Zefaniya 2
2
Ottaruxiwa wa amwiitthana a oYixrayeli
1Muthukumane ni mvarexexane, nyuwo muloko woohikhalano muru, 2ehinaaye ophiya ehuhu elakeliwe ni nihuku nno, niviraka ntoko ikokhola, sihinaaye woomorelani isara soowuupa sa Yave, ni nihinaaye woophwanyani nihuku na isara sa Yave. 3Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave. 4Gaza onoothaamiwa, ni Axekeloni onooheleya nthala. Axedodi onimwiitthiwa nsuwa vamuru, ni Ekroni onoomalamalihiwa. 5Ii! Nyuwosa munkhala muxerexere ephareiya, muloko wa aKereti; ii! Kanaani, masu a Yave aawiittani, elapo ya aFilisti. Miyo kinimoophwatani ni khaawo anaahale. 6Elapo ya muxerexere ephareiya, ankhalaayawo aKereti, enookhala wookhalawo akukhuli ni nikhoola na ikhondoolo. 7Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa. 8Kohiiwa oruwana wa aMowabe ni oveiha wa awAmoni, mwa yaawo aruwanne mulokwaaka, enawoopopiherela elapwaaya. 9Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa. 10Ti yeeyo eneeraaya yaakhele ntoko ntthuvelo na wiixoonawaya, mwaha wa oruwana ni otthebwa muloko wa Yave, a ikuru sootheene. 11Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe. 12“Ii! aKuxe, nyuwosatho munimwiiviwa ni ekatanaaka.” 13Owo onootheteela moono mpatta wa ottuttuwani, aphwateke wAsiriya, ahiyeke oNinive oheleiyeene nthala woomalela, wuumelenleene ntoko nikare. 14Sinimwiixaatalelawo mihuwo soohiyanahiyana ni moota wootheene wa axinama a ntuphini. Esiisi ya munikareni ni namame, sinimwiitthaala vasulu wa amarimbwaawe. Okhuwelawaya onimwiiwanyeela muxanelanimwawe. Sinookhala ittuxo mmilakoni, ni iviika sa esidari* sinimooneya. 15Ela ti esidade ehimpwattha etthu, ekhalaka yoolipeene, yiixeerelaka: “Ti miyo paahi, khawoworu mukina!” Moota eheleiyaaya nthala! Nikhuku na axinama a ntuphini! Ootheene amviramo, anootthebwa yiipaka makuphi.
Currently Selected:
Zefaniya 2: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Zefaniya 2
2
Ottaruxiwa wa amwiitthana a oYixrayeli
1Muthukumane ni mvarexexane, nyuwo muloko woohikhalano muru, 2ehinaaye ophiya ehuhu elakeliwe ni nihuku nno, niviraka ntoko ikokhola, sihinaaye woomorelani isara soowuupa sa Yave, ni nihinaaye woophwanyani nihuku na isara sa Yave. 3Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave. 4Gaza onoothaamiwa, ni Axekeloni onooheleya nthala. Axedodi onimwiitthiwa nsuwa vamuru, ni Ekroni onoomalamalihiwa. 5Ii! Nyuwosa munkhala muxerexere ephareiya, muloko wa aKereti; ii! Kanaani, masu a Yave aawiittani, elapo ya aFilisti. Miyo kinimoophwatani ni khaawo anaahale. 6Elapo ya muxerexere ephareiya, ankhalaayawo aKereti, enookhala wookhalawo akukhuli ni nikhoola na ikhondoolo. 7Enookhala ya oohalahala a epuumba ya Yuda. Wu anoophwanyawo moocihamo; ni wiilaka, animwiixaatalela mpaani mwa Axekeloni. Yave, Mulukwaaya, onimwaakosoopa, ni onimwaahokoloxera oreeriwa. 8Kohiiwa oruwana wa aMowabe ni oveiha wa awAmoni, mwa yaawo aruwanne mulokwaaka, enawoopopiherela elapwaaya. 9Tivawo kinlipelaaka mwa okumaaka,’ onghima Yave, a ikuru sootheene, Muluku a oYixrayeli, ‘weera oMowabe onoothatuwa ntoko oSodoma, ni wAmoni ntoko oGomora – nipuro noophipihana malaxi a ntuphini, ni ihime sa maakha, oheleya nthala woohimala. Anoohuhuliwa ni oohalahala a mulokwaaka; oohalahala a mulokwaaka, anookuxa elapwaaya ntoko yoohiyeriwa. 10Ti yeeyo eneeraaya yaakhele ntoko ntthuvelo na wiixoonawaya, mwaha wa oruwana ni otthebwa muloko wa Yave, a ikuru sootheene. 11Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe. 12“Ii! aKuxe, nyuwosatho munimwiiviwa ni ekatanaaka.” 13Owo onootheteela moono mpatta wa ottuttuwani, aphwateke wAsiriya, ahiyeke oNinive oheleiyeene nthala woomalela, wuumelenleene ntoko nikare. 14Sinimwiixaatalelawo mihuwo soohiyanahiyana ni moota wootheene wa axinama a ntuphini. Esiisi ya munikareni ni namame, sinimwiitthaala vasulu wa amarimbwaawe. Okhuwelawaya onimwiiwanyeela muxanelanimwawe. Sinookhala ittuxo mmilakoni, ni iviika sa esidari* sinimooneya. 15Ela ti esidade ehimpwattha etthu, ekhalaka yoolipeene, yiixeerelaka: “Ti miyo paahi, khawoworu mukina!” Moota eheleiyaaya nthala! Nikhuku na axinama a ntuphini! Ootheene amviramo, anootthebwa yiipaka makuphi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.