aRooma 12
12
Soovahiwa sa okumi
1Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya. 2Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela. 3Vano, ni mahala kivahiwaaka, kinooleelani ootheene nyuwo weera muhiixooneke woopwaha ontthuneyaaya. Ohiyanawaya, mukhale oohiixoona. Khula mutthu iiwehaweheke ni muringo wa nroromelo Muluku oovanghaaweni. 4Hiiho ntoko khula mutthu a hiyo okhalannaawe erutthu emoha ni mipatta sincipale, ni mipattasene seiyo khasimvara muteko mmoharu, 5hiihotho hiyo nri ancipale, nimpaka erutthu emoharu mwa Kristu, ni mpatta ti mpatta ontthukiwa vamoha ni mipatta sootheene sikina. 6Nookhalano sa mahala soohiyanahiyana ntoko mahala nivahiwaahu. Akhala mukina ongwera othalihera otthuna wa Muluku, ontthuneya ovarela muteko mahaleene yaawo munroromelonimwawe. 7Mahalaanyu yakhala orumeela, murumeele, yakhala ohusiha, muhusihe, 8yakhala oowaalipiha mirima akina, mupake hiiho, yakhala ovaha, muvahe ni murima wootheene, yakhala ohoolela, muhoolele ni nthiti, yakhala omorela ikharari, mupakeke ni ohakalala.
Mweettelo wa muKristu
9Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera. 10Musivelaneke mukina ni mukhwaawe ntoko axunna. Fataari mwaattittimihe akhwiinyu muhinaaye asineenaanyu. 11Nihoohaleelekeni nthiti, mwiiminyaalele mmunepani, mwaarumeeleke Apwiya. 12Muhakalaleke munroromeloni, mukhale ni ovilela moothananani, mpwaherereke mmavekeloni. 13Mwaakawele ootteela seiyo awo anghaawelaaya, ni ngwaakheleke nnene yaawo anoophiyerelani. 14Mwaareeliheke yaawo anoosoondani, mwaareeliheke ni muhaalapheke. 15Muhakalaleke ni yaawo anghakalala, ni mwiinleke ni yaawo aniinla. 16Mukhaleke ni murima mmoharu mukina ni mukhwaawe. Muhikhale oowiixoona, mene mukhale oolikaneene mwiiwananaka ni atthu oohittittimiheyaxa. Muhiisuwele weera muri asuweli. 17Muhaakakhane wa mukina yoonanara ni yoonanara. Mwaasaase opaka yeeyo eri yooreera vamaithoni wa ootheene. 18Wawereya, mukhaleke ni murettele ni atthu ootheene. 19Oosiveleya, muheettele isikula, mene muhiyere yeeyo wa isara sa Muluku, niwoko yoolempwa: “Apwiya yeenre: ‘Isikula ti sawaka. Miyo nkittaruxe.’” 20Ohiyanawaya: “Mwiittanaanyu avoliwa etala, mumvaheke yooca, avoliwa ntthona, mumvaheke yoowura. Mwapaka yeeyo, nyuwo mmwimwaandyeerere wuuliwawawe muru.” 21Muhiwiniwe ni yoonanara, mene ngwine yoonanara ni yooreera.
Currently Selected:
aRooma 12: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
aRooma 12
12
Soovahiwa sa okumi
1Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya. 2Muhitthareke mweettelo wa elapo ela, mene mutatuxiwe ni oreherera wa soowuupuwelasanyu. Hiiho nyuwo mmwiiwexexe ti heeni otthuna wa Muluku, eyo tiiyo, ti heeni yooreera, yoomusiveliha ni yookwanela. 3Vano, ni mahala kivahiwaaka, kinooleelani ootheene nyuwo weera muhiixooneke woopwaha ontthuneyaaya. Ohiyanawaya, mukhale oohiixoona. Khula mutthu iiwehaweheke ni muringo wa nroromelo Muluku oovanghaaweni. 4Hiiho ntoko khula mutthu a hiyo okhalannaawe erutthu emoha ni mipatta sincipale, ni mipattasene seiyo khasimvara muteko mmoharu, 5hiihotho hiyo nri ancipale, nimpaka erutthu emoharu mwa Kristu, ni mpatta ti mpatta ontthukiwa vamoha ni mipatta sootheene sikina. 6Nookhalano sa mahala soohiyanahiyana ntoko mahala nivahiwaahu. Akhala mukina ongwera othalihera otthuna wa Muluku, ontthuneya ovarela muteko mahaleene yaawo munroromelonimwawe. 7Mahalaanyu yakhala orumeela, murumeele, yakhala ohusiha, muhusihe, 8yakhala oowaalipiha mirima akina, mupake hiiho, yakhala ovaha, muvahe ni murima wootheene, yakhala ohoolela, muhoolele ni nthiti, yakhala omorela ikharari, mupakeke ni ohakalala.
Mweettelo wa muKristu
9Osivela okhale wa ekhaikhai. Muthanye yeeyo eri yoonanara, ni muvarexexe yeeyo eri yooreera. 10Musivelaneke mukina ni mukhwaawe ntoko axunna. Fataari mwaattittimihe akhwiinyu muhinaaye asineenaanyu. 11Nihoohaleelekeni nthiti, mwiiminyaalele mmunepani, mwaarumeeleke Apwiya. 12Muhakalaleke munroromeloni, mukhale ni ovilela moothananani, mpwaherereke mmavekeloni. 13Mwaakawele ootteela seiyo awo anghaawelaaya, ni ngwaakheleke nnene yaawo anoophiyerelani. 14Mwaareeliheke yaawo anoosoondani, mwaareeliheke ni muhaalapheke. 15Muhakalaleke ni yaawo anghakalala, ni mwiinleke ni yaawo aniinla. 16Mukhaleke ni murima mmoharu mukina ni mukhwaawe. Muhikhale oowiixoona, mene mukhale oolikaneene mwiiwananaka ni atthu oohittittimiheyaxa. Muhiisuwele weera muri asuweli. 17Muhaakakhane wa mukina yoonanara ni yoonanara. Mwaasaase opaka yeeyo eri yooreera vamaithoni wa ootheene. 18Wawereya, mukhaleke ni murettele ni atthu ootheene. 19Oosiveleya, muheettele isikula, mene muhiyere yeeyo wa isara sa Muluku, niwoko yoolempwa: “Apwiya yeenre: ‘Isikula ti sawaka. Miyo nkittaruxe.’” 20Ohiyanawaya: “Mwiittanaanyu avoliwa etala, mumvaheke yooca, avoliwa ntthona, mumvaheke yoowura. Mwapaka yeeyo, nyuwo mmwimwaandyeerere wuuliwawawe muru.” 21Muhiwiniwe ni yoonanara, mene ngwine yoonanara ni yooreera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.