Okhuma 23
23
Ikano mwaha wa othoriha nnene
1Ahikhale aneera amwaramwaxe ihaali soowootha. Muhimukhavihere namatakhala munkhalelaka namoona moota woowootha. 2Muhitthare yaatteliwe epakiwaka yoonanara. Nyuwo mwakhalela onamoona vantthekoni, muhivirikanyihe ekhaikhai mweerelaka osiveliha yaatteliwe. 3Muhimpakele nthalu mutthu oohaawa vantthekoni. 4Mwaphwanya emombe hoye hoye buuru a mwiittanaanyu ariheiyeene, munghokoloxere muneene. 5Nyuwo mwamoona buuru a mukina onoothanyani amoranaka murittaawe, muhimuhiyewo – mwamukhavihere. 6Muhaakhoottele oohaawa mmilattunimwaya othoriha nnene. 7Musembe milatthu soowoothera ni muhimwiive mutthu oororomeleya ni oohikhalano mulattu, niwoko nkinimulevelela nanthowa. 8Muhaakhulele makhwankwa, niwoko awo anaaphuta owiitho yaale anoona ni anghenyengeriha masu a oororomeleya. 9Muhaahasule anamarwa, niwoko nyeenyuweene moosuwela nnenesene onamarwa ti heeni mweenre mwakhalaka anamarwa wExipitu.
Ikano mwaha wa eSaabadu
10Mwaale ni muhephe mmattamwanyu mwa iyaakha ithannamosa, 11mene eyaakha yanaathannapiili muhiye yiitthuuwaka ehilimmwaka. Hiiho anamahaawa variyariwanyu eceeke seiyo simmorela ni seiyo singhalahala nsikhale sa axinama a ntuphini. Mpakeketho hiiho ni imattasanyu sa iwuuva* ni sooliveira*. 12Wa mahuku mathannamosa mvare mitekosanyu, mene nihuku nanaathannameeli muhivareru weera imombesanyu, abuurwaanyu, ipotthasanyu ni anamarwa yiitthuuwe ni saarweele ikuru. 13Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.
Ikano mwaha wa ifesta tthaaru sitokotoko sa vayaakhani
14Vano imaara tthaaru vayaakhani mukipakele efesta. 15Mpake efesta ya epaawu yoohikhalano eferementu. Muceeke epaawu yoohikhalano eferementu wa mahuku mathanameeli ntoko koolamulenlaakani. Mpake yeeyo mweehuhuni yoothanliwa mmweerini wa Abibi, niwoko mweereene yoowo mwaakhumihingwaanyu wExipitu. Ahikhale anaaphiye ohoolowaka matataru. 16Mpake efesta ya ohepha, eyo tiiyo sa soohepha soopacera sa mutekwaanyu woowaala. Mpake efesta ya emalihero ya ohepha ommaleloni wa eyaakha nyuwo mwaathokororaka soohepha. 17Asilopwana ootheene yiixoonihereke ohoolo wa Yave Muluku imaara tthaaru vayaakhani. 18Muhikiveleelele ephome ya sooveleela vamoha ni yakhalaru etthu enkhalano eferementu. Makhura a sooveleela a ifestasaka ehisungiweke mpaka waaxiiye. 19Muruuhe Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.
