aRooma 11
11
Muhoolo wa aYixrayeli
1Vano kinookoha: Apaale Muluku ookhootta mulokwaawe? Hata vakhaani! Miyo mwaneenaaka ti muYixrayeli, ekhapira ya Abrahaamu, epuumba ya Benyamini. 2Muluku khaakhoontte mulokwaawe Owo khalayi aasuwenlaawe. Apaale nyuwo khamusuwenle moota Eliya omukhuwelenlaawe Muluku niwoko na Yixrayeli ntoko Yoolempwa yeenraaya: 3“Apwiya, yaawiiva maprofeetaanyu, aaphwata mapurowaanyu a olapa. Kihanle miyo paahi, ni anaasaasa okiiva.” 4Vano, yaari yoowaakhula heeni ya wiirimu? “Kohiisungera atthu macira miloko mathannameeli ahimulampe Bahali*.” 5Hiihotho, olelo anghala aYixrayeli vakhaani, oothanliwa ni mahala. 6Waari ni mahala paahi, khoohiyonotho ni miteko. Waari ni miteko, mahala khayaakhalatho mahala. 7Nneereke hai? aYixrayeli khayaawenre yeeyo yaasaasaaya vancipale, mene oothanliwa yaawera. Akina ancipale yaatatuxiwa oowuuma murima, 8ntoko elempwalaaya: “Muluku ohaavaha munepa wa wooseela, maitho weera ehoone ni maaru weera ehiiwe, mpaka olelo vaava.” 9Ni Davide eenre: “Weera meesaaya ethatuwe ntthavi ni muraakho, nluku nookwattula ni noottaruxa. 10Maithwaaya eriipiwe weera ehoone, ni ittulisaya sikhoromane mahuku ootheene.”
Ovuluxiwa wa amalapo
11Kinookoha veeli: Apaale akwattuliwe weera yuuwe? Hata vakhaani! Ohiyanawaya, niwoko na wuuwawaya wohoorwa ovuluwa wa amalapo weera ekhale ehace mwa aYixrayeli. 12Vano, waari weera wuuwa wa aYixrayeli ontaphulela oreela wa elapo ya vathi, ni oyeleelawaya ontaphulela mihakhu wa amalapo, wootepaxa onuutaphulele waattawaya! 13Kinuuluma ni nyuwo amalapo. Keenre kikhalaka murummwa wa amalapo, kookhalano nttittimiho nincipale mmutekonimwaka, 14munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe. 15Vano, okhoottawaya waawenre wiiraanyiha wa elapo ya vathi, eniikhumelele eheeni awo yaakhuleliwa veeli? Onuutaphulele okumi wa yaawo akhwiiye. 16Soowiima soopacera soovahiwa saari sootteela, soowiima sootheene sinookhalatho sootteela. Waari weera mukwankhwaari ori wootteela, vano hiihotho iphandisaya. 17Iphandi sikina soothikiliwa, mene nyuwo, mureene ya oliveira ya ntuphini, moolumbaanyiwa ni iphandi sikina ni vano nyuwo mungwura ebwanyaasi enrweela munkwankhwaarini wa sooliveira* sa ekhaikhai. 18Tivawo, muhiixunnuwihe ni iphandi soothikiliwa. Nyuwo mwapaka yeeyo, musuwele nnene weera khamuhiyono nyuwo mumvaha okumi wa mukwankhwaari, mene owo wa nyuwo. 19Nyuwo mmweere: “Iphandi soothikiliwa weera miyo kilumbaanyiwe.” 20Ti ekhaikhai. Wa soothesene, iyo soothikiliwa niwoko na ohiroromela, ni nyuwo munkhala munroromeloni. Muhiixunnuwihe, mene moove, 21niwoko Muluku ahuurenle iphandi sa ekhaikhai, khaawuurelanitho nyuwo. 22Tivawo, mutthokelele oreera murima ni ottaruxa wa Muluku: ottaruxiwa wa yaale yuuwale, mene oreera murima wa nyuwo, mwapwaherera mooreerani murimaawe. Mwaahipwaherera, mmwithikiliwetho. 23Vano, mwaha wa yaawo, yaahipwaherera moohiroromelani, eniilumbaanyiwetho, niwoko Muluku onoowera waalumbaanyiha veeli. 24Ohiya toko yeeyo, nyuwo mwaathikiliwe wa sooliveira* sa ntuphini, ni yaavirikana ni ekhalelowaaya, mwaalumbaanyiwa ni sooliveira* sa ekhaikhai, wootepaxa nsilumbaanyiwe iphandi sa ekhaikhai ni yooliveireene yeeyo ya ekhaikhai?
