Arumi 15
15
Vayanjisi ayanyu ti nyenye
1Uvii igunoneye sese nëgwina nguu uwuhora ulegheeku wawe nëvëtina nguu, mbesa itigunoneye gëyanjisya aghonjo. 2Mu muntu mukhatë itu na amuyanjisye munyafifë wakwe, ahange uja, ajengwe. 3Gusoko Kiristo noo naa iniyanjisya mughonjo, ëgweeso mwino yiandëkiwe, “Mahondo aawe nëvëgaguhonda veve ëgang'anga nene.” 4Gusoko oong'e nënaa atongeere gwandëkwa ëgandëkwa ëdahe ugusëya sese, gusoko gwa ughimëëyi na ufefeheeyi wa maandëko gudahe uhanga ndolyo. 5Na Muungu munya ughimëëyi na ufefeheeyi amutende mwina masëgho a itambëëmwe nyenye gwa nyenye, gwa nyinkhori amwa Kiristo Yesu, 6gusoko gwa nkhoo ëmwedu na gwa moomo rumwedu mudahe umukurya Muungu, Tata wamwa Müküü witu Yesu Kiristo.
Sayu Njija gwa antu voong'e
7Uvii mwighenyife nyenye gwa nyenye, mwino Kiristo noo nënaa agagughenyifa, gusoko Muungu akuriwe. 8Gusoko nguhanya, mwino Kiristo watendekie mutumami wa iraghano ra utowa ngovi gusoko a tutë a Muungu, adahe uyaraghëëra daaji maraghano nëvëgafewa vaa tata vitu. 9Kangë gusoko Ndughu yimukurye Muungu gusoko a mboto yakwe, mwino yiandëkiwe:
“Gwa uvii ngugurumba mukhatë a Ndughu,
Nëënoo ngurëëmbëa rina rako.”
10Na kangë uguhanya,
“Yanji, Ndughu, itambëëmwe na antu vayo,”
11Na kangë,
“Nyee Ndughu yoong'e, mukuri Müküü,
Nyee antu voong'e, müküri.”
12Na kangë Isaya uguhanya,
“Rëutendeka rërëfo itina ramwa Yese,
Na mweeso nëuguwukaa uyibala Ndughu,
Uu nëmweeso në Ndughu ijie umuhuvëa.”
13Uvii Muungu në musingi wa uhuvëi na amwijuye nyenye uyanjo woong'e na majëghana gwa uhuvëa, mudahe ufwaghëëra nanguu utenda mwina uhuvëi, mu nguu ya Mwahu Mweru.
Utumami wamwa Faulo
14Vaunaanë, nëmanyie nene mughonjo sayu yanyu mwino nyenye noo mwijue uja, mwijuywe mahaa oong'e, kangë muudaha gionya. 15Ëgweeso ngumwandëkëa, gwa ukhankhamaa nanguu mukeeti ëyëë, gwa umukumbukëya, gwa mboto ëyoo nënafewe na Muungu, 16gusoko nëtende në mutumami wamwa Yesu Kiristo mukhatë a antu va Ndughu, nëmëtendëe Sayu Nija a Muungu mwëmo wa ikumbëko, gusoko Ndughu yitendeke dahwa nëëgurumëëywa, tanju nëeriwa na Mwahu Mweru. 17Uvii, nina soko a gighooghonja fana Yesu Kiristo usonge a Muungu. 18Gusoko ntiusoya uhanya ukhani nëinaautendaa Kiristo gwa mwëmo wanë, Ndughu idahe ukwatëëra, gwa ukhani mbesa gwa ntendo. 19Gwa nguu ya ndolyo na matako, mu nguu ya Mwahu Mweru, faka ëgatendeka ufuma uYerusalemu, na umpeo umpeo ayo, faka Iliriko nadahie umëtanantyaa Sayu Njija amwa Kiristo gwa tutë tuutë. 20Uvii uvii ngikunkunyaya umëtanantya Sayu në Njija, tajëë nëtanantyee afoo fana rina ramwa Kiristo radahie uhanyiwaa, tajee nije ujenga gunto a musingi wa muntu ugëja, 21ëgweeso mwino yiandëkiwe:
“Vasaa nëvadëa utanantëywa
sayu yakwe vëgoona,
Na vasaa nëvina tegheeyaa
Sayu yakwe vëumanya.”
