Psalm 24
24
[Psalm lal David]
Sie Tokosra Fulat
1Faclu ac koano ma lun LEUM GOD;
Faclu ac elos nukewa su muta fac ma pac lun LEUM GOD. #1 Cor 10:26
2El tulokinya fin kof lulap ye faclu,
Ac oakiya ke acn loal meoa.
3Su ac fah ku in fanyak nu fineol sin LEUM GOD? #24:3 fineol sin LEUM GOD: eol soko in acn Jerusalem, yen Tempul musa we.
Ac su ac ku in utyak nu in acn mutal sel?
4El su nasnas pao ac mutal insia;
El tia alu nu ke ma sruloala
Ku orek wulela kikiap.#Mt 5:8
5 LEUM GOD, su langoella,
El ac fah akinsewowoyal ac fahkak lah wangin mwatal.
6Mwet ouinge pa elos su sokol,
Su suk in tuku nu ye mutun God lal Jacob.
7Keyak sifowos, O kowos mutunpot;
Ac srukak na nu lucng, kowos mutunpot omeet me,
Tuh Tokosra lun wolana Elan utyak.
8Su Tokosra lun wolana?
LEUM GOD su ku ac kulana,
LEUM GOD su kutangla ke mweun.
9Keyak sifowos, O kowos mutunpot;
Ac srukak na nu lucng, kowos mutunpot omeet me,
Tuh Tokosra lun wolana Elan utyak.
10Su Tokosra lun wolana?
LEUM GOD lun un mwe mweun — El pa Tokosra lun wolana!
Currently Selected:
Psalm 24: KOS
Highlight
Copy
Compare
Share
Want to have your highlights saved across all your devices? Sign up or sign in
This text is in the Public Domain due to copyright expiration.
