkawintsë'ëjk'eepy, yyëk'ooktë jä'.” 5Jäts miits mwa'antë jäts oy jä' una'ajnktëjjk tyeety tyaak tnëëjmëtë't: “Tukkë'yë ëjts nmaay npëjkta'aky mati' ëjts miits jyeexyë ntapputtëjjk'eepy tëj ëjts jä' Yës Teety ntakkë'tëjjkëkyëjxnë”; 6Pënpënts najj tyeety tyaak tnëëjmjääpy, nëmts miits mwa'any jäts kä' y'okkuwänë'eenyë tyeety tyaak tputtëkkë't. Najjts miits Yës Teety pyawaa'n xyëkkutakkoojyäänyë'të jäts kë'm mkuttujjk xyëktuntë xpawa'antë. 7¡Miits ëë'mpëjaa'y! Tëyë'm yëk'ayuujknajxpë Isaías miits mnikkajpxëtë, ku wyaany:
8Y'apajk'am ëjts ya'at jaa'y jä'yë xwintsë'ëkkëtë
kä' yë' najj wyinmaytyë y'am jyotm.
9Tij ëjts xwaajnë't, oyë'm ëjts nityijyë xmëjj'ijxtë xmëjjkäxtë;
naxwiinë'tjaa'y jä' pyawaa'n kyuttujjk kya'amaajyäätyë'p.”
10Nits Jesús tyaajxjaay jaa'y jäts tnëëjmjaay:
Amatowtë jäts winjawëtë yëkxon ntsoj ëjts nwa'anwa'any: 11Mati' apajk'am tëjjk'eepy kä' yë' jaa'y yëkwintakkoyë'të. Yë' oo'ktëy yëkwintakkoojyë'të'p mati' y'apajk'am pitsëmp.
12Nits Jesús y'ixpëjkpëttëjjk nyimiijnë jäts yyëktëëjë:
—¿Tëj x'ijxy ku tëj fariseostëjjk y'ampëktë ku najj tëj mwa'any?
13Nits Jesús y'atsoowimpijjtëtë:
—Tukkë'yë yompë ujjts mati' ëjts nTeety'ajjt tsajpjotmë't kyanipypy, yëkwijxkëxp jä'. 14Majtstu'ut'të yë', jä'ku wimpiits yë'ëte jäts jaa'y tuu'wawëtë mati' ninyajj naa'xkë'n yë'ëtë. Kuts tumwimpiits nyatyuu'waa'ätyëtë, wä'nnimäjtskts kyuyo'ynyajxkëxtë't jutjötypy.
15Nits Pedro tnëëjmjaay Jesús:
—Kajpxtëw yë' ijxpäjjt mati' tëj xmatya'aky:
16Jäts Jesús nyëë'mxë:
—¿Ninyajj miits xkawinjawëtë yë' ayuujk? 17¿Kä'ämts miits xnijawëtë jäts tukkë'yë mati' yëkkaypy yëk'ukp jotm jä' nyijkxy, oojknë'mts xtawinajjkojmjaa'yë'n? 18Mati'its pitsëmp apajk'am, am jotm jä' tsyoony; jä'äts jaa'y yëktakkoojyë'të'p. 19Jä'ku y'am jyotm jä' tsyoony tukkë'yë jaa'y kya'oy winmaa'ny, ku yyëkjaa'y'ooktë, wiijnk to'oxytyëjjk tmëëtëtë, tumyaa'ytyëjjk ok tumto'oxytyëjjk nyamyëët'ätyëtë, myäätstë, y'ëëntë, jäts myukkajpxtakkoytyë. 20Yë'ëts jaa'y yëktakkoojyë'p; kuts jaa'y kyay jakyë'pujj, kä' yë' jaa'y ttatakkoytyë.
Cananea to'oxytyëjjk tyëyjyaa'w'ajjtë'n
(Mr 7.24-30)
21Nits Jesús tsyoo'jny jäts nyijkxy Tiro mëët Sidón y'itjotm. 22Jämts tu'uk Cananea to'oxytyëjjk nyimiijnë, mëjknäxy kyajpxkäk'ooky:
—¡Wintsën, David tsyaan kyoo, pa'ayook ëjts! ¡Ëjts njnëëx tajtsënaajyë'p tu'uk mëjjku'ujy tyumpë jäts mëjknäxy yyëk'ayoyë!
23Kä'äts Jesús t'atsooy jä' to'oxytyëjjk. Nits y'ixpëjkpëttëjjk nyimiijnëtë jäts nyëë'mxëtë:
—Nnëëjmë yë' to'oxytyëjjk jäts wä'n tnëjkxnë, tsyätsynye'emy yë' yam ix'oojk myetsy.
