Obadiya 1
1
Wiixoona wa wEdomi onuuthatuwe wiiyevihiwaxa
1Moonelo wa Obadiya: Yave Onlamula Sootheene oneerela ha wEdomi: Nohiiwa mutthenga wa Yave – namutthenga orumiheliwe miloko sa elapo ya vathi eeraka: “Mvenyeke ni niroweke nawaneno wEdomi! 2Moone, kinimooyevihani variyari wa miloko. Munooramusiwa! 3Wiixoonawanyu wohoolokotthani, nyuwo munkhala mmakhukuni a nyala ni munteka wookhalawanyu vasulu wa mwaako mwiixeerelaka: ‘Khaawo anaakimoroxe.’ 4Hata mwiirakamelihaka ntoko xaaka munapaka epuurwaanyu variyari wa ithenyeeri, Miyo kinimoomoroxani,” oneera ti Yave. 5“Anamwiiya ni anamatakhala yoorweelakani ohiyu, anookuxa seiyo antthunaaya paahi. Yaale anghepha iwuuva* yoorweelakani, anoohiya iwuuva* sikina? Ii! Moota muhaleenlaanyu ophwatiwa! 6Vanonto, moota aneeraawe ahuhuliwe Esawu ni mihakhusawe sa wiiphiini aniiyeriwe! 7Asinthamwenaanyu ootheene anoonyesererihelani omwiinanoni; aani awo anoolokotthani yoowinakani. Yaale anca yoocaanyu animoorehererelani ntapha wa nyuwo, mene khamurwa moona. 8Vanihukuni nno kinimwaaphwata anamiruku a wEdomi ankhala mmanyaakoni sa Esawu,” oneera ti Yave. 9“Anakhotto a nyuwo, Temani, onoowuuma owanoni ni ootheene ankhala mmanyaakoni sa Esawu animwiiviwa.”
Edomi onimuhasula munneiye
10“Munimuulihiheya muru niwoko na nipuhero na omwiiva munninyu Yakobe; munoophwatiwa woomalela. 11Nyuwosa mwaakhalawo muhaakhaviheraka, anamarwa yaarwiiyaaya ehuhulaka mihakhusawe, evolowaka milakosawe epakelaka macitta oYerusaleemu. Nyuwosa mweettelowaanyu waari ntoko yaawosa. 12Nyuwo khawaawereya oweha ni ohakalalela yeeyo yaamweereenle munninyu munihukuni na mahooxowaawe, naari ohakalalela ophwatiwa wa muloko wa Yuda, hata khawaawereya wuuluma ni wiixoona munihukuni na makacamihowaawe. 13Khawaawereya ovoleela milako sa mulokwaaka munihukuni na mahooxowaawe, naari ohakalalela ohaawawawe munihukuni na oheliwawawe nthala, hata wiiyeriwa mihakhusawe munihukuni na erisaawe. 14Khawaawereya oweherera mmathakalaano weera ngwiive yoopongwe hata owinnyerera yaawo yaahalahanle munihukuni na mahooxowaaya. 15Nihuku na Yave nookhuveela wa miloko sootheene. Mweenre mpaka hiiha, munoopakeliwatho. Yoonarara mpankaanyu, enimoomorelani. 16Mooteene yoowo mwaawunraanyu nthorihelonaka vaNttumuxaniwaka Nootteela, hiihotho miloko sootheene sinoowura. Sinoowuraxa woohihiyerereya mpaka ommaleloni, ni nsikhale ntoko khasinakhale. 17Vaheera vamwaako Siyoni onuukhale woopowa; mwaako ole onuukhale wootteela ni ekhapira ya Yakobe enookhalano yoohiyeriwaaya. 18Ekhapira ya Yakobe eniikhale mooro ni yeeyo ya Yoosefe malumaaya, vaheera ekhapira ya Esawu eniikhale malaxi. Anoohisiwa ni mooroweene yoowo. Khakhalaru naari mmoha a ekhapira ya Esawu,” oneera ti Yave. 19Atthu a oNegeba anookuxa mmanyaakoni sa Esawu ni atthu a muxerexere wa mmanyaakoni anookuxa elapo ya aFilisti. Awosa anookuxasa imatta sa wEfrayimi ni oSamariya ni aBenyamini anookuxa oGiliyade. 20Anamavariwa a aYixrayeli anookuxasa elapo ya oKanaani mpaka oZarefati. Anamavariwa a oYerusaleemu ari oSefaradi anookuxa mittetthe sa oNegeba. 21Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.
