1 Fetero 5
5
Kanisa Mwino Iburi Nërëmughokee Muungu
1Uvii nene ngumunena anyampaa mukhatë anyu, mwino munyampaa muyanyu. Nene në masudanga wa makhasëko amwa Kiristo na mukhuvëi wa üküü në winjë ukunukuwa. 2Rëghoji iburi ra Muungu në wamufie nyenye mutende mwë aghoji. Tendi vii ti gwa guumëëya ëgweeso gwa uyanjo. Ti gwa ufenja gënyamwëmo ga mënyaa ëgweeso gwa uvaarëya veeso. 3Mutavibale vasaa në Muungu wamufie nyenye mwaghoje ëgweeso nyenye mutende mwë winkhori gwa iburi. 4Na itungo në Mudëmi në müküü wadwëëra nyenye mwinjë ufewa ngaa a üküü në utiunyaa. 5Viuyi viuyi nyenye në mwë abalanda vakurii anyampaa. Yai aghonjo, nyenye nyoong'e, itambëëmwe na wiyumpii usonge a muntu na muntu muuya, gusoko, “Muungu uguvafëngaa anyagëdida, ëgweeso uguvafaa mboto anyaginyumpya.”
6Gwa uvii inyumpii aghonjo fang'ë a mukhono wa Muungu në wina nguu, vii mweeso adahe umuhumbua nyenye gwa itungo nërënoneye. 7Vëki malwe anyu oong'e kunë mweeso, gusoko umukeere nyenye. 8Ighoji, na muriye. Murughu wanyu ibilisi ugufimëyaa mwino ng'imba nëukhooma, ëgufenja muntu ëmumire. 9Mufëngi mweeso, imëki sësë mung'ë a uhuvëi wanyu, sa mumanyie mwino makhasëko ayayo ayayo ëguvahangaa aruna anyu mu urëmi woong'e. 10Na në nyenye mwadaha uvaara gwa itungo ikufë, Muungu në wina mboto yoong'e, në mweeso wamwëtanie nyenye mukhuvëe mu üküü wakwe wa khae na khae gwa ukhuvëa na Kiristo winjë umutenda mukhondekeke, amutende mwakhamu gi na ende umufa nguu. 11Kunë mweeso ëtendeke wibali khae na khae. Amini.
Maramucho a Mpeo
12Gwa njëa amwa Silasi, munaane në muhuvëi na mwino nene nëmumanyie mweeso, nene namwandëkëe gwa nkhani nkei, ngumunena na ngutanantya mwino ëyëë në mboto a tutë a Muungu. Imëki sësë mukhatë ayo. 13Kanisa ra u Babeli në rë mwino muhaja kunë nyenye në Muungu warëhwaniye, rëutuma maramucho kunë nyenye. Na uvii mwanane Mariko ugumuramucha. 14Iramuchi mu muntu na muyakwe gwa uyanjo wa gënyandughu.
Majëghana kunë nyee nyoong'e në mwë mukhatë amwa Kiristo.
Currently Selected:
1 Fetero 5: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.