Nahumi 3
3
Ophwata wookhuveela
1Ii! Onoohaawa weyo, esidade yoosareya ephome, soowootha ni soohuhula. Mahuku ootheene sinoosareya mittembo. 2Mwiiwe oruma wa ikwamba ni ophirikeya wa mareko; mikhitto sa ikavalu* ni otura wa ikaaro sa ekhotto! 3Anamweettiha a ikavalu*; ikatana siverinyaka ni mavaka yaaraka. Ekhwiiyeene ancipale nduu; mittembo soohaalikeleya ohivireyakamo. 4Eyo yeereenle niwoko mwaari ntoko puuta musareiyeene ocece. Mwaasesera miloko ni mitekosanyu soolokottha. 5Yave oneera: “Weyo ti mwiittanaaka; kinimoorula soowarasawo mpaka owiitho. Kinimoonihera miloko etiriyaawo kiwuulihihaka muru vamaithoni wa imwene. 6Kinimoovonyera ikokhola; kihiwoonelaka weera wooneliwe weyo. 7Ootheene eneera emoone eniitthawe yeeraka: ‘Ninive ooheleya nthala – taani eniimwiinlele?’ Taani eniimpepese?” 8Weeraka weyo ti ootthuneyaxa opwaha oTebesi, esidade etekiwe mukerekhere Nilu erukureeriweene maahi ni awo ereene exiraaya? 9oKuxi ni wExipitu saari ikurusaya soohimala; oPuti ni oLibiya yaari oowiiraananaaya. 10Hata hiiho yaavariwa, enaronghiwa elapo ekina. Anamwanaaya yaahononeliwa mipatta sootheene sa mmiseweni. Yaahaahera ehako weera yoone ommaleloni wa maneethaaya ni anamawera ootheene yaatthukasiwa. 11Weyotho onoohapaleya; onimwiipitha weereraka waatthawa amwiittanaawo. 12Mootthawelamwawo ori ntoko nyiri sa ifiigu soowiitthwa. Wapukunyaru, omora ni oca. 13Woone, anakhottwaawo ootheene ari ntoko athiyana! Milako sa esidadaawo siri khweengwere weera amwiittanaawo evoloweke; anampattikaaya aahisiwa ni mooro. 14Wiirikele maahi ciireru ohinaaye oriciwa; olipihere yoowiixaakihano. Ovotte ittoko sooreera opakela indyerwa! 15Weereru hai mooro onimoohisa ni ekatana enimoophwata ntoko miwaru sookhuuriwa ni nasope. Wiixaandyeereraxe ntoko misoope! 16Woowaandyeerera anamarondaawo owaattihaka opwaha ithenyeeri sa wiirimu, mene awo annanariha elapo, ntoko nasope, mwa yoowo vahoolowaya omvavela ottai. 17Anamalipelelaawo ni asitokweenaawo ari ntoko nasope onoopaana muxirini vanihukuni nooriira. Vaheera nsuwa noopa, onoomwareya woohisuwanyeya okenlaawe. 18Ii! Mwene a wAsiriya – akukhulaawo animuuseela ni maneethaawo anookona. Mulokwaawo woomwareela mmanyaakoni ahikhalaka oothukumanyiha. 19Makhwattaawo ti ookhwano; ovulalawawo onoorongha wookhwaani. Ootheene aniiwa mwahaawo, aniipa makuphi niwoko na omorawawo yeenre ootheene ehaawa niwoko na ohooxawawo.
Currently Selected:
Nahumi 3: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
