Okhuma 18
18
Oxekura wa Yethero
1Vano Yethero, musaserdoti* a oMidiyani ni atatawe oowaathelela Moisesi, aasuwela sootheene Muluku aapakaawe mwa Moisesi ni wa muloko wa aYixrayeli ni moota Yave aakhumihalaawe aYixrayeli wExipitu. 2Moisesi aamuruma mwaariye, Zipora, vaate wa atatawe oowaathelela, Yethero, aamwaakhelenle 3vamoha ni anamwanaawe asilopwana eeli. Mmoha a yaawosa iitthaniwa Gerxomo, niwoko Moisesi eenre: “Koothatuwa namarwa mweelaponi ekina.” 4Mukina iitthaniwa Eliyezeri, niwoko eenre: “Muluku a atithaka aari namakhaviheraaka; ookivuluxa wa ekatana ya Farawu*.” 5Yethero, atatawe oowaathelela Moisesi, vamoha ni anamwanaawe ni mwaariye Moisesi, yaahoowa omukumanano munikareni aakonenlaawe, vakhiviru wa mwaako wa Muluku. 6Yethero aarumiha oleeliwa Moisesi: “Ti miyo, atatinyu oowaathelela, kineera kirwaaka wookumananani vamoha ni mwaarinyu ni anamwanaawe asilopwana eeli.” 7Vano Moisesi aahaaciceera atatawe, anuurama, anaabeeca. Yaahuulumihana, enavolowasa muheemani. 8Moisesi aahaathalihera atatawe sootheene Yave aampakenlaawe Farawu* ni awExipitu ngwaasivelani aYixrayeli ni sa makacamiho ootheene yaaweereela mphironi ni moota Yave aavulunxaawe. 9Yethero aahakalala woowiiwa itthu sooreera sootheene Yave aapakenlaawe aYixrayeli aavulunxaawe mmatatani mwa awExipitu. 10Aaheera: “Atthapeliwe Yave, mwa Yoowo oovuluxanseni mmatatani mwa awExipitu ni Farawu* ni ovulunxe muloko mmatatani mwa awExipitu. 11Vano koosuwela weera Yave ti mutokweene oopwaha miluku sootheene sikina, niwoko na yeeyo aapakenlaawe yaawo yaahasula aYixrayeli moota woowiixoona.” 12Yethero, atatawe Moisesi, yaampakela Muluku sooveleela soohisa ni sooveleela sikina. Vano Aharoni vamoha ni asitokweene ootheene a aYixrayeli yaahoorwa weera ece ni atatawe Moisesi vamaithoni wa Muluku.
Miruku sa Yethero
13Oxaawaya Moisesi aakilaathi weera athalihe mikhalelo sa muloko ni atthu yaamurukureera okhuma oxeexelo mpaka oxekuwa. 14Atatawe Moisesi, yoonaka sootheene aapakelaawe muloko, yaamweerela: “Nyuwo mumpakani? Munkilaathela heeni weera muthalihe nyuwo paahi muloko wootheene ola woorukureerakani okhuma oxeexelo mpaka oxekuwa?” 15Moisesi aawaakhula: “Muloko onkeerela va kimukohe Muluku. 16Imaara sootheene mukina omvalavelaawe ti ankiruuhelaaya ni miyo kinoolakela variyari wa ooweeli, kaathaliheraka ikano ni malamulo a Muluku.” 17Atatawe Moisesi yaamwaakhula: “Yeeyo mumpakaanyu kheereenre. 18Nyuwo ni mulokwaanyu munoovelasa. Muteko ola ti woowoolemelaxani – khoongwereya okhalela meekhiinyu. 19Mukiiweke – kinimoolakani ni Muluku akhaleke ni nyuwo. Ontthuneya weera mukhale muhooleli a muloko vamaithoni wa Muluku muroihaka wa Muluku soovalavelihasaya. 20Mwaaxuttihe mukanoni ni mmalamuloni ni ngwooniheraka moota wooweetta mookumuni ni mmutekoni. 21Mwaathanle variyari wa muloko wootheene asilopwana oowera, mwa yaawo ammoova Muluku, oororomeleya ni oothanya makhwankwa. Mwaakhalihase ntoko asitokweene a macira muloko, ncira, miloko mithanu ni muloko mmoha. 22Awosa ekhaleke aphuki a muloko mahuku ootheene weera ethorihe soovalaveliha. Yooruuhelekeni nyuwo paahi seiyo soorikaxa, vaheera sookhweyakhweya elakeleke asineenaaya. Hiiho eyo enooveruwiha mutekwaanyu, niwoko aakawana ni nyuwo. 23Mwapaka hiiho ni Muluku alamulela, munoowera ovilela olemela wa muteko ni atthu ootheene ala anoohokoleela owaani oohakalaleene.” 24Moisesi aahaakhulela miruku sa atatawe ni aapaka sootheene awo yaamuleenlaaya. 25Aahaathanla asilopwana oowera variyari wa aYixrayeli ootheene ni aahaakhaliha ntoko asitokweene a muloko; asitokweene a macira muloko, ncira, miloko mithanu ni muloko mmoha. 26Awosa yaakhala anamathoriha a muloko wa mahuku ootheene. Soovalaveliha soorikaxa yaamuronghela Moisesi, mene seiye sookhweyakhweya yaalakela asineenaaya. 27Vano Moisesi aahaalaxera atatawe ni Yethero aahokoleela elapwaawe.