Mufango wamwa Faulo ugweenda uRumi
22Gusoko ësëë ngaghiiywa mëhënjo mingë nëkeuja kunë nyee. 23Ëgweeso itungwee gusoko ntikweti iyoma kangë ng'andë iyii, kangë udua mëakha mingë nëna nkumbu uja kunë nyee, 24itungo gëkaku nënguhanga muhënjo gwenda uHispania [nëjie kunë nyee]. Gusoko nëna ilengo ra umwoona nyenye mu muhënjo wane, nanë gwarëywa na nyenye mu muhënjo wasuu, nkhoo anë ikute kunë nyee nduvëëngë. 25Ëgweeso gwayo itungwee nooka uYerusalemu, sanguvatumamëa nëveeriywe, 26gusoko vayanjaa antu va uMakedonia na uAkaya uduya dahwa gusoko a antu va Muungu nëatuki ukoo uYerusalemu. 27Nhaa, vayanjie, kangë vatendie anya hirë vawe. Gusoko nësa Ndughu vakhuvëe itambëëmwe mantu awe a munkhoo, ivanoneye uvatumamëa gwa mantu awe a mwëërë. 28Uvii nënaudaha mwëmo wasuu, na uvarümba gwa ng'angu ësëë, ngukëëra kunë nyee, në ninjë uHispania. 29Neenoo nëmanyie mwino nënaja kunë nyee nëjie gwa mboto nëëkhondekie amwa Kiristo.
30Vaunaanë, ngumunena gusoko a Müküü witu Yesu Kiristo, na gwa uyanjo wa Mwahu, ikunkunyayi itambëëmwe nanëë mu marombi anyu kunë Muungu gusoko ane. 31Nombei nëtyowe ufuma guvasaa nëvëtihuvëe mu uYahudi, na kangë utumami wanë ukoo uYerusalemu urumëëyëke kunë aruna vitu, 32nëdahe ufika kunë nyee gwa uyanjo, mwino uyanjëte Muungu, nëdahe utuya itambëëmwe na nyee. 33Muungu wa majëghana na atendeke itambëëmwe na nyee nyoong'e. Amina.
Currently Selected:
Arumi 15: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Arumi 15
15
Vayanjisi ayanyu ti nyenye
1Uvii igunoneye sese nëgwina nguu uwuhora ulegheeku wawe nëvëtina nguu, mbesa itigunoneye gëyanjisya aghonjo. 2Mu muntu mukhatë itu na amuyanjisye munyafifë wakwe, ahange uja, ajengwe. 3Gusoko Kiristo noo naa iniyanjisya mughonjo, ëgweeso mwino yiandëkiwe, “Mahondo aawe nëvëgaguhonda veve ëgang'anga nene.” 4Gusoko oong'e nënaa atongeere gwandëkwa ëgandëkwa ëdahe ugusëya sese, gusoko gwa ughimëëyi na ufefeheeyi wa maandëko gudahe uhanga ndolyo. 5Na Muungu munya ughimëëyi na ufefeheeyi amutende mwina masëgho a itambëëmwe nyenye gwa nyenye, gwa nyinkhori amwa Kiristo Yesu, 6gusoko gwa nkhoo ëmwedu na gwa moomo rumwedu mudahe umukurya Muungu, Tata wamwa Müküü witu Yesu Kiristo.
Sayu Njija gwa antu voong'e
7Uvii mwighenyife nyenye gwa nyenye, mwino Kiristo noo nënaa agagughenyifa, gusoko Muungu akuriwe. 8Gusoko nguhanya, mwino Kiristo watendekie mutumami wa iraghano ra utowa ngovi gusoko a tutë a Muungu, adahe uyaraghëëra daaji maraghano nëvëgafewa vaa tata vitu. 9Kangë gusoko Ndughu yimukurye Muungu gusoko a mboto yakwe, mwino yiandëkiwe:
“Gwa uvii ngugurumba mukhatë a Ndughu,
Nëënoo ngurëëmbëa rina rako.”
10Na kangë uguhanya,
“Yanji, Ndughu, itambëëmwe na antu vayo,”
11Na kangë,
“Nyee Ndughu yoong'e, mukuri Müküü,
Nyee antu voong'e, müküri.”
