Eclesiástico 22
22
Jiñi xjoñtolbä yik'ot ts'u'bä
1Jiñi ts'u'bä lajaläch bajche' ambä ik'o'omlel xajlel:
Mux ilaj ts'a' k'elob che' añ ibi'bilel.
2Che'äch bajche' junpujch' ta'äl jiñi xts'u'lel,
mi añ majki mi täl, mi' tijkañ ik'äb.
3Juñtikil lak kalobil machbä añik mi' iña'tañ tik'ojel,
jiñäch x-ak' kisiñ ti' itojlel itat
ixku mi xch'ok iyalobil, mi kaj iyäk'eñ wokol.
4Juñtikil xch'ok xu'k'ulbä ipusik'al mi kaj itaj xuk'ulbä iñoxi'al;
jiñi machbä añik ikisiñ cha'añ mulil mi' yäk'eñ ich'ijiyemlel itat.
5Jiñi xch'ok machbä yujilix kisiñ,
mux iyäk' ti kisiñ itat yik'ot iñoxi'al,
ya'i ti' icha'tiklelob mi kaj its'a'leñob.
6Jiñi oñbä t'añ albilbä che' machbä iyorajlelik iyäjlel,
lajaläch bajche' soñ che' ti' yorajlel mukoñel;
ixku lak tojoñel cha'añ lak mul yik'ot lak toj-esäñtel
mi' itilel iyäk'eñoñla lak xuk'tälel.
[7Che' xuk'ulob jiñi yalobilob,
ma'añik mi' tsiktiyel cha'añ ñumeñ p'ump'uñob itatob che' alobto,
8Jiñi joñtolo'bä yalobilob,
mi' iyäk' ti kisiñ imajchil.]
9Jiñi käñtesa ti' tojlel machbä añik iña'täbal,
lajaläch bajche' mu'bä iñop ipäk' tojp'embä p'ejt,
yik'ot che' bajche' ip'ixtesäñtel juñtikil weñ wäyälbä.
10Che' mi lak pejkañ jiñi machbä añik iña'täbal
che'äch bajche' woli lak pejkañ wäyälbä;
ti wi'il mi' kaj ik'ajtiñ: «¿Chuki isujmlel wolibä awäl?»
11Cha'leñ uk'el cha'añ juñtikil xsajtel,
kome ma'añix isäklel pañämil icha'añ;
cha'leñ uk'el cha'añ juñtikil machbä añik iña'täbal
kome ma'añix mi' weñ ch'ämbeñ isujm;
mach akäläx uk'tañ sajtemixbä, kome tsa'ix ik'aja iyoj;
jiñi ikuxtälel machbä añik iña'täbal ñumeñ lekoj bajche' sajtemal.
12Wukp'ej k'iñ mi lak mel lak pusik'al cha'añ juñtikil xsajtel;
ti' kaj machbä año'bik iña'täbal yik'ot xjoñtolob,
ti' pejtelel k'iñ mi lak cha'leñ uk'el.
13Mach akäläx cha'leñ t'añ yik'ot machbä añik iña'täbal,
mi yomik ma' ajulatañ jontolbä wiñik.
Käñtañ abä ti' itojlel, cha'añ ma'añik mi' ataj wokol,
yik'ot mach ibu't'et ti ikujkil che' mi' itijkañ ibä.
Täts'ä abä ti' itojlel, che' jiñi tijikña ma' akaj awajñel ti pañämil
yik'ot ma'añix mi' ikaj itik'lañet ijoñtolil.
14¿Amba yambä ñumeñbä iyalel che' bajche' albä tak'iñ?
Añäch, «jiñi machbä añik iña'täbal» jiñäch ik'aba'.
15Mach wokolik ilät'ol ti kuchol jiñi ji',
yik'ot ats'am yik'ot woxolbä tak'iñ,
ñumeñ wokoljax ti kuchol jiñi machbä añik iña'täbal.
16Weñ xojñibilbä ikukujlel otot ya' ti ts'ajk,
ma'añik mi' ts'ojkel lok'el che' mi' yujkel lum;
che'äch yilal ixuk'tälel mu'bä iyotsañ ikäñtesäñtel ti' ipusik'al
ma'añik mi' kajel ti bäk'eñ che' yorajlel wokol.
17Mu'bä ixuk'chokoñ ipusik'al ti' uts'atbä iña'täbal,
lajaläch che' bajche' yululbä ti ji' otot, yäläkña ti k'elol.
18Tsolts'äjpälbä te' ya' ti' pam wits
ma'añik mi' ilät' ip'ätälel tsätsbä ik',
yik'ot ipusik'al machbä t'äñäyem yik'ot but'ulbä ti joñtolbä ña'täbal,
ma'añik mi' ilät' ibäk'tesäñtel ti t'añ.
