3 Yohana 1
1
1Munyampaa kunë Gayo në muyanjwi, unë nene nëguyanjëte mu tutë. 2Muyanjwi, nene nguromba mwino oong'e ëdahe utendeka maja itambëëmwe na veve na mwino veve udahe utendeka wë mufanga. Nene nëmanyie mwino nkhoo noo mpanga. 3Gusoko nene nëgayanja ino narë aruna vëgëtunga vafika na vëgasudangëa tutë a uduvi wako, mwino tutë veve umëhongie tutë. 4Gutie udaho në üküü nanguu në nene ngudaha uwuhanga ukëra uruu, utegheeya mwino anaane vëmëhongie tutë.
Gayo Ugurumbwa
5Ayanjwi, nyenye mwë ahuvëri gwa rasëë në nyenye murëtenedaa itungo në nyenye muvarëëya aruna vitu, ino aghenyi. 6Veeso vadahie usudangëa uyanjo wako usonge a Kanisa. Veve winjë utenda vija në wenda uvaarëya mung'ë a muhënjo wawe gusoko rasëë rënoneye usonge a Muungu.
7Gusoko veeso vadahie utenda muhënjo gusoko amwa Kiristo na vinaghenyifaa intu ufuma antu va ndughu ingëja. 8Uvii, sese igunoneye uvaarëya antu mwino vasaa, uvii sese gudahe utendeka anya utenda mwëëmo mung'ë a tutë.
Diotirefe nanë Dimetirio
9Nene nadahie gwandëka gwa Kanisa. Ëgweeso Diotirefe, nëugufenjaa gitongeya usonge, atiufenja umanya udaho wane. 10Uvii nësa nene naja, ninjë uyavëka mu weru asaa në mweeso ugutendaa. Mweeso ugufunyaa nkhani ya ufutu hiya nanee gwa urighëëtya nkhani në mbë. Na mweeso atiufikëa faafo gutufu, mweeso mughonjo uguhitaa uvaghenyifa ahuvëi, na noo ugwaghëëya avoo unë vëufenja uvaghenyifa na uvabaghua na Kanisa.
11Ayanjwi, mutagikhwanëye uvë, ëgweeso gikhwaneyi uja. Mweeso unë ugutendaa në maja në wa Muungu. Mweeso nëugutenda në mavë inamwonaa Muungu.
12Mu muntu ugusudangëa Demetirio, nanë ufuma tutë njeeso. Nene noo ngumusudangëa, na veve umanyie usudanga wane në wa tutë.
Maramucho a umpeo
13Nene nëkweti ming'ë a umwandëkëa nyenye, ëgweeso nene aja ntiufenja gwandëka gwa kalamu na wino. 14Nene nëna nküümbu a umwona nyenye matiku a fife, na gwinjë urighëëtya itambëëmwe usyu gwa usyu.
15Majëghana ëtëndeke kunë nyenye. Anyambuya vitu voong'e vëumuramucha nyenye. Varamuchi anyambuya vitu, mu muntu na rina rakwe.
Currently Selected:
3 Yohana 1: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.