Psalm 98
98
God, Leum Lun Faclu
1Yuk soko on sasu nu sin LEUM GOD,
Tu El oru ma wolana!
Ke ku lal a ke mutal lal
El eis kutangla.
2 LEUM GOD El fahkak kutangla lal,
El fahkak ku in molela lal nu sin mutanfahl uh.
3El esam wulela lal nu sin mwet Israel
Ke inse pwaye ac lungse kawil lal nu selos.
Mwet in acn nukewa elos liye kutangla lun God lasr.
4On ke engan nu sin LEUM GOD, faclu nufon;
Kaksakunul ke pusren on, ac sasa ke engan.
5On ac kaksakin LEUM GOD.
Fahkak pusren on ke harp u.
6Uk mwe ukuk,
A sasa ke engan nu sin LEUM GOD, su tokosra lasr.
7Lela meoa in ngirngir, a ma nukewa loac,
Faclu in on, a elos su muta fac!
8Lela infacl u in paspas,
A eol u in tukeni on ke engan ye mutun LEUM GOD,
9Mweyen El tuku in leumi faclu.
El ac fah leum fin mwet faclu
Ke suwoswos ac wo.
Currently Selected:
Psalm 98: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
