Psalm 82
82
[Psalm lal Asaph]
God El Leum Fulatlana
1God El muta fin tron lal ye mutun mwet kulansap mutal lal inkusrao;
Ke tukeni lalos El akkalemye wotela lal ouinge:
2“Nik kowos sifil oru nununku sesuwos;
Ac kowos in tia sifil insese yurin mwet koluk!
3Oru nununku suwohs nu sin mwet sukasrup ac mwet mukaimtal,
Ac oru suwohs nu sin mwet enenu ac mwet munas.
4Molelosla liki poun mwet sulallal.
5“Yohk lupan nikin ac lohsr lowos!
Kowos arulana koluk,
Ac nununku suwohs wanginla fin faclu.
6Na nga fahk, ‘Kowos god uh,
Kowos nukewa wen nutin El Su Fulatlana.’#Jn 10:34
7Tusruktu, kowos ac misa oana mwet uh,
Ac moul lowos ac safla oana sie fisrak.”
8Fahsru, O God, ac nununku faclu,
Tuh mutunfacl nukewa ma lom.
Currently Selected:
Psalm 82: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