aYixrayeli ootheene eniivuluxiwe
25Axunnaka, kintthuna weera musuwele nnenesene ntikhinelo nna weera muhiixoone: Wookhumelela wuuma murima wa akina a aYixrayeli mpaka okwanela waatta wa amalapo. 26Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe. 27Ni wu onuukhale owiiraananawaka yaawo, kaavenxaka sootthekasaya.” 28Wa masu ooreeraxa, awo ari amwiittana niwoko na nyuwo, mene wa ethanlelo, awo ari oosiveleya niwoko na asitokweenaaya oopacera. 29Samahala ni wiitthana wa Muluku ti woohivirikanyiheya. 30Hiiho ntoko nyuwo khalayi mwahaamwiiwelela Muluku, vano moomoreliwa ikharari niwoko na ohiiwelelawaya aYixrayeli, 31hiihotho awo aakhala oohiiwelela weera yaakheletho ikharari niwoko na woomorelani ikharari Muluku. 32Muluku oowiiyaathi atthu ootheene vathi wa ettiyamaaru weera aamorele ikharari atthu ootheene.
Ecipo ya omvuwiha Muluku
33Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe? 34Taani onsuwela soowuupuwela sa Apwiya, naari taani ori namalakaaya? 35Taani aamuvanghe toko etthu Muluku, weera vahoolowaya Muluku amutthuvele? 36Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.
Currently Selected:
aRooma 11: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
aRooma 11
11
Muhoolo wa aYixrayeli
1Vano kinookoha: Apaale Muluku ookhootta mulokwaawe? Hata vakhaani! Miyo mwaneenaaka ti muYixrayeli, ekhapira ya Abrahaamu, epuumba ya Benyamini. 2Muluku khaakhoontte mulokwaawe Owo khalayi aasuwenlaawe. Apaale nyuwo khamusuwenle moota Eliya omukhuwelenlaawe Muluku niwoko na Yixrayeli ntoko Yoolempwa yeenraaya: 3“Apwiya, yaawiiva maprofeetaanyu, aaphwata mapurowaanyu a olapa. Kihanle miyo paahi, ni anaasaasa okiiva.” 4Vano, yaari yoowaakhula heeni ya wiirimu? “Kohiisungera atthu macira miloko mathannameeli ahimulampe Bahali*.” 5Hiihotho, olelo anghala aYixrayeli vakhaani, oothanliwa ni mahala. 6Waari ni mahala paahi, khoohiyonotho ni miteko. Waari ni miteko, mahala khayaakhalatho mahala. 7Nneereke hai? aYixrayeli khayaawenre yeeyo yaasaasaaya vancipale, mene oothanliwa yaawera. Akina ancipale yaatatuxiwa oowuuma murima, 8ntoko elempwalaaya: “Muluku ohaavaha munepa wa wooseela, maitho weera ehoone ni maaru weera ehiiwe, mpaka olelo vaava.” 9Ni Davide eenre: “Weera meesaaya ethatuwe ntthavi ni muraakho, nluku nookwattula ni noottaruxa. 10Maithwaaya eriipiwe weera ehoone, ni ittulisaya sikhoromane mahuku ootheene.”
