Okhuma 8
8
Nihooxo nanaaveeli: Anaphulu
1Vano Yave aamweerela Moisesi: “Muroweke wa Farawu* ni mwamuleeleke: ‘Yave eenre ha: ‘Muhiyeke mulokwaaka orowaka weera wakilape. 2Mwaahitthunihera orowa, kinoolamula weera elapwaanyu yootheene ekhuneeliwe ni anaphulu. 3Nilu anaasareye anaphulu; awo eniiwele evolowaka mpaanimwanyu, okwartuniwanyu mpakatho vakaamaniwanyu. Eniivolowetho mmampaani mwa anamalakaanyu ni mwa mulokwaanyu, mpuwa mwa maikhwaanyu ni mooweetheelamwene. 4Vano anaphulu animootuphelani nyuwo, anamalakaanyu ni mulokwaanyu.’” 5Vano Yave aamweerelatho Moisesi: “Munlamulele Aharoni: ‘Mookoleleke moonowaanyu ni ekopwaanyu mmanyoolokoni, mmipopeni ni mmarattani ni mwemmo mwaawelihe anaphulu mweelaponi ya wExipitu. 6Hiiho Aharoni aahookolela moonowaawe maahi a wExipitu ni anaphulu yaawela, enasareya elapo ya wExipitu. 7Anamacittatho yaapaka etthweene yeeyo ni olowawaya woowiipithiheya; yaahaaweliha anaphulu mweelaponi ya wExipitu. 8Farawu* aarumiha wiitthaniwa Moisesi ni Aharoni aweerelaka: “Mumvekele Yave weera akivenxere anaphulu ni wa mulokwaakatho; ni vahoolowaya kinoohiya muloko orowaka weera wampakele sooveleela Yave.” 9Vano Moisesi aamweerela Farawu*: “Nyuwo murino nttittimiho na olakela: Yaakhani muntthunaanyu weera miyo koovekeleleni nyuwo, anamalakaanyu ni mulokwaanyu weera anaphulu evenxiwe wa nyuwo ni mmawannyinyu weera ehale a mmoolokoni Nilu paahi?” 10Farawu* aamwaakhula: “Omaalo.” Vano Moisesi aamwaakhula: “Enimweereya ntoko mweenraanyu. Hiiho munoosuwela weera Yave, Mulukwaahu ti oohilikanxereya. 11Anaphulu animoohiyani, mmawannyinyu, anamalakaanyu, ni mulokwaanyu; eniihale a mmoolokoni paahi.” 12Moisesi ni Aharoni evenyakaru wa Farawu*, Moisesi aamudyoonttelela Yave niwoko na anaphulu aamurumihenlaawe Farawu*. 13Yave aahaakhulela yooveka ya Moisesi: Yaahookhwa anaphulu yaari mmampaani, mmavaate ni mmamattani. 14Yaathukumanyihiwa mapuro mapuro ni tivawo elapo yuunkhalaaya woovirula. 15Farawu*, oonnaawe weera omumula waakhala, aahuumiha murimaawe ahimwiiwelelaka Moisesi ni Aharoni, ntoko Yave eenraawe.
Nihooxo nanaararu: anlukuveeve
16Vano Yave aamweerela Moisesi: “Munlamulele Aharoni: ‘Mookole ekopwaanyu ni mukhuruleno ntthupi vatthayani. Vano nno nnoothatuwa anlukuveeve mweelaponi yootheene ya wExipitu.’” 17Yaapaka hiiho ni Aharoni ookolakaru moono ni ekopwaawe aakhurula ntthupi na etthaya enaakhumelela anlukuveeve atthu ni axinama. Ntthupi nootheene na elapo ya wExipitu naathatuwa anlukuveeve. 18Anamacittatho yeereraka waakhuumeleliha anlukuveeve ni olowawaya woowiipithiheya, khayaawenre. Vano anlukuveeve yannaaluma atthu ni axinama. 19Yaamweerela Farawu*: “Ela ti ekatha ya Muluku.” Wa soothesene, murima wa Farawu* waapwaherera wuumihiwa ni owo khaatthuna owiiwa, ntoko Yave eenraawe.