24Nits Jesús y'atsooy:
—Israelë'tjaa'y ëjts tëj Yës teety xtanikkëxy, jä'ku yë' takkoypyë worreekë'n wittijt'të'p.
25Nits jä' to'oxytyëjjk kuwanë'm Jesús twinkunëjkx'ëëy jäts nyakyujxtänëtyaajkë, jäts tnëëjmjaay:
—¡Wintsën, puttëjjk'eeky ëjts!
26Nits Jesús y'atsoojjë:
—Kä' y'oyë't unaa'nk kyääky npëjjkjaa'yë'n jäts uk nmoo'yë'n.
27Nits to'oxytyëjjk y'atsooy:
—Tëyë'm mwa'any, Wintsën, kyaymyüjkypts uk kääky appu'xk mati' wyintsën yyëkkunäjxypy kyaypyäjjt pa'tke'py.
28Nits Jesús nyëë'mxë:
—¡To'oxytyëjjk, mëjknäxy mtëyjyaa'w'ajjtë'n! Wä'n jä' najj tünyë ntsoj mijts xtsöky.
Nit jätyë jä' to'oxytyëjjk nyëëx tsyoojky.
Jesús tyëktso'oky nimay pa'amjaa'y
29Nits Jesús tsyoo'në jäm jäts jya'ajty Galilea nyë'am; jäts kojpk këjxm pyejjty jämts tsyëënë y'ijxtaajky. 30Jämts nimay jaa'y y'anëjkxëy'oo'jkë, mëët tta'anëjkx'eetyë pa'amjaa'y jäts Jesús wyinkujjky tkäjxtë pënjäty y'ijjty kayo'ypy, ka'ijxp, pën kyë' ka'ijtp, pën kakkajpxp, jäts pënjäty wiijnk pa'am tmëët'të, nits Jesús tyëktsokkëjjxy nitukkë'yë pa'amjaa'y. 31Jäts nitukkë'yë jaa'y attëy'ajat ttattantë ku t'ijxtë jaa'y kyë' tyeky y'oyë'të, kyajpxpëktë, wyin'ijxwä'kxtë. Nits Israelë't Yyës Teety tmëjj'ijxtë tmëjjkäjxtë.
Jesús tyëkkay nimay jaa'y
(Mr 8.1-10)
32Nits Jesús tyaajxjaay y'ixpëjkpëttëjjk jäts tnëëjmjaay:
—Yëk'ayoopë ëjts jaa'y n'ijxy, jä'ku tëj tuwëëk xëëw'eenyë yaj jyää'jëtë, nittij tka'okmëët'eenyëtë tij kya'ytyë'p jyëë'kxtë'p. Jäts kä' ëjts yë' najjyë npakkäxwannëtë ntsoj ku tuu'aajy yuuj yëkmonëtë't.
33Nits y'ixpëjkpëttëjjk y'atsoojjë:
—¿Mats npaajtë'n kääky jee'kxy jäts në'n jaa'y ntokkaa'yë'n? Jakkäm ëëtë'm yaj, kä' pën yaj winkon tsyëënë.
34Nits Jesús tyëktëëy:
—¿Winaak jäjp tsajpkääky xmëëtëtë?
—Nits y'atsootë ixpëjkpëttëjjk
—Wixtujjk tsajpkääky, jäts jatu'knuuk ajkx'uu'nk
35Nits Jesús jaa'y tnëmkëjjxjaay jäts tsyëënë y'ijxta'aktë't naxkëjjxy, 36jäts tkoony wä'nwixtujjk tsajpkääky mëët ajkx, jäts tkunuu'kxtaajky nits ttujkwa'kx'axajjy, jäts tmooy y'ixpëjkpëttëjjk, jä'äts jaa'y ttaniwaajt'eetyë. 37Najjts nitukkë'yë jaa'y yëkxon kyaytyë, jäts wixttujjk käptyuj tpiimujkëjxnëtë kaytyuk. 38Nimajktaxk miijlë'n y'ijjty yaa'ytyëjjk pënjäty kaytyë, kä' to'oxytyëjjk mëët una'ajnktëjjk tmatsyootë. 39Nits Jesús jaa'y tpakkäjxkëjxnë, nits pyejjty kanëw këjxm jäts nyijkxy Magadán y'itjotm.
Currently Selected:
Mateo 15: YTYA
Highlight
Share
Copy
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Mateo 15
15
Mati' jaa'y yyëkwintakkoojyë'p
(Mr 7.1-23)
1Nits fariseostëjjk mëët pawaa'n yëk'ixpëjkpëttëjjk pënjäty y'ijjty mintë'p Jerusalén twinkunëjkx'eetyë Jesús jäts tnëëjmjäätyë:
2—¿Tikëjx m'ixpëjkpëttëjjk tka'okkuytyunëtë mati' y'ijjty majaa'ytyëjjk tyuntë'p? ¿Tikëjx tkamëjj'ijxtë tkamëjjpëmtë ntsoj nyippawa'anyë kë'pujjk ku kyaywya'antë?