Xuk'tälel ti' tojlel lak käñäyo'bä
19Mi tsa' lak lowo lak wut, mi lok'el tilel iya'lel;
mi tsa' klowo lak pusik'al, mux la jkubiñ ch'ijiyemlel.
20Mi tsa' lak chokbe xajlel mate'el mut,
mux iwejlel majlel;
mi tsa' lak ñik'i su'be lak käñäbä,
mi' yäk' ti jilel xuk'tälel ipusik'al ti lak tojlel.
21Mi' tsa'ix asu'be joñtolbä t'añ ti itojlel api'älbä,
mach amel apusik'al, mejleto atoj-esañ.
22Mi' tsa'ix acha'le mulil ti' kaj at'añ ti' tojlel api'äl,
mach amel apusik'al: Mejleto amel awutslel ti' itojlel.
Ixku tsukut'añ, wajleya, tsiktesa machbä albil yik'ot joñtolil,
iliyitak jiñäch mu'bä iyäk' ti ñajt-esañ lak pi'äl.
23Yom awajñel ti' tojlel api'äl che' woli iñusañ p'ump'uñlel,
cha'añ che' bakibä k'iñ añ ichu'bä añ, lajal tijikñayetla.
Mach abajñel käy che' woli iyilañ wokol,
cha'añ mi akomoñ t'oxla ichu'bä añ che' mi' iyäk'beñtel.
24Ya' ti' yajñib k'ajk ñaxañ mi' lok'el buts' yik'ot ti wi'il ichäkel k'ajk;
che'äch ja'el, ñaxañ tsuku t'añ ya'i mi' ijoloñel ti bejkel ch'ich'.
25Ma'añik mi kajel ti kisiñ cha'añ mi jkäñtañ jiñi kpi'äl,
yik'ot ma'añik mi kaj jkmujkuñ kbä ti' itojlel.
26Mi añ chuki mach uts'at mi' jku'biñ ti' ikaj,
ti' ipejtelelob mi' kajel ikäñtañob ibä ti' itojlel.
Ik'ajtiya jiñi ambä iña'täbal
27Kyum kcha'añ,
¡Käñtesañon cha'añ mik cha'leñ t'añ ti uts'at!
¡Mach awäk'oñ ti yajlel ti wokolil ti ikaj kt'añ!
Currently Selected:
Eclesiástico 22: CholDc
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM
Eclesiástico 22
22
Jiñi xjoñtolbä yik'ot ts'u'bä
1Jiñi ts'u'bä lajaläch bajche' ambä ik'o'omlel xajlel:
Mux ilaj ts'a' k'elob che' añ ibi'bilel.
2Che'äch bajche' junpujch' ta'äl jiñi xts'u'lel,
mi añ majki mi täl, mi' tijkañ ik'äb.
3Juñtikil lak kalobil machbä añik mi' iña'tañ tik'ojel,
jiñäch x-ak' kisiñ ti' itojlel itat
ixku mi xch'ok iyalobil, mi kaj iyäk'eñ wokol.
4Juñtikil xch'ok xu'k'ulbä ipusik'al mi kaj itaj xuk'ulbä iñoxi'al;
jiñi machbä añik ikisiñ cha'añ mulil mi' yäk'eñ ich'ijiyemlel itat.
5Jiñi xch'ok machbä yujilix kisiñ,
mux iyäk' ti kisiñ itat yik'ot iñoxi'al,
ya'i ti' icha'tiklelob mi kaj its'a'leñob.
6Jiñi oñbä t'añ albilbä che' machbä iyorajlelik iyäjlel,
lajaläch bajche' soñ che' ti' yorajlel mukoñel;
ixku lak tojoñel cha'añ lak mul yik'ot lak toj-esäñtel
mi' itilel iyäk'eñoñla lak xuk'tälel.
[7Che' xuk'ulob jiñi yalobilob,
ma'añik mi' tsiktiyel cha'añ ñumeñ p'ump'uñob itatob che' alobto,
8Jiñi joñtolo'bä yalobilob,
mi' iyäk' ti kisiñ imajchil.]
9Jiñi käñtesa ti' tojlel machbä añik iña'täbal,
lajaläch bajche' mu'bä iñop ipäk' tojp'embä p'ejt,
yik'ot che' bajche' ip'ixtesäñtel juñtikil weñ wäyälbä.
10Che' mi lak pejkañ jiñi machbä añik iña'täbal
che'äch bajche' woli lak pejkañ wäyälbä;
ti wi'il mi' kaj ik'ajtiñ: «¿Chuki isujmlel wolibä awäl?»