Currently Selected:
Okhuma 18: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 18
18
Oxekura wa Yethero
1Vano Yethero, musaserdoti* a oMidiyani ni atatawe oowaathelela Moisesi, aasuwela sootheene Muluku aapakaawe mwa Moisesi ni wa muloko wa aYixrayeli ni moota Yave aakhumihalaawe aYixrayeli wExipitu. 2Moisesi aamuruma mwaariye, Zipora, vaate wa atatawe oowaathelela, Yethero, aamwaakhelenle 3vamoha ni anamwanaawe asilopwana eeli. Mmoha a yaawosa iitthaniwa Gerxomo, niwoko Moisesi eenre: “Koothatuwa namarwa mweelaponi ekina.” 4Mukina iitthaniwa Eliyezeri, niwoko eenre: “Muluku a atithaka aari namakhaviheraaka; ookivuluxa wa ekatana ya Farawu*.” 5Yethero, atatawe oowaathelela Moisesi, vamoha ni anamwanaawe ni mwaariye Moisesi, yaahoowa omukumanano munikareni aakonenlaawe, vakhiviru wa mwaako wa Muluku. 6Yethero aarumiha oleeliwa Moisesi: “Ti miyo, atatinyu oowaathelela, kineera kirwaaka wookumananani vamoha ni mwaarinyu ni anamwanaawe asilopwana eeli.” 7Vano Moisesi aahaaciceera atatawe, anuurama, anaabeeca. Yaahuulumihana, enavolowasa muheemani. 8Moisesi aahaathalihera atatawe sootheene Yave aampakenlaawe Farawu* ni awExipitu ngwaasivelani aYixrayeli ni sa makacamiho ootheene yaaweereela mphironi ni moota Yave aavulunxaawe. 9Yethero aahakalala woowiiwa itthu sooreera sootheene Yave aapakenlaawe aYixrayeli aavulunxaawe mmatatani mwa awExipitu. 10Aaheera: “Atthapeliwe Yave, mwa Yoowo oovuluxanseni mmatatani mwa awExipitu ni Farawu* ni ovulunxe muloko mmatatani mwa awExipitu. 11Vano koosuwela weera Yave ti mutokweene oopwaha miluku sootheene sikina, niwoko na yeeyo aapakenlaawe yaawo yaahasula aYixrayeli moota woowiixoona.” 12Yethero, atatawe Moisesi, yaampakela Muluku sooveleela soohisa ni sooveleela sikina. Vano Aharoni vamoha ni asitokweene ootheene a aYixrayeli yaahoorwa weera ece ni atatawe Moisesi vamaithoni wa Muluku.
Miruku sa Yethero
13Oxaawaya Moisesi aakilaathi weera athalihe mikhalelo sa muloko ni atthu yaamurukureera okhuma oxeexelo mpaka oxekuwa. 14Atatawe Moisesi, yoonaka sootheene aapakelaawe muloko, yaamweerela: “Nyuwo mumpakani? Munkilaathela heeni weera muthalihe nyuwo paahi muloko wootheene ola woorukureerakani okhuma oxeexelo mpaka oxekuwa?” 15Moisesi aawaakhula: “Muloko onkeerela va kimukohe Muluku. 16Imaara sootheene mukina omvalavelaawe ti ankiruuhelaaya ni miyo kinoolakela variyari wa ooweeli, kaathaliheraka ikano ni malamulo a Muluku.” 17Atatawe Moisesi yaamwaakhula: “Yeeyo mumpakaanyu kheereenre. 18Nyuwo ni mulokwaanyu munoovelasa. Muteko ola ti woowoolemelaxani – khoongwereya okhalela meekhiinyu. 19Mukiiweke – kinimoolakani ni Muluku akhaleke ni nyuwo. Ontthuneya weera mukhale muhooleli a muloko vamaithoni wa Muluku muroihaka wa Muluku soovalavelihasaya. 20Mwaaxuttihe mukanoni ni mmalamuloni ni ngwooniheraka moota wooweetta mookumuni ni mmutekoni. 21Mwaathanle variyari wa muloko wootheene asilopwana oowera, mwa yaawo ammoova Muluku, oororomeleya ni oothanya makhwankwa. Mwaakhalihase ntoko asitokweene a macira muloko, ncira, miloko mithanu ni muloko mmoha. 22Awosa ekhaleke aphuki a muloko mahuku ootheene weera ethorihe soovalaveliha. Yooruuhelekeni nyuwo paahi seiyo soorikaxa, vaheera sookhweyakhweya elakeleke asineenaaya. Hiiho eyo enooveruwiha mutekwaanyu, niwoko aakawana ni nyuwo. 23Mwapaka hiiho ni Muluku alamulela, munoowera ovilela olemela wa muteko ni atthu ootheene ala anoohokoleela owaani oohakalaleene.” 24Moisesi aahaakhulela miruku sa atatawe ni aapaka sootheene awo yaamuleenlaaya. 25Aahaathanla asilopwana oowera variyari wa aYixrayeli ootheene ni aahaakhaliha ntoko asitokweene a muloko; asitokweene a macira muloko, ncira, miloko mithanu ni muloko mmoha. 26Awosa yaakhala anamathoriha a muloko wa mahuku ootheene. Soovalaveliha soorikaxa yaamuronghela Moisesi, mene seiye sookhweyakhweya yaalakela asineenaaya. 27Vano Moisesi aahaalaxera atatawe ni Yethero aahokoleela elapwaawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.