Matheyo 27
27
Wiixiiva wa Yudasi
1Oyaaka ni oxa, ahooleli a asaserdoti* ootheene ni asitokweene a muloko wa atthu yaaphiya woovaanelani weera emuthorihele Yeesu okhwa. 2Emutthukaka, yaamukuxa ni yaamvaherera wa Pilatu, guvernadori. 3Yudasi, yoole aamvarihale Yeesu, oonakaru weera Yeesu oothoriheliwa okhwa, murimaawe waathananaxa ni aahaahokoloxera ahooleli a asaserdoti* ni asitokweene a muloko makhoobiri miloko miraru a eparatha*, 4ni aaweerela: “Koottheka, niwoko koovariha ephome yoohikhala ni milattu.” Ni awo yaamwaakhula: “Hiyo khanimwaha. Ikuru ti sawinyu.” 5Vano Yudasi aavonyera musurukhu mpuwa mwa Empa ya Muluku ni iivenxaka, aarowa ni aahiixiiva iitthukelelaka. 6Ahooleli a asaserdoti* yaathukumanya makhoobiri a musurukhu ni yaaheera: “Nlamulo ninkhootta weera musurukhu ola waandyeereriwe vamoha ni mukina wa Empa ya Muluku, niwoko woothuma ephome.” 7Yaalakela ovarela muteko musurukhu ole weera yathume ematta ya nanyaapu, weera anamarwa evithiwe mwemmo. 8Niwoko nenenenno, ematta ele eniitthaniwa mpaka vaanaano vaava ematta ya ephome. 9Hiihotho yookwaniheriwa yeeyo yaahimmwale, ni mprofeeti Yeremiya: “Yaakuxa makhoobiri miloko miraru a eparatha*, mutteengo yiiwanannaaya ni muloko wa aYixrayeli olivela okumaawe, 10ni waavarela muteko ole weera othume ematta ya nanyaapu, ntoko Apwiya akiruminghaaya.”
Yeesu ohoolo wa Pilatu
11Yeesu aakuxiwa mpaka vamaithoni wa guvernadori, ni owo aamukoha: “Nyuwo muri Mwene a aYuda?” Yeesu aamwaakhula: “Ti ntoko muneeraanyu.” 12Ootheriwaka ni ahooleli a asaserdoti* ni asitokweene a muloko, Yeesu khaakhunle. 13Vano Pilatu aamukoha: “Khamuniiwa soowootheriwa awo anoopakaayani Nyuwo?” 14Yeesutho khaakhunle hata nsu nimoha, moota wooweera guvernadori aatikhina vancipale. 15Vanonto, ehuhu ya efesta yaari ekhovelelo ya guvernadori omtaphula namatthukiwa mmoha oothanliwa ni atthu ancipale. 16Ehuhuweene yeele awo yaakhalano namatthukiwa oosuwanyeya iitthaniwa Baraba. 17Vano, woothukumanani atthu ancipale, Pilatu aahaakoha: “Taani a yaale muntthunaanyu weera miyo kimutaphule: Baraba, hoye hoye Yeesu oniitthaniwa Kristu?” 18Owo aasuwela weera awo yaamvaherera Yeesu niwoko na nrima. 19Pilatu akilaantheene nipuro noowuuluma milattu, amwaariye yaarumiha mutthenga ola: ‘Muhivolowe mulattweene yoola wa Yoole ohikhanleno mulattu, niwoko olelo moolohani koohaawaxa niwoko na Mulopwana Owo.’ 20Vaheera ahooleli a asaserdoti* ni asitokweene a muloko yaahaasesera atthu ancipale weera emvekele omtaphula Baraba ni emvaherere okhwa Yeesu. 21Guvernadori aahaakoha: “Taani a eeli awo muntthunaanyu weera miyo kimutaphule?” Awo yaamwaakhula: “Baraba!” 22Pilatu aahaakoha: “Keereke hai ni Yeesu oniitthaniwa Kristu?” Ootheene yaamwaakhula: “Munkhomele!” 23Pilatu aahaakoha: “Niwoko heeni? Yoonanara heeni opankaawe?” Awo yaatepaxa okhuwelatho: “Munkhomele!” 24Oonaka Pilatu weera khaawera etthu, menetho weera waahanle vakhaani opacera onyakuleleiya, aahiitthaniha maahi. Vano aanyawa matata vamaithoni wa atthu ancipale eeraka: “Miyo nkinono mulattu ni ephome ya Mulopwana Ola. Ikuru ti sawinyu.” 25Atthu ootheene yaamwaakhula: “Ephomaawe Ola eniriheele hiyo ni anamwanaahu.” 26Pilatu aamutaphula Baraba, ni aahaalamulela weera engwaxule Yeesu ni aamvaherera weera akhomeliwe.
