Okhuma 7
7
1Vano Yave aamweerela Moisesi: “Kinimoovahani ikuru ohoolo wa Farawu* ni munninyu, Aharoni, anuulume ntoko eyanowaanyu. 2Nyuwo mmuulume sootheene kineeraaka koolamuleleni ni munninyu Aharoni anaamuleele Farawu* weera aatthunihere aYixrayeli okhuma mulaponi. 3Miyotho kinimuumiha murima wa Farawu* ni naari saandyeerereyaka ineneerosaka ni sootikhiniha wExipitu, 4owo kharwa awiiwaani. Vano, kinimwiikaathera Ntatanaka wExipitu ni kinimwaakhumiha anakhottwaaka, mulokwaaka, aYixrayeli ni owera miteko sa nthoriho. 5Ni awExipitu eniisuwele weera Miyo ti Yave kookolelaka moonowaaka wExipitu ni kaavenxakawo aYixrayeli.” 6Moisesi ni Aharoni yaapaka ntoko Yave aalamulenlaawe. 7Moisesi aarino iyaakha miloko mithannamiraru ni Aharoni miloko mithannamiraru ni tthaaru yuulumasaaya ni Farawu*.
Ekopo ya Aharoni
8Yave aamweerela Moisesi ni Aharoni: 9“Farawu* oovekelani: ‘Mpake yootikhiniha,’ vano mwamweerele Aharoni: ‘Mukuxeke ekopwaanyu ni mvonyere ohoolo wa Farawu*.’ Ni eyo enoothatuwa enowa.” 10Moisesi ni Aharoni yaarowa wa Farawu*, enapaka yeeyo Yave aalamulenlaawe. Aharoni aavonyera ekopwaawe ohoolo wa Farawu* ni anamalakaawe, enathatuwa enowa. 11Vano Farawu*tho aawiitthana anamiruku ni akhwiri ni anamacitta a wExipitu ni ale yaapaka etthweene yeeyo ni olowawaya woowiipithiheya. 12Khula mutthu a yaale aavonyera vathi ekopwaawe ni ikoposaya sootheene saathatuwa inowa. Ekopotho ya Aharoni yaamira inowasaya sootheene. 13Wa soothesene, Farawu* aahuumiha murima ni owo khaawiiwelelanse Moisesi ni Aharoni, ntoko Yave eenraawe.
Nihooxo noopacera: Ephome
14Yave aamweerela Moisesi: “Farawu* ohuumihiwa murima ni owo khantthunihera muloko wa aYixrayeli orowa. 15Omaalo, oxeexelo, muroweke wa Farawu*, owo aarowaka oluusi. Mwangweherere mukerekhere mooloko Nilu weera mwamukumaneno. Mukuxeketho ekopo yaathatungwe enowa. 16Mwamuleele: ‘Yave, Muluku a aHeberi ookiruma wooleelani: ‘Muhiyeke mulokwaaka orowaka weera wakilape munikareni.’ Mene mpaka vano khamukiiwale. 17Masu a Yave ti ala: ‘Mwa yeeyo mmwisuwele weera Miyo ti Yave: nkimanele maahi a Nilu ni ekopo eri mmatatanimwaka ni awo eniithatuwe ephome. 18Ihopa sa muNilu nsikhwe, mooloko oniwunkhe woovirula, ni awExipitu kheewera owura maahi ale.’” 19Vano, Yave aamweerelatho Moisesi: “Munlamulele Aharoni: ‘Mukuxe ekopwaanyu ni mookolele moonowaanyu mmaahini a wExiptu – mmanyoolokoni, mmipopeni, mmarattani ni mmapuroni moothemwene araayamo maahi weera ethatuwe ephome. Eniikhale ephome mweelaponi yootheene ya wExipitu – mpaka mmikubuni sa itthaabwa ni sa maluku. 20Moisesi ni Aharoni yaapaka ntoko Yave aalamulenlaawe: Aharoni aakuxa ekopo anamanela maahi a muNilu Farawu* ni anamalakaawe yoonaka, ni maahi ale yaathatuwa ephome. 21Ihopa saahookhwa ni mooloko waanunkha woovirula moota wooweera awExipitu khayaawera owura maahi ale. Mweelaponi yootheene ya wExipitu yaakhala ephome. 22Vaheera anamacitta a wExipitu yaapaka etthweene yeeyo ni olowawaya woowiipithiheya. Farawu* aahuumiha murima ni khaamwiiwelenle Moisesi ni Aharoni, ntoko Yave aahimalaawe. 23Ohiyanawaya, aahaarerasa ettuli, anahokoleela owannyawe ahiphwatthaka itthusene seiye. 24awExipitu ootheene yaathipa ihime mukerekhere wa Nilu weera ephwanye maahi ooreera hapo maahi a Nilu khayaawureya. 25Yaavinre mahuku mathanameeli Yave amanneene maahi a Nilu.
