Arumi 14
14
Utamuramuëye munyandughu wako
1Wasuu nëmulegheeku wa uhuvëi, mughenyifi, ëgweeso mutaramuëyee masëgho akwe. 2Muntu umwe wina uhuvëi, ugula mantu oong'e, ëgweeso wasuu nëmulegheeku mu huvëi nyanyi ya ikhonda, 3Wasuu nëugulaa atamuhoryee wasuu nëatiulaa, gweesonoo wasuu nëatiulaa atamuramuëyee wasuu nëugulaa, gusoko Muungu wamuyanjëye. 4Veve wëë anyu nëugumuramuëya mutumami wa muntu ungëjahe? Kunë müküü wakwe mughonjo mweeso ugimëkaa mbesa ugugwaa.
5Muntu umwe ugutendaa hiya mukhatë a itiku na itiku, ungëja uguoonaa matiku oong'e mwino ikhwete. Mu muntu na imanye vija mu mahaa akwe mughonjo. 6Wasuu nëugurëkuryaa itiku, ugurëkuryaa kunë Müküü, na wasuu nëugulaa ugulaa kunë Müküü, gusoko ugumurumba Muungu, kangë nëatiulaa, atiulaa kunë Müküü, mweeso noo ugumurumba Muungu. 7Gusoko gutie muntu mukhatë anyu nëuguduvaa gwa nkhoo akwe, ëgweeso noo gutie nëugukuyaa gwa nkhoo akwe. 8Gusoko mbesa guunduva, guudura kunë Müküü, mbesa guukuya, guukuya kunë Müküü. Uvii mbesa guuduva namba gwakuya, gwëë mari a Müküü. 9Gusoko Kiristo agakuya agatenda mufanga kangë gusoko ëyëë, avibale nëvakure nanë afanga noo.
10Ëgweeso veve wurëhe? asikë nëugumuramuëya munyandughu wako? Mbesa veve wurëhe! njuuchuu ugumuhorya munyandughu wako? Gusoko sese soong'e gujie gimëka usonge a itumbë ra iramuëyo ra Muungu. 11Gusoko yiandëkiwe:
“Mwino nguduvaa, uguhanya Müküü,
mu iru rëutungama usonge anë,
Na mu urëmë ugumukumua Muungu,”
12Gwa uvii, mu muntu mukhatë itu ujie uduya sayu yakwe mughonjo usonge a Muungu.
Utamusache munyandughu wako agwe
13Uvii gutafwaghëëree giramuëya, ëgweeso bahu duyi iramuëya ërëë, muntu atatendëë intu ra umusacha munyandughu wakwe mbesa ra umugwësya. 14Nene nëmanyie, kangë nene nëraghëërwe tuutë tutë mukhatë a Müküü Yesu, mwino gutie intu në ivaya gwa ntundo akwe, ëgweeso gwa wasuu nëugurëonaa intu ivaya, gwa muntu wasuu intu rasëë ivaya. 15Na munyadughu wako nëwahangwa na uvavi gusoko a malëwa warekaa gwenda mu uyanjo. Gwa malëwa ako utamuruvangee muntu uyoo në Kiristo agakuya gusoko akwe. 16Uvii, uja wanyu wasuu utarighëtiwee gwa ubë. 17Gusoko utemi wa Muungu tiësa ula na unywa, ëgweeso unë tutë na majëghana na uyanjo mu Mwahu Mweru. 18Gusoko wasuu nëugumutumëa Kiristo mu mantu asaa ugumuyanjisyaa Muungu, kangë uguyanjwa na anaantu.
19Uvii nësa chuu gwëë vii, nëguahonge mantu a majëghana na mantu nëënoneye gwa gijenga. 20Gusoko a ilëwa utauruvangee mwëmo wa Muungu. Tutë oong'e maja, ëgweeso uu gubë gwa muntu nëugulaa na gisacha. 21Në guja udëa ula nyama mbesa unywa divai mbesa utenda intu gëkaku gwa rasëë në munyandughu wako ugugwësiwa. 22Uhuvëi wasuu nëuwukweti sauwukweti munkhoo ako usonge a Muungu. Aforiwe muntu wasuu nëatiumëramuëyaa nkhoo akwe mu ukhani wasuu nëuguurumëëya. 23Ëgweeso nëwina wisaghasaghëi, mbesa ale, waramuëywaa wina ihutye, gusoko inala gwa uhuvëi. Na muu rasëë nërëtendie nërëtidwëëre mu uhuvëi unë ihutye.