Anakhotto animutheiya Yeesu
27Anakhotto a guvernadori yaamurongha Yeesu owannyawe, ni yaathukumana anakhotto ootheene emurukurenreene. 28Yaamurula ikuwosawe ni yaangwariha mukaandyo wooxeera. 29Yaapaka ecireemba ya nyiiwa ni yaangwariha mmurumwawe. Yaamvareliha muttontto mmatatani, ni emukokhorelaka, yaamutheiya yeeraka: “Salaama Mwene a aYuda!” 30Yaamusenyela, ni emwaakhaka muttontto yaammanela mmurumwawe. 31Emutheiyakaru, yaamurula mukaandyo, ni yaangwariha ikuwosawe. Vano yaamukuxa weera emukhomele.
Othomeiwa wa Yeesu
32Evenyaka, yaamphwanya mulopwana a oSireene iitthaniwa Simeyoni, ni yaamunyesereriha okuxa muttanda. 33Yaaphiya nipuro niitthaniwa Golgota, entaphulela nipuro na nikarakasa. 34Iwe yaamvaha eviinyu yootakansiwa ni eviinyu yoonyuunya weera awure. Alawihakarutho, Owo aakhootta owura. 35Emukhomelakaru, yaakawana ikuwosawe epakaka macitta. 36Vano, ekilaantheene vaavaale, yaamulipelela. 37Vasulu wa muruwaawe yaahiikaathi yoolempwa yoomoothera yoole yeeraka: ‘Ola ti Yeesu, Mwene a aYuda.’ 38Anamwiiya eeli yaakhomeliwa ni Yoowo, mukina moonowaawe mulopwana, mukina muthiyana. 39Yaawo yaavira yaamuruwana, yiinihaka nyurusaya 40yeeraka: “Weyo weera ophwate Empa ya Muluku ni oteke mmahukuni mararu – wiivuluxe! Okhuruwe vamuttandani, Weyo waari Mwaana a Muluku!” 41Mooteene yoowo ahooleli a asaserdoti*, anamawera a nlamulo*, ni asitokweene a muloko yaamutheiya 42yeeraka: “Aahaavuluxa akina, khangweratho wiivuluxa. Ori mwene a aYixrayeli? Akhuruwa vamuttandani, hiyo nnoomuroromela. 43Owo aamuroromela Muluku, vano Muluku amvuluxe amutthuna, niwoko Owo eenre: ‘Miyo ti Mwaana a Muluku.’” 44Hiihotho anamwiiya yaakhomeliwe ni Yoowo yaamuruwana.
Okhwa wa Yeesu
45Yaakhala epiphi mweelaponi yootheene wa iwoora tthaaru okhuma nsuwa vamuru. 46Siviraka iwoora tthaaru iye, Yeesu aakhuwela ni nsu ntokotoko: “Eloyi, Eloyi, lama sabaktani,” entaphulela: “Mulukwaaka, Mulukwaaka, niwoko heeni mukihingyaanyu?” 47Akina yaari weiwe yiiwalaaya yeeyo, yaaheera: “Owo onimwiitthana Eliya.” 48Woowaakuveya mmoha a yaale aatthimaka weera akuxe nttapwatta, aaruweiya mviinyuni yoonyuunya, aahiikaathi okhwipi wa ekopo, anamvaha Yeesu weera awure. 49Akinatho yaamweerela: “Munghiye, noone Eliya arwa omvuluxa.” 50Aakhuwenlaawetho ni nsu ntokotoko, Yeesu aahookhwa. 51Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya. 52Mahiye yaahuuhuwa, ni mittembo sa atthu ootteela ancipale yaakhwiiye saavenyererihiwa. 53Yaakhuma mmahiyeni, ni Yeesu avenyerenreene, yaavolowa musidadeni yootteela ni yaahooniwa ni atthu ancipale. 54Oonakaru kenturiyoni* ni yaawo yaamulipelenle Yeesu ni yoowo otetereiya ni sootheene seiye seereiye, yaahoova vancipale yeeraka: “Vekhaikhai, Ola aari Mwaana a Muluku.” 55Athiyana ancipale yaari weiwe, ewehaka ereene ottaiwene. Awo yaamutthara Yeesu okhuma oGalileiya weera emurumeeleke. 56Variyariwaya aari Mariya oMagadalene, Mariya amayawe Yakobe, ni Yoseefe ni amayaya anamwane a Zebedeyo.
