Nahumi 1
1
Isara soowoopiha sa Muluku mwaha wa oNinive
1Masu a Muluku mwaha wa oNinive ti ala. Ela ti elivuru ya moonelo wa Nahumi, ngwElekoxi. 2Yave ti Muluku a ehace ni nakukuttula. Aani Yave onrulela ikukuttula onyoonyiwawawe ti woowoopiha. Yave onaarulela ikukuttula amwiittanaawe ooniheraka isarasawe wa yaawo. 3Yave ti oopixaxa murima ni a ikuruxa; Owo khanimuhiya woohimuttaruxa nanthowa. Ephirowaawe eri muyuupuruni ni mutthekuni; mahutte ti ari ntthupi na inaawosawe. 4Owo onghiiha ephareiya ni eyo enuuma; ongweleliha nyooloko sootheene. Owo onnyaaliha muncihiwamo inama oBaxani ni oKaremeli vamoha ni ithutu sa oLibanu. 5Nyaako sintetereya ohoolowawe ni mattumuxa anootothowa. Elapo enimoopopiheya ohoolowawe ni ootheene arimo. 6Khaawo angwera ovilela onyoonyiwawawe hata isarasawe. Onyoonyiwawawe omvarela ntoko mooro ni nyala simphweeya ohoolowawe. 7Yave ti ooreera murima; wootthawelawo mweehuhuni ya ohaawaxa. Owo ongwaakiha yaawo animuroromela. 8Vaheera onoomaliha oNinive ni mirupi; onoowoomolela amwiittanaawe mpiphini. 9Yave onoomaliha sakhalaru soomvaanelela; khoonrwatho osomelana emaara yanaaveeli. 10Amwiittanaawe animwaanga munyiiwani esareiyeene nluma; anoohisiwa ntoko malaxi oowuumaxa. 11Mwa weyo Ninive, ookhumelela mukina ni soowuupuwela sooriheya amvaanelelaka Yave. 12Yeeyo Yave onghimaawe ti ela: “Arookhalaru oolipa ni oowaatta, anoophwatiwa, elakaseyeke. Vaheera wa nyuwo, Yuda, kaari mooyevihaniru, nkinooyevihanitho. 13Kinoovenxa soolemelasanyu muxikomwanyu kootaphulakani aliceemaanyu.” 14Wa weyo, Ninive, Yave ongweerela ha: “Khookhalano ekhapira eniipwahererihe nsinananawo. Kinoophwata icaambulo sa nyiri ni miluku sa iyuuma siri mpaani mwa milukusawo. Kinimoorehererela nihiyenawo, niwoko weyo ti oothanyeya.” 15Woone oYuda! Siriwo vamwaako inaawo sa yoole onruuha mutthenga wooreeraxa ni onlaleiya murettele! Opakeke ifestasawo oYuda ni okwanihere soororomelihasawo. Anamariheya kheerwatho ehonona; awo anoophwataxiwa.
Currently Selected:
Nahumi 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Nahumi 1
1
Isara soowoopiha sa Muluku mwaha wa oNinive
1Masu a Muluku mwaha wa oNinive ti ala. Ela ti elivuru ya moonelo wa Nahumi, ngwElekoxi. 2Yave ti Muluku a ehace ni nakukuttula. Aani Yave onrulela ikukuttula onyoonyiwawawe ti woowoopiha. Yave onaarulela ikukuttula amwiittanaawe ooniheraka isarasawe wa yaawo. 3Yave ti oopixaxa murima ni a ikuruxa; Owo khanimuhiya woohimuttaruxa nanthowa. Ephirowaawe eri muyuupuruni ni mutthekuni; mahutte ti ari ntthupi na inaawosawe. 4Owo onghiiha ephareiya ni eyo enuuma; ongweleliha nyooloko sootheene. Owo onnyaaliha muncihiwamo inama oBaxani ni oKaremeli vamoha ni ithutu sa oLibanu. 5Nyaako sintetereya ohoolowawe ni mattumuxa anootothowa. Elapo enimoopopiheya ohoolowawe ni ootheene arimo. 6Khaawo angwera ovilela onyoonyiwawawe hata isarasawe. Onyoonyiwawawe omvarela ntoko mooro ni nyala simphweeya ohoolowawe. 7Yave ti ooreera murima; wootthawelawo mweehuhuni ya ohaawaxa. Owo ongwaakiha yaawo animuroromela. 8Vaheera onoomaliha oNinive ni mirupi; onoowoomolela amwiittanaawe mpiphini. 9Yave onoomaliha sakhalaru soomvaanelela; khoonrwatho osomelana emaara yanaaveeli. 10Amwiittanaawe animwaanga munyiiwani esareiyeene nluma; anoohisiwa ntoko malaxi oowuumaxa. 11Mwa weyo Ninive, ookhumelela mukina ni soowuupuwela sooriheya amvaanelelaka Yave. 12Yeeyo Yave onghimaawe ti ela: “Arookhalaru oolipa ni oowaatta, anoophwatiwa, elakaseyeke. Vaheera wa nyuwo, Yuda, kaari mooyevihaniru, nkinooyevihanitho. 13Kinoovenxa soolemelasanyu muxikomwanyu kootaphulakani aliceemaanyu.” 14Wa weyo, Ninive, Yave ongweerela ha: “Khookhalano ekhapira eniipwahererihe nsinananawo. Kinoophwata icaambulo sa nyiri ni miluku sa iyuuma siri mpaani mwa milukusawo. Kinimoorehererela nihiyenawo, niwoko weyo ti oothanyeya.” 15Woone oYuda! Siriwo vamwaako inaawo sa yoole onruuha mutthenga wooreeraxa ni onlaleiya murettele! Opakeke ifestasawo oYuda ni okwanihere soororomelihasawo. Anamariheya kheerwatho ehonona; awo anoophwataxiwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.