Nihooxo nanaaxexe: amukaanga
20Vano Yave aamweerela Moisesi: “Omaalo, oxeexelo, mvenye ni murowe wa Farawu*, owo arowaka oluusi. Mwamuleele: ‘Yave eenre ha: ‘Muhiyeke mulokwaaka orowaka weera wakilape. 21Nyuwo mwaahitthunihera mulokwaaka orowa, kinimoorumihelani nasope a amunkaanga, anamalakaanyu, mulokwaanyu ni impasanyu. Impa sa awExipitu ni annyikalaayamo anoosareyamo amukaanga. 22Mene nihuku nno kinoovirikanyiha elapo ya oGoxeni, onkhalaayawo mulokwaaka. Kharwa akhala naari nasope mmoha a amunkaanga weera nyuwo musuwele weera Miyo, Yave, kiri elapweene yeele. 23Kinoohiyanyiha mulokwaaka ni mulokwaanyu. Eneneero eyo yootikhiniha enookhumelela omaalo.’” 24Vano Yave aapaka hiiho. Anasope atokotoko a amukaanga yaasareya vaate wa Farawu* ni mmavaate wa anamalakaawe ni wExipitu wootheene waahononeya mwaha wa amukaanga. 25Farawu* aarumiha wiitthaniwa Moisesi ni Aharoni aweerelaka: “Murowe, mwampakele sooveleela Mulukwaanyu, mene muhithaame mulaponimu.” 26Moisesitho aamwaakhula: “Eyo kheelonke. Sooveleela hiyo nnimpakelaahu Yave Mulukwaahu ti sa mwiikho wa awExipitu. Hiyo napaka sooveleela sinkhala ntoko mwiikhwaaya, awo anoonivonya maluku. 27Ontthuneya weera hiyo neette mukwaha wa mahuku mararu munikareni weera nampakele sooveleela Yave, Mulukwaahu, ntoko onilamulenlaawe.” 28Farawu* aamweerela: “Kinimootthuniherani orowa munikareni ompakela sooveleela Yave, Mulukwaanyu. Mene muhirakamelaxe ni mwakivekeleletho miyo.” 29Moisesi aamwaakhula: “Miyo vaava kimvenyaaka vamaithoniwanyu, kinoomvekela Yave. Omaalo, nasope a amukaanga anaamuhiye Farawu*, anamalakaanyu ni mulokwaanyu. Nave weera Farawu* ahihokoleele wuupuwelela ethiru, ooceelihaka muloko orowa ompakela sooveleela Yave.” 30Vano Moisesi aapwaha vamaithoni wa Farawu* ni aamvekela Yave. 31Yave aahaakhulela yoovekaawe: Amukaanga yaamuhiya Farawu*, anamalakaawe ni mulokwaawe; khaakhanleru hata mukaanga mmoha aahanle. 32Mene emaareene yeeletho Farawu* aahuumiha murimaawe ahitthuniheraka opwaha muloko.
Currently Selected:
Okhuma 8: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 8
8
Nihooxo nanaaveeli: Anaphulu
1Vano Yave aamweerela Moisesi: “Muroweke wa Farawu* ni mwamuleeleke: ‘Yave eenre ha: ‘Muhiyeke mulokwaaka orowaka weera wakilape. 2Mwaahitthunihera orowa, kinoolamula weera elapwaanyu yootheene ekhuneeliwe ni anaphulu. 3Nilu anaasareye anaphulu; awo eniiwele evolowaka mpaanimwanyu, okwartuniwanyu mpakatho vakaamaniwanyu. Eniivolowetho mmampaani mwa anamalakaanyu ni mwa mulokwaanyu, mpuwa mwa maikhwaanyu ni mooweetheelamwene. 4Vano anaphulu animootuphelani nyuwo, anamalakaanyu ni mulokwaanyu.’” 5Vano Yave aamweerelatho Moisesi: “Munlamulele Aharoni: ‘Mookoleleke moonowaanyu ni ekopwaanyu mmanyoolokoni, mmipopeni ni mmarattani ni mwemmo mwaawelihe anaphulu mweelaponi ya wExipitu. 6Hiiho Aharoni aahookolela moonowaawe maahi a wExipitu ni anaphulu yaawela, enasareya elapo ya wExipitu. 7Anamacittatho yaapaka etthweene yeeyo ni olowawaya woowiipithiheya; yaahaaweliha anaphulu mweelaponi ya wExipitu. 8Farawu* aarumiha wiitthaniwa Moisesi ni Aharoni aweerelaka: “Mumvekele Yave weera akivenxere anaphulu ni wa mulokwaakatho; ni vahoolowaya kinoohiya muloko orowaka weera wampakele sooveleela Yave.” 9Vano Moisesi aamweerela Farawu*: “Nyuwo murino nttittimiho na olakela: Yaakhani muntthunaanyu weera miyo koovekeleleni nyuwo, anamalakaanyu ni mulokwaanyu weera anaphulu evenxiwe wa nyuwo ni mmawannyinyu weera ehale a mmoolokoni Nilu paahi?” 10Farawu* aamwaakhula: “Omaalo.” Vano Moisesi aamwaakhula: “Enimweereya ntoko mweenraanyu. Hiiho munoosuwela weera Yave, Mulukwaahu ti oohilikanxereya. 11Anaphulu animoohiyani, mmawannyinyu, anamalakaanyu, ni mulokwaanyu; eniihale a mmoolokoni paahi.” 12Moisesi ni Aharoni evenyakaru wa Farawu*, Moisesi aamudyoonttelela Yave niwoko na anaphulu aamurumihenlaawe Farawu*. 13Yave aahaakhulela yooveka ya Moisesi: Yaahookhwa anaphulu yaari mmampaani, mmavaate ni mmamattani. 14Yaathukumanyihiwa mapuro mapuro ni tivawo elapo yuunkhalaaya woovirula. 15Farawu*, oonnaawe weera omumula waakhala, aahuumiha murimaawe ahimwiiwelelaka Moisesi ni Aharoni, ntoko Yave eenraawe.