Currently Selected:
Obadiya 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Obadiya 1
1
Wiixoona wa wEdomi onuuthatuwe wiiyevihiwaxa
1Moonelo wa Obadiya: Yave Onlamula Sootheene oneerela ha wEdomi: Nohiiwa mutthenga wa Yave – namutthenga orumiheliwe miloko sa elapo ya vathi eeraka: “Mvenyeke ni niroweke nawaneno wEdomi! 2Moone, kinimooyevihani variyari wa miloko. Munooramusiwa! 3Wiixoonawanyu wohoolokotthani, nyuwo munkhala mmakhukuni a nyala ni munteka wookhalawanyu vasulu wa mwaako mwiixeerelaka: ‘Khaawo anaakimoroxe.’ 4Hata mwiirakamelihaka ntoko xaaka munapaka epuurwaanyu variyari wa ithenyeeri, Miyo kinimoomoroxani,” oneera ti Yave. 5“Anamwiiya ni anamatakhala yoorweelakani ohiyu, anookuxa seiyo antthunaaya paahi. Yaale anghepha iwuuva* yoorweelakani, anoohiya iwuuva* sikina? Ii! Moota muhaleenlaanyu ophwatiwa! 6Vanonto, moota aneeraawe ahuhuliwe Esawu ni mihakhusawe sa wiiphiini aniiyeriwe! 7Asinthamwenaanyu ootheene anoonyesererihelani omwiinanoni; aani awo anoolokotthani yoowinakani. Yaale anca yoocaanyu animoorehererelani ntapha wa nyuwo, mene khamurwa moona. 8Vanihukuni nno kinimwaaphwata anamiruku a wEdomi ankhala mmanyaakoni sa Esawu,” oneera ti Yave. 9“Anakhotto a nyuwo, Temani, onoowuuma owanoni ni ootheene ankhala mmanyaakoni sa Esawu animwiiviwa.”
Edomi onimuhasula munneiye
10“Munimuulihiheya muru niwoko na nipuhero na omwiiva munninyu Yakobe; munoophwatiwa woomalela. 11Nyuwosa mwaakhalawo muhaakhaviheraka, anamarwa yaarwiiyaaya ehuhulaka mihakhusawe, evolowaka milakosawe epakelaka macitta oYerusaleemu. Nyuwosa mweettelowaanyu waari ntoko yaawosa. 12Nyuwo khawaawereya oweha ni ohakalalela yeeyo yaamweereenle munninyu munihukuni na mahooxowaawe, naari ohakalalela ophwatiwa wa muloko wa Yuda, hata khawaawereya wuuluma ni wiixoona munihukuni na makacamihowaawe. 13Khawaawereya ovoleela milako sa mulokwaaka munihukuni na mahooxowaawe, naari ohakalalela ohaawawawe munihukuni na oheliwawawe nthala, hata wiiyeriwa mihakhusawe munihukuni na erisaawe. 14Khawaawereya oweherera mmathakalaano weera ngwiive yoopongwe hata owinnyerera yaawo yaahalahanle munihukuni na mahooxowaaya. 15Nihuku na Yave nookhuveela wa miloko sootheene. Mweenre mpaka hiiha, munoopakeliwatho. Yoonarara mpankaanyu, enimoomorelani. 16Mooteene yoowo mwaawunraanyu nthorihelonaka vaNttumuxaniwaka Nootteela, hiihotho miloko sootheene sinoowura. Sinoowuraxa woohihiyerereya mpaka ommaleloni, ni nsikhale ntoko khasinakhale. 17Vaheera vamwaako Siyoni onuukhale woopowa; mwaako ole onuukhale wootteela ni ekhapira ya Yakobe enookhalano yoohiyeriwaaya. 18Ekhapira ya Yakobe eniikhale mooro ni yeeyo ya Yoosefe malumaaya, vaheera ekhapira ya Esawu eniikhale malaxi. Anoohisiwa ni mooroweene yoowo. Khakhalaru naari mmoha a ekhapira ya Esawu,” oneera ti Yave. 19Atthu a oNegeba anookuxa mmanyaakoni sa Esawu ni atthu a muxerexere wa mmanyaakoni anookuxa elapo ya aFilisti. Awosa anookuxasa imatta sa wEfrayimi ni oSamariya ni aBenyamini anookuxa oGiliyade. 20Anamavariwa a aYixrayeli anookuxasa elapo ya oKanaani mpaka oZarefati. Anamavariwa a oYerusaleemu ari oSefaradi anookuxa mittetthe sa oNegeba. 21Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.