1 aKorinto 9
9
Ikuru sa arummwa
1Nkihiyono neethi? Nkihiyono murummwa? Nkimoonne Yeesu Apwiyaahu? Khamuhiyono nyuwo soowiima sa mutekwaaka mwa Apwiya? 2Hata miyo kihikhalaka murummwa wa akina, vekhaikhai kiri wa nyuwo! Vano, nyuwo muri ethoonyero ya orummwawaka mwa Apwiya. 3Wu ti wiixaakihawaka ohoolo wa yaale ankithoriha. 4Khaninono hiyo ikuru sa oca ni owura? 5Khaninono hiyo ikuru sa omukuxa vamoha ni hiyo mwaara ori muKristu, ntoko ampakaaya arummwa akina, axunna a Apwiya ni Kefasi? 6Weeraka miyo ni Barnaba paahi nintthuneya ovara muteko weera nikhale? 7Taani ori nakhotto iilivaka mwaneenaawe? Taani omphatteiya ematta ya iwuuva* ni ohinca soowiimasaya? Taani onciha muhuwo ni ohingwura mukakaaya? 8Seiyo kinghimaaka khasihiyono soowuupuwelasaka paahi. Nlamulo khaninghima etthweene yeeyo? 9Vano, yoolempwa munlamuloni na Moisesi: “Ohitthuke eyano ya emombe elopwana enyikalaka inuku.” Weeraka Muluku oneeteteya va ni imombe? 10Khoohiyono vekhaikhai niwoko na hiyo Owo ohimmaawe yeeyo? Aani, yeeyo elempwe niwoko na hiyo. Niwoko yoowo onlima, alimeke ni nroromelo, ni yoowo onghepha, ahepheke ni nroromelo, weera eniyaakhele soohepha. 11Hiyo naala variyariwanyu mimiso sa mmunepani, waari wootepaxa oweherera weera niwaakheleni itthu sa vathi sawinyu? 12Yakhalano akina ikuru sa okhaviheriwa ni nyuwo, wootepaxa hiyo? Vano hiyo khanimvarela muteko ikuru iyo. Ohiyanawaya, ninnavilela sootheene weera nihooceelihe masu ooreeraxa. 13Khamusuwenle weera yaawo anrumeela Mpaani mwa Muluku anca itthu sa Empa ya Muluku, ni yaawo anrumeela valtaarini* anca mpatta yoowo amvahiwaaya valtaarini*? 14Moota hiiho, Apwiya ahaalamulela yaale anlaleiya masu ooreeraxa weera ekhale mwa masu ooreeraxa. 15Vano miyo nkivarenle muteko hata emoha ya ikurusene seiya. Hata nkinoolepelani kiwehereraka weera nyuwo munookivaha etthu. Niwoko fataari kikhwe ahinaaye mukina ocipiha ovuwawaka wu. 16Wa soothesene, miyo kaalaleiyaka masu ooreeraxa, nkintthuna wiivuwiha, niwoko koolamuliwa olaleiya masu ooreeraxa. Ii! Wa miyo kaahilaleiya masu ooreeraxa! 17Kaalaleiyaka ni otthunawaka, kookhalano ntthuvelo. Wa soothesene, woonaka weera koonyesererihiwa olaleiya, miyo kinkwanihera paahi ikuru seiyo kiroromelihiwaaka. 18Vano, ntthuvelonaka tinni? Paahi yeeyo: Olaleiya masu ooreeraxa wa mahalani, hiiho kihivarelaka muteko ikurusaka woolaleiyani. 19Kirookhalaru neethi wa ootheene, kohiipaka epottha ya ootheene weera kaawine atthu ancipale. 20Variyari wa aYuda kohiipaka ntoko muYuda weera kaawine aYuda. Kiri mweeraru miyo kihikhanle vathi wa nlamulo, wa yaawo ari vathi wa nlamulo kohiipaka ntoko kaakhanle vathitho, weera kaawine yaawo ari vathi wa nlamulo. 21Kiri mweeraru miyo kihikhanle neethi a nlamulo na Muluku, mene kiri vathi wa nlamulo na Kristu, kohiipaka ntoko oohikhala ni nlamulo wa yaawo ahikhanle ni nlamulo, weera kaawine yaawo. 22Wa yaawo oohilipa, kohiipaka ntoko oohilipa weera kaawine oohilipa. Kohiipaka sootheene wa ootheene weera ni mikhalelo sootheene mano kaavuluxe akina. 23Kimpaka sootheene seiyo niwoko na masu ooreeraxa, weera kaakhele mareeliho a masu ooreeraxa. 24Khamusuwenle weera ori mmoha paahi wa yaawo antthimaka mumpikisaanoni anaakhele ntthuvelo? Mutthimake mooteene yoowo weera muwine ntthuvelo. 25Ootheene yaawo ampaka mpikisaano, anniireherera vancipale weera ephwanye ecireemba yoowaakuva oriheya, mene hiyo ecireemba yoohimala. 26Wa hiihaawo, miyo nkintthimaka ntoko mutthu ohinsuwela onkelaawewo, ni nkingwana ntoko mutthu ommana epheyo. 27Kinuumaaliha erutthwaaka ni yeeyo kimpaka epotthaaka, weera kaalaleeraka akina, miyo mwaneenaka kihootheriwe etthu.