11Cha'leñ uk'el cha'añ juñtikil xsajtel,
kome ma'añix isäklel pañämil icha'añ;
cha'leñ uk'el cha'añ juñtikil machbä añik iña'täbal
kome ma'añix mi' weñ ch'ämbeñ isujm;
mach akäläx uk'tañ sajtemixbä, kome tsa'ix ik'aja iyoj;
jiñi ikuxtälel machbä añik iña'täbal ñumeñ lekoj bajche' sajtemal.
12Wukp'ej k'iñ mi lak mel lak pusik'al cha'añ juñtikil xsajtel;
ti' kaj machbä año'bik iña'täbal yik'ot xjoñtolob,
ti' pejtelel k'iñ mi lak cha'leñ uk'el.
13Mach akäläx cha'leñ t'añ yik'ot machbä añik iña'täbal,
mi yomik ma' ajulatañ jontolbä wiñik.
Käñtañ abä ti' itojlel, cha'añ ma'añik mi' ataj wokol,
yik'ot mach ibu't'et ti ikujkil che' mi' itijkañ ibä.
Täts'ä abä ti' itojlel, che' jiñi tijikña ma' akaj awajñel ti pañämil
yik'ot ma'añix mi' ikaj itik'lañet ijoñtolil.
14¿Amba yambä ñumeñbä iyalel che' bajche' albä tak'iñ?
Añäch, «jiñi machbä añik iña'täbal» jiñäch ik'aba'.
15Mach wokolik ilät'ol ti kuchol jiñi ji',
yik'ot ats'am yik'ot woxolbä tak'iñ,
ñumeñ wokoljax ti kuchol jiñi machbä añik iña'täbal.
16Weñ xojñibilbä ikukujlel otot ya' ti ts'ajk,
ma'añik mi' ts'ojkel lok'el che' mi' yujkel lum;
che'äch yilal ixuk'tälel mu'bä iyotsañ ikäñtesäñtel ti' ipusik'al
ma'añik mi' kajel ti bäk'eñ che' yorajlel wokol.
17Mu'bä ixuk'chokoñ ipusik'al ti' uts'atbä iña'täbal,
lajaläch che' bajche' yululbä ti ji' otot, yäläkña ti k'elol.
18Tsolts'äjpälbä te' ya' ti' pam wits
ma'añik mi' ilät' ip'ätälel tsätsbä ik',
yik'ot ipusik'al machbä t'äñäyem yik'ot but'ulbä ti joñtolbä ña'täbal,
ma'añik mi' ilät' ibäk'tesäñtel ti t'añ.
Xuk'tälel ti' tojlel lak käñäyo'bä
19Mi tsa' lak lowo lak wut, mi lok'el tilel iya'lel;
mi tsa' klowo lak pusik'al, mux la jkubiñ ch'ijiyemlel.
20Mi tsa' lak chokbe xajlel mate'el mut,
mux iwejlel majlel;
mi tsa' lak ñik'i su'be lak käñäbä,
mi' yäk' ti jilel xuk'tälel ipusik'al ti lak tojlel.
21Mi' tsa'ix asu'be joñtolbä t'añ ti itojlel api'älbä,
mach amel apusik'al, mejleto atoj-esañ.
22Mi' tsa'ix acha'le mulil ti' kaj at'añ ti' tojlel api'äl,
mach amel apusik'al: Mejleto amel awutslel ti' itojlel.
Ixku tsukut'añ, wajleya, tsiktesa machbä albil yik'ot joñtolil,
iliyitak jiñäch mu'bä iyäk' ti ñajt-esañ lak pi'äl.
23Yom awajñel ti' tojlel api'äl che' woli iñusañ p'ump'uñlel,
cha'añ che' bakibä k'iñ añ ichu'bä añ, lajal tijikñayetla.
Mach abajñel käy che' woli iyilañ wokol,
cha'añ mi akomoñ t'oxla ichu'bä añ che' mi' iyäk'beñtel.
24Ya' ti' yajñib k'ajk ñaxañ mi' lok'el buts' yik'ot ti wi'il ichäkel k'ajk;
che'äch ja'el, ñaxañ tsuku t'añ ya'i mi' ijoloñel ti bejkel ch'ich'.
25Ma'añik mi kajel ti kisiñ cha'añ mi jkäñtañ jiñi kpi'äl,
yik'ot ma'añik mi kaj jkmujkuñ kbä ti' itojlel.
26Mi añ chuki mach uts'at mi' jku'biñ ti' ikaj,
ti' ipejtelelob mi' kajel ikäñtañob ibä ti' itojlel.
Ik'ajtiya jiñi ambä iña'täbal
27Kyum kcha'añ,
¡Käñtesañon cha'añ mik cha'leñ t'añ ti uts'at!
¡Mach awäk'oñ ti yajlel ti wokolil ti ikaj kt'añ!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM