Levitiku 20
20
Mattaruxo mwaha wa oveiha itthu sootteela
1Yave aamweerela Moisesi: 2“Mwaleele aYixrayeli: ‘Khula muYixrayeli hoye hoye namarwa onkhala oYixrayeli mwa yoowo aneera amwinnyerere mmoha a anamwanaawe wa Molekhi, iiviweke. Muloko wa mweelaponi omvonyeke maluku. 3Miyo kinoothatuwa Mwiittana a mulopwana owo ni kinoommalamaliha mmulokonimwawe, niwoko oowinnyerera anamwanaawe Molekhi, avalihaka Nipuronaka Nootteela* ni aramusaka Nsinanaka Nootteela. 4Vano muloko waahipwattha mulopwana owo aamwinnyereraka mmoha wa anamwanaawe wa Molekhi ohinamuthorihela okhwa, 5Miyo kinoothatuwa Mwiittana a mulopwana owo ni emusaawe ni kinoommalamaliha mmulokonimwawe owo ni ootheene animutthara ntoko mapuuta a Molekhi. 6Miyo kinoothatuwa Mwiittana a mulopwana yoowo onaahera ihako hoye hoye onuuluma ni anamakhwa. Yoole ompaka hiiho onoothatuwa puuta ni Miyo kinoommalamaliha mmulokonimwawe. 7Mwiitteelihe ni mukhaleke ootteela, niwoko Miyo ti Yave Mulukwaanyu. 8Mwiiwelele ikanosaka ni mutthare. Miyo ti Yave kinootteelihani. 9Mukina aneera aalaphe atithawe hoye hoye amayawe, iiviweke. Woowaalapha atithawe hoye hoye amayawe, oophwanela okhwa. 10Mulopwana araruwa ni mwaara a mukina – mwaara a mukhwaawe – ooweeli awosa yiiviweke. 11Mulopwana aakonano amwaaraya atithawe, owo ohaaveiha atithawe. Mulopwana ni muthiyana owo yiiviweke, niwoko aaphwanela okhwa. 12Mulopwana amukonano mwaara a mwanawe mulopwana, ooweeli awo yiiviweke. Yeeyo apankaaya ti yoonanaraxa; awosa aaphwanela okhwa. 13Asilopwana yakonihana ntoko onkonaneliwaawe muthiyana, ooweeli aapaka yeeyo eri ya mwiikho. Awosa yiiviweke; aaphwanela okhwa. 14Mulopwana amwaatteya mwaana ni amayawe, ti yoonanara. Owo vamoha ni yaawosa ehisiweke weera sihikhaletho sootakhala variyariwanyu. 15Mulopwana amukonano mwaamunama, owo iiviweke ni ontthuneya nyuwosa omwiivatho mwaamunama. 16Muthiyana amwaattamela mwaamunama weera amukoneno, mmwiive muthiyana nitho mwaamunama; awosa yiiviweke niwoko aaphwanela okhwa. 17Mulopwana amuthela murokoriye, mwaana muthiyana a atithawe hoye hoye amayawe ni amukonano, ti ya mwiikho. Awosa emalamalihiweke vamaithoni wa mulokwaaya. Owo oomveiha murokoriye ni onoohaawa mwa sootakhalasawe. 18Mulopwana amukonano muthiyana mweehuhuni ya mpingwaawe, ooweeli awosa aakhalano nthowa na ohoonelamo oyeeheya wa ephomaawe; tivawo ooweeli emalamalihiweke mmulokonimwaya. 19Muhimukoneno munnaya amayinyu hoye hoye murokoraya atithinyu, niwoko eyo enooveiha emusi xaxaxa; ooweeli nyuwosa munoohaawa mwa sootakhalasanyu. 20Mulopwana aakonano amwaaraya atatawe, ohaaveiha atatawe. Awosa anoohaawa mwa sootakhalasaya ni animookhwa ehiyanre. 21Mulopwana amuthela mwaara a munneiye, ti etthu yoohitteela; owo oomuveiha munniye. Awosa kheeyarasa. 22Mwiiwelele ikanosaka ni malamulowaaka ootheene ni mutthare weera elapo kinooronghaakani ehoorapheyeni. 23Muhitthare ikhovelelo sa miloko seiyo kineeraaka koomole ohoolowanyu. Woopaka itthusene seiyo sa mwiikho, koothanya miloko iyo. 24Vaheera kaaweerelani: “Munookuxa elapwaaya; kinimoovahani ntoko yoohiyeriwa; elapo yoosareya mukaka ni oravo.” Miyo ti Yave Mulukwaanyu koothanlaleni eriyari ya miloko. 25Tivawo ontthuneyaaya weera nyuwo mwaakawanyihe axinama ootteela ni oohitteela ni ipalame sootteela ni soohitteela. Muhiivalihe ni axinama hoye hoye ipalame, naari yakhalaru yoopattuxiwa eniipurula ni ennyongolowa mwa seiyo kookawanyihenraakani niwoko na ohitteelawaya. 26Nyuwosa mukhaleke ootteela wa Miyo, niwoko Miyo, Yave, ti Ootteela ni kohoomwaramwaxani eriyari ya miloko weera mukhale mulokwaaka. 27Alopwana hoye hoye athiyana variyariwanyu anaahera ihako hoye hoye anuuluma ni anamakhwa, yiiviweke. Awosa evonyiweke maluku – awosa aaphwanela okhwa.’”
Currently Selected:
Levitiku 20: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