Ovithiwa wa Yeesu
57Wiilaka, aaphiya namapuha mmoha a wArimateiya, iitthaniwa Yoseefe, aari oohusera a Yeesu. 58Arowaka wa Pilatu, aamvekela muttembo wa Yeesu, ni Pilatu aalamula weera avahiwe. 59Yoseefe aakuxa muttembo, anavitikelela musaandani yooreera, 60ni aniikaathi mmahiyeni manyowani owo aaruminghaawe othipiwa vamwala. Aahiikaathi nluku ntokotoko vamulako ni aavenya. 61Mariya oMagadalene ni Mariya mukina yaakilaathi weiwe ohoolo wa nihiye.
Olipeleliwa wa nihiye
62Oxaawaya naari nihuku naattharelana nihuku na orehereriwa, ahooleli a asaserdoti* ni aFarisi* yaarowa wa Pilatu ni 63yaamweerela: “Apwiya, ninuupuwelela weera areene mukumi, namalokottha Ole aaheera: ‘Kinoovenyerera yamala mahuku mararu.’ 64Vano mwaalamulele anakhotto weera nihiyenawe nilipeleliwe mpaka nihuku nanaararu, weera ehiwe oohuseraawe ni yiiyaka muttembwaawe, anooleela muloko wa atthu weera Owo oovenyerera mookhwaani. Olokottha wu wanaaveeli onuukhale woonanaraxa opwaha woopacera.” 65Pilatu aawaakhula: “Mukuxe mpatta wa anakhotto. Muroweke ni mwalipeleleke nihiye ntoko muupuwenlaanyu.” 66Awo yaarowa ni yaalipiha nihiye ni mpatta wa anakhotto, ehelakatho vanlukuni eneneero ya ewalelo*.
Currently Selected:
Matheyo 27: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Matheyo 27
27
Wiixiiva wa Yudasi
1Oyaaka ni oxa, ahooleli a asaserdoti* ootheene ni asitokweene a muloko wa atthu yaaphiya woovaanelani weera emuthorihele Yeesu okhwa. 2Emutthukaka, yaamukuxa ni yaamvaherera wa Pilatu, guvernadori. 3Yudasi, yoole aamvarihale Yeesu, oonakaru weera Yeesu oothoriheliwa okhwa, murimaawe waathananaxa ni aahaahokoloxera ahooleli a asaserdoti* ni asitokweene a muloko makhoobiri miloko miraru a eparatha*, 4ni aaweerela: “Koottheka, niwoko koovariha ephome yoohikhala ni milattu.” Ni awo yaamwaakhula: “Hiyo khanimwaha. Ikuru ti sawinyu.” 5Vano Yudasi aavonyera musurukhu mpuwa mwa Empa ya Muluku ni iivenxaka, aarowa ni aahiixiiva iitthukelelaka. 6Ahooleli a asaserdoti* yaathukumanya makhoobiri a musurukhu ni yaaheera: “Nlamulo ninkhootta weera musurukhu ola waandyeereriwe vamoha ni mukina wa Empa ya Muluku, niwoko woothuma ephome.” 7Yaalakela ovarela muteko musurukhu ole weera yathume ematta ya nanyaapu, weera anamarwa evithiwe mwemmo. 8Niwoko nenenenno, ematta ele eniitthaniwa mpaka vaanaano vaava ematta ya ephome. 9Hiihotho yookwaniheriwa yeeyo yaahimmwale, ni mprofeeti Yeremiya: “Yaakuxa makhoobiri miloko miraru a eparatha*, mutteengo yiiwanannaaya ni muloko wa aYixrayeli olivela okumaawe, 10ni waavarela muteko ole weera othume ematta ya nanyaapu, ntoko Apwiya akiruminghaaya.”