Currently Selected:
Arumi 14: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Arumi 14
14
Utamuramuëye munyandughu wako
1Wasuu nëmulegheeku wa uhuvëi, mughenyifi, ëgweeso mutaramuëyee masëgho akwe. 2Muntu umwe wina uhuvëi, ugula mantu oong'e, ëgweeso wasuu nëmulegheeku mu huvëi nyanyi ya ikhonda, 3Wasuu nëugulaa atamuhoryee wasuu nëatiulaa, gweesonoo wasuu nëatiulaa atamuramuëyee wasuu nëugulaa, gusoko Muungu wamuyanjëye. 4Veve wëë anyu nëugumuramuëya mutumami wa muntu ungëjahe? Kunë müküü wakwe mughonjo mweeso ugimëkaa mbesa ugugwaa.
5Muntu umwe ugutendaa hiya mukhatë a itiku na itiku, ungëja uguoonaa matiku oong'e mwino ikhwete. Mu muntu na imanye vija mu mahaa akwe mughonjo. 6Wasuu nëugurëkuryaa itiku, ugurëkuryaa kunë Müküü, na wasuu nëugulaa ugulaa kunë Müküü, gusoko ugumurumba Muungu, kangë nëatiulaa, atiulaa kunë Müküü, mweeso noo ugumurumba Muungu. 7Gusoko gutie muntu mukhatë anyu nëuguduvaa gwa nkhoo akwe, ëgweeso noo gutie nëugukuyaa gwa nkhoo akwe. 8Gusoko mbesa guunduva, guudura kunë Müküü, mbesa guukuya, guukuya kunë Müküü. Uvii mbesa guuduva namba gwakuya, gwëë mari a Müküü. 9Gusoko Kiristo agakuya agatenda mufanga kangë gusoko ëyëë, avibale nëvakure nanë afanga noo.
10Ëgweeso veve wurëhe? asikë nëugumuramuëya munyandughu wako? Mbesa veve wurëhe! njuuchuu ugumuhorya munyandughu wako? Gusoko sese soong'e gujie gimëka usonge a itumbë ra iramuëyo ra Muungu. 11Gusoko yiandëkiwe:
“Mwino nguduvaa, uguhanya Müküü,
mu iru rëutungama usonge anë,
Na mu urëmë ugumukumua Muungu,”
12Gwa uvii, mu muntu mukhatë itu ujie uduya sayu yakwe mughonjo usonge a Muungu.
Utamusache munyandughu wako agwe
13Uvii gutafwaghëëree giramuëya, ëgweeso bahu duyi iramuëya ërëë, muntu atatendëë intu ra umusacha munyandughu wakwe mbesa ra umugwësya. 14Nene nëmanyie, kangë nene nëraghëërwe tuutë tutë mukhatë a Müküü Yesu, mwino gutie intu në ivaya gwa ntundo akwe, ëgweeso gwa wasuu nëugurëonaa intu ivaya, gwa muntu wasuu intu rasëë ivaya. 15Na munyadughu wako nëwahangwa na uvavi gusoko a malëwa warekaa gwenda mu uyanjo. Gwa malëwa ako utamuruvangee muntu uyoo në Kiristo agakuya gusoko akwe. 16Uvii, uja wanyu wasuu utarighëtiwee gwa ubë. 17Gusoko utemi wa Muungu tiësa ula na unywa, ëgweeso unë tutë na majëghana na uyanjo mu Mwahu Mweru. 18Gusoko wasuu nëugumutumëa Kiristo mu mantu asaa ugumuyanjisyaa Muungu, kangë uguyanjwa na anaantu.
19Uvii nësa chuu gwëë vii, nëguahonge mantu a majëghana na mantu nëënoneye gwa gijenga. 20Gusoko a ilëwa utauruvangee mwëmo wa Muungu. Tutë oong'e maja, ëgweeso uu gubë gwa muntu nëugulaa na gisacha. 21Në guja udëa ula nyama mbesa unywa divai mbesa utenda intu gëkaku gwa rasëë në munyandughu wako ugugwësiwa. 22Uhuvëi wasuu nëuwukweti sauwukweti munkhoo ako usonge a Muungu. Aforiwe muntu wasuu nëatiumëramuëyaa nkhoo akwe mu ukhani wasuu nëuguurumëëya. 23Ëgweeso nëwina wisaghasaghëi, mbesa ale, waramuëywaa wina ihutye, gusoko inala gwa uhuvëi. Na muu rasëë nërëtendie nërëtidwëëre mu uhuvëi unë ihutye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.