Yoonasi 1
1
Orumihiwa ni otthawa wa Yoonasi
1Masu a Yave yaamurweenle Yoonasi, mwaana a Amitai, ni nlamulo nna: 2“Murowe woowaakuveya esidade etokweene ya oNinive ni mwalaleerewo, niwoko otakhalawaya woowela mpaka wa Miyo.” 3Yoonasi aatthawelatho ottaiwene wa Muluku arowaka oTaresisi. Aarowa mpaka esidade ya oYafa, mwa weiwo aaphwannyaawewo nikula ntokotoko naarowa oTaresisi. Alivakaru musurukhu wa mukwaha, aavolowa, arowaka oTaresisi weera amutthawe Yave. 4Wa soothesene, Yave aahoopihera epheyo etokotoko mphareiyani. Mitekuteku saari sitokotoko mpaka nikula naahanle vakhaani ottatta. 5Anamiteko a munikulani yaahoova, khula mutthu avekelaka okhaviheriwa wa mulukwaawe. Yaakhumbweliha mirindi mphareiyani weera niveruwe. Eyo eri hiiho, Yoonasi aarowa waakhurukutuwela, aniixaatalela, anakonaxa. 6Mutokweene a nikula aarowa wa yoowo, anamukoha: “Mungwera hai okhala vawo mukonaka? Mvenye ni munkhuwelele Mulukwaanyu. Apaale anaanimoreliwe ikharari weera nihikhwe.” 7Vano anamiteko a nikula yaahiiwanana yaaworu yeerelanaka: “Nrowe nipake macitta weera nimusuwele taani ori ni nthowa mwa yeela enikhumelenle.” Yaapaka macitta ni yaamphwanyano Yoonasi. 8Vano yaamukohakoha: “Munileele, taani ori ni nthowa na yoonanara ela? Mutekwaanyu tuuvi? Munrweela woowi? Elapwaanyu tiivi? Nyuwo a muloko heeni?” 9Yoonasi aawaakhula: “Miyo muHeberi, kinimulapa Yave, Muluku a wiirimu opattuxale ephareiya ni elapo ya vathi.” 10Anamiteko yaahookhwa maririmela, enamukoha: “Mpankeni?” Vano awo yaasuwela weera owo aamutthawa Yave, niwoko owo aahaaleela. 11Woonaka weera mphareiya sannatepa mitekuteku, awo yaamukoha: “Nyuwo niweerihekeni eheeni weera ephareiya emaale?” 12Yoonasi aawaakhula: “Mukivare ni mukivonyere mphareiyani ni ela enoomaala. Miyo koosuwela weera ettheku etokotoko ela yoorweenleni nyuwo niwoko na miyo.” 13Wa soothesene, anamiteko a nikula yaakhurula ni ikuru sootheene yeereraka weera ehokoleele mukerekhere. Mene yaahooceela, niwoko ettheku yaahaattaxa. 14Yaamudyoonttelela Yave: “Dyoontte Yave, muhinihiye nikhwaaka niwoko noomwiiva mulopwana ola. Nihikhaleno nthowa woomwiiva mutthu oohikhalano nthowa. Vano Nyuwo Yave, moopaka yeeyo mwaatthunaanyu.” 15Vanonto yaamvara Yoonasi, enamvonyera mphareiyani yoosareya owali ni ele yaamaala. 16Yoonaka yeeyo, anamiteko a nikula yaamulapa Yave, yoovaka, empakelaka sooveleela ni emuroromelihaka itthu. 17Yave aarumiha ehopa etokotoko weera emmire Yoonasi. Owo aakhala mmirimani mwa ehopa ele othana miraru ni ohiyu miraru.
Currently Selected:
Yoonasi 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Yoonasi 1
1
Orumihiwa ni otthawa wa Yoonasi
1Masu a Yave yaamurweenle Yoonasi, mwaana a Amitai, ni nlamulo nna: 2“Murowe woowaakuveya esidade etokweene ya oNinive ni mwalaleerewo, niwoko otakhalawaya woowela mpaka wa Miyo.” 3Yoonasi aatthawelatho ottaiwene wa Muluku arowaka oTaresisi. Aarowa mpaka esidade ya oYafa, mwa weiwo aaphwannyaawewo nikula ntokotoko naarowa oTaresisi. Alivakaru musurukhu wa mukwaha, aavolowa, arowaka oTaresisi weera amutthawe Yave. 4Wa soothesene, Yave aahoopihera epheyo etokotoko mphareiyani. Mitekuteku saari sitokotoko mpaka nikula naahanle vakhaani ottatta. 5Anamiteko a munikulani yaahoova, khula mutthu avekelaka okhaviheriwa wa mulukwaawe. Yaakhumbweliha mirindi mphareiyani weera niveruwe. Eyo eri hiiho, Yoonasi aarowa waakhurukutuwela, aniixaatalela, anakonaxa. 6Mutokweene a nikula aarowa wa yoowo, anamukoha: “Mungwera hai okhala vawo mukonaka? Mvenye ni munkhuwelele Mulukwaanyu. Apaale anaanimoreliwe ikharari weera nihikhwe.” 7Vano anamiteko a nikula yaahiiwanana yaaworu yeerelanaka: “Nrowe nipake macitta weera nimusuwele taani ori ni nthowa mwa yeela enikhumelenle.” Yaapaka macitta ni yaamphwanyano Yoonasi. 8Vano yaamukohakoha: “Munileele, taani ori ni nthowa na yoonanara ela? Mutekwaanyu tuuvi? Munrweela woowi? Elapwaanyu tiivi? Nyuwo a muloko heeni?” 9Yoonasi aawaakhula: “Miyo muHeberi, kinimulapa Yave, Muluku a wiirimu opattuxale ephareiya ni elapo ya vathi.” 10Anamiteko yaahookhwa maririmela, enamukoha: “Mpankeni?” Vano awo yaasuwela weera owo aamutthawa Yave, niwoko owo aahaaleela. 11Woonaka weera mphareiya sannatepa mitekuteku, awo yaamukoha: “Nyuwo niweerihekeni eheeni weera ephareiya emaale?” 12Yoonasi aawaakhula: “Mukivare ni mukivonyere mphareiyani ni ela enoomaala. Miyo koosuwela weera ettheku etokotoko ela yoorweenleni nyuwo niwoko na miyo.” 13Wa soothesene, anamiteko a nikula yaakhurula ni ikuru sootheene yeereraka weera ehokoleele mukerekhere. Mene yaahooceela, niwoko ettheku yaahaattaxa. 14Yaamudyoonttelela Yave: “Dyoontte Yave, muhinihiye nikhwaaka niwoko noomwiiva mulopwana ola. Nihikhaleno nthowa woomwiiva mutthu oohikhalano nthowa. Vano Nyuwo Yave, moopaka yeeyo mwaatthunaanyu.” 15Vanonto yaamvara Yoonasi, enamvonyera mphareiyani yoosareya owali ni ele yaamaala. 16Yoonaka yeeyo, anamiteko a nikula yaamulapa Yave, yoovaka, empakelaka sooveleela ni emuroromelihaka itthu. 17Yave aarumiha ehopa etokotoko weera emmire Yoonasi. Owo aakhala mmirimani mwa ehopa ele othana miraru ni ohiyu miraru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.