Yeesu ohoolo wa Pilatu
11Yeesu aakuxiwa mpaka vamaithoni wa guvernadori, ni owo aamukoha: “Nyuwo muri Mwene a aYuda?” Yeesu aamwaakhula: “Ti ntoko muneeraanyu.” 12Ootheriwaka ni ahooleli a asaserdoti* ni asitokweene a muloko, Yeesu khaakhunle. 13Vano Pilatu aamukoha: “Khamuniiwa soowootheriwa awo anoopakaayani Nyuwo?” 14Yeesutho khaakhunle hata nsu nimoha, moota wooweera guvernadori aatikhina vancipale. 15Vanonto, ehuhu ya efesta yaari ekhovelelo ya guvernadori omtaphula namatthukiwa mmoha oothanliwa ni atthu ancipale. 16Ehuhuweene yeele awo yaakhalano namatthukiwa oosuwanyeya iitthaniwa Baraba. 17Vano, woothukumanani atthu ancipale, Pilatu aahaakoha: “Taani a yaale muntthunaanyu weera miyo kimutaphule: Baraba, hoye hoye Yeesu oniitthaniwa Kristu?” 18Owo aasuwela weera awo yaamvaherera Yeesu niwoko na nrima. 19Pilatu akilaantheene nipuro noowuuluma milattu, amwaariye yaarumiha mutthenga ola: ‘Muhivolowe mulattweene yoola wa Yoole ohikhanleno mulattu, niwoko olelo moolohani koohaawaxa niwoko na Mulopwana Owo.’ 20Vaheera ahooleli a asaserdoti* ni asitokweene a muloko yaahaasesera atthu ancipale weera emvekele omtaphula Baraba ni emvaherere okhwa Yeesu. 21Guvernadori aahaakoha: “Taani a eeli awo muntthunaanyu weera miyo kimutaphule?” Awo yaamwaakhula: “Baraba!” 22Pilatu aahaakoha: “Keereke hai ni Yeesu oniitthaniwa Kristu?” Ootheene yaamwaakhula: “Munkhomele!” 23Pilatu aahaakoha: “Niwoko heeni? Yoonanara heeni opankaawe?” Awo yaatepaxa okhuwelatho: “Munkhomele!” 24Oonaka Pilatu weera khaawera etthu, menetho weera waahanle vakhaani opacera onyakuleleiya, aahiitthaniha maahi. Vano aanyawa matata vamaithoni wa atthu ancipale eeraka: “Miyo nkinono mulattu ni ephome ya Mulopwana Ola. Ikuru ti sawinyu.” 25Atthu ootheene yaamwaakhula: “Ephomaawe Ola eniriheele hiyo ni anamwanaahu.” 26Pilatu aamutaphula Baraba, ni aahaalamulela weera engwaxule Yeesu ni aamvaherera weera akhomeliwe.
Anakhotto animutheiya Yeesu
27Anakhotto a guvernadori yaamurongha Yeesu owannyawe, ni yaathukumana anakhotto ootheene emurukurenreene. 28Yaamurula ikuwosawe ni yaangwariha mukaandyo wooxeera. 29Yaapaka ecireemba ya nyiiwa ni yaangwariha mmurumwawe. Yaamvareliha muttontto mmatatani, ni emukokhorelaka, yaamutheiya yeeraka: “Salaama Mwene a aYuda!” 30Yaamusenyela, ni emwaakhaka muttontto yaammanela mmurumwawe. 31Emutheiyakaru, yaamurula mukaandyo, ni yaangwariha ikuwosawe. Vano yaamukuxa weera emukhomele.
Othomeiwa wa Yeesu
32Evenyaka, yaamphwanya mulopwana a oSireene iitthaniwa Simeyoni, ni yaamunyesereriha okuxa muttanda. 33Yaaphiya nipuro niitthaniwa Golgota, entaphulela nipuro na nikarakasa. 34Iwe yaamvaha eviinyu yootakansiwa ni eviinyu yoonyuunya weera awure. Alawihakarutho, Owo aakhootta owura. 35Emukhomelakaru, yaakawana ikuwosawe epakaka macitta. 36Vano, ekilaantheene vaavaale, yaamulipelela. 37Vasulu wa muruwaawe yaahiikaathi yoolempwa yoomoothera yoole yeeraka: ‘Ola ti Yeesu, Mwene a aYuda.’ 38Anamwiiya eeli yaakhomeliwa ni Yoowo, mukina moonowaawe mulopwana, mukina muthiyana. 39Yaawo yaavira yaamuruwana, yiinihaka nyurusaya 40yeeraka: “Weyo weera ophwate Empa ya Muluku ni oteke mmahukuni mararu – wiivuluxe! Okhuruwe vamuttandani, Weyo waari Mwaana a Muluku!” 41Mooteene yoowo ahooleli a asaserdoti*, anamawera a nlamulo*, ni asitokweene a muloko yaamutheiya 42yeeraka: “Aahaavuluxa akina, khangweratho wiivuluxa. Ori mwene a aYixrayeli? Akhuruwa vamuttandani, hiyo nnoomuroromela. 43Owo aamuroromela Muluku, vano Muluku amvuluxe amutthuna, niwoko Owo eenre: ‘Miyo ti Mwaana a Muluku.’” 44Hiihotho anamwiiya yaakhomeliwe ni Yoowo yaamuruwana.
