Tito 2
2
Maraghëëyo nëëvaghokee maburi hiya hiya mung'ë a kanisa
1Ëgweeso mwino kunë veve, Tito sëya në ënoneye u masëyo a tutë. 2Varaghëëye anyampaa vëtende vë moomo, vikurye veeso aghonjo, vëna mahaa. Veeso vëtende vëna uhuvëi nëunoneye, vëna uyanjo, vëtende akhamu gi mung'ë a ughimu. 3Varaghëëye akheikuu noo vëtende vëna ikuryo mu uduvi, vëtarighëëtye në mavë gwa antu vangëja, mba atughwa va ntui. Veeso inoneye usëya në maja, 4gusoko veeso vëasëye asungu uvayanja aghohi vawe nanë anaawe. 5Veeso vëufenjiwa vëgibale aghonjo, vineghe na uvë woong'e, nëvëdahëte ma mwawe nanë afoo. Veeso vëufenjiwa vinyumpye gwa aghosya vawe, gusoko ukhani wa Muungu wekeunang'anwa#2:5 Wekeunang'anwa: Urighetiwa vivë gusoko a ntendo nëmbë në itininoye. 6Viuyi noo varaghëëye aghosya nëvëtifichiye meakha makumi mutandatu vëgibale aghonjo. 7Mung'ë a mantu oong'e iraghëëre mughonjo wë gëloleyo gwa ntendo në njija. Na mung'ë a masëyo ako raghëëra uhuvëi nanë ntendo në njija. 8Itungo në veve ugusëya, sëya masëyo në atutë në gutie muntu nëuguyaenkenya, gusoko munyaufënga adahe goona mënyaa, na awuriye intu në ive ra uhanya kunë sese. 9Varaghëëye atughwa vinyumpye gwa aküü vawe na uvayanjisya veeso gwa mantu oong'e. Veeso vëtatende antu nëva nkhani mbë, 10aivi hela. Ëgweeso uvaraghëëra aküü vawe uhuvëi wa tutë tuutë, gusoko mu mantu oong'e veeso vëatende antu vëhunukwe masëyo a Muungu Mutyoi witu.
Mboto a Muungu Gusoko a Utyoi wa Antu Voong'e
11Gusoko Muungu waraghëërë mboto gusoko a utyoi wa antu voong'e. 12Mboto ësëë ëugusëyaa sese ukhana mantu nëëtiumuyanjisya Muungu na nkümbü ya mu urëmi. Kangë ëugusëyaa uduva uduvi në wagighiya, nëughokie na uduvi wa umuyanjisya Muungu mu urëmi urui. 13Sese gwindëe ighonje ritu nërëforiywe, itiku në Müküü Muungu witu nanë Mutyoi Yesu Kiristo ugudwëëra gwa üküü. 14Mweeso widwëëye mughonjo gusoko a ugutyoa sese ufuma mu uvaya woong'e na ugutenda sese antu në veru, antu vakwe mweeso mughonjo unë vëna nkümbü a utenda në maja.
15Righëëtya mantu ayaa; raghëëya na kenea gwa udaho woong'e. Muntu woong'e ataguhorye veve.
Currently Selected:
Tito 2: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.