Filimoni 1

1Faulo, mutungwa gusoko amwa Kiristo Yesu, nanë Timoteo muuna witu, kunë Filimoni muyanjwi witu mutenda mwëmo muyitu, 2na gwa Afia muhaja witu na Arikifo musikee muyitu, na Kanisa ra unyumba ako: 3Mboto ikhae nanyee na majëghana ufuma kunë Muungu Tata witu na kunë Müküü Yesu Kiristo.

Uyanjo na uhuvëi wamwa Filemoni

4Nene ngumurumba Muungu wane matiku oong'e itungo ninagukumbukwa veve mungë a marombi ane, 5gusoko në ntegheeye uyanjo wako na uhuvëi në ukweti kunë Müküü Yesu na gwa antu voong'e va Muungu, 6na nguromba mwino ukhuvëi wako wa uhuvëi, udahe uhumbua umanyi wa mantu oong'e në maja në itu kunë Kiristo. 7Gusoko nëkweti uyanjo üküü na ufefeheyi ufuma guuyanjo wako, muunane gusoko nkhoo ya antu va Muungu yaryuchwa ukërëa kunë veve.

Irombi gusoko amwa Onesimo

8Gusoko ëyëë nëkweti udaho në ukhondie, mukhatë amwa Kiristo, uguraghëëya veve utende nërënoneye. 9Ëgweeso gusoko a uyanjo nëuguromba veve nene, Faulo, mnyampaa na itungweenoo në mutungwa gusoko amwa Kiristo Yesu. 10Nguguromba veve gusoko a mwanane, Onesimo, ninaiye tata wakwe nenamuhangie muitungwa rane. 11Hafo khae mweeso arë atiuguarëya veve mpa nduvë ëgweeso itungwee uguguarëya ti veve gutufu ëgweeso në nenenoo. 12Nene ninamutumie mweeso kunë veve, mweeso në nkhoo anë mughonjo. 13Aja nguyanja ikhae ginakwe, hafai anjarëye agufandatëye vee itungo ërëi nëkëë ngugëtungo gusoko a Sayu në Njija. 14Ëgweeso nene ntinayanjaa utenda intu mba rëmwe ëgweeso gwa iyanji rako gusoko uja wako utadahe utenda wa gëonye ëgweeso gwa iyanje rako.

15Fangëja ëyëë në soko në mweeso wabaghuwe ufuma kunë veve gwa itungo rëkufëi, gusoko veve mudahe uja gëkhaa kangë mwinakwe khae na khae. 16Ufuma itungwee mweeso timutughwa ëgweeso ukëa mutughwa mweeso ntimutughwa gutufu, ëgweeso wë mwë muunaanë muyanjwi, kunë nene ino ëgweeso kunë veve gutambukie go mu mwëërë na kunë Müküü. 17Uvii nëmbesa veve wanyona nene në muyako, mughënyife mweeso mwino chu veve udahëte ung'ënyife nene. 18Nëmbesa mweeso waguivie gëntu koong'e nampa ukweti hirë mpaimwedu kunë veve, umëandëke asëë kunë nene. 19Nene, Faulo, ngwandëka vii na mukhono wane mughonjo, nene ngurëfa. Nene ntiuhanya gëntu mpa gëmwedu mpa nene nëkweti hirë ankhoo ako mughonjo. 20Nhaa, muunane, ngufenja veve utendee uyii gusoko a Müküü. Leghecha nkhoo ane mukhatë amwa Kiristo.

21Nëhuvëe tütë mwino chu veve winamwighuyo, veve ugutenda mwino chu naguroba na tütë nëmanyie mwino chu veve uguteda na utambukëya nambesa asaa nënayaromba. 22Gwa itungo ërëëro ghondanëya uroo gusoko ane, gusoko nëhuvëe gwa marombi anyu mudaha uyanjëywa nëje kunë nyenye.

Iramucho ra umpeo

23Efafura në ugugëtungo ginakwe gusoko amwa Kiristo Yesu, ugumuracha nyenye, 24na viuyi atenda mwëmo auyane vaa Mariko, Arisitoriko, Dema na Luka. 25Mboto a Müküü Yesu Kiristo itendeke itambëëmwe nanyee nyoong'e.

Currently Selected:

Filimoni 1: RNT

Highlight

Copy