1 aKorinto 10
10
Ithoonyero sa mwaha wa aYixrayeli
1Axunnaka, muhittiwale weera makholowaahu ootheene yaari vathi vanihutteni, ni ootheene yaalapuwa mphareiyani. 2Mwa Moisesi, ootheene yaawo yaapatisiwa munihutteni ni mphareiyani. 3Ootheene yaaca yooca emoha ya mmunepani, 4ni yaawura maahi a mmunepani niwoko yaawura wa mwala wa mmunepani waahoola. Vano mwala ole waari Kristu. 5Wa soothesene, Muluku khaasiveliwa ni atthu ancipale a yaawo, tivawo mittembosaya saamwaramwareiyaaya munikareni. 6Itthu iye seereiye ntoko ethoonyerowaahu, weera nihihaawele itthu soonanara ntoko awo. 7Muhikhale atthu oolapa miluku soolokottha ntoko akina a yaawo. Vano yoolempwa: “Muloko waakilaathi weera oce ni owure, ni waaheemela weera wiine.” 8Nihiraruweke ntoko akina a yaawo, vano wa nihuku nimoha yaahookhwa atthu 23 000. 9Nihaatannyeke Apwiya ntoko akina a yaawo, vano yaahiiviwa ni inowa. 10Nitho nihittaandawule ntoko akina a yaawo, vano yaahiiviwa ni ndyelo oophwata. 11Itthu iye saaweereenle yaawo ntoko ethoonyero, ni saalempwa ntoko woopereriwawahu, mwa hiyo oniphiyenre ommaleloni wa ehuhu. 12Tivawo, yoole onuupuwela weera oolipa, iipasoope weera ahimore! 13Khamweereriwe nyuwo ohikhanle ni sooweereriwa sa omutthu. Muluku ti oororomeleya. Owo khantthunihera weera nyuwo mweereriwe opwaha yeeyo mungweraanyu ovilela. Vano, mweereriwa, Owo onimoovahani moota woowoopowa, weera muwere ovilela yooweereriwa.
Ifesta sa miluku soolokottha ni yooca ya Apwiya
14Tivawo, axunnaka oosiveleya, mutthawe wa olapa miluku soolokottha. 15Miyo kinuuluma ni atthu a miruku. Muupuwele nyuwo asineenaanyu yeeyo kinghimaaka. 16Ekoomixi ya nreeliho hiyo ninreelihaahu, kheehiyono wiiwanana ni ephome ya Kristu? Ni epaawu hiyo nimmeyanyaahu, kheehiyono wiiwanana ni erutthu ya Kristu? 17Woonaka weera eri epaawu emoharu, hiyo nri ancipale nri erutthu emoha, niwoko hiyo ootheene ninca epaawu emoharu yeeyo. 18Muupuwelele muloko wa aYixrayeli: Yaawo ankhuura ya enama yootteelihiwa valtaarini*, khaaniiwanana ni altaari*? 19Vano, kintthuna wooleelani eheeni? Enama yootteeliheriwa miluku soolokottha enoonihera etthu? Hoye hoye miluku soolokottha siri soottittimiheya? 20Hoye! Kintthuna ohima weera yeeyo amalapo antteelihaaya, ti yoovahiwa wa minepa soonanara, ohikhanle wa Muluku. Nkintthuna weera nyuwo mwiiwanane ni minepa soonanara. 21Nyuwo khamungwera owura ekoomixi ya Apwiya nitho ya minepa soonanara. Khamungwera wiiwanana vameesa a Apwiya nitho a minepa soonanara. 22Apaale hiyo nintthuna otannya nrima na Apwiya? Hiyo nri oolipa waapwaha Awo?
Otapuxeya wa muKristu
23Sootheene kootthuniheriwa,” mene khasihiyono sootheene weera siri sookireera. “Sootheene kootthuniheriwa,” mene khasihiyono sootheene weera siri soowaapuhiha atthu. 24Ootheene anaase mpuha wa mukina, khoohiyono wawaweru. 25Muceeke sootheene sinthumihiwa omerekadu, muhihovelaka etthu niwoko na ohovela wa mmurimanimwanyu, 26niwoko elapo ya vathi ni waattawaya wootheene ti wa Apwiya. 27Awiitthanelani yooca mutthu oohiroromela ni nyuwo mwatthuna orowa, muceeke sootheene mumvahiwaanyu, muhikohaka etthu niwoko na ohovela wa mmurimanimwanyu. 28Vano, mukina aweerelani: “Ela yoovahiwa wa miluku,” muhice, hiiho niwoko na mutthu ooleenleni, hiihotho niwoko na murima, 29eyo tiiyo murima wa mukina, ohikhanle wawinyu. Vano, heeni oneethaaka onthorihiwaaya ni mirima sa atthu akina? 30Miyo kaacaaka kixukuraka, heeni kinthorihiwaaka mwaha wa etthu wa yeeyo kixukurenlaaka? 31Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku. 32Mweette mooteene yoowo weera muhikwakwathuwe, hata aYuda, hata aGrego, hata ekerexa ya Muluku. 33Miyotho kinimweerera waasiveliha ootheene ni mikhalelo sootheene, niwoko nkinaasa mpuhaaka, mene mpuha wa atthu ancipale, weera evuluwe.