Currently Selected:
Okhuma 7: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 7
7
1Vano Yave aamweerela Moisesi: “Kinimoovahani ikuru ohoolo wa Farawu* ni munninyu, Aharoni, anuulume ntoko eyanowaanyu. 2Nyuwo mmuulume sootheene kineeraaka koolamuleleni ni munninyu Aharoni anaamuleele Farawu* weera aatthunihere aYixrayeli okhuma mulaponi. 3Miyotho kinimuumiha murima wa Farawu* ni naari saandyeerereyaka ineneerosaka ni sootikhiniha wExipitu, 4owo kharwa awiiwaani. Vano, kinimwiikaathera Ntatanaka wExipitu ni kinimwaakhumiha anakhottwaaka, mulokwaaka, aYixrayeli ni owera miteko sa nthoriho. 5Ni awExipitu eniisuwele weera Miyo ti Yave kookolelaka moonowaaka wExipitu ni kaavenxakawo aYixrayeli.” 6Moisesi ni Aharoni yaapaka ntoko Yave aalamulenlaawe. 7Moisesi aarino iyaakha miloko mithannamiraru ni Aharoni miloko mithannamiraru ni tthaaru yuulumasaaya ni Farawu*.
Ekopo ya Aharoni
8Yave aamweerela Moisesi ni Aharoni: 9“Farawu* oovekelani: ‘Mpake yootikhiniha,’ vano mwamweerele Aharoni: ‘Mukuxeke ekopwaanyu ni mvonyere ohoolo wa Farawu*.’ Ni eyo enoothatuwa enowa.” 10Moisesi ni Aharoni yaarowa wa Farawu*, enapaka yeeyo Yave aalamulenlaawe. Aharoni aavonyera ekopwaawe ohoolo wa Farawu* ni anamalakaawe, enathatuwa enowa. 11Vano Farawu*tho aawiitthana anamiruku ni akhwiri ni anamacitta a wExipitu ni ale yaapaka etthweene yeeyo ni olowawaya woowiipithiheya. 12Khula mutthu a yaale aavonyera vathi ekopwaawe ni ikoposaya sootheene saathatuwa inowa. Ekopotho ya Aharoni yaamira inowasaya sootheene. 13Wa soothesene, Farawu* aahuumiha murima ni owo khaawiiwelelanse Moisesi ni Aharoni, ntoko Yave eenraawe.
Nihooxo noopacera: Ephome
14Yave aamweerela Moisesi: “Farawu* ohuumihiwa murima ni owo khantthunihera muloko wa aYixrayeli orowa. 15Omaalo, oxeexelo, muroweke wa Farawu*, owo aarowaka oluusi. Mwangweherere mukerekhere mooloko Nilu weera mwamukumaneno. Mukuxeketho ekopo yaathatungwe enowa. 16Mwamuleele: ‘Yave, Muluku a aHeberi ookiruma wooleelani: ‘Muhiyeke mulokwaaka orowaka weera wakilape munikareni.’ Mene mpaka vano khamukiiwale. 17Masu a Yave ti ala: ‘Mwa yeeyo mmwisuwele weera Miyo ti Yave: nkimanele maahi a Nilu ni ekopo eri mmatatanimwaka ni awo eniithatuwe ephome. 18Ihopa sa muNilu nsikhwe, mooloko oniwunkhe woovirula, ni awExipitu kheewera owura maahi ale.’” 19Vano, Yave aamweerelatho Moisesi: “Munlamulele Aharoni: ‘Mukuxe ekopwaanyu ni mookolele moonowaanyu mmaahini a wExiptu – mmanyoolokoni, mmipopeni, mmarattani ni mmapuroni moothemwene araayamo maahi weera ethatuwe ephome. Eniikhale ephome mweelaponi yootheene ya wExipitu – mpaka mmikubuni sa itthaabwa ni sa maluku. 20Moisesi ni Aharoni yaapaka ntoko Yave aalamulenlaawe: Aharoni aakuxa ekopo anamanela maahi a muNilu Farawu* ni anamalakaawe yoonaka, ni maahi ale yaathatuwa ephome. 21Ihopa saahookhwa ni mooloko waanunkha woovirula moota wooweera awExipitu khayaawera owura maahi ale. Mweelaponi yootheene ya wExipitu yaakhala ephome. 22Vaheera anamacitta a wExipitu yaapaka etthweene yeeyo ni olowawaya woowiipithiheya. Farawu* aahuumiha murima ni khaamwiiwelenle Moisesi ni Aharoni, ntoko Yave aahimalaawe. 23Ohiyanawaya, aahaarerasa ettuli, anahokoleela owannyawe ahiphwatthaka itthusene seiye. 24awExipitu ootheene yaathipa ihime mukerekhere wa Nilu weera ephwanye maahi ooreera hapo maahi a Nilu khayaawureya. 25Yaavinre mahuku mathanameeli Yave amanneene maahi a Nilu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.