Soororomelihiwa mwaha wa owina elapo ya oKanaani
20Vano, kinoorumihelani ndyelo ohoolowanyu weera ookosoopeni mukwaha wootheene ni weera oophiihaseni vanipuroni koorehererenlaakani. 21Nnene mwiiwelele yeeyo owo onghimaawe muhimvaanyeke, niwoko kharwa alevelela ovaanyawanyu neenre Nsinanaka nikhalaka mwa yoowo. 22Mwiiwelela nnenesene yeeyo aneeraawe ahime ni mwapaka sootheene kinoolamulelaakani, nkikhale mwiittana a amwiittanaanyu ni ngwanani a awananaanyu. 23Ndyelowaaka onimoohoolelani ni onimoophiihasani elapo ya awAmori, aHiti, aPerizi, aKanaani, aHivi ni aYebusi ni kinimwaaphwata. 24Muhikokhorele ohoolo wa milukusaya, hata muhilape naari muhitakihe epakelowaaya. Mphwate miluku iyo ni mwaakankhaanyule amarimbwaaya ootteela. 25Munlape Yave Mulukwaanyu ni onimooreelihasani oovahakani yooca ni maahi. Kinoovenxa iretta variyariwanyusa. 26Mweelaponimwanyu khaawo muthiyana anaarupale anahokolowa hiiho. Hata khakhala mwali eekupa. Kinookwanihera waatta wa mahukwaanyu. 27Kinoorumiha ohoolowanyu woopihawaka weera erukureereye nyuru maloko ootheene nyuwo muneeraanyu mphwanye. Nkaarerihe ettuli amwiittanaanyu ootheene etthawaka ohoolowanyu. 28Kinootannyera mitteendehu weera siwoomole aHivi, aKanaani ni aHiti ohoolowanyu. 29Nkirwa kiwoomola ootheene eyaakha emoha weera elapo ehiheleye mathala ni axinama a ntuphini ehaandyeerereye ewoopopihasakani. 30Kinoowoomola vakhaani vakhaani mpaka nyuwosa muneeraanyu mwaandyeererane muxuwaattaka weera mukuxe elapo. 31Kinookhaliha nyiinanosanyu okhuma Ephareiya Yooxeera mpaka ephareiya ya aFilisti, ni okhuma onikareni mpaka mooloko Efratesi. Kinimoovahani mmatatanimwanyu miloko siri mweelaponi mmo, mwa seiyo muneeraanyu moomole ohoolowanyu. 32Muhiwiiraaneno yaawo hata milukusaya. 33Muhihiye miloko iyo simakaka mweelaponimwanyu weera sihootthekiheni wa Miyo, niwoko woolapa milukusaya, wa nyuwosa nnikhale ntapha.”
Currently Selected:
Okhuma 23: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 23
23
Ikano mwaha wa othoriha nnene
1Ahikhale aneera amwaramwaxe ihaali soowootha. Muhimukhavihere namatakhala munkhalelaka namoona moota woowootha. 2Muhitthare yaatteliwe epakiwaka yoonanara. Nyuwo mwakhalela onamoona vantthekoni, muhivirikanyihe ekhaikhai mweerelaka osiveliha yaatteliwe. 3Muhimpakele nthalu mutthu oohaawa vantthekoni. 4Mwaphwanya emombe hoye hoye buuru a mwiittanaanyu ariheiyeene, munghokoloxere muneene. 5Nyuwo mwamoona buuru a mukina onoothanyani amoranaka murittaawe, muhimuhiyewo – mwamukhavihere. 6Muhaakhoottele oohaawa mmilattunimwaya othoriha nnene. 7Musembe milatthu soowoothera ni muhimwiive mutthu oororomeleya ni oohikhalano mulattu, niwoko nkinimulevelela nanthowa. 8Muhaakhulele makhwankwa, niwoko awo anaaphuta owiitho yaale anoona ni anghenyengeriha masu a oororomeleya. 9Muhaahasule anamarwa, niwoko nyeenyuweene moosuwela nnenesene onamarwa ti heeni mweenre mwakhalaka anamarwa wExipitu.
Ikano mwaha wa eSaabadu
10Mwaale ni muhephe mmattamwanyu mwa iyaakha ithannamosa, 11mene eyaakha yanaathannapiili muhiye yiitthuuwaka ehilimmwaka. Hiiho anamahaawa variyariwanyu eceeke seiyo simmorela ni seiyo singhalahala nsikhale sa axinama a ntuphini. Mpakeketho hiiho ni imattasanyu sa iwuuva* ni sooliveira*. 12Wa mahuku mathannamosa mvare mitekosanyu, mene nihuku nanaathannameeli muhivareru weera imombesanyu, abuurwaanyu, ipotthasanyu ni anamarwa yiitthuuwe ni saarweele ikuru. 13Mwiipasoope opaka sootheene seiyo koolamulenlaakani. Muhiitthane masina a miluku sikina; ehiiwiwe masinaaya mmwanomwanyu.
