Okhuma 22
22
Ikano mwaha wa okhapelela itthu
1Mukina iiya emombe elopwana hoye hoye ekhondoolo, aniiva naari athumiha, aliveke imombe ithanu wa emombe eyo ni ikhondoolo ixexe wa ekhondoolo eyo. 2Namwiiya avariwa iiyaka ni avulalihiwa, anakhwa, yoowo omvulalinghe khankhalano nthowa na onyala. 3Vaheera yakhumelela oxeexeloweene, anaakhaleno nthowa na onyala. Namwiiya aliveke iiyalaawe, mene aahikhalano yoolivano, athumihiweke weera alive iiyalaawe. 4Axinama oowiiyiwa aphwanyaniwa ereene ni okumi – ekhalaka emombe, buuru naari ekhondoolo, namwiiya aliveke iphura. 5Mukina arongha ociha muhuwaawe mmatta hoye hoye mmatta ya iwuuva* ni ahiya ocaaka ematta ya mukina, aliveke ni sooreerela sa mmattamwawe hoye hoye mmattamwawe ya iwuuva*. 6Mukina apattiha mooro, onatuphela moothakoni, onahisa etrigu eri mmatta hoye hoye ihara naari ematta yootheene ya mukina, vano yoole opattinghe aliveke itthu soothesene seiye sisiiye. 7Mukina amwinnyerera mukhwaawe eyuuma yoorikaxa hoye hoye sooreela weera amuthokororele ni iyo siiyiwa mpaani mwa mukhwaawe ole, vano namwiiya, avariwa, aliveke iphura. 8Namwiiya aahiphwanyiwa, muneene a vaate owo iixoonihere ohoolo wa aphuki weera yooneye owo aahiiyale sooreela sa mukhwaawe. 9Yakhala eneereya atthu eeli enyakulihanaka weera emombe elopwana, buuru, ekhondoolo, ekuwo hoye hoye yooreela yooriheya ti yawaya, ooweeli yiixoonihere ohoolo wa aphuki. Yoowo anaathoonyiwe ni aphuki ntoko nanthowa, amuliveke mukhwaawe iphura. 10Mutthu amwinnyerera mukhwaawe weera amusungere buuru, emombe, ekhondoolo naari enama ekina ni eyo yakhwa, yavulalihiwa naari yiiyiwa ahimoonaka mutthu, 11mulattwaayasa wuulummweke olipeliwaka vamaithoni wa Yave weera miyo nkikunxe ya muneene. Vano ontthuneya weera muneene aakhuleleke yeeyo; mukhwaawe khoontthuneya oliva etthu. 12Vaheera mwaamunama iiyiwa a mukhwaawe, amuliveke muneene. 13Mwaamunama owo anyaanyiwa ni axinama a ntuphini, amurongheleke yoowoonihera ehanle ni kharwa aliva etthu. 14Mukina amooliha mwaamunama a mukhwaawe ni owo avulalihiwa hoye hoye akhwa ahikhanle muneene, yoole oolinghe aliveke. 15Muneene akhalawo, khoontthuneya oliviwa. Muneene aliviwa oolihihaka, yooliviwaawe enooliveleya ni yeeyo yeereiye ni mwaamunama.
Ikano mwaha wa soophwanela sa muloko
16Mulopwana amunyeenga mwaamwali oowiikosoopa ohitthomeriwe, anamukonano, vano aliveke nlivo nintheleliwa ni anaakhale mwaariye. 17Atithawe mwaamwali ole yaahitthuna omutheliha mulopwana, nlelo aliveke mulopwana owo nlivo na mwaamwali oowiikosoopa. 18Muhimuhiye mukhwiri ni okumi. 19Akhalaru mutthu onimukonano mwaamunama, iiviweke. 20Akhalaru mutthu aneera apakele sooveleela wakhalaru muluku mukina omuhiya Yave, aphwatiweke. 21Muhaahasule naari muhaahooxe anamarwa, niwoko nyuwo mwaaritho anamarwa wExipitu. 22Muhaahaawihe asinaamukhweli naari ikwaasuni. 23Mwaahaawiha ni awo yakikhuwelela, vekhaikhai kinoowaakhulela makhupanyowaaya. 24Onyoonyiwawaka onuukhale otokotoko ni kinoowiivasani ni ekatana. Axaarinyu eniithatuwe asinaamukhweli ni anamwaniinyu ikwaasuni. 25Vano mwamoolihiha musurukhu mutthu mmoha a atthwaaka ori oohaawa, muhikhale ntoko namakopiha; muhimunyeserere oliva musurukhu woopwahaxa. 26Mwaakhela mukaandyo wa mukhwiinyu ni ororomeliha, munghokoloxere ohinaanye wiila, 27niwoko mukaandyowaawe ti yoowiikhuneelaawe emoharu oraaweno. Aniikhuneele eheeni? Owo akikhuwelela, kinimwiiwa, niwoko Miyo ti a ikharari. 28Muhimveihe Muluku naari muhimulaphe muhooleli a mulokwaanyu. 29Muhikiimane sooveleela sa matathaanyu naari nipuronanyu noowaama iwuuva*. Mukitteelihere mwaanaanyu a ntthaara, 30ni matthaara a mihuwo sa imombe, ikhondoolo ni ipuri. Axaana mwaahiyeke ni amayaya wa mahuku mathanameeli, mene nihuku nanaathannaararu mukivaheke Miyo. 31Nyuwosa ti mulokwaaka wootteela. Muhikhuureru enama yoonyaanyiwa ni axinama a ntuphini; mwaavonyereke alapwa.
Currently Selected:
Okhuma 22: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 22
22
Ikano mwaha wa okhapelela itthu
1Mukina iiya emombe elopwana hoye hoye ekhondoolo, aniiva naari athumiha, aliveke imombe ithanu wa emombe eyo ni ikhondoolo ixexe wa ekhondoolo eyo. 2Namwiiya avariwa iiyaka ni avulalihiwa, anakhwa, yoowo omvulalinghe khankhalano nthowa na onyala. 3Vaheera yakhumelela oxeexeloweene, anaakhaleno nthowa na onyala. Namwiiya aliveke iiyalaawe, mene aahikhalano yoolivano, athumihiweke weera alive iiyalaawe. 4Axinama oowiiyiwa aphwanyaniwa ereene ni okumi – ekhalaka emombe, buuru naari ekhondoolo, namwiiya aliveke iphura. 5Mukina arongha ociha muhuwaawe mmatta hoye hoye mmatta ya iwuuva* ni ahiya ocaaka ematta ya mukina, aliveke ni sooreerela sa mmattamwawe hoye hoye mmattamwawe ya iwuuva*. 6Mukina apattiha mooro, onatuphela moothakoni, onahisa etrigu eri mmatta hoye hoye ihara naari ematta yootheene ya mukina, vano yoole opattinghe aliveke itthu soothesene seiye sisiiye. 7Mukina amwinnyerera mukhwaawe eyuuma yoorikaxa hoye hoye sooreela weera amuthokororele ni iyo siiyiwa mpaani mwa mukhwaawe ole, vano namwiiya, avariwa, aliveke iphura. 8Namwiiya aahiphwanyiwa, muneene a vaate owo iixoonihere ohoolo wa aphuki weera yooneye owo aahiiyale sooreela sa mukhwaawe. 9Yakhala eneereya atthu eeli enyakulihanaka weera emombe elopwana, buuru, ekhondoolo, ekuwo hoye hoye yooreela yooriheya ti yawaya, ooweeli yiixoonihere ohoolo wa aphuki. Yoowo anaathoonyiwe ni aphuki ntoko nanthowa, amuliveke mukhwaawe iphura. 10Mutthu amwinnyerera mukhwaawe weera amusungere buuru, emombe, ekhondoolo naari enama ekina ni eyo yakhwa, yavulalihiwa naari yiiyiwa ahimoonaka mutthu, 11mulattwaayasa wuulummweke olipeliwaka vamaithoni wa Yave weera miyo nkikunxe ya muneene. Vano ontthuneya weera muneene aakhuleleke yeeyo; mukhwaawe khoontthuneya oliva etthu. 12Vaheera mwaamunama iiyiwa a mukhwaawe, amuliveke muneene. 13Mwaamunama owo anyaanyiwa ni axinama a ntuphini, amurongheleke yoowoonihera ehanle ni kharwa aliva etthu. 14Mukina amooliha mwaamunama a mukhwaawe ni owo avulalihiwa hoye hoye akhwa ahikhanle muneene, yoole oolinghe aliveke. 15Muneene akhalawo, khoontthuneya oliviwa. Muneene aliviwa oolihihaka, yooliviwaawe enooliveleya ni yeeyo yeereiye ni mwaamunama.
Ikano mwaha wa soophwanela sa muloko
16Mulopwana amunyeenga mwaamwali oowiikosoopa ohitthomeriwe, anamukonano, vano aliveke nlivo nintheleliwa ni anaakhale mwaariye. 17Atithawe mwaamwali ole yaahitthuna omutheliha mulopwana, nlelo aliveke mulopwana owo nlivo na mwaamwali oowiikosoopa. 18Muhimuhiye mukhwiri ni okumi. 19Akhalaru mutthu onimukonano mwaamunama, iiviweke. 20Akhalaru mutthu aneera apakele sooveleela wakhalaru muluku mukina omuhiya Yave, aphwatiweke. 21Muhaahasule naari muhaahooxe anamarwa, niwoko nyuwo mwaaritho anamarwa wExipitu. 22Muhaahaawihe asinaamukhweli naari ikwaasuni. 23Mwaahaawiha ni awo yakikhuwelela, vekhaikhai kinoowaakhulela makhupanyowaaya. 24Onyoonyiwawaka onuukhale otokotoko ni kinoowiivasani ni ekatana. Axaarinyu eniithatuwe asinaamukhweli ni anamwaniinyu ikwaasuni. 25Vano mwamoolihiha musurukhu mutthu mmoha a atthwaaka ori oohaawa, muhikhale ntoko namakopiha; muhimunyeserere oliva musurukhu woopwahaxa. 26Mwaakhela mukaandyo wa mukhwiinyu ni ororomeliha, munghokoloxere ohinaanye wiila, 27niwoko mukaandyowaawe ti yoowiikhuneelaawe emoharu oraaweno. Aniikhuneele eheeni? Owo akikhuwelela, kinimwiiwa, niwoko Miyo ti a ikharari. 28Muhimveihe Muluku naari muhimulaphe muhooleli a mulokwaanyu. 29Muhikiimane sooveleela sa matathaanyu naari nipuronanyu noowaama iwuuva*. Mukitteelihere mwaanaanyu a ntthaara, 30ni matthaara a mihuwo sa imombe, ikhondoolo ni ipuri. Axaana mwaahiyeke ni amayaya wa mahuku mathanameeli, mene nihuku nanaathannaararu mukivaheke Miyo. 31Nyuwosa ti mulokwaaka wootteela. Muhikhuureru enama yoonyaanyiwa ni axinama a ntuphini; mwaavonyereke alapwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.