12Na kangë Isaya uguhanya,
“Rëutendeka rërëfo itina ramwa Yese,
Na mweeso nëuguwukaa uyibala Ndughu,
Uu nëmweeso në Ndughu ijie umuhuvëa.”
13Uvii Muungu në musingi wa uhuvëi na amwijuye nyenye uyanjo woong'e na majëghana gwa uhuvëa, mudahe ufwaghëëra nanguu utenda mwina uhuvëi, mu nguu ya Mwahu Mweru.
Utumami wamwa Faulo
14Vaunaanë, nëmanyie nene mughonjo sayu yanyu mwino nyenye noo mwijue uja, mwijuywe mahaa oong'e, kangë muudaha gionya. 15Ëgweeso ngumwandëkëa, gwa ukhankhamaa nanguu mukeeti ëyëë, gwa umukumbukëya, gwa mboto ëyoo nënafewe na Muungu, 16gusoko nëtende në mutumami wamwa Yesu Kiristo mukhatë a antu va Ndughu, nëmëtendëe Sayu Nija a Muungu mwëmo wa ikumbëko, gusoko Ndughu yitendeke dahwa nëëgurumëëywa, tanju nëeriwa na Mwahu Mweru. 17Uvii, nina soko a gighooghonja fana Yesu Kiristo usonge a Muungu. 18Gusoko ntiusoya uhanya ukhani nëinaautendaa Kiristo gwa mwëmo wanë, Ndughu idahe ukwatëëra, gwa ukhani mbesa gwa ntendo. 19Gwa nguu ya ndolyo na matako, mu nguu ya Mwahu Mweru, faka ëgatendeka ufuma uYerusalemu, na umpeo umpeo ayo, faka Iliriko nadahie umëtanantyaa Sayu Njija amwa Kiristo gwa tutë tuutë. 20Uvii uvii ngikunkunyaya umëtanantya Sayu në Njija, tajëë nëtanantyee afoo fana rina ramwa Kiristo radahie uhanyiwaa, tajee nije ujenga gunto a musingi wa muntu ugëja, 21ëgweeso mwino yiandëkiwe:
“Vasaa nëvadëa utanantëywa
sayu yakwe vëgoona,
Na vasaa nëvina tegheeyaa
Sayu yakwe vëumanya.”
Mufango wamwa Faulo ugweenda uRumi
22Gusoko ësëë ngaghiiywa mëhënjo mingë nëkeuja kunë nyee. 23Ëgweeso itungwee gusoko ntikweti iyoma kangë ng'andë iyii, kangë udua mëakha mingë nëna nkumbu uja kunë nyee, 24itungo gëkaku nënguhanga muhënjo gwenda uHispania [nëjie kunë nyee]. Gusoko nëna ilengo ra umwoona nyenye mu muhënjo wane, nanë gwarëywa na nyenye mu muhënjo wasuu, nkhoo anë ikute kunë nyee nduvëëngë. 25Ëgweeso gwayo itungwee nooka uYerusalemu, sanguvatumamëa nëveeriywe, 26gusoko vayanjaa antu va uMakedonia na uAkaya uduya dahwa gusoko a antu va Muungu nëatuki ukoo uYerusalemu. 27Nhaa, vayanjie, kangë vatendie anya hirë vawe. Gusoko nësa Ndughu vakhuvëe itambëëmwe mantu awe a munkhoo, ivanoneye uvatumamëa gwa mantu awe a mwëërë. 28Uvii nënaudaha mwëmo wasuu, na uvarümba gwa ng'angu ësëë, ngukëëra kunë nyee, në ninjë uHispania. 29Neenoo nëmanyie mwino nënaja kunë nyee nëjie gwa mboto nëëkhondekie amwa Kiristo.
30Vaunaanë, ngumunena gusoko a Müküü witu Yesu Kiristo, na gwa uyanjo wa Mwahu, ikunkunyayi itambëëmwe nanëë mu marombi anyu kunë Muungu gusoko ane. 31Nombei nëtyowe ufuma guvasaa nëvëtihuvëe mu uYahudi, na kangë utumami wanë ukoo uYerusalemu urumëëyëke kunë aruna vitu, 32nëdahe ufika kunë nyee gwa uyanjo, mwino uyanjëte Muungu, nëdahe utuya itambëëmwe na nyee. 33Muungu wa majëghana na atendeke itambëëmwe na nyee nyoong'e. Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.