Nihooxo nanaararu: anlukuveeve
16Vano Yave aamweerela Moisesi: “Munlamulele Aharoni: ‘Mookole ekopwaanyu ni mukhuruleno ntthupi vatthayani. Vano nno nnoothatuwa anlukuveeve mweelaponi yootheene ya wExipitu.’” 17Yaapaka hiiho ni Aharoni ookolakaru moono ni ekopwaawe aakhurula ntthupi na etthaya enaakhumelela anlukuveeve atthu ni axinama. Ntthupi nootheene na elapo ya wExipitu naathatuwa anlukuveeve. 18Anamacittatho yeereraka waakhuumeleliha anlukuveeve ni olowawaya woowiipithiheya, khayaawenre. Vano anlukuveeve yannaaluma atthu ni axinama. 19Yaamweerela Farawu*: “Ela ti ekatha ya Muluku.” Wa soothesene, murima wa Farawu* waapwaherera wuumihiwa ni owo khaatthuna owiiwa, ntoko Yave eenraawe.
Nihooxo nanaaxexe: amukaanga
20Vano Yave aamweerela Moisesi: “Omaalo, oxeexelo, mvenye ni murowe wa Farawu*, owo arowaka oluusi. Mwamuleele: ‘Yave eenre ha: ‘Muhiyeke mulokwaaka orowaka weera wakilape. 21Nyuwo mwaahitthunihera mulokwaaka orowa, kinimoorumihelani nasope a amunkaanga, anamalakaanyu, mulokwaanyu ni impasanyu. Impa sa awExipitu ni annyikalaayamo anoosareyamo amukaanga. 22Mene nihuku nno kinoovirikanyiha elapo ya oGoxeni, onkhalaayawo mulokwaaka. Kharwa akhala naari nasope mmoha a amunkaanga weera nyuwo musuwele weera Miyo, Yave, kiri elapweene yeele. 23Kinoohiyanyiha mulokwaaka ni mulokwaanyu. Eneneero eyo yootikhiniha enookhumelela omaalo.’” 24Vano Yave aapaka hiiho. Anasope atokotoko a amukaanga yaasareya vaate wa Farawu* ni mmavaate wa anamalakaawe ni wExipitu wootheene waahononeya mwaha wa amukaanga. 25Farawu* aarumiha wiitthaniwa Moisesi ni Aharoni aweerelaka: “Murowe, mwampakele sooveleela Mulukwaanyu, mene muhithaame mulaponimu.” 26Moisesitho aamwaakhula: “Eyo kheelonke. Sooveleela hiyo nnimpakelaahu Yave Mulukwaahu ti sa mwiikho wa awExipitu. Hiyo napaka sooveleela sinkhala ntoko mwiikhwaaya, awo anoonivonya maluku. 27Ontthuneya weera hiyo neette mukwaha wa mahuku mararu munikareni weera nampakele sooveleela Yave, Mulukwaahu, ntoko onilamulenlaawe.” 28Farawu* aamweerela: “Kinimootthuniherani orowa munikareni ompakela sooveleela Yave, Mulukwaanyu. Mene muhirakamelaxe ni mwakivekeleletho miyo.” 29Moisesi aamwaakhula: “Miyo vaava kimvenyaaka vamaithoniwanyu, kinoomvekela Yave. Omaalo, nasope a amukaanga anaamuhiye Farawu*, anamalakaanyu ni mulokwaanyu. Nave weera Farawu* ahihokoleele wuupuwelela ethiru, ooceelihaka muloko orowa ompakela sooveleela Yave.” 30Vano Moisesi aapwaha vamaithoni wa Farawu* ni aamvekela Yave. 31Yave aahaakhulela yoovekaawe: Amukaanga yaamuhiya Farawu*, anamalakaawe ni mulokwaawe; khaakhanleru hata mukaanga mmoha aahanle. 32Mene emaareene yeeletho Farawu* aahuumiha murimaawe ahitthuniheraka opwaha muloko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.