Ikano mwaha wa ifesta tthaaru sitokotoko sa vayaakhani
14Vano imaara tthaaru vayaakhani mukipakele efesta. 15Mpake efesta ya epaawu yoohikhalano eferementu. Muceeke epaawu yoohikhalano eferementu wa mahuku mathanameeli ntoko koolamulenlaakani. Mpake yeeyo mweehuhuni yoothanliwa mmweerini wa Abibi, niwoko mweereene yoowo mwaakhumihingwaanyu wExipitu. Ahikhale anaaphiye ohoolowaka matataru. 16Mpake efesta ya ohepha, eyo tiiyo sa soohepha soopacera sa mutekwaanyu woowaala. Mpake efesta ya emalihero ya ohepha ommaleloni wa eyaakha nyuwo mwaathokororaka soohepha. 17Asilopwana ootheene yiixoonihereke ohoolo wa Yave Muluku imaara tthaaru vayaakhani. 18Muhikiveleelele ephome ya sooveleela vamoha ni yakhalaru etthu enkhalano eferementu. Makhura a sooveleela a ifestasaka ehisungiweke mpaka waaxiiye. 19Muruuhe Empa ya Yave Mulukwaanyu mpatta woopacera wooreerelaxa wa soohephasanyu. Muhimwaapeye mwaaxaana a epuri mmukakani wa amayawe.
Soororomelihiwa mwaha wa owina elapo ya oKanaani
20Vano, kinoorumihelani ndyelo ohoolowanyu weera ookosoopeni mukwaha wootheene ni weera oophiihaseni vanipuroni koorehererenlaakani. 21Nnene mwiiwelele yeeyo owo onghimaawe muhimvaanyeke, niwoko kharwa alevelela ovaanyawanyu neenre Nsinanaka nikhalaka mwa yoowo. 22Mwiiwelela nnenesene yeeyo aneeraawe ahime ni mwapaka sootheene kinoolamulelaakani, nkikhale mwiittana a amwiittanaanyu ni ngwanani a awananaanyu. 23Ndyelowaaka onimoohoolelani ni onimoophiihasani elapo ya awAmori, aHiti, aPerizi, aKanaani, aHivi ni aYebusi ni kinimwaaphwata. 24Muhikokhorele ohoolo wa milukusaya, hata muhilape naari muhitakihe epakelowaaya. Mphwate miluku iyo ni mwaakankhaanyule amarimbwaaya ootteela. 25Munlape Yave Mulukwaanyu ni onimooreelihasani oovahakani yooca ni maahi. Kinoovenxa iretta variyariwanyusa. 26Mweelaponimwanyu khaawo muthiyana anaarupale anahokolowa hiiho. Hata khakhala mwali eekupa. Kinookwanihera waatta wa mahukwaanyu. 27Kinoorumiha ohoolowanyu woopihawaka weera erukureereye nyuru maloko ootheene nyuwo muneeraanyu mphwanye. Nkaarerihe ettuli amwiittanaanyu ootheene etthawaka ohoolowanyu. 28Kinootannyera mitteendehu weera siwoomole aHivi, aKanaani ni aHiti ohoolowanyu. 29Nkirwa kiwoomola ootheene eyaakha emoha weera elapo ehiheleye mathala ni axinama a ntuphini ehaandyeerereye ewoopopihasakani. 30Kinoowoomola vakhaani vakhaani mpaka nyuwosa muneeraanyu mwaandyeererane muxuwaattaka weera mukuxe elapo. 31Kinookhaliha nyiinanosanyu okhuma Ephareiya Yooxeera mpaka ephareiya ya aFilisti, ni okhuma onikareni mpaka mooloko Efratesi. Kinimoovahani mmatatanimwanyu miloko siri mweelaponi mmo, mwa seiyo muneeraanyu moomole ohoolowanyu. 32Muhiwiiraaneno yaawo hata milukusaya. 33Muhihiye miloko iyo simakaka mweelaponimwanyu weera sihootthekiheni wa Miyo, niwoko woolapa milukusaya, wa nyuwosa nnikhale ntapha.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.