Okhwa wa Yeesu
45Yaakhala epiphi mweelaponi yootheene wa iwoora tthaaru okhuma nsuwa vamuru. 46Siviraka iwoora tthaaru iye, Yeesu aakhuwela ni nsu ntokotoko: “Eloyi, Eloyi, lama sabaktani,” entaphulela: “Mulukwaaka, Mulukwaaka, niwoko heeni mukihingyaanyu?” 47Akina yaari weiwe yiiwalaaya yeeyo, yaaheera: “Owo onimwiitthana Eliya.” 48Woowaakuveya mmoha a yaale aatthimaka weera akuxe nttapwatta, aaruweiya mviinyuni yoonyuunya, aahiikaathi okhwipi wa ekopo, anamvaha Yeesu weera awure. 49Akinatho yaamweerela: “Munghiye, noone Eliya arwa omvuluxa.” 50Aakhuwenlaawetho ni nsu ntokotoko, Yeesu aahookhwa. 51Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya. 52Mahiye yaahuuhuwa, ni mittembo sa atthu ootteela ancipale yaakhwiiye saavenyererihiwa. 53Yaakhuma mmahiyeni, ni Yeesu avenyerenreene, yaavolowa musidadeni yootteela ni yaahooniwa ni atthu ancipale. 54Oonakaru kenturiyoni* ni yaawo yaamulipelenle Yeesu ni yoowo otetereiya ni sootheene seiye seereiye, yaahoova vancipale yeeraka: “Vekhaikhai, Ola aari Mwaana a Muluku.” 55Athiyana ancipale yaari weiwe, ewehaka ereene ottaiwene. Awo yaamutthara Yeesu okhuma oGalileiya weera emurumeeleke. 56Variyariwaya aari Mariya oMagadalene, Mariya amayawe Yakobe, ni Yoseefe ni amayaya anamwane a Zebedeyo.
Ovithiwa wa Yeesu
57Wiilaka, aaphiya namapuha mmoha a wArimateiya, iitthaniwa Yoseefe, aari oohusera a Yeesu. 58Arowaka wa Pilatu, aamvekela muttembo wa Yeesu, ni Pilatu aalamula weera avahiwe. 59Yoseefe aakuxa muttembo, anavitikelela musaandani yooreera, 60ni aniikaathi mmahiyeni manyowani owo aaruminghaawe othipiwa vamwala. Aahiikaathi nluku ntokotoko vamulako ni aavenya. 61Mariya oMagadalene ni Mariya mukina yaakilaathi weiwe ohoolo wa nihiye.
Olipeleliwa wa nihiye
62Oxaawaya naari nihuku naattharelana nihuku na orehereriwa, ahooleli a asaserdoti* ni aFarisi* yaarowa wa Pilatu ni 63yaamweerela: “Apwiya, ninuupuwelela weera areene mukumi, namalokottha Ole aaheera: ‘Kinoovenyerera yamala mahuku mararu.’ 64Vano mwaalamulele anakhotto weera nihiyenawe nilipeleliwe mpaka nihuku nanaararu, weera ehiwe oohuseraawe ni yiiyaka muttembwaawe, anooleela muloko wa atthu weera Owo oovenyerera mookhwaani. Olokottha wu wanaaveeli onuukhale woonanaraxa opwaha woopacera.” 65Pilatu aawaakhula: “Mukuxe mpatta wa anakhotto. Muroweke ni mwalipeleleke nihiye ntoko muupuwenlaanyu.” 66Awo yaarowa ni yaalipiha nihiye ni mpatta wa anakhotto, ehelakatho vanlukuni eneneero ya ewalelo*.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.