Psalm 67
67
Soko On In Sang Kulo
1O God, pakomutasr a akinsewowoye kut;
Ngeta nu facsr ke kulang,
2Tuh faclu nufon in akilen ma lungse lom;
Ac mutanfahl uh in etu ke molela lom.
3Lela tuh mwet uh in kaksakin kom, O God;
Lela mwet nukewa in kaksakin kom!
4Lela tuh mutanfahl uh in insewowo ac on ke engan
Tuh kom nununku mwet uh ke suwoswos
Ac kom kol mutunfacl uh nufon.
5Lela tuh mwet uh in kaksakin kom, O God;
Lela mwet nukewa in kaksakin kom!
6Faclu kosrani tari fahko la;
God, aok God lasr, El akinsewowoye kut.
7God El akinsewowoye kut;
Lela mwet nukewa in an nukewa in akfulatyal.
Currently Selected:
Psalm 67: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