Currently Selected:
1 aKorinto 10: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
1 aKorinto 10
10
Ithoonyero sa mwaha wa aYixrayeli
1Axunnaka, muhittiwale weera makholowaahu ootheene yaari vathi vanihutteni, ni ootheene yaalapuwa mphareiyani. 2Mwa Moisesi, ootheene yaawo yaapatisiwa munihutteni ni mphareiyani. 3Ootheene yaaca yooca emoha ya mmunepani, 4ni yaawura maahi a mmunepani niwoko yaawura wa mwala wa mmunepani waahoola. Vano mwala ole waari Kristu. 5Wa soothesene, Muluku khaasiveliwa ni atthu ancipale a yaawo, tivawo mittembosaya saamwaramwareiyaaya munikareni. 6Itthu iye seereiye ntoko ethoonyerowaahu, weera nihihaawele itthu soonanara ntoko awo. 7Muhikhale atthu oolapa miluku soolokottha ntoko akina a yaawo. Vano yoolempwa: “Muloko waakilaathi weera oce ni owure, ni waaheemela weera wiine.” 8Nihiraruweke ntoko akina a yaawo, vano wa nihuku nimoha yaahookhwa atthu 23 000. 9Nihaatannyeke Apwiya ntoko akina a yaawo, vano yaahiiviwa ni inowa. 10Nitho nihittaandawule ntoko akina a yaawo, vano yaahiiviwa ni ndyelo oophwata. 11Itthu iye saaweereenle yaawo ntoko ethoonyero, ni saalempwa ntoko woopereriwawahu, mwa hiyo oniphiyenre ommaleloni wa ehuhu. 12Tivawo, yoole onuupuwela weera oolipa, iipasoope weera ahimore! 13Khamweereriwe nyuwo ohikhanle ni sooweereriwa sa omutthu. Muluku ti oororomeleya. Owo khantthunihera weera nyuwo mweereriwe opwaha yeeyo mungweraanyu ovilela. Vano, mweereriwa, Owo onimoovahani moota woowoopowa, weera muwere ovilela yooweereriwa.
Ifesta sa miluku soolokottha ni yooca ya Apwiya
14Tivawo, axunnaka oosiveleya, mutthawe wa olapa miluku soolokottha. 15Miyo kinuuluma ni atthu a miruku. Muupuwele nyuwo asineenaanyu yeeyo kinghimaaka. 16Ekoomixi ya nreeliho hiyo ninreelihaahu, kheehiyono wiiwanana ni ephome ya Kristu? Ni epaawu hiyo nimmeyanyaahu, kheehiyono wiiwanana ni erutthu ya Kristu? 17Woonaka weera eri epaawu emoharu, hiyo nri ancipale nri erutthu emoha, niwoko hiyo ootheene ninca epaawu emoharu yeeyo. 18Muupuwelele muloko wa aYixrayeli: Yaawo ankhuura ya enama yootteelihiwa valtaarini*, khaaniiwanana ni altaari*? 19Vano, kintthuna wooleelani eheeni? Enama yootteeliheriwa miluku soolokottha enoonihera etthu? Hoye hoye miluku soolokottha siri soottittimiheya? 20Hoye! Kintthuna ohima weera yeeyo amalapo antteelihaaya, ti yoovahiwa wa minepa soonanara, ohikhanle wa Muluku. Nkintthuna weera nyuwo mwiiwanane ni minepa soonanara. 21Nyuwo khamungwera owura ekoomixi ya Apwiya nitho ya minepa soonanara. Khamungwera wiiwanana vameesa a Apwiya nitho a minepa soonanara. 22Apaale hiyo nintthuna otannya nrima na Apwiya? Hiyo nri oolipa waapwaha Awo?
Otapuxeya wa muKristu
23Sootheene kootthuniheriwa,” mene khasihiyono sootheene weera siri sookireera. “Sootheene kootthuniheriwa,” mene khasihiyono sootheene weera siri soowaapuhiha atthu. 24Ootheene anaase mpuha wa mukina, khoohiyono wawaweru. 25Muceeke sootheene sinthumihiwa omerekadu, muhihovelaka etthu niwoko na ohovela wa mmurimanimwanyu, 26niwoko elapo ya vathi ni waattawaya wootheene ti wa Apwiya. 27Awiitthanelani yooca mutthu oohiroromela ni nyuwo mwatthuna orowa, muceeke sootheene mumvahiwaanyu, muhikohaka etthu niwoko na ohovela wa mmurimanimwanyu. 28Vano, mukina aweerelani: “Ela yoovahiwa wa miluku,” muhice, hiiho niwoko na mutthu ooleenleni, hiihotho niwoko na murima, 29eyo tiiyo murima wa mukina, ohikhanle wawinyu. Vano, heeni oneethaaka onthorihiwaaya ni mirima sa atthu akina? 30Miyo kaacaaka kixukuraka, heeni kinthorihiwaaka mwaha wa etthu wa yeeyo kixukurenlaaka? 31Tivawo, hata mucaaka, hata muwuraka, hata mupakaka sakhalaru itthu sikina, mupakeke soothesene mumvuwihaka Muluku. 32Mweette mooteene yoowo weera muhikwakwathuwe, hata aYuda, hata aGrego, hata ekerexa ya Muluku. 33Miyotho kinimweerera waasiveliha ootheene ni mikhalelo sootheene, niwoko nkinaasa mpuhaaka, mene mpuha wa atthu ancipale, weera evuluwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.