Ovuluxiwa wa amalapo
11Kinookoha veeli: Apaale akwattuliwe weera yuuwe? Hata vakhaani! Ohiyanawaya, niwoko na wuuwawaya wohoorwa ovuluwa wa amalapo weera ekhale ehace mwa aYixrayeli. 12Vano, waari weera wuuwa wa aYixrayeli ontaphulela oreela wa elapo ya vathi, ni oyeleelawaya ontaphulela mihakhu wa amalapo, wootepaxa onuutaphulele waattawaya! 13Kinuuluma ni nyuwo amalapo. Keenre kikhalaka murummwa wa amalapo, kookhalano nttittimiho nincipale mmutekonimwaka, 14munroromeloni weera ni moota mukina kiwere otannya ehace mmulokonimwakeene yoowo weera naari mano akina a yaawo evuluxiwe. 15Vano, okhoottawaya waawenre wiiraanyiha wa elapo ya vathi, eniikhumelele eheeni awo yaakhuleliwa veeli? Onuutaphulele okumi wa yaawo akhwiiye. 16Soowiima soopacera soovahiwa saari sootteela, soowiima sootheene sinookhalatho sootteela. Waari weera mukwankhwaari ori wootteela, vano hiihotho iphandisaya. 17Iphandi sikina soothikiliwa, mene nyuwo, mureene ya oliveira ya ntuphini, moolumbaanyiwa ni iphandi sikina ni vano nyuwo mungwura ebwanyaasi enrweela munkwankhwaarini wa sooliveira* sa ekhaikhai. 18Tivawo, muhiixunnuwihe ni iphandi soothikiliwa. Nyuwo mwapaka yeeyo, musuwele nnene weera khamuhiyono nyuwo mumvaha okumi wa mukwankhwaari, mene owo wa nyuwo. 19Nyuwo mmweere: “Iphandi soothikiliwa weera miyo kilumbaanyiwe.” 20Ti ekhaikhai. Wa soothesene, iyo soothikiliwa niwoko na ohiroromela, ni nyuwo munkhala munroromeloni. Muhiixunnuwihe, mene moove, 21niwoko Muluku ahuurenle iphandi sa ekhaikhai, khaawuurelanitho nyuwo. 22Tivawo, mutthokelele oreera murima ni ottaruxa wa Muluku: ottaruxiwa wa yaale yuuwale, mene oreera murima wa nyuwo, mwapwaherera mooreerani murimaawe. Mwaahipwaherera, mmwithikiliwetho. 23Vano, mwaha wa yaawo, yaahipwaherera moohiroromelani, eniilumbaanyiwetho, niwoko Muluku onoowera waalumbaanyiha veeli. 24Ohiya toko yeeyo, nyuwo mwaathikiliwe wa sooliveira* sa ntuphini, ni yaavirikana ni ekhalelowaaya, mwaalumbaanyiwa ni sooliveira* sa ekhaikhai, wootepaxa nsilumbaanyiwe iphandi sa ekhaikhai ni yooliveireene yeeyo ya ekhaikhai?
aYixrayeli ootheene eniivuluxiwe
25Axunnaka, kintthuna weera musuwele nnenesene ntikhinelo nna weera muhiixoone: Wookhumelela wuuma murima wa akina a aYixrayeli mpaka okwanela waatta wa amalapo. 26Ni hiihaawo aYixrayeli ootheene eniivuluxiwe, ntoko elempwalaaya: “Anaarweele oSiyoni Mvuluxa anaasusihe soonanara sa ekhapira ya Yakobe. 27Ni wu onuukhale owiiraananawaka yaawo, kaavenxaka sootthekasaya.” 28Wa masu ooreeraxa, awo ari amwiittana niwoko na nyuwo, mene wa ethanlelo, awo ari oosiveleya niwoko na asitokweenaaya oopacera. 29Samahala ni wiitthana wa Muluku ti woohivirikanyiheya. 30Hiiho ntoko nyuwo khalayi mwahaamwiiwelela Muluku, vano moomoreliwa ikharari niwoko na ohiiwelelawaya aYixrayeli, 31hiihotho awo aakhala oohiiwelela weera yaakheletho ikharari niwoko na woomorelani ikharari Muluku. 32Muluku oowiiyaathi atthu ootheene vathi wa ettiyamaaru weera aamorele ikharari atthu ootheene.
Ecipo ya omvuwiha Muluku
33Ii! Wiixera wa mihakhu ni miruku ni esuwelo ya Muluku! Taani ongwera ophima soothorihasawe ni wiiwexexa iphirosawe? 34Taani onsuwela soowuupuwela sa Apwiya, naari taani ori namalakaaya? 35Taani aamuvanghe toko etthu Muluku, weera vahoolowaya Muluku amutthuvele? 36Vano, sootheene sinrweela wa Muluku, sinkhala niwoko na Yoowo ni sinimukhalela Yoowo. Wa Yoowo okhale ovuwa wa mahuku ootheene! Ame*.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.