Zefaniya 1
1
Othorihiwa wa oYuda wookhuveela
1Yave aahuuluma ni Zefaniya, mwaana mulopwana a Kuxi, mwaana mulopwana a Gedaliya, mwaana mulopwana a Amariya, mwaana mulopwana a Hezekiya. Zefaniya aalaleiya mutthenga ola mweehuhuni ya olamula wa mwene Yosiya, mwaana mulopwana a Amoni, mwene a oYuda: 2“Kinoophwata itthu sootheene sa mulaponi,” onghima Yave. 3“Kinimwaaphwata atthu ni axinama; kinoophwata ipalame sa wiirimu ni ihopa, ni yaawo antannyera okwattula vamoha ni atakhali. Kinoopaka yeeyo, kiphwataka omutthu mulaponi,” onghima Yave. 4Kinootheteela ntata oYuda vamoha ni amaki a oYerusaleemu. Kinimwaamalamaliha nipuro nna ahalahanle a Bahali*, masina a yaawo anrumeela miluku ni asaserdotaaya, 5yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki; 6Yaawo anghapuwa ehiyaka omutthara Yave, hata ehimwaasaka naari ehimukohereraka. 7Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe. 8Vanihukuni na yooveleela ya Yave, kinimwaattaruxa ahooleli, anamwane asilopwana a mwene, ni ootheene awanre ikuwo sa enamarwa. 9Nihuku nno kinimwaattaruxa ootheene anraramela waathi nsele, esarihaka mpaani mwa milukusaya nipuhero ni olokottha. 10“Nihuku nno,” onghima Yave, “onookhuweliwa vakhiviru wa mulako wa Ihopa, olalamikiwa munttettheni munyowani, ni oruma otokotoko mmattumuxani. 11Mulalamike nyuwosa munkhala mmuttettheni wa nakoso a esidade; ananakoswaanyu ootheene anoophwatiwa woomalela. Anooheleya nthala ootheene anthumiha eparatha*. 12Ehuhuweene yeeyo, kinoomukungura Yerusaleemu ni onyaari, kaattaruxeke atthu mootthekanimwaya ahimpwattharu etthu ni yiixuupuwelaka: ‘Yave khapakaru yooreera naari yoonanara.’ 13Mihakhusaya sinoohuhuliwa; impasaya sinookurumuliwa. Naari etekaka impa inyowani, kheekhalamo; anoophatteya imatta sa iwuuva*, mene kheewura eviinyuwaaya.”
Nihuku ntokweene na Yave
14Nihuku ntokweene na Yave, nookhuveela; nookhuveela, ningwa woowaakuveya. Mwiiwe! Nihuku na Yave nnoowaawa ni okhuwelaxa woowaawa wa anakhotto. 15Nihuku nno, nnikhale na isara, nihuku na makacamiho ni othanana, nihuku na ohaawa ni oheleya nthala, na epiphi ni ewiriphi, na mahutte ni oriipihana, 16nihuku na wiipiwa mapalapatta ni okhuweleliwa ekhotto isidade soolipihiwa ni itoore* sa mmaloothoni. 17“Kinimwaaruuhela atthu ohaawa, ni animweetta ntoko oohoona, niwoko aamutthekela Yave. Ephomaaya enoomwaraxiwa ntoko ntthupi ni erutthwaaya ntoko mahiloka. 18Eparathaaya* ni eyuumaaya yoorikaxa khayaatapuxa vanihukuni na isara sa Yave. Mmooroni wa ehacaawe, enoolalihiwa elapo yootheene, niwoko Owo onimwaamaliha wootutuxereya ootheene ankhala mulaponi.”
Currently Selected:
Zefaniya 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Zefaniya 1
1
Othorihiwa wa oYuda wookhuveela
1Yave aahuuluma ni Zefaniya, mwaana mulopwana a Kuxi, mwaana mulopwana a Gedaliya, mwaana mulopwana a Amariya, mwaana mulopwana a Hezekiya. Zefaniya aalaleiya mutthenga ola mweehuhuni ya olamula wa mwene Yosiya, mwaana mulopwana a Amoni, mwene a oYuda: 2“Kinoophwata itthu sootheene sa mulaponi,” onghima Yave. 3“Kinimwaaphwata atthu ni axinama; kinoophwata ipalame sa wiirimu ni ihopa, ni yaawo antannyera okwattula vamoha ni atakhali. Kinoopaka yeeyo, kiphwataka omutthu mulaponi,” onghima Yave. 4Kinootheteela ntata oYuda vamoha ni amaki a oYerusaleemu. Kinimwaamalamaliha nipuro nna ahalahanle a Bahali*, masina a yaawo anrumeela miluku ni asaserdotaaya, 5yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki; 6Yaawo anghapuwa ehiyaka omutthara Yave, hata ehimwaasaka naari ehimukohereraka. 7Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe. 8Vanihukuni na yooveleela ya Yave, kinimwaattaruxa ahooleli, anamwane asilopwana a mwene, ni ootheene awanre ikuwo sa enamarwa. 9Nihuku nno kinimwaattaruxa ootheene anraramela waathi nsele, esarihaka mpaani mwa milukusaya nipuhero ni olokottha. 10“Nihuku nno,” onghima Yave, “onookhuweliwa vakhiviru wa mulako wa Ihopa, olalamikiwa munttettheni munyowani, ni oruma otokotoko mmattumuxani. 11Mulalamike nyuwosa munkhala mmuttettheni wa nakoso a esidade; ananakoswaanyu ootheene anoophwatiwa woomalela. Anooheleya nthala ootheene anthumiha eparatha*. 12Ehuhuweene yeeyo, kinoomukungura Yerusaleemu ni onyaari, kaattaruxeke atthu mootthekanimwaya ahimpwattharu etthu ni yiixuupuwelaka: ‘Yave khapakaru yooreera naari yoonanara.’ 13Mihakhusaya sinoohuhuliwa; impasaya sinookurumuliwa. Naari etekaka impa inyowani, kheekhalamo; anoophatteya imatta sa iwuuva*, mene kheewura eviinyuwaaya.”
Nihuku ntokweene na Yave
14Nihuku ntokweene na Yave, nookhuveela; nookhuveela, ningwa woowaakuveya. Mwiiwe! Nihuku na Yave nnoowaawa ni okhuwelaxa woowaawa wa anakhotto. 15Nihuku nno, nnikhale na isara, nihuku na makacamiho ni othanana, nihuku na ohaawa ni oheleya nthala, na epiphi ni ewiriphi, na mahutte ni oriipihana, 16nihuku na wiipiwa mapalapatta ni okhuweleliwa ekhotto isidade soolipihiwa ni itoore* sa mmaloothoni. 17“Kinimwaaruuhela atthu ohaawa, ni animweetta ntoko oohoona, niwoko aamutthekela Yave. Ephomaaya enoomwaraxiwa ntoko ntthupi ni erutthwaaya ntoko mahiloka. 18Eparathaaya* ni eyuumaaya yoorikaxa khayaatapuxa vanihukuni na isara sa Yave. Mmooroni wa ehacaawe, enoolalihiwa elapo yootheene, niwoko Owo onimwaamaliha wootutuxereya ootheene ankhala mulaponi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.