Currently Selected:
1 aKorinto 9: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
1 aKorinto 9
9
Ikuru sa arummwa
1Nkihiyono neethi? Nkihiyono murummwa? Nkimoonne Yeesu Apwiyaahu? Khamuhiyono nyuwo soowiima sa mutekwaaka mwa Apwiya? 2Hata miyo kihikhalaka murummwa wa akina, vekhaikhai kiri wa nyuwo! Vano, nyuwo muri ethoonyero ya orummwawaka mwa Apwiya. 3Wu ti wiixaakihawaka ohoolo wa yaale ankithoriha. 4Khaninono hiyo ikuru sa oca ni owura? 5Khaninono hiyo ikuru sa omukuxa vamoha ni hiyo mwaara ori muKristu, ntoko ampakaaya arummwa akina, axunna a Apwiya ni Kefasi? 6Weeraka miyo ni Barnaba paahi nintthuneya ovara muteko weera nikhale? 7Taani ori nakhotto iilivaka mwaneenaawe? Taani omphatteiya ematta ya iwuuva* ni ohinca soowiimasaya? Taani onciha muhuwo ni ohingwura mukakaaya? 8Seiyo kinghimaaka khasihiyono soowuupuwelasaka paahi. Nlamulo khaninghima etthweene yeeyo? 9Vano, yoolempwa munlamuloni na Moisesi: “Ohitthuke eyano ya emombe elopwana enyikalaka inuku.” Weeraka Muluku oneeteteya va ni imombe? 10Khoohiyono vekhaikhai niwoko na hiyo Owo ohimmaawe yeeyo? Aani, yeeyo elempwe niwoko na hiyo. Niwoko yoowo onlima, alimeke ni nroromelo, ni yoowo onghepha, ahepheke ni nroromelo, weera eniyaakhele soohepha. 11Hiyo naala variyariwanyu mimiso sa mmunepani, waari wootepaxa oweherera weera niwaakheleni itthu sa vathi sawinyu? 12Yakhalano akina ikuru sa okhaviheriwa ni nyuwo, wootepaxa hiyo? Vano hiyo khanimvarela muteko ikuru iyo. Ohiyanawaya, ninnavilela sootheene weera nihooceelihe masu ooreeraxa. 13Khamusuwenle weera yaawo anrumeela Mpaani mwa Muluku anca itthu sa Empa ya Muluku, ni yaawo anrumeela valtaarini* anca mpatta yoowo amvahiwaaya valtaarini*? 14Moota hiiho, Apwiya ahaalamulela yaale anlaleiya masu ooreeraxa weera ekhale mwa masu ooreeraxa. 15Vano miyo nkivarenle muteko hata emoha ya ikurusene seiya. Hata nkinoolepelani kiwehereraka weera nyuwo munookivaha etthu. Niwoko fataari kikhwe ahinaaye mukina ocipiha ovuwawaka wu. 16Wa soothesene, miyo kaalaleiyaka masu ooreeraxa, nkintthuna wiivuwiha, niwoko koolamuliwa olaleiya masu ooreeraxa. Ii! Wa miyo kaahilaleiya masu ooreeraxa! 17Kaalaleiyaka ni otthunawaka, kookhalano ntthuvelo. Wa soothesene, woonaka weera koonyesererihiwa olaleiya, miyo kinkwanihera paahi ikuru seiyo kiroromelihiwaaka. 18Vano, ntthuvelonaka tinni? Paahi yeeyo: Olaleiya masu ooreeraxa wa mahalani, hiiho kihivarelaka muteko ikurusaka woolaleiyani. 19Kirookhalaru neethi wa ootheene, kohiipaka epottha ya ootheene weera kaawine atthu ancipale. 20Variyari wa aYuda kohiipaka ntoko muYuda weera kaawine aYuda. Kiri mweeraru miyo kihikhanle vathi wa nlamulo, wa yaawo ari vathi wa nlamulo kohiipaka ntoko kaakhanle vathitho, weera kaawine yaawo ari vathi wa nlamulo. 21Kiri mweeraru miyo kihikhanle neethi a nlamulo na Muluku, mene kiri vathi wa nlamulo na Kristu, kohiipaka ntoko oohikhala ni nlamulo wa yaawo ahikhanle ni nlamulo, weera kaawine yaawo. 22Wa yaawo oohilipa, kohiipaka ntoko oohilipa weera kaawine oohilipa. Kohiipaka sootheene wa ootheene weera ni mikhalelo sootheene mano kaavuluxe akina. 23Kimpaka sootheene seiyo niwoko na masu ooreeraxa, weera kaakhele mareeliho a masu ooreeraxa. 24Khamusuwenle weera ori mmoha paahi wa yaawo antthimaka mumpikisaanoni anaakhele ntthuvelo? Mutthimake mooteene yoowo weera muwine ntthuvelo. 25Ootheene yaawo ampaka mpikisaano, anniireherera vancipale weera ephwanye ecireemba yoowaakuva oriheya, mene hiyo ecireemba yoohimala. 26Wa hiihaawo, miyo nkintthimaka ntoko mutthu ohinsuwela onkelaawewo, ni nkingwana ntoko mutthu ommana epheyo. 27Kinuumaaliha erutthwaaka ni yeeyo kimpaka epotthaaka, weera kaalaleeraka akina, miyo mwaneenaka kihootheriwe etthu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.