3Nits Jesús yëktëëjëtë:
—¿Tikëjxts miits xkamëjj'ijxtë xkamëjjpëmtë Yës Teety pyawaa'n, jäts jä'yë xtsoktë yëkkuytyu'nt miits mkuttujjk? 4Jä'ku nëm Yës Teety wyaany: “Wintsë'ëkkëtë mteety mtaak”, “Pënpën tyeety tyaak tkawintsë'ëjk'eepy, yyëk'ooktë jä'.” 5Jäts miits mwa'antë jäts oy jä' una'ajnktëjjk tyeety tyaak tnëëjmëtë't: “Tukkë'yë ëjts nmaay npëjkta'aky mati' ëjts miits jyeexyë ntapputtëjjk'eepy tëj ëjts jä' Yës Teety ntakkë'tëjjkëkyëjxnë”; 6Pënpënts najj tyeety tyaak tnëëjmjääpy, nëmts miits mwa'any jäts kä' y'okkuwänë'eenyë tyeety tyaak tputtëkkë't. Najjts miits Yës Teety pyawaa'n xyëkkutakkoojyäänyë'të jäts kë'm mkuttujjk xyëktuntë xpawa'antë. 7¡Miits ëë'mpëjaa'y! Tëyë'm yëk'ayuujknajxpë Isaías miits mnikkajpxëtë, ku wyaany:
8Y'apajk'am ëjts ya'at jaa'y jä'yë xwintsë'ëkkëtë
kä' yë' najj wyinmaytyë y'am jyotm.
9Tij ëjts xwaajnë't, oyë'm ëjts nityijyë xmëjj'ijxtë xmëjjkäxtë;
naxwiinë'tjaa'y jä' pyawaa'n kyuttujjk kya'amaajyäätyë'p.”
10Nits Jesús tyaajxjaay jaa'y jäts tnëëjmjaay:
Amatowtë jäts winjawëtë yëkxon ntsoj ëjts nwa'anwa'any: 11Mati' apajk'am tëjjk'eepy kä' yë' jaa'y yëkwintakkoyë'të. Yë' oo'ktëy yëkwintakkoojyë'të'p mati' y'apajk'am pitsëmp.
12Nits Jesús y'ixpëjkpëttëjjk nyimiijnë jäts yyëktëëjë:
—¿Tëj x'ijxy ku tëj fariseostëjjk y'ampëktë ku najj tëj mwa'any?
13Nits Jesús y'atsoowimpijjtëtë:
—Tukkë'yë yompë ujjts mati' ëjts nTeety'ajjt tsajpjotmë't kyanipypy, yëkwijxkëxp jä'. 14Majtstu'ut'të yë', jä'ku wimpiits yë'ëte jäts jaa'y tuu'wawëtë mati' ninyajj naa'xkë'n yë'ëtë. Kuts tumwimpiits nyatyuu'waa'ätyëtë, wä'nnimäjtskts kyuyo'ynyajxkëxtë't jutjötypy.
15Nits Pedro tnëëjmjaay Jesús:
—Kajpxtëw yë' ijxpäjjt mati' tëj xmatya'aky:
16Jäts Jesús nyëë'mxë:
—¿Ninyajj miits xkawinjawëtë yë' ayuujk? 17¿Kä'ämts miits xnijawëtë jäts tukkë'yë mati' yëkkaypy yëk'ukp jotm jä' nyijkxy, oojknë'mts xtawinajjkojmjaa'yë'n? 18Mati'its pitsëmp apajk'am, am jotm jä' tsyoony; jä'äts jaa'y yëktakkoojyë'të'p. 19Jä'ku y'am jyotm jä' tsyoony tukkë'yë jaa'y kya'oy winmaa'ny, ku yyëkjaa'y'ooktë, wiijnk to'oxytyëjjk tmëëtëtë, tumyaa'ytyëjjk ok tumto'oxytyëjjk nyamyëët'ätyëtë, myäätstë, y'ëëntë, jäts myukkajpxtakkoytyë. 20Yë'ëts jaa'y yëktakkoojyë'p; kuts jaa'y kyay jakyë'pujj, kä' yë' jaa'y ttatakkoytyë.
Cananea to'oxytyëjjk tyëyjyaa'w'ajjtë'n
(Mr 7.24-30)
21Nits Jesús tsyoo'jny jäts nyijkxy Tiro mëët Sidón y'itjotm. 22Jämts tu'uk Cananea to'oxytyëjjk nyimiijnë, mëjknäxy kyajpxkäk'ooky:
—¡Wintsën, David tsyaan kyoo, pa'ayook ëjts! ¡Ëjts njnëëx tajtsënaajyë'p tu'uk mëjjku'ujy tyumpë jäts mëjknäxy yyëk'ayoyë!
23Kä'äts Jesús t'atsooy jä' to'oxytyëjjk. Nits y'ixpëjkpëttëjjk nyimiijnëtë jäts nyëë'mxëtë:
—Nnëëjmë yë' to'oxytyëjjk jäts wä'n tnëjkxnë, tsyätsynye'emy yë' yam ix'oojk myetsy.
24Nits Jesús y'atsooy:
—Israelë'tjaa'y ëjts tëj Yës teety xtanikkëxy, jä'ku yë' takkoypyë worreekë'n wittijt'të'p.
25Nits jä' to'oxytyëjjk kuwanë'm Jesús twinkunëjkx'ëëy jäts nyakyujxtänëtyaajkë, jäts tnëëjmjaay:
—¡Wintsën, puttëjjk'eeky ëjts!
26Nits Jesús y'atsoojjë:
—Kä' y'oyë't unaa'nk kyääky npëjjkjaa'yë'n jäts uk nmoo'yë'n.
27Nits to'oxytyëjjk y'atsooy:
—Tëyë'm mwa'any, Wintsën, kyaymyüjkypts uk kääky appu'xk mati' wyintsën yyëkkunäjxypy kyaypyäjjt pa'tke'py.
28Nits Jesús nyëë'mxë:
—¡To'oxytyëjjk, mëjknäxy mtëyjyaa'w'ajjtë'n! Wä'n jä' najj tünyë ntsoj mijts xtsöky.
Nit jätyë jä' to'oxytyëjjk nyëëx tsyoojky.
Jesús tyëktso'oky nimay pa'amjaa'y
29Nits Jesús tsyoo'në jäm jäts jya'ajty Galilea nyë'am; jäts kojpk këjxm pyejjty jämts tsyëënë y'ijxtaajky. 30Jämts nimay jaa'y y'anëjkxëy'oo'jkë, mëët tta'anëjkx'eetyë pa'amjaa'y jäts Jesús wyinkujjky tkäjxtë pënjäty y'ijjty kayo'ypy, ka'ijxp, pën kyë' ka'ijtp, pën kakkajpxp, jäts pënjäty wiijnk pa'am tmëët'të, nits Jesús tyëktsokkëjjxy nitukkë'yë pa'amjaa'y. 31Jäts nitukkë'yë jaa'y attëy'ajat ttattantë ku t'ijxtë jaa'y kyë' tyeky y'oyë'të, kyajpxpëktë, wyin'ijxwä'kxtë. Nits Israelë't Yyës Teety tmëjj'ijxtë tmëjjkäjxtë.
Jesús tyëkkay nimay jaa'y
(Mr 8.1-10)
32Nits Jesús tyaajxjaay y'ixpëjkpëttëjjk jäts tnëëjmjaay:
—Yëk'ayoopë ëjts jaa'y n'ijxy, jä'ku tëj tuwëëk xëëw'eenyë yaj jyää'jëtë, nittij tka'okmëët'eenyëtë tij kya'ytyë'p jyëë'kxtë'p. Jäts kä' ëjts yë' najjyë npakkäxwannëtë ntsoj ku tuu'aajy yuuj yëkmonëtë't.
33Nits y'ixpëjkpëttëjjk y'atsoojjë:
—¿Mats npaajtë'n kääky jee'kxy jäts në'n jaa'y ntokkaa'yë'n? Jakkäm ëëtë'm yaj, kä' pën yaj winkon tsyëënë.
34Nits Jesús tyëktëëy:
—¿Winaak jäjp tsajpkääky xmëëtëtë?
—Nits y'atsootë ixpëjkpëttëjjk
—Wixtujjk tsajpkääky, jäts jatu'knuuk ajkx'uu'nk
35Nits Jesús jaa'y tnëmkëjjxjaay jäts tsyëënë y'ijxta'aktë't naxkëjjxy, 36jäts tkoony wä'nwixtujjk tsajpkääky mëët ajkx, jäts tkunuu'kxtaajky nits ttujkwa'kx'axajjy, jäts tmooy y'ixpëjkpëttëjjk, jä'äts jaa'y ttaniwaajt'eetyë. 37Najjts nitukkë'yë jaa'y yëkxon kyaytyë, jäts wixttujjk käptyuj tpiimujkëjxnëtë kaytyuk. 38Nimajktaxk miijlë'n y'ijjty yaa'ytyëjjk pënjäty kaytyë, kä' to'oxytyëjjk mëët una'ajnktëjjk tmatsyootë. 39Nits Jesús jaa'y tpakkäjxkëjxnë, nits pyejjty kanëw këjxm jäts nyijkxy Magadán y'itjotm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.