Okhuma 19
19
Ophiya wa aYixrayeli omwaako Sinayi
1Nihuku yaakwaniherasaaya nyeeri miraru aYixrayeli evennyeene wExipitu, yaaphiyasa nikare na oSinayi. 2Evennyeene oRefidimi, yaavolowa munikareni na oSinayi ni aYixrayeli yaakonelawo mukerekhere mwaako. 3Vano Moisesi aawela mwaako weera amukumaneno Muluku ni Yave aamwiitthana wa mwaako eeraka: “Mwaleele masu ala ekhapira ya Yakobe, aYixrayeli: 4“Nyuwo mohoona yeeyo kaapakenlaaka awExipitu ni moota kookuxalaakani mmapuphani mwa xaaka ni kooruuhalaakani wa Miyo. 5Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka, 6nyuwosa munookhala omwene wa asaserdoti* ni mulokwaaka wootteela.’ Mwaaleele masu ala aYixrayeli.” 7Vano Moisesi aahokolowa, anaawiitthana asitokweene a muloko ni aahaathalihera masu ootheene Yave aamulamulenlaawe ohima. 8Muloko wootheene waamwaakhula vamoha: “Hiyo nnoopaka sootheene Yave olamulenlaawe.” Hiiho Moisesi aamuronghela Yave yoowaakhulaaya. 9Yave aamweerela Moisesi: “Kinimoorwa wa nyuwo munihutteni nooriipihana weera muloko okiiwaka wuuluma, woororomeleni mahuku ootheene.” Vano Moisesi aamuthalihera Yave yoowaakhula ya muloko. 10Yave aamweerela Moisesi: “Murowe wa muloko ni mwatteelihe olelo ni omaalo. Awosa ecapeke soowarasaya 11weera ekhale oolikaneene munihukuni nanaararu. Nihuku nenenenno Yave onookhuruwela vamwaakoni Sinayi, muloko wootheene woonaka. 12Mwakhalihere mipika sirukureenreene mwaako ni mwaleele muloko: ‘Mwiipasoope weera muhiwele mwaako hoye hoye muhiphiye omenlaaya mwaako. Yoowo aneera aphiye vamwaako vekhaikhai iiviwe. 13Owo onoovonyiwa maluku hoye hoye onimwiiviwa ni nyuupa. Ahikhale aneera atave ni ntata. Hata mutthu, naari mwaamunama khankhala ni okumi. Paahi naruma nipalapatta awo eweleke vamwaako.’” 14Moisesi akhuruwakaru vamwaako, aatteeliha muloko ni awo yaacapa soowarasaya. 15Aaweerela atthu: “Mwiirehererele nihuku nanaararu ni muhikoneno axaarinyu.” 16Oxa wa nihukuni nanaararu saahoopa itari ni overinya ni mwaako waakhuneeliwa ni nihutte nooriipihana ni nipalapatta naaruma vancipalexa. Atthu ootheene a waakonelingwe yaathukumela ni woova. 17Moisesi aakhumihera muloko okerekhere wa waakoneliwe weera wakumane ni Muluku, ni awosa yaaheemela mukerekhere mwaako. 18Vano mwaako Sinayi waakhuneeleya ni mwiixi, niwoko Yave aakhuruwela vaavaawo ni malumi a mmooroni. Mwa yoowo waatthuwa mwiixi ntoko wa niikho ni mwaako wootheene waatetereya vancipale 19ni oruma wa nipalapatta wannapwaherera wiiwanyeyaxa. Vano Moisesi aahuuluma, ni Muluku aamwaakhula mutarini. 20Yave aakhuruwela vatthomelani wa mwaako Sinayi ni aamwiitthana Moisesi vasulu mwaako. Moisesi aawela 21ni Yave aamweerela: “Mukhuruwe ni mwawooperere atthu weera ehituphe mipika weera emoone Yave. Yeera hiiho, ancipale eniikhwe. 22Mpakatho asaserdoti* yaamwaattamelaka Yave yiitteeliheke weera Yave ahaaphwate.” 23Vano Moisesi aamwaakhula Yave: “Atthu khaangwera owela mwaako Sinayi, niwoko Nyuwo muneenaanyu moonooperera: ‘mukhalihe mipika sirukureenreene mwaako ni mweereleke wootteela.” 24Yave aamwaakhula: “Mukhuruwe ni munrwaane Aharoni. Vaheera asaserdoti* ni atthutho ehituphe mipika etthunaka owela wa Yave weera Yave ahaaphwate.” 25Vano Moisesi aakhuruwa, anooperera muloko.
Currently Selected:
Okhuma 19: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 19
19
Ophiya wa aYixrayeli omwaako Sinayi
1Nihuku yaakwaniherasaaya nyeeri miraru aYixrayeli evennyeene wExipitu, yaaphiyasa nikare na oSinayi. 2Evennyeene oRefidimi, yaavolowa munikareni na oSinayi ni aYixrayeli yaakonelawo mukerekhere mwaako. 3Vano Moisesi aawela mwaako weera amukumaneno Muluku ni Yave aamwiitthana wa mwaako eeraka: “Mwaleele masu ala ekhapira ya Yakobe, aYixrayeli: 4“Nyuwo mohoona yeeyo kaapakenlaaka awExipitu ni moota kookuxalaakani mmapuphani mwa xaaka ni kooruuhalaakani wa Miyo. 5Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka, 6nyuwosa munookhala omwene wa asaserdoti* ni mulokwaaka wootteela.’ Mwaaleele masu ala aYixrayeli.” 7Vano Moisesi aahokolowa, anaawiitthana asitokweene a muloko ni aahaathalihera masu ootheene Yave aamulamulenlaawe ohima. 8Muloko wootheene waamwaakhula vamoha: “Hiyo nnoopaka sootheene Yave olamulenlaawe.” Hiiho Moisesi aamuronghela Yave yoowaakhulaaya. 9Yave aamweerela Moisesi: “Kinimoorwa wa nyuwo munihutteni nooriipihana weera muloko okiiwaka wuuluma, woororomeleni mahuku ootheene.” Vano Moisesi aamuthalihera Yave yoowaakhula ya muloko. 10Yave aamweerela Moisesi: “Murowe wa muloko ni mwatteelihe olelo ni omaalo. Awosa ecapeke soowarasaya 11weera ekhale oolikaneene munihukuni nanaararu. Nihuku nenenenno Yave onookhuruwela vamwaakoni Sinayi, muloko wootheene woonaka. 12Mwakhalihere mipika sirukureenreene mwaako ni mwaleele muloko: ‘Mwiipasoope weera muhiwele mwaako hoye hoye muhiphiye omenlaaya mwaako. Yoowo aneera aphiye vamwaako vekhaikhai iiviwe. 13Owo onoovonyiwa maluku hoye hoye onimwiiviwa ni nyuupa. Ahikhale aneera atave ni ntata. Hata mutthu, naari mwaamunama khankhala ni okumi. Paahi naruma nipalapatta awo eweleke vamwaako.’” 14Moisesi akhuruwakaru vamwaako, aatteeliha muloko ni awo yaacapa soowarasaya. 15Aaweerela atthu: “Mwiirehererele nihuku nanaararu ni muhikoneno axaarinyu.” 16Oxa wa nihukuni nanaararu saahoopa itari ni overinya ni mwaako waakhuneeliwa ni nihutte nooriipihana ni nipalapatta naaruma vancipalexa. Atthu ootheene a waakonelingwe yaathukumela ni woova. 17Moisesi aakhumihera muloko okerekhere wa waakoneliwe weera wakumane ni Muluku, ni awosa yaaheemela mukerekhere mwaako. 18Vano mwaako Sinayi waakhuneeleya ni mwiixi, niwoko Yave aakhuruwela vaavaawo ni malumi a mmooroni. Mwa yoowo waatthuwa mwiixi ntoko wa niikho ni mwaako wootheene waatetereya vancipale 19ni oruma wa nipalapatta wannapwaherera wiiwanyeyaxa. Vano Moisesi aahuuluma, ni Muluku aamwaakhula mutarini. 20Yave aakhuruwela vatthomelani wa mwaako Sinayi ni aamwiitthana Moisesi vasulu mwaako. Moisesi aawela 21ni Yave aamweerela: “Mukhuruwe ni mwawooperere atthu weera ehituphe mipika weera emoone Yave. Yeera hiiho, ancipale eniikhwe. 22Mpakatho asaserdoti* yaamwaattamelaka Yave yiitteeliheke weera Yave ahaaphwate.” 23Vano Moisesi aamwaakhula Yave: “Atthu khaangwera owela mwaako Sinayi, niwoko Nyuwo muneenaanyu moonooperera: ‘mukhalihe mipika sirukureenreene mwaako ni mweereleke wootteela.” 24Yave aamwaakhula: “Mukhuruwe ni munrwaane Aharoni. Vaheera asaserdoti* ni atthutho ehituphe mipika etthunaka owela wa Yave weera Yave ahaaphwate.” 25Vano Moisesi aakhuruwa